انهرتُ امامَك للكاتبه *آلاء عصمت* [مكتمله]

الفصل التاسع

اتمنى فصل النهاردة يعجبكوا ...........
Alaa Esmat
_________________________________
فى شركة النويرى
داخل مكتب آدم النويرى حيث يوجد آدم&إسلام&شيما .
شيما : انت بتقول ايه انا مستحيل اوافق على اللى بتقوله ده .
اسلام : انسه شيما لو سمحتى اهدى بس واحنا هنفهمك .
شيما : تفهمنى ايه بس يا استاذ هو انا علشان اخلص من بلوة اقع فى مصيبه .
اسلام : مصيبه ايه بس يا استاذة حضرتك فهمه الموضوع غلط .
شيما : لا والله طب فهمنى الصح .
اسلام : حضرتك واستاذ ادم عتتجوزوا بس جواز صورى يعنى مش بجد علشان الدعوة المرفوعه على حضرتك يبقى ملهاش لازمه .
شيما : ياسلااااااااام وكده بقه مش عيتهمنى بتعدد الازواج .
اسلام : لاء طبعا لان عقد الجواز اللى عنعملوا عيبقى بتاريخ قديم يعنى قبل التاريخ اللى هو رافعه فى الدعوة .
شيما بتفكير : طب انا ايه اللى يخلينى اوافق برضو .
آدم بنفاذ صبر : علشان ده الحل الوحيد اللى قدامك .
شيما : الله وانت بتزعق ليه انت .
آدم بغيظ مكتوم : اسلام سبنا لوحدنا شويه .
اسلام وهو يرحل : حاضر وانا واقف برة لو حضرتك احتجتنى .
شيما : ممكن اعرف انت ليه خليته يمشى .
آدم وهو ينهض من على الكرسى : علشان اعرف اتكلم معاكى .
شيما : ممكن اسألك سؤال .
آدم وهو يجلس امامها : طبعا .
شيما : انت ليه عايز تساعدنى مع انك اكتر حد بتكرهنى .
آدم : امممم بصى انا محدش بيسألنى انا بعمل ايه وبعمله ليه .
شيما بغيظ : افندم . لاء انا من حقى انى افهم.
آدم ببرود وهو يضع رجل فوق اخرى : هتفهمى وقت ما احب انى افهمك .
شيما وهى تنهض بعصبيه : والله طب انا بقه مش عايزة افهم حاجه وشكرا على مساعدتك وراحت ناحيه الباب علشان تخرج فقاطعها صوت ادم .
آدم : استنى عندك انا مسمحتلكيش تمشى .
فيما وهى تستدير له : افندم ليه عندك حاجه تانى تقولها .
آدم : طبعا انا لسه مخلصتش كلامى .
شيما : وانا مش عايزة اسمع حاجه .
آدم : مش بمزاجك انتى لازم تسمعى .
شيما وهى تتجه ناحيته بغيظ :نعم عاوز ايه .
آدم ببروده المعتاد : اقعدى مكانك الاول انا اكيد مش هكلمك وانتى واقفه كده .
شيما وهى تجلس : اووف ادينا قعدنا نعم .
آدم : اولا انتى تكلمينى باحترام اكتر من كده لسببين الاول انى مديرك والتانى لانى جوزك المستقبلى .
شيما : انت مش بنى ادم اقسم بالله اولا كده متقولش انك جوزى ديه تانى وثانيا انت مش مديرى لانى هقدم استقالتى .
آدم : مع انك قاطعتينى قبل ما اقول ثانيا بس ماشى هرد عليكى بردو طبعا انا مديرك غصب عنك لان استقالتك اللى عتقدميها ديه مرفوضه مش هقبلها .
شيما : ليه بقه ان شاء الله .
آدم بحده : ماتقطعنيش تانى وانا بتكلم احسنلك .
شيما بغيظ : اووف ماشى كمل .
آدم بابتسامه : تمام حكايه انى جوزك ديه فانا هبقى جوزك فعلا لانك معندكيش حل غير ده .
بصتله شيما بغيظ شديددد .
آدم : مالك بتبصيلى ليه كده اكنى قاتل حد من عليتكم .
شيما وهى تجز على اسنانها : لا ابدا مستنياك تخلص علشان ارد .
آدم وهو يضحك : لا كده تمام تقدرى تردى .
شيما : اذا كان الحل الوحيد فى انى اخرج من الكارسه ديه فى انى اتجوز ليه اتجوزك انت بالذات .
آدم بهدوء : ده لعده اسباب . اولا ان جوزنا ده عيبقى صورى بس قدام الناس ثانيا انه عيبقى لمدة خمس شهور بس ثالثا انتى اكيد مش عايزة تحكى مشاكلك لاى حد ... هاه عايزة اقول كمان ولا كفايه .
شيما بتفكير وقد بدأت تقتنع : طب يعنى اشمعنا خمس شهور .
آدم : علشان اكون قدرت انهى الموضوع مع المحكمه ومع ابن عمك بشكل نهائي .
شيما : طب انا هضمن منين انك عتطلقنى بعد الخمس شهور .
آدم : انتى شايفه اننا واخدين بعض عن حب .
شيما : لاء طبعا .
آدم : تمام معناه انى هطلقك بعد الخمس شهور .
شيما : بس انت بقه عتستفاد ايه مهو مش معقول عتعمل ده كله للـ الله .
آدم بابتسامه : عتعرفى بعدين .
شيما : هو انا كل ما اسئلك سؤال تقولى عتعرفى بعدين .
آدم : فياريت تبطلى اسئله وكل حاجه عتعرفيها فى وقتها .. ها موافقه ولا ايه.
شيما ببلاهه : موافقه على ايه .
آدم : نعم ياختى بعد كل ده ومش عارفه موافقه على ايه .
شيما : اه خلاص ياعم متزعقش بس ده ايه ده .. اممم طب بص ادينى فرصه افكر .
آدم : علفكرة الى تعطيل مش فى صالحك انتى مش انا فانجزى وقولى .
شيما بتافف : خلاص .
آدم بخبث : خلاص ايه .
شيما : خلاص موافقه .
ادم بخبث اشد : موافقه على ايه .
شيما بتوتر : الله مش انت لسه قايل .. هو ..هو يعنى انت كنت بتتريق عليا من شويه وانت اللى دلوقتى نسيت بتتكلم على ايه .
آدم وهو يبتسم : خلاص خلاص افتكرت بس كفايه توتر لتنسى بجد .
شيما بغيظ : ده مين قالك انى متوترة اساسا انا انا .. انا اساسا رايحه مكتبى عن اذنك .
وخرجت شيما من مكتب آدم .
_________________________________
فى مكتب شيما
ملك : شيما ها قوليلى عملتى ايه ها ايه رايك.
شيما وهى تتنهد : وافقت يا ملك .
ملك : بجد .مبروك يا حببتى .
شيما وهى تضحك بسخريه : مبروك على ايه بس هو انتى فكرتى انى هتجوز بجد ولا ايه .
ملك : حتى لو مش بجد بس هفرح بيكى برضو .
شيما : طب روحى انتى بقه افرحى فى مكتبك علشان انا ورايا شغل .
ملك بغمزة : مااشى يا عم الله يسهلوا .
شيما وهى تخبط كف على كف : استغفر الله العظيم طب هفهمها ازاى ديه ياربى وقعدت تكمل شغلها .
_________________________________
عودة مرة تانيه لمكتب آدم حيث آدم& عُدى & إسلام
عُدى : يعنى هى وافقت .
آدم : ايوة .
عُدى : طب انت عتعمل كده ليه اكيد فى مصلحه .
آدم : ملكش دعوة .
عُدى : لاء يا آدم عتقولى .
إسلام : اهدى بس ياعُدى وكل حاجه عتعرفها فى وقتها .
عُدى : إسلام انا مش شيما علشان تضحكوا عليا بكلمتين انا عايز اعرف ايه الحكايه وايه غرضك يا آدم .
آدم : تمام عايز تعرف غرضى هقولك غرضى انى انتقم منها .
عُدى : ازاى وانت كده بتساعدها لاء وكمان بتقول الجواز صورى .
آدم : علشان انا اللى عامل كل ده .
عُدى : عامل ايه انا مش فاهم حاجه .
آدم : انا اللى متفق مع ايمن انه يرفع القضية على شيما علشان انا اللى اتجوزها وانتقم منها ارتحت بقه .
...................................
كااااااااااااااااااااااااااااات
ياترا ايه ممكن يكون رد فعل عُدى بعد تصريح آدم وهيقول لشيما ولا لاء .
تصبحوا على خير 🙋
هستناكوا بكرة 😻😻
#Princess Lolo
#Alaa Esmat
#عاشقه_البنفسج