انهرتُ امامَك للكاتبه *آلاء عصمت* [مكتمله]

الفصل التاسع عشر

فى شركة الدمنهورى ......
ملك : انت اخدت القرار زمان يا اوس وانا اللى هخده دلوقتى .
اوس بقوة : وايه هو قرارك يا ملك .
ملك : انا....... قطع ملك صوت الباب ودخول اياد.....
اياد بسرعه : قبل ما تحكمى ولا تتكلمى لازم تسمعى كل الحكايه .
اوس بغضب : انت كنت بتتجسس علينا يا اياد .
اياد : لا يا اوس انا مكنتش بتجسس ولا حاجه انا عايز اساعد صاحب عمرى اللى مليش غيره ، صاحبى اللى بنا بينى وبينه الف سد وسد ، صاحبى اللى قطع علاقته باقرب صديق ليه اللى مكنوش مجرد اصدقاء لا ده كلمه اخوات قليله عليهم كمان ، كنت عايز ارجع صاحبى اللى بعد وهجر عن كل اللى بيحبوه ، صاحبى اللى فراقه وبعده اثر علينا كلنا .
اوس : بس يا اياد انا امته كنت فارق معاكوا امته حسيتوا فعلا بصاحبكم ده انه محتاجلكوا امته يا اياد .
اياد : بس لو كنت صبرت ، بس لو كنت صبرت سنه واحده يا اوس كان كل شئ اختلف كان زمانها دلوقتى مراتك .
اوس : مراتى وضحك بسخريه ههههههههه ايه يا اياد ده انا اول ماجيت وقولتلك انى بحبها وعايزها هاجمتنى ووقفت ضدى جاى دلوقتى بعد كل الوقت ده تقولى لو كنت صبرت سنه وبعصبيه زق كل حاجه كانت موجودة على المكتب ووقعها كان ايه اللى هيفرق فى السنه ديه هااه قولى ما انت شايفنى بتعذب قدامك سنين ، ليه ماعملتش حاجه ، ليه واقفت ساكت وبتتفرج زى ما انت ،  ليه ما اخدتش موقف ، ليه مبررتش اللى عملتوه زمان ، ماتقولى ساكت ليه .
اياد بعصبيه : علشان مش انا اللى لازم يقولك الحقيقه مش لازم تعرفها منى انا مش منى افهم .
اوس : افهم فعلا لازم افهم وافهم كل حاجه كمان ودلوقتى حالا لازم افهم .
-كويس انك مستعد تسمع .
اوس : ادم .
ادم : لو عايز تعرف فعلا وتسمع انا جاهز احكيلك كل اللى كنت مستعد احكيهولك زمان وانت رفضت .
ملك كل ده قاعدة ساكته وبتسمع بس فاجئه قامت صرخت فيهم ......
ملك بانهيار : بااااااااااس كفايه حرام عليكوا ديه مشاكلكوا انتوا ، انتوا اصحاب فى بعض لكن انا مالى ليه ، ليه يا ادم طالما انت عارف كل حاجه ، ليه جيبتنى هنا كان هدفك ايه رد.
ادم : ملك ارجوكى اهدى وانا هفهمك ارجوكى.
ملك بعصبيه : اهدى ، اهدى ليه بقه بس تعرف انا اللى غلطانه مش علشان سمعت كلامك لاء وبصت ناحيه اوس انا غلطانه انى حبيت ووثقت زمان ، انا غلطانه انى مشيت ورا وهم ياريتنى بجد ماروحت الكليه فى السنة ديه ولا كان حصلى كل ده وبعدين مسحت دموعها وبعصبيه بس احنا فيها اهو اوس اعتبر نفسك متعرفنيش ولا شوفتنى قبل كده انا اللى حبيته مكنش اسمه اوس انا حبيت واحد مبهم ومش معرف شخصيته لحد ، اما انت لاء ، وقرارى اللى المفروض تسمعه هو انك تبعد عنى خالص ، انت اللى اخترت البعد زمان وميهمنيش ليه بس دلوقتى لاء انا اللى بقولك لاء يا اوس انت طول عمرك كنت خيال وحلم فى حياتى وانا بقه مش عايزة الحلم ده يتحقق ولا انى اشوف الخيال ده .
اوس بعصبيه : انتى ليه مش قادرة تفهمى انى كنت بتعذب اكتر منك ، كنت بموت من غيرك ، ليه مصممه تجرحى وتوجعى كده ليه ، بس ماشى طالما ده قرارك فانا مش معارضك واعملى اللى يريحك وياريت فعلا مشوفش وشك تانى .
ملك ودموعها مش عايزة توقف .. جرحها اوى بكلامه .. وجعها وهى لسه مادوتش وجع الماضى .. هى اه قالت انها مش عايزة تشوف خياله حقيقه .. ولا تحقق حلم قربها منه .. بس مكنتش مفكرة انه جاهز انه يسيبها كده .. جاهز انه يكون سراب فى اى وقت .. مصمم انه يبقى حلم وبس ..
ملك وهى بتمسح دموعها بضعف : وعد منى يا اوس وملك الكيلانى لما توعد بتوفى ولو على حياتها وعد منى على قد انتظارى ووجع قلبى عليك لسنين انى هكرهك بقد كل دمعه نزلت من عنيا عليك ومش هسامحك ابدا واخدت شنطتها ومشيت وهى منهارة من العياط ....
.... ادم و اياد كانوا واقفين ومتابعين كل اللى حصل وحاسوا فعلا ان الوضع خرج من سيطرتهم بس محابوش يدخلوا مابينهم بس ادم صمم انه لازم يشرح لاوس اللى حصل زمان وكفايه ظنون وبعاد لحد كده .....
ادم راح وقف قصاد اوس : اللى حصل زمان منعنا نفضل مع بعض وفرق صحوبيتنا بس عمره ما غير فى شخصيتنا حاجه واللى اعرفه ان صاحب عمرى ، عمره ما هيتخلى عن حاجه تخصه او عايزها .
اوس بص لادم وبتصميم : ايه اللى حصل زمان وخلاك تعمل كده .
ادم اتنهد : هحكيلك ... اكيد فاكر اول ما بدأنا تاسيس شركتنا سوا كانت لسه صغيرة ومحتاجه سيوله ساعتها قررت انك تشتغل معيد فى الجامعة واخترت الكليه اللى عجبتك وقتها انت قابلت ملك وحبتها وقولتلى ، انا وقتها فعلا فرحتلك من قلبى بس جت اللى كانت ناويه على تخريب كل ده .
اوس : مين .
ادم : سيهار .
اوس بصدمه : سيهار بنت عمى .
ادم : انت عارف ان سيهار بتحبك من زمان واتجننت لما عرفت انك بتحب ملك وعايز تتجوزها وتسيبها هى ساعتها جاتلى وقالتلى انها هتاذى ملك وتشوة سمعتها فى الجامعه ومش كده بس لا ديه كمان عرفت ان اخوها يبقى ظابط وطبعا بمساعده سيادة اللوا ابوها ممكن تاذى اخوها فى الشغل وتخلى باباها يطرد من شغله من الاخر كده كانت هدمر حياتها هى واهلها ولو كنت عرفتك كل اللى قالته كانت هتنفذ.... بس ساعتها انا زعقتلها ومهمنيش تهددها ده بس هى فعلا كانت هتنفذه وزقت واد من بتوع ابوها على ملك وكانت عتئذيها فعلا وانا مكنش ينفع انى اقف واواجهها فى الوقت ده ولا انت كمان فاجت قدامى سفاريه المانيا واصريت انك تروح فيها وفضلت ابقى ضدك فى علاقتك انت وملك وهددتك انك لو فضلت جنبها عتئذيها وبعدين انت سافرت وهى سابت ملك فى حالها بس بعدها بفترة لقتها جاتلى الشركة تانى
Flash back.......
سيهار : لا بجد براڤو يا ادم اقنعت اوس انه يسافر ويبعد عنها لا بجد عجبتنى وانت خايف على مشاعر صاحبك كده بس بقه يا خسارة لو مثلا صاحبك وهو فى المانيا كده بيفكر فى السنيورة بتاعته ومستنى يرجعلها بس لقدر الله كده عربيته تتقلب او الطيارة الى راجع فيها تولع او.....
ادم وقف قدامها بغضب : انتى عايزة ايه جيبى من الاخر .
سيهار بخبث : علاقتك انت واوس .
ادم : مالها .
سيهار : تتقطع .
ادم بغضب : لا انتى اكيد اتجننتى انتى واحده مريضه .
سيهار : هههههههههههه انا فعلا مريضه بس تقول ايه بقه المهم انا مش مستنيه قرارك ولا عصبيتك ديه لان انا فعلا بعتله رساله على أساس انها منك وبتقوله ان هو من طريق وانت من طريق وينسى شراكته معاك او صداقتكم او اى حاجه تجمعكم ببعض وانا هنا دلوقتى علشان اجبرك انك تفصل شركة M&N عن بعض وتخلى شركتك لوحدها وهو لوحده .
ادم بجنون وعصبيه : ليه ، ليه بتعملى كده .
سيهار : علشان انا اتاكدت ان اوس مش هيحبنى ولا هيبصلى اساسا فتمن علاقتى معاه هو انهيار علاقتكم انتم وطبعا مش محتاجه اقولك يا دومى انك لو رفضت او لعبت وحاولت تتذاكى من ورايا فانا بابى بينفذلى اى حاجه عايزاها من غير مايعرفها اصلا يعنى من الاخر كده تترحم على مرام و صاحبك والسنيورة حبيبته  .
End flash back...
ادم بيحكى وهو فعلا مش قادر يتماسك وكل ما يفتكر هو كان قد ايه ضعيف قدام تهديدات سيهار يستحقر نفسه  جدا ويلوم نفسه ......
اياد : بعد سنه على الكلام ده اللوا ابو سيهار مات او اغتلوه بمعنى اصح وسيهار بقت مدمنه وبعدها جالها كانسر فى الدم وماتت ساعتها حاولت اكلمك واوضحلك بس للاسف سمها اللى نشرته بينكم مقدرتش امحيه ومعرفتش افهمك .
ادم : اول ما ملك لقيتها قدمت فى الشغل عندى فى الشركة فرحت ، وقولت ان هى ديه اللى عترجع صاحبى ، هى ديه النور والحقيقه بعد كل اللى حصل ، سامحنى يا اوس .. سامحنى على خوفى وضعفى .. سامحنى انى بعدتك عن حب حياتك .. سامحنى يا صاحبى.
اوس خلاص كل ذرة تماسك فيه انهارت مبقاش قادر يواجه كل الحقيقه اللى ظهرت قدامه مرة واحده ومش مستوعب هو ازاى بعد عن صحابه الفترة ديه كلها .. ازاى ظلم ادم كده معاه .. ازاى رفض انه يسمع اياد زمان .. ازاى مفكرش صح .. الف ازاى و ازاى .. بس اهمهم .. ازاى عيقنع ملك بكل ده بعد كل اللى قالهولها .. وازاى عيعتذر من ادم وعدم ثقته فيه .. وازاى عيكفر عن معاملته لاياد وكأنه غريب عنه مش صاحبه وعشرة عمره ..
اوس خلاص كان فعلا بينهار  ومش عارف يعمل ايه ....
اوس بضعف : انت اللى سامحنى يا ادم ، سامحنى على عدم ثقتى فيك ، سامحنى ان صدقت انك ممكن تتخلى عنى ، سامحنى انت واياد .. انا فعلا مش عارف ولا قادر احدد اعمل ايه .
ادم راح حضن اوس : انت اخويا مش صاحبى انت اغلى حاجه فى حياتى انت المكسب والسند بجد يا اوس وبص لاياد ماتيجى يا عم انت كمان ولا عتفضل واقف تتفرج علينا
وحضنوا بعض هما التلاته .. حضن بجد .. حضن اشتياق سنين وحرمان وفهم غلط .. حضن اصحاب مكنش بيفرقهم شئ .. حضن بداية لحياة جديدة .. حضن يزيل معاه كل الماضى .. حضن الصفحه البيضه اللى مفيهاش لا حقد ولا غيره .. حضن اصحاب واخوات بجد مهما عملت فيهم الظروف عيفضلوا اقوى ببعض و لبعض ..
وبعد فترة بعدوا عن بعض وادم بص لاوس : انت دلوقتى لازم تعمل حاجه مهمه .
اوس : انا لازم اعمل حاجات .
اياد : بس انت اكيد عارف اهمهم .
اوس بابتسامه : طبعا .
ادم : ومستنى ايه ماتروح .
اوس : نرجع شعار شركتنا الاول .. انا حبيت ملك واحنا مع  بعض ولازم ارجعلها واحنا مع بعض .
ادم : احنا دايما مع بعض .
__________________________________
فى مكان تانى >>
عمر كان رايح علشان يقابل مرام وكان لابس تى شيرت ابيض وبنطلون چينز ونضارة شمس سوده .. وصل المكان اللى متعود يلاقى فيه مرام بس مكنتش لسه واصلت ..
عمر لنفسه : لازم تتاخر استغفر الله العظيم لما اكلمها واشوفها فين ورن على مرام ..
مرام : ايه ياسطا انت وصلت .
عمر : ايوة يا برعى وصلت انت فين .
مرام : برعى مين انت معاك حد .
عمر : لا خالص مش معايا .
مرام : يعنى قصدك ان انا برعى .
عمر : واجمل برعى فى الدنيا كمان .
مرام : ينعل ابو ديه رومانسيه يا شيخ .
عمر : تصدقى انك عيله فصيله .
مرام : والله ما فى افصل منك .
عمر : خلاص يا عم الفصيل انت فين .
مرام : بص وراك وهتلاقينى .
عمر بص وراه لاقه مرام جايه عليه واتفاجئ من شكلها لان هى كمان كانت لابسه شيميز ابيض وبنطلون چينز وطرحه سوده ...
مرام وصلت لعمر : ايه ده ، ده انت مطقم بقه.
عمر : لا ديه صدفه رهيبه .
مرام : هههههههه ده كده اى حد يشوفنا يفكر اننا مرتبنها بجد هههههههههه .
عمر سرح فى ضحكتها اللى اول مره يركز فيها وسرح فى برئتها وعفويتها اللى شدته وكلامها المختلف عن كل البنات شخصيتها اللى حس انها متناقضه مع بعضها بس عامله كوكتيل جميل فعلا مرام كانت مختلفة .. مختلفه فى كل حاجه .....
مرام : عمر يا عمر .
عمر فاق من سرحانه : ايوة .
مرام : ايوة ايه ده انا قاعدة اكلمك وانت ولا هنا .
عمر حس ان نبضات قلبه بتزيد كل ما بتنطق اسمه وحس بشعور ناحيتها وعرف يفسره كويس : كنتى عايزة ايه .
مرام : جعانه عايزة اكل .
عمر وهو بيبص فى عيونها و سرحان : تتجوزينى يا مرام .
مرام بصدمه : اييه .
عمر : تتجوزينى .. ايه مش معقول مش فاهمه الكلمه .
مرام : يا اخى ده انت الفصلان بيجرى فى دمك المفروض لحظه زى ديه تكون رومانسيه يخربيت كده .
عمر : ههههههه ماشى يا ست الرومانسيه وركع على رجليه وبصوت عالى لدرجه كل الناس اللى ماشيه فى الشارع وقفوا وبصلهم ..
عمر : بحبككككككككك يا مرام بحبكككك وعايز اتجوزك .
مرام من كتر الفرحه عيونها  دمعت : وانا بحبك وبعشقك يا عمر .
عمر اول ما مرام قالتله كده قام شالها ولف بيها : وانا محبتش غيرك انتى الحب اللى بجد يا مرام .
كل الناس اللى كانوا فى الشارع اول لما شافوا الموقف ده قعدوا يصقفوا وهما فرحانين لهم بجد ...
عمر نزل مرام : قولى لادم انى جايلكم النهاردة بالليل .
مرام لسه مكسوفه من الناس و الـلى حصل : اوك ماشى وبعدين سابت عمر وطلعت تجرى على  عربيتها وركبيتها ومشيت ..
عمر بذهول : ايه ده ، ايه بت المجانين ديه ، ديه اللى كانت بتتكلم عن الرومانسيه من شويه هههههههههههه ده انتى شاكلك عتخلصى منى القديم و الجديد يا مرام .
_________________________________
بالليل >>
كان واقف تحت بلكونتها ومستنيها تطلع بفارغ الصبر ....
اوس : اطلعى بقه يا ملك .
ملك كانت طالعه البلكونه علشان تشم هوا وكمان هى متعودة تطلع فى الوقت ده بصت لقت اوس واقف تحت ...
ملك بغضب : امشى من هنا .
اوس : اسمعينى بس .
ملك لفت ضهرها : مش عايزة اسمع حاجه  وكانت لسه هتدخل تانى بس واقفه مكانها لما سمعت اول كلمه نطقها اوس ...
اوس لما لاقه ملك هتدخل تانى وقف بسرعه وقرب من بلكونتها وقال ،،،،،،
وحشتينى
ولو كل اللى عارفينك قالولك انى مانفعكيش ولو كل اللى عارفنى قالولى بكره تنسينى
وحشتينى
ولو كل البشر قالوا ان انا عاصى
وانى غلطت فى حياتى غلط ياما
ده واد تلفان وكل يومين معاه واحده
وحتى فلان زعل وياه عشان واحده
انا اصلا مانيش يوسف ولو زوجت العزيز همت وقالت
هيأت لك يا جميل
يجوز راح اميل
وممكن اضمها جهرا
يسيل من ضحكها نهرا
تدوب الاغنيات فى النيل
لكن مهما هاشوف وهاطوف ومهما قابلت ناس وظروف
هتبقى لوحدك القشه اللى جت علشان تنجينى
وحشتينى
مافيش انسان مالوش ماضى
مافيش راجل مالوش اخطاء
لكن دايما فى نقطه ضعف
ونقطه ضعفى هى انتى
وطول الوقت كنت باقول
انا مبقتش عاوز سواكى انتى
باحس معاكى انى مسيح
براءتك عامله زى الريح
بتكنس فى الغلط بهدوء
وبابقى فى ضحكتك سكران
ومش عاوز لا انام ولا افوق
وكان فى حل والله
وكان ممكن اكون بالوقت زوج صالح
ماليش فى المسئوليه ساعات
ساعات طايش
لكن بالوقت كان ممكن اكون احسن
تسامحينى فى غلط فالت
وهاحلفلك بانى هاصلح العدله اللى مالت
بلاش تمثيل عشان اصلا
صياعتى وفاشلى من غيرهم
ماكنش يجوز تحبينى
وحشتينى
فى كل مكان فى ذكرى معاكى متسابه
ايديا فى ايدك الطفله اللى بعدى معاك فى الشارع
ملامحك وانتى بتسمعى فيروز
نهارك وانتى بتواجهيه بشاى بحليب
وحكاياتك على اصحابك
فلانه بتكرهك جدا
فلانه قالتلى متشوفيهوش
كلام قولتيه وكان لازم
فى وقت الجرح ماتقوليهوش
اكيد دلوقتى بتقولى
زمانه مولع الدنيا
بيغلط كل يوم عادى
خلاص فاكك بقه ومرتاح
وانا والله فى قيودك
كطير من كتر ما اتقيد
طالعله جناح
انا فى البعد متحاوط بطيف ريحتك
ولسه لحد هذا الوقت فاكر شكل تسرحتك
وتنهيدك
وشكل الساعة على ايدك
طريقتك وانتى بتغنى
بعيد عنك حياتى عذاب
حياتك ايه  بعيد عنى
يا دنيا عرفتها فاجأه
وارض لمستها بشويش
يا اطهر من رقم فلكى
فى عداد اسمه اكل العيش
بتحكمى ليه على غيابى
وفى حضورى تنسينى
رفضتتى ان انتى تتسابى
وفجأة انتى اللى سيبتينى
وحشتينى
كانك فى الغياب اقرب
وجود بيزيد اذا بعدتى
رصيد ناقص فى كل حضور
ووحدك فى الغياب زيدتى
عرفتى ازاى تشاركين غنا التفاصيل
بقيت متساب لكن شبطان
شيطان طيفك ملاك فى شيطان
مخلينى فى وسط الناس لكن وحدى
باشوف العمر بيعدى
وحاسدينى البشر على ايه وانا بدونك
وايه الدنيا سوى عيونك
سوى حضنك فى وقت الخوف
ياعم الحاسد الطامع تعالى وشوف
طلل راجل فى عز الليل
بيسرد قصته لروحه
ويشكى جروحه لجروحه
ويظهر للبشر باسم
يعيش وكأنه مطمن
وهو فى قلبه يتم عجيب
شوفيلك حل فى غيابك
يا اما رجوع من المبدأ
يا اما تقولى كيف ابدأ فى طريق ينسينى
★قصيده وحشتينى عمرو حسن ★
اوس بص لملك بعد ما خلص وقال بتأثر: بس انتى هترجعى عن المبدأ..
ملك طلعت تجرى واوس فكر انها مش متقابلاه للدرجاتى فكان لسه هيمشى لقاها جايه تجرى عليه وحضنته جامد ...
ملك بانهيار : وحشتنى وحشتنى اوووى يا اوس انا بحبك والله بحبك اوووى .
اوس فعلا كان هيطير  من الفرحه شال ملك ولف بيها بسعاده : انا اسعد واحد فى الدنيا النهاردة انا اكتر انسان محظوظ فى العالم
ونزلها وحضانها جامد : اخيرا يا ملك انا مش مصدق .
ملك : اخيرا يا اوس اخيرا بعد كل السنين ديه اخيرا شوفتك تانى وبقيت معاك .
اوس : انا مستحيل اسيبك فى يوم انتى ملاكى ، ملاكى اللى هحافظ عليها من الهوا انتى احلى هديه وتعويض ممكن يعوضهولى القدر يا ملك
بحبك .. بحبك
الليل طويل وفى حكايات كتير لسه مخلصتش الليل جمع علاقة حب مستحيله وخلاها ممكنه وقدامهم بس ايه اللى هيحصل فى باقى الحكايات الليل لسه مخلصش والحكايات لسه مكمله ....
استنونى الفصل الجاى
#Alaa_Esmat
#Princess lolo
#عاشقه_البنفسج
تصبحو على الجنه 💜💜