انهرتُ امامَك للكاتبه *آلاء عصمت* [مكتمله]

الفصل السادس عشر

فى صباح يووم جديددد ***
*فى بيت ملك الكيلانى *
""ملك صحيت من النوم ولبست واستعدتت لاول يوم ليها فى شركه الدمنهورى ""
ملك : يااارب بقه انا مش عارفه ايه اللى مستنينى هناك بس يارب يكون خير انت عارف انا خايفه قد ايه وخصوصا بعد الكلام اللى ادم قالهولى امبارح  **وافتكرت ادم قالها ايه امبارح**
"Flash Back"
شيما : يعنى انتى موافقه يا ملك .
ملك : ايوة يا شيما .
شيما : اذا كان كده بقه فيلا نروح عند ادم علشان يقولك عتعملى ايه بالظبط.
ملك : يلا .
"""""""""""""""""""""""""""""""""""""""""""""""""
*فى مكتب ادم النويرى *
ادم : انا مش عارف اشكرك ازاى انك وافقتى .
ملك : على أساس انك مكنتش عتلاقى غيرى يعنى يقوم بالدور ده .
ادم : انا عايز اقولك حاجه فى البدايه كده خليكى واثقه ومتاكده انى مش هعرض حياتك للخطر ابدااا ثانيا مش هكدب عليكى وهقولك ايوة مفيش غيرك للمهمه ديه بس لا انا شايفك انتى اكتر واحده ممكن تعملى ده .
ملك : ايه ده هو انا مكتوب على وشى جاسوسه ولا ايه .
ادم : خاالص وانا مش عايزك تحطى فى دماغك انك جاسوسه ديه بصى يا ملك انتى مش هتنقلى معلومات ولا حاجه انتى بس هتمنعى ورق ليا انه يدخل عنده فاهمه .
ملك : لا .
شيما : بصى يا ملك زى ما ادم عايزك تبقى فى شركة اوس فده لان اوس كمان ليه عيون هنا فى الشركة فهمتى.
ادم : انا داخل مناقصه جديدة وهو كمان داخلها معايا والمناقصه ديه مهمه جدااا بالنسبالى وعلشان كده مش عايزه يوصل لاوس اى ورق من عندى يخص المناقصه ديه بالذات .
ملك : اوك يعنى انا المطلوب منى انى اخد اى ورق يخص المناقصه ديه قبل مايشوفه .
شيما : بالظبط.
ادم : ملك لو مش حابه خلاص مفيش مشاكل .
ملك : لا خلاص عاادى اساسا انا مش هفضل من غير شغل يعنى واللى انت طالبه مش معجزة يعنى انه يتعمل .
ادم : تمام يبقى عتروحى من بكرة .
شيما : ايه ده بسرعه كده .
ملك : بس انا سمعت ان فى كتير اتقدموا للوظيفه ورفضهم .
ادم : اولا انا كده مش متسرع ولا حاجه يا شيما وخصوصا زى ما قالت ملك ان فى بيتقدموا للوظيفه ،، اما بقه حكايه انه بيرفض ديه فتاكدى انه مش عيرفضك .
شيما : ربنا يستر .
End flash back
رجعت ملك من ذاكرتها ودعت ربنا انه يوفقها ونزلت وراحت شركة الدمنهورى .
"""""""""""""""""""""""""""""""""""""""""""""""""
*فى شركة الدمنهورى *
ملك وصلت الشركة وراحت عند مكتب الاستقبال .
ملك للموظفه : لو سمحتى انا كنت جايه اقدم فى الوظيفه اللى الشركة منزلاها .
الموظفه : تمام حضرتك استنى هنا عقبال ما ابعتك على مكتب مستر اياد.
قعدت ملك مستنيه مدة لحد ما الموظفه قالتلها تروح مكتب اياد
ملك وصلت للمكتب وسمحتلها السكرتيرة بالدخول .
ملك : صباح الخير .
اياد : صباح النور اتفضلى يا انسه ملك.
ملك قعدت ولسه هتكلم اتكلم اياد .
اياد : ايه مؤهلات حضرتك .
ملك : كل مؤهلاتى عتلاقيها فى  الc.v اللى مع حضرتك .
اياد بص فى الc.v لفترة وبعدين كلمها : تمام تقدرى تبدأى شغل .
ملك باستغراب : معقول بسرعه كده .
اياد : احنا طالبين مترجمه من زمان وكل اللى اتقدمه مكنوش مؤهلين للشغل هنا بس انا شايف انك مناسبه.
ملك : احم تمام حضرتك هبدء شغل امته بقه .
اياد : انهاردة لو تحبى .
ملك : تمام مفيش مشاكل .
اياد : بس فى حاجه لازم تعرفيها الاول .
ملك : خير .
اياد : شغلك عيبقى مع مستر اوس مباشرة يعنى هو اللى عيبقى مشرف فورى عليكى وملكيش اى علاقة بقسم الترجمه هنا يعنى تقدرى تعتبرى نفسك فى قسم مستقل وطبعا مش لازم انبه عليكى فى موضوع الانضباط والامانه لان دول اكتر الحاجتين مستر اوس مش بيتساهل فيهم وخصوصا الامانه وطبعا فهمانى *واصر انه ياكد على كلمه الامانه كذا مرة *
ملك بتوتر خفيف : طبعا طبعا يا مستر اياد .
اياد بابتسامه شفقه : تمام دلوقتى تقدرى تروحى على مكتبك ولولا(سكرتيرة اوس )  هنا عتعرفك كل حاجه .
*وخرجت ملك من عند اياد *
"""""""""""""""""""""""""""""""""""""""""""""""""
فى مكان تانى
مرام كانت ماشيه مع صحابها هنا & ريم & شمس  على البحر ..
ريم : وحشتينى يا ميرو و الله مشفتكيش من ساعة الجامعه .
هنا : ولا حتى تليفون يا مفتريه ده ايه النداله ديه كلها .
شمس : لا ده انا على كده مدلعه بقه انا شوفتها فى فرح ادم .
ريم : اه صح ما احنا مروحناش .
*وهما بيتكلموا كانت مرام سرحانه ومش معاهم خالص و هنا لا حظت *
هنا : مالك يا ميرو انتى مش معانا خالص .
مرام بسرحان : لا معاكوا معاكوا .
ريم : معانا ايه بس ده احنا قاعدين نجر فى شاكلك من الصبح وانتى مش معبرانا .
مرام : مفيش بس تعابانه شويه .
شمس : مالك حبيبتى نروح للدكتور .
مرام : لا لا ملوش لزوم يا شوشو انا كويسه .
شمس : طب انا لازم امشى دلوقتى معلش يا بنات بس انتوا عارفين ماما بقه .
ريم : لا ده انا كمان اتاخرت كده وعايزة اروح قبل ما بابا يجى وانتى يا هنا  على طريقى ولا.
هنا : اه على طريقك علشان متاخرش وانتى يا مرام .
مرام : لا انا هتمشى شويه وبعدين هروح .
شمس : تمام خدى بالك من نفسك .
مرام : حاضر وانتوا كمان خدوا بالكم من نفسكم *وسلموا على بعض ومشيوا ومرام قعدت تتمشى على البحر *
مرام كانت ماشيه سرحانه وبتفكر فى عمر واخر كلام ما بينهم ومش مركزة فى الطريق او ماشيه فين وفاجئه كان فى موتوسكيل معدى بسرعه عاليه وخلاص كان هيخبط مرام لولا الايد اللى شدتها بسرعه .
مرام وهو مغمضه عنيها  : عااااااااا عاااااااااااا الحقونى يا ناس هموت عااااااااااااااااا
-بس يا شيخه حرام عليكى ده انا اللى هموت .
مرام فتحت عنيها : ايه ده عمر .
عمر : اه يا ستى ده انتى طرشتى اللى جابونى .
مرام : سورى ما انا كنت هموت .
عمر : ليكى حق ما انتى ماشيه سرحانه اساسا .
مرام : اومال انت ايه اللى جابك هنا .
عمر : بصراحه يعنى انا كنت جاى علشان اعتذرلك يعنى من اخر موقف وا....
قاطعته مرام بسعادة : بجد عتعتذرلى.
عمر : اه .
مرام : طب يلا .
عمر : يلا ايه .
مرام : يلا اعتذر مستنى ايه .
عمر : اتصدقى انك بت معندكيش دم .
مرام : اه علطول ادم بيقولى كده .
عمر : ههههه لا انتى فظيعه بجد ده مش منظر واحده كانت عوتموت من دقيقتين .
مرام : اه صح انت ايش عرفك انى موجوده هنا .
عمر بتوتر : عادى يعنى عرفت .
مرام : اها اكيد قلبك هو اللى قالك صح .
عمر باستغراب : لا انتى مش طبيعيه .
مرام : طب بص يا كابتن بما انك انقذتنى بقه وكده فايه رايك نبتدى صفحه جديده * ومدتدله ايها * friends .
عمر : لا بجد مش طبيعيه .
مرام ولسه مده ايديها : هااااا friends ولا .
عمر فضل واقف يبصلها كتير بس لاحظ ان عيون مرام بيتجمع فيها دموع وخلاص هتعيط
عمر مدلها ايده : friends
مرام : بجد .
عمر : اه .
مرام : متشكرة يا مز المزاميز انت .
عمر : افندم .
مرام باحراج : احم قصدى ايه رايك بالمناسبه السعيدة ديه يعنى اعزمك على عصير .
عمر : لا طبعا .
مرام باحباط : ليه بس .
عمر : انا اللى هعزمك مش انتى .
مرام بسعاده : بجد .
عمر : اه طبعا يلا بينا .
*وراحوا علشان يشربوا عصير *
"""""""""""""""""""""""""""""""""""""""""""""""""
فى شركة النويرى
نيكول وهى بتتكلم فى الفون
نيكول : ايوة بقولك نفذى النهاردة
..............................................
نيكول : اسمعى كويس مش عايزة اى غلط فاهمه
...............................................
نيكول : تمام ولو حصل اللى احنا مرتبنلوا يبقى حلوتك عتزيد كمان متقلقيش .
وقفلت نيكول الخط ....
نيكول لنفسها : لما نشوف بقه عتعملى ايه يا شاهى هانم *وبعدين ضحكت بخبث .
$$$$$$$$$$$$$$$$$$$$$
فى مكتب ادم
نڤين : فى واحده برة عاوزة تقابل حضرتك يا مستر ادم .
ادم : واحده مين .
نڤين : مش راضيه تقول يا فندم .
ادم : طب دخليها .
*طلعت نڤين ودخلت البنت *
ادم : افندم يا انسه .
-حضرتك انا ابقى صاحبه شيما من زمان من قبل الكليه حتى وهى كلمتنى وقالتلى انها عتشغلنى هنا يعنى فى قسم الترجمه .
ادم باستغراب : متاكده ان شيما هى اللى قالتلك كده .
-اه طبعا يا فندم .
*وجت رسالة على موبايل البنت ديه ومكتوب فيها نفذى *
قامت راحت ناحيه ادم وحضنته جامد وفاجئه اتفتح الباب ودخلت شيما .
.
.
استووووووووووب
ياترا مين البنت ديه ؟
وهى تعرف شيما فعلا ؟
ايه عيبقى رد فعل شيما ؟
ادم عيتعامل ازاى ؟
ايه اللى هيحصل مع ملك ؟
مرام و عمر حكايتهم ايه ؟

**يارب يكون الفصل عجبكم معلش والله عارفه انه صغير بس لسه طالعه من امتحانات ادعولى والنبى وان شاء الله النشر الفترة اللى جايه عيبقى باستمرار **
#Alaa_Esmat
#Princess lolo
#عاشقه_البنفسج