انهرتُ امامَك للكاتبه *آلاء عصمت* [مكتمله]

الفصل الثانى عشر

سليم : انت !!
ايمن : ايه يا عمى هو انا مش من عيلتكم ولا ايه .
سليم : عايز ايه يا ايمن .
ايمن : طب مش عتقولى اتفضل الاول ولا عنفضل نتكلم على الباب كده .
سليم : ادخل .
دخل ايمن واول ما شيما شافته .....
شيما : انت ايه اللى جابك هنا ليك عين تيجى يابجحتك يا اخى امشى اطلع برة .
ايمن : مقبوله منك يا بت عمى .
سليم : اديك دخلت عايز ايه بقه .
ايمن : عايز ابارك لبت عمى على كتب الكتاب.
شيما : وانت عرفت منين .
ايمن : عيب لما تسألينى السؤال ده وانتى عارفه ان انا عارف كل حاجه عنك حتى قبل ما تعرفيها .
سليم : تمام الله يبارك فيك ياسيدى امشى بقه من هنا .
ايمن : تمام ياعمى انت بتطردنى وانا همشى بس هتندموا .
وبعد مامشى ايمن .
سليم : شيما كده فى خطر .
زينب : والعمل يا سليم .
سليم : ادم لازم يتجوز شيما فى اسرع وقت .
زينب : يارب يحميها .
سليم : ان شاء الله .
__________________________________
وعدت الايام وجه يوم كتب كتاب ادم وشيما .
......داخل البيوتى سنتر ...........
ملك : والنهاردة فرحى ياجدعان وهتجوز هتجووز .
شيما : اسكتى يا ملك صدعتينى .
ملك : انا نفسى افهم ايه جواز هات وخد ده ..ده انتوا حتى معملتوش فرح .
شيما : هو كده خلينى اخلص .
ملك : تخلصى ! حببتى انتى بتتدبسى مش بتخلصى .
شيما : انتى تعرفى ان ايمن جالنا البيت .
ملك : وكان عايز ايه بقه .
شيما : كان عايز يوصلى انه يعرف كل حاجه عنى .
ملك : ربنا يهدّه .
واثناء كلامهم دخلت بنت من البيوتى سنتر .
البنت : اهلا باحلى عروسه .
شيما : ميرسى جدا ليكى .
البنت : كان فى واحد عايز يقابل حضرتك برة.
شيما باستغراب : واحد مين .
البنت : والله معرفش هو قال انه عايزك فى حاجه ضرورى .وسابتهم البنت ومشيت
ملك : يالهوى لو كان ايمن .
شيما : اوممكن يكون فريد .
ملك : يالهووووى .
شيما : انا مش هطلع .
ملك : طب ما ممكن يكون ادم .
شيما : لاء ادم مش هيجى دلوقتى .
ملك : شيما تعالى نطلع نشوف مين وكده كده فى حراسه برة متخافيش .
شيما : طب تعالى معايا .
ملك : ماشى يلا .
وطلعت شيما وملك برة وكانت الصدمه___
شيما : مش معقول .
ملك : انت .
عُدى : مالكم منصدمين ليه .
شيما : انت شايف ان وجودك هنا ميصدمش .
عُدى : انا جايلك فى موضوع ميتاجلش .
شيما من غير ما تاخد بالها وقالت بسرعه : ادم حصله حاجه .
عُدى : لا اتطمنى محصلوش.
شيما وعرفت تسرعها وطبعا ندمت عليه .
شيما : اومال جاى ليه .
عُدى : عايز اقولك الحقيقه .
شيما : حقيقه ايه .
عُدى بص لملك وهى عرفت ان وجودها مش مرغوب فيه .
ملك : طب انا داخله يا شيما اشوف بقيت الحاجات عقبال ماتخلصى .
شيما : لاء يا ملك خليكى هنا .
عُدى : انسه شيما متخافيش انا هقولك على حاجه وهمشى علطول .
شيما : تمام قولها وملك هنا .
ملك : خلاص يا شيما انا اساسا لازم اشيك على حاجات كتير يلا عن اذنكم .
شيما : اتفضل اتكلم .
عُدى : ادم مبيحبكيش .
شيما : ما انا عارفه .
عُدى : وتعرفى انه متفق مع ايمن عليكى .
شيما : انت  بتقول ايه  .
عُدى : ربنا يعلم ان ادم اكتر من صاحبى وبحبه قد ايه علشان كده بقولك .
شيما : بتقولى ايه انت اتجننت طبعا لاء .
عُدى : صدقينى ديه الحقيقه اى حاجه ايمن عاملها كان ادم هو اللى مخطط ليها.
شيما : انا مش عارفه انت بتتكلم عن صاحبك كده ازاى .
عُدى : علشان انقذه وانقذك .
شيما : تنقذنى من ايه وتنقذه من ايه .
عُدى : علشان انتوا الاتنين بتحبوا بعض .
شيما : انت بتقول ايه انت كل كلامك عكس بعضه .
عُدى : انا قولتلك علشان تبقى عارفه وياريت تواجهى ادم .وبعد كده سابها ومشى .
ملك : كان عايزك فى ايه .
شيما : ادم متفق مع ايمن .
ملك : اييييييييييه.
شيما : شوفتى بقه .
ملك : لاء طبعا مستحيل الكلام ده .
شيما : ليه مستحيل .
ملك : علشان انتى مأذتيهوش فى حاجه .
شيما : لاء اذيته .
ملك : فى ايه بقه ان شاء الله .
شيما : فى مرام .
ملك : انتى هبله يا شيما ولا ايه ديه حجه هبله مرام ايه ديه اللى عيتفق مع حد عليكى بيها .
شيما : اومال ايه يعنى  .
ملك : لاء مش انا اللى هقولك ادم هو اللى عيقولك .
شيما : يعنى اواجهه .
ملك : طبعا بس بعد الفرح .
شيما : فرح ايه ده اللى بتقولى عنه احنا عنكتب الكتاب وخلاص مفيش فرح اساسا .
ملك : مش هتفرق طالما عتكونى فى بيته وخلاص .
شيما : يا سلام وانتى عايزانى اواجهه وانا فى بيته .
ملك : اومال عتواجهيه امته .
شيما : دلوقتى .
ملك : دلوقتى فين .
شيما : هتصل بيه يجى دلوقتى .
سمعت شيما صوت جاى من وراها : انا جيت اهوه من غير من غير ماتتصلى وتتعبى نفسك.
شيما لفت : ادم .
ملك : ادم .
ادم : مفاجئه حلوة صح .
شيما : انا عايزة اتكلم معاك .
ملك : طب بعد اذنكم .
ادم : عُدى قالك ايه .
شيما : يعنى انت  عارف انه جالى .
ادم : انا عارف كل حاجه .
شيما : اها شبه ماتفقت مع ايمن كده .
ادم : ماتخلينيش استهتر بمستوى ذكائك انا فكرتك اذكى  من كده .
شيما : يعنى ايه .
ادم : يعنى انا مش هحتاج لحد علشان اتفق معاه ضدك .
شيما : اومال عُدى قالى كده ليه .
ادم : علشان انا قولتله كده .
شيما بصراخ من بروده : اييييه انت عتجننى حبه تقولى متفقتش وشويه تقولى انا قولتله .
ادم وهو بيقعد على الكرسى بمنتهى البرود : هدى اعصابك بس مش كده .
شيما وخلاص جابت اخرها من بروده : يا اخى انت عتجننى ايه البرود ده بطل برودك ده وانت بتكلمنى .
ادم : والله انتى لو تبطلى صريخ وزعيق عتفهمى كل حاجه .
شيما وهى بتجز على سنانها : ادينى بطلت صريخ اهو فهمنى بقه .
ادم : تمام انا بقول برضو وانتى هاديه وعاقله كده بتبقى اجمل يلا بينا بقه علشان الفرح .
شيما : فرح ايه وزفت ايه دلوقتى انا بقولك عايزة افهم .
ادم وهو متجاهل كلام شيما نهائي : تمام يلا بينا .
وسحابها من ايديها لحد ماركبوا العربيه .
شيما : انت يا بنى ادم انت رد عليا .
ادم : وهو انتى قولتى حاجه وانا مردتش عليكى .
شيما بصراخ وخلاص معدتش فيها عقل : لااااااااااااااا كده كتير والله حرام عليك .....وفاجئه ساكتت لما لاحظت ان ده مش طريق بيتها على أساس ان كتب الكتاب عيتعمل هناك .
شيما : انت رايح فين .
ادم : رايح اتجوز .
شيما : بقولك  رد عليا كده من غير برودك ده .
ادم بصلها : شوفى بقه انا مش مضطر انى استحمل طولت لسانك ديه .
شيما : وانا مش مضطرة انى استحمل برودك ده .
ادم ببرود : خلاص متستحمليش اعملك ايه يعنى بس لو لسانك طول عليا تانى فانا اللى هسكتك بطريقتى .
شيما : انا مش بتهدد علفكرة .
ادم : وانا مبهددش انا بنفذ تحبى تجربى .
شيما بصتله وسكتت .
ادم بابتسامه : تمام انا برضو قولت انك عاقله وعتسمعى الكلام .
وكمل سواقه وطول الطريق وشيما ساكته وهو كمان .
وفاجئه ادم وقف عند ڤيله وطبعا كانت ڤيلته : انزلى .
شيما : انزل فين .
ادم : هنا .
شيما : ما انا عارفه انه هنا انا قصدى احنا جاييين هنا ليه .
ادم : الفرح عيتعمل فى الڤيلا بتاعتى .
شيما : هو احنا عنعمل فرح اساسا .
ادم : طبعا .
شيما: بس احنا متفقناش على. كده .
ادم : مش لازم نتفق .وخرج من العربيه وفتح بابا شيما وخرجها .
شيما : انا مش عارفه انت بتتعامل معايا كده ليه .
ادم : علشان بصراحه انتى لكاكه اوى ولو فضلت ارد عليكى مش هنخلص .
شيما بصتله بغضب وقالت بصوت واطى : بارد .
ادم ابتسم :  سماعتك .
شيما : عادى اسمع .
وبصوا لقوا سليم قدامهم .
شيما : بابا احنا مش متفقين ان مفيش فرح ولا حاجه .
سليم : خلاص بقه يا شيما اهو اللى حصل .
ادم : سيبك منها يا عمى ويلا الناس اللى جواه دول قبل ما يجيلنا صداع .
شيما : شايف يا بابا بيقول عليا بجيب صداع .
(طبعا انا لو فضلت اقول على المناقرة اللى بين ادم وشيما فهخلص عشر فصول وبرضو مش عيوصلوا لحل علشان كده عنسرع الاحداث شويه ونخليهم يدخلوا للماذون ويخلصونا 😂😂)
ادم قعد وسليم قعد قصاده وفى النص الماذون وحطوا ايديهم فى ايدين بعض والكل انتبه عند كلمه الماذون وبارك الله لكما وبارك عليكما وجمع بينكما فى خير .
والكل بدء يبارك لادم وشيما وبعدين راحوا قعدوا  على الكوشه اللى كانت فى جنينه الڤيلا بتاعت ادم وجالهم رأفت (جد ادم )
رافت وهو بيكلم شيما: انتى اول مرة تشوفينى طبعا .
شيما : هى فعلا اول مرة بس ده مينكرش انى عارفه حضرتك .
ادم : انا حكتلها عنك يا جدو .
رأفت : ايه جدو ديه يا ولد ده انت اللى جدو انا لسه شباب ده انا اصغر منك .
شيما بتضحك : عندك حق والله يا ج.....
رأفت قاطعها : لاء اوعى تقوليها .
شيما : طب اقول  لحضرتك ايه .
رأفت :اممممممم روئه قوليلى روئه .
شيما : افندم ازاى .
ادم : روئه ايه بس يا رافت هى بداية القصيده كفر .
رأفت : انت ايه حشرك ما بينا انت خد فى علمك انا ممكن اخد المزة ديه منك دلوقتى واتجوزها انا وهى مش هتمانع علفكرة .
ادم : لاوالله .
رأفت : طبعا حتى اسئلها .
ادم بص لشيما : ها ايه رايك فى الكلام ده .
شيما : هو انا اقدر اقول حاجه ده روئه عريس ميترفضش .
رافت : ههههههههه شوفت بقه راحت عليك .
ادم انغاظ جدا من شيما لانها بتهزر مع جده بالشكل ده : تمام طرقنا بقه يا رأفت .
رأفت : غيران غيران انا كده كده كنت ماشى اساسا ورايا مزز عايز اعلقهم .ومشى وشيما مبطلتش ضحك .
ادم : عجبك اوى صح .
شيما : ههههه بصراحه روئه ده حكايه ههههه غيرك نهائي هههههههه.
ادم كان لسه عيرد عليها بس قاطعه صوت عمر وهو بيتكلم فى المايك .
عمر : انا اسف انى قاطعتكم يا جماعه بس انا عايز اقول حاجة ..............وأخد نفس عميق
عمر : انا بطلب ...........................
وكان طلب عمر صدمه لكل الموجودين .
_________________________________
كاااااااااااااااااااااات
يا ترا عمر طلب ايه وليه الكل اتفاجئ بطلبه
.........ًاستنونى الفصل الجاى........
***********************************************
حابة اوجه شكر خاص لعلياء علشان والحمد لله اخيرااااا بقه بتتوقع صح  باستثناء فصل النهاردة يعنى 😂😂وياريت يا جماعه كلوكوا تشاركونى توقوعاتكوا لان ده بيفرحنى جداااااا وطبعا عقبال كل مرة كده يا علياء
تصبحوا على الجنه 💝
#Alaa_Esmat
#Prinesses lolo 💓💓
#عاشقه_البنفسج
اشوفكم بكره ان شاء الله 💛💜