انهرتُ امامَك للكاتبه *آلاء عصمت* [مكتمله]

الفصل الخااامس

...............................................
شيما بصدمه : انت !!
آدم بابتسامه خبث ونصر فى نفس الوقت : اهلا اهلا انسه شيما سليم المنشاوى .
شيما وهى تقوم بسرعه : انا اسفه جدا انى جيت هنا مكنتش اعرف انك انت المدير .
آدم باستفزاز : لالالالا اهدى كده وبعدين مش كنتى خايفه ومرعوبه من شويه مش لازم تظهرى انك هيركليز دلوقتى .
شيما بغضب : اولا انا مكنتش خايفه ومرعوبه ولا حاجه انا بس كنت متوترة شويه علشان انا اول مرة اتحط فى الموقف ده .. وثانيا بقه مش انت اللى عتقول انا شخصيه ضعيفه ولا قوية لانى شخصيه قويه غصب عنك .
آدم وقد عرف نقطه ضعفها : تمام كده يعنى انتى دلوقتى عتمشى وبصراحه بقه انا معاكى جدا لان انا بشغل معايا الشخصيات القويه والواثقه فى نفسها غير كده لاء وبعدين هروبك ده دلوقتى بيدل انك شخصيه ضعيفه ومش قد الشغل فى الشركة عندى .
شيما بغضب : انا مش قد الشغل عندك ليه بقه ان شاء الله وبعدين راحت قعدت على الكرسى زى ما كانت بس المرادى بثقه اكبر واكملت . وبعدين انت مين قالك انى كنت ماشيه لاء خاااالص علفكرة انا جايه هنا اساسا علشان اشتغل مش اقدم على شغل بس .
آدم بابتسامه ثقه وكان عارف انها عترجع فى كلامها فرد باستفزاز : يعنى انتى متاكده انك قد الشغل هنا امممممممم طيب عنشوف شغلك هو اللى عيثبتلى .
شيما بتحدى وثقه : وانا مجهودى هو اللى بيتكلم عنى فى اى مكان واظن انت عارف .
آدم بابتسامه : طبعا طبعا .
فى الوقت ده ودخلت نڤين المكتب .
نڤين : مستر آدم مستر عُدى بره .
آدم : تمام دخليه .
نڥين : اوكيه يا فندم .
آدم وهو بيكلم شيما بعد ما تڤين خرجت : تمام كده اعتبرى نفسك اتعينتى يا انسه شيما.
شيما باستغراب : اتعينت كده من غير انترڤيو.
فى الوقت ده دخل عُدى .
عُدى بطريقه مرحه وهو بيبص لشيما : لاء انترڤيو ايه بس هو انتى غريبه ولا ايه وراح قعد على الكرسى اللى قدمها انتى اعتبرى نفسك اتعينتى هو احنا نطول بس قمر كده يتعين عندنا .
شيما بكسوف : ميرسى جدا يا مستر ......
عُدى : عُدى اسمى عُدى ومدلها ايده علشان يسلم عليها .
شيما باحراج : سورى بجد بس مبسلمش 
عُدى اتفهم الموقف :  لا عادى جدا ولا يهمك .
..... طبعا آدم كان بيتابع كل ده بغيظ مش عارف ليه بس انبسط لما شيما مسلمتش على عُدى ........
آدم بنبرة قوية : طيب اتفضلى يا استاذة شيما ونڤين عتقولك فين مكتبك .
عُدى بهيااام لشيما : ايه ده اسمك شيما مش معقول.
شيما بابتسامه خفيفه : هو اسمى وحش للدرجاتى ولا ايه .
عُدى : لاء طبعا ده انا بحب حرف ال ش اوى.
شيما اتكسفت ووشها احمر وبصت للارض .
آدم بصوت قوى وغاضب : اظن ان فترة التعارف ديه انتهت اتفضلى يا استاذه على مكتبك  .
شيما اتفزعت من صوت آدم القوى ومشيت علطول .
عُدى وهو يضحك : يخربيتك ده انت كهربتها هى عملتلك ايه يابنى بس .
آدم بغضب : عُدى بطل استفزاز انا مش طايقك قدامى .
عُدى باستفزاز : بس بصراحه البت موزة برضو متتسابش .
آدم قام من على كرسيه ومسك عُدى من هدومه : اقسم بربى يا عُدى لو جبت سيرتها تانى لهقطعلك لسانك ده انت سامع .
عُدى وهو يريد اثارة غضب آدم اكثر : خلاص ياعم اهدى كده اومال انا غرضى شريف تبقى تعالى معايا بقه علشان اخطبها .
آدم راح مسك عُدى من رقبته جامد وهو بيخنقه : تخطبها ده انا هخلى عزرائيل هو اللى يخطبك دلوقتى .
عُدى حس انه بيتخنق فعلا وانه زودها مع آدم بجد قام زق آدم جامد بعيد عنه علشان يعرف ياخد نفسه : كح كح فى ايه يا عم انت كح كح انت عتموتنى بجد ولا ايه كح كح .
آدم وراح قعد على كرسيه مرة تانيه : احسن علشان تبقى تقول تخطبها تانى كويس .
عُدى : كل ده علشان قولت اخطبها بس  اومال لو كنت خطبتها فعلا كنت عتعمل ايه .
آدم : تخيل انت بقه .
عُدى وهو يغمز : انت ناوى تستقر ولا ايه يا Boss .
آدم بصله بعنين حمرا من كتر الغضب .
عُدى : خلاص خلاص انت عتكولنى تعالى نتكلم فى الشغل احسن .
آدم بغضب : يكون احسن برضو .
________________________________
فى الخارج بعد خروج شيما .
عمر وملك فى صوت واحد : هاا عملتى ايه .
شيما : ياباى عليكم انتوا هكون عملت ايه يعنى اتعينت اكيد .
ملك : ازاى .
عمر : وافقتى تتعينى انتى مشفتهوش ولا ايه.
شيما : لاء شوفتوا بس تقدروا تقولوا كده انا اشتغلت تحدى وانا طبعا لا يمكن حد يتحدانى واخسر .
ملك : انتى اتجننتى يا شيما ولا ايه تحدى ايه بس .
شيما : ملك خلاص انا اتعينت وخلاص بقه مفيش نقاش هااا انتوا عتخشوا دلوقتى  ولا ايه .
عمر بابتسامه : لا نخش فين يا قطه احنا دخلنا من زمان .
شيما باستغراب : ازاى ده انا لسه طالعه.
ملك : اه يا حبيبتى ما احنا عارفين ما انتى لما دخلتى عنده نڤين السكرتيرة قالتلنا نروح احنا بقه عند مستر عُدى .
شيما : اااااااه مستر عُدى ..... طب وعملتوا ايه .
عمر : عيب عليكى اتعينا طبعا بس بصراحه اتفاجئت لما عرفت ان هو ده المدير .
شيما : بصراحه انا كمان اتفاجئت يعنى كان آخر توقوعاتى.
وبعدين عمر وشيما سكتوا وبصوا هما الاتنين لملك .
ملك بتبصلهم باستغراب : ايه فى ايه بتبصولى ليه كده .
شيما : لا اصل باين عليكى انك مش مستغربه لما عرفتى انه المدير .
ملك : اه مهو من ساعة ما السكرتيرة قالت اسمه وانا شاكه يكون هو اساسا علشان لما كان بيتخانق معاكى قال اسمه بس فالما عرفت انه هو متفجئتش .
شيما : بقه كده  يعنى طيب يلا نروح بقه لان النهارده يوم فظيع بكل معنى الكلمه .
عمر و ملك :، يلا .
___________________________
فى مكتب آدم .
آدم :، تمام كده يا عُدى انا عاوز اوراق الثفقه ديه  تكون على مكتبى فى اقرب وقت .
عُدى : ان شاء الله فى اقرب وقت ... مش عاوز تقولى بقه ايه حكايه البت ديه .
آدم وهو يسند ظهره للمكتب : بت مين .
عُدى :، آدم انت عارف كويس قصدى على مين ومع ذلك مااشى شيما قصدى على شيما يا آدم فاكرها .
آدم :  عايز تعرف ايه يا عُدى خلصنى انا مش فايقلك .
عُدى :، حاسس ان فى حاجه بينكو كده غريبه عايز افهم .
آدم :، ولا حاجه .. بينا ولا حاجه ده هى بقه  مبتكرهش حد فى حياتها قدى وانا برضو .
عُدى : لا ده انت كده تحكيلى بقه .
آدم : ماشى علشان اخلص من زنك كل الحكايه ان النهاردة ...........................وحكى آدم لعُدى كل حاجه حصلت بينه وبين شيما .
عُدى : طيب انا مش فاهم انت خليتها تشتغل هنا ليه .
آدم : علشان اربيها واعرفها معنى الكلام اللى قالته ده كويس .
عُدى وهو يضحك : بقه على آخر الزمن آدم بيه النويرى الBoss يتقال عليه كتكوت مبلول .
آدم بتوعد : ودينى لاربيها واعرفها مين هو ال Boss  كويس .
عُدى وهو بيبصله بنظرات ذات مغزى :، متاكد طب خلى بالك بس .
آدم : اخلى بالى من ايه فى ايه يا عُدى .
عُدى وهو يقوم : لا ولا حاجه افتكر كلامى بس ومشى عُدى وساب آدم يفكر .
آدم لنفسه : هو انا ليه اتعصبت لما عُدى كان بيتكلم معاها ولا لما كان بيتكلم عنها ما يتكلم ولا ميتكلمش وانا مالى بيها اصلا ومشى آدم هو كمان علشان يروح ڤيلته .
التغيير اللى حصل فى حياه آدم و شيما من يوم عيقلبلهم حياتهم كلها بس ياترا عيقلبها للاحسن ولا عيفتح عليهم ببان ملهاش آخر .
_______________________________
عايزه توقوعتكوا بقه وياترا آدم عين شيما علشان يربيها زى ما بيقول ولا القدر ليه كلام تانى .
...........................
هااااااى شباب يلا بقى عايزة اشوف تفاعولكوا الحلوا معايااااااااا 
#Alaa_Esmat
#Princess lolo
#عاشقه_البنفسج