أحببت أبن عمي ولكن... ! (مكتمله)

bart13

حبايبي هذا اخر بارت بعد ماانشر لحد ماتتحسن الاوضاع بل عراق وارجع انشر
ولاتنسون تصويت ورئيكم بلبارت

شهد: حسام كلنا زعلانين ع ساره يجي يوم وتكعد ومن تكعد تشوفك هيج ذبلان
حسام: أمري ل الله جيبولي وياكم
شهد: شنو عاجبك
حسام: جيبولي مثلكم
شهد ويزن: ماشي
حسام: هاك يزن
يزن: شنو
حسام: فلوس اشترو عشه
يزن: شكرا
حسام: صارت رسميات ماخذ من غريب قابل دروح روح
يزن وشهد: 😁😂
حسام: راحو جابو عشه واجوي جابو تكه وكباب وبيبسي اكلت شويه وكمت مااشتهي كل عقلي وتفكيري بساره وشوكت تكعد ضليت طول الليل كاعد ب أمل ساره تكعد وتفرحني الدقيقه عبالك سنه رحت يمها وذكرت ضحكتها سوالفها من تزعل مني جنت اجيبلها نستله ترضه بسرعه جانت طفلتي ماعدها حقد ع احد ماتغار من احد الي بي هيه راضيه عليه دائما جانت تكلي انام وياك حتى لو بشارع المهم انجمع بيك رحت وكفت يم شباك مااتحملت اضل يمها

ثاني يوم:

شهد: صباح الخير
حسام: صباح النور
شهد: شوكت كعدت
حسام: مانمت اصلا
شهد: روح للبيت اني اضل يم ساره
حسام: لا اني اضل يمها
شهد: حسام ماتشوف حالك شصار بيك لا لليلك لليل ولا نهارك نهار لا تاكل زين ولاتشرب زين حتى نوم ماتنام
حسام: يعني مرتي نايمه هنا وترديني اروح انام للظهاري واكل بس موو
شهد: مو هيج قصدي ع اقل نام ساعتين اكل وجبه بليوم
حسام: ع اكل دااكل وع النوم اني اعرف شوكت انام
يزن: كعدت ع صوت شهد وحسام يحجون.. صباح الخير
حسام وشهد: صباح النور
حسام: رايح اجيب ريوك
شهد: جيب ل 3 اشخاص
حسام: ما جاوبتها عفتها وطلعت جبت نساتل وعصاير من كافتريا وطلعت من مستشفى جبت كيمر وكاهي وصمون 3 طبعا مستشفى الي بيها ساره مستشفى اهليه وماناكل أكل مال مستشفيات ابد .. هاكم الريوك وجبت نساتل وعصير هم
شهد: يلا تعالو
حسام: بعدين اكل اني
شهد: براحتك
حسام: عفتهم يتريكون واني رحت يم ساره لزمت ايدها احرك اصابعها بلكي تكوم احرك وجهه ماكو ماتكعد ضليت احاول وياها احرك ب أيدها اشيل ايدها احرك وجهه ماكو رد منها همست بصوت ناصي.. ساره حبيبتي دااموت من اشوفج هيج فدوه اروحلج اكعدي مو جنتي تنتظرين كلمه احبج كعدي واكلج والله😥 مو عدنه احلامنه كومي خل نجيب جهال ونسميهم مثل ماردي ومثل مامقررين دمعت عيوني ضليت صافن ع ساره واكول هسه تكعد ماتعوفني
شهد: يزن شوف حسام☹
يزن: خطيه يحبها💔
شهد: اي ان شاءالله تكعد وتشفه بسرعه
يزن: ان شاءالله شهد نكمل ريوك ونرجع للبيت باجر احد وعندي دروس هواي
شهد: ماشي اني هم عندي واجبات.. كملنه أكل ورحت لحسام كتله.. حسام احنه راح نروح
حسام: اجتي شهد تحجي ويايه كبل مسحت دموعي وكمت.. ها
شهد: راح نروح اني ويزن عدنه دروس وواجبات
حسام: اي يلا امشو اوصلكم
شهد: لا احنه نروح بتكسي
حسام: لا اني اوصلكم امشو واريد اسبح هم
شهد ويزن: ماشي
حسام: رحت ويه شهد ويزن وصلتهم للبيت وطبيت سبحت وغيرت ملابسي وطلعت سلمت ع اهلي
ام حسام: حسام تعال اكعد تريك
حسام: تريكت بل مستشفى رايح اني
ام حسام: بس شهد كالت ماأكل شي تعال اكل لكمه
حسام: مع سلامه
ابو حسام: رايح اشوفه.. طلعت وراه ركب بسيارته دكيت جامه السياره ونزلها
حسام: ها يابه
ابو حسام: شو مو ع بعضك اليوم شنو ساره بيها شي
حسام: لا يابه بس ضايج
ابو حسام: ليش ماتاكل زين ولا تنام
حسام: يابه ساره مريضه وتفكيري كله يمها خاف انام لو اروح اكل وتكعد اريد اضل يمها
ابو حسام: صعدت بسياره وكتله.. امشي يلا نروح سوه للمستشفى وانته تتريك هناك وتنام واني اضل كاعد يم ساره بس تكعد اكلك
حسام: ماشي يابه.. رحنه للمستشفى اني ابويه اني صعدت للكافتريا وابويه راح لغرفه ساره جبت جاي ثنين الي ول ابويه رحت للغرفه نطيت ل ابويه الجاي واني كعدت اتريك كملت ورحت يم ساره وكفت من شافني ابويه رحت يم ساره هوه هم اجه
ابو حسام: يلا نام وبس يصير شي اكعدك
حسام: ماشي يابه.. باوعت {نظرت} ورايه شفت كرسي قربته خليته يم ساره كعدت وخليت راسي يم ايد ساره ونمت
ابو حسام: كلت ل حسام ينام لان شهد كالت لا ياكل ولا ينام طب سبح وطلع ضايج حتى ماأكل ويانه رحت وياه للمستشفى خليته ياكل من كمل أكل كتله ينام كام يباوع وراه اخذ كرسي وقربه من فراش ساره ونام وخل وجهه يم أيد ساره
شهد: رجعت للبيت يوم السبت خابرت رانيا يجوني ب 12 نتغده سوه وندرس حضرت الكتب والدفاتر الي بيها الدروس وكمت احضر الغده ويه امي سوينه تمن ومركه حمص خلصنه اجوي البنات رانيا وريم.. هلاو بنات😚😚😚
ريم ورانيا: هلاوات حبي😚😚😚
شهد: تفضلن لاتضلون واكفين هم يلا ندرس عدنه امتحان الاثنين
رانيا: خايفه اني من الامتحان
شهد: مادام ادرسون ويه شهد يعني نجحتو😂
راينا وريم: 😂😂😂
شهد: تقصدت اطببهم من صاله وبعدين نروح لغرفتي لان يزن كاعد بصاله ويه امي راحت رانيا تسلم ع امي وريم ضلت واكفه يمي شفتها تباوع ع يزن من جوه اللي جوه ويزن هم كل شويه يباوعلها هههههههه شلون ثنين ريم هم سلمت ع امي ورحنه لغرفتي.. بنات اكعدو شويه واجيكم
ريم ورانيا: ماشي حبي
شهد: رحت صبيت عصير فواكه وقدمتلهم وضلينه نسولف عشر دقايق وامي طبت وجايبه صينيه أكل تمن ومركه حمص وزلاطه وطرشي و 3 كلاصات بيبسي
ريم: شكرا خاله تعبناج
رانيا: تسلمين خاله تعبناج ويانه
ام حسام: لا قابل شسويت ماتكلولي بناتي اكلو بلعافيه
البنات: الله يعافيج
شهد: كمنه ناكل ونسولف ونضحك كملنه أكل وكمنه نغسل شلت الصينيه والبنات كامو ويايه راينا غسلت أيدها وراحت للغرفه وريم هم غسلت رادت تروح وكفتها.. ريم ريم
ريم: ها عيني
شهد: اريد اسئلج شكم سؤال
ريم: اي اسئلي
شهد: اكو شخص أحد حاجزج اله
ريم: لا
شهد: زين محد حاجي بيج هل ايام
ريم: هههههه لا شبيج شهد
شهد: ريم اخويه يزن معجب بيج واني اجيت اشوف رئيج بي اذا موافقه ندز اهلي بس اذا اكو غير شخص غير اخويه تردي عادي نسد الموضوع
ريم: فاجئتيني والله افكر واردلج خبر
شهد: ماشي حبي ع راحتج.. خل اكللكم مواصفات ريم عمرها 20 بكدي طولها 159 بيضه ملاك محجبه وضعيفه وملامحهه طفولي الي يشوفها يكول عمرها 14 خوش بنيه بس مدرسه وبيت ماتطلع هواي واذا طلعت ويه امها واخوها اختها رانيا هم مثلها حتى تلفون ماعدهم احنه تلاثتنه صف سادس متأخرين سنه اني وريم اما رانيا لا مامتأخره رجعنه للغرفه ضلينه ندرس للساعه 7 وراحو البنات ودعتهم ورجعت للغرفه داارتبها طب يزن
يزن: ها شهد شكالت حجيتي وياها
شهد: اي حجيت
يزن: شكالت
شهد: ابن عمها حاجزها
يزن: صدك تحجين😥
شهد: والله جذب😂😂😂 كتلها يزن معجب بيج واذا موافقه ندز اهلي وهل كلام
يزن: شكالت
شهد: كالت افكر واردلج خبر
يزن: زين نطيني رقمها انستكرامها شي
شهد: شلون تحجي وياها
يزن: بل موبايل شلون يعني
شهد: ع اساس عدها موبايل
يزن: ليش ماعدها موبايل؟!
شهد: لا ماعدها
يزن: هممم
شهد: يلا اطلع اريد ارتب الغرفه
يزن: طالع ست
شهد: ابستمتله ورجعت ارتب الغرفه