شهد: لا توقعج غلط من بدايه الجنازه لحد الأن بغرفته وماطلع
ساره: يااا شلون فاتتني هسه ضايج على بيبي بس والله مااكدر اكوم واروحله بس اكوم يحجون عليه الكعده جبيره
شهد: اي صح فد شويه راح نكوم نصب العشه وانتي افلتي لحسام وبعد لاطلعين ههههه
ساره: فوكاها تتمضحك اسكتي لايودوج وره بيبي
شهد: 😁😅
ساره: ضل بالي على حسام شلون نسيته كل فتره الفاتحه التهيت بل طيخ والناس ضليت كاعده لحد ما وره نص ساعه كامو يسوون
العشه اني كمت وصعدت فوك على حسام تفاجأت بي الغرفه
بارده حييل وحسام نايم بلا غطه.. حسام شنو هاي حالتك
ليش ممشغل صوبه
حسام: ساره اطلعي
ساره: فاجئني من كلي اطلعي مادرتله بال اخذت الكرسي وخليته يم الكنتور نزلت بطانيتين ولحاف غطيته بيهم وطلعت الصوبه بسرعه
وشغلتها وخليتها قريبه منه وهوه بعده يكول اطلعي ساره بس ماارد
عليه تأكدت من الصوبه ماكو شي قريب عليها يحترك ورحت نمت يم حسام تغطيت وياه رجلي طخت برجله مو رجل قالب ثلج صايره
كمزت بسرعه من الفراش طلعت تكين جواريب اثخان لبسته ورجعت يمه نمت وحضنته
حسام: ساره وتالي وياج دااكلج اطلعي
ساره: حسام مااعوفك مستحيل اعوفك، ليش اعوفك اصلا
حسام: خسرت اكثر شخص يحن عليه😢 راحت وعافتني ساره
ساره: خله راسه على صدري ويحجيلي نقهرت عليه صعبه..
حبيبي صح تحبها وتحبك بس هسه اريحلها من ماتت
تكدري شكد تعذبت هيه وعايشه خلصتها بس مشافي
ودكاتره وأبر وحبوب والليل كله تون من مرضها هسه
ارتاحت وانته هسه داتبجي وتضوجها اكيد ماتريد تشوفك تبجي
حسام: تخيلي حتى بأخر انفاسها اجيت ببالها اني وكلتلي
دير بالك من اعمامك يكرهوك😩😭
ساره: ياعمري لعد انتبه اكيد سامعه شي او شايفه شي
وبس تطلع الاربعين مالتها اخذ حقكك بل ورث خاف يسوون
شي.. مر اسبوع وكلمن راح لبيته واهلي رجعو لتركيا واني
بقيت بلعراق مااريد اعوف حسام وحده وكام ياكل
حسام تحسنت حالته وتقبل موت بيبيته وكام يروح للمحكمه
من الصبح ويرجع ب 1 الضهر يلكى الغده جاهز والحمام كام
مينام اله بحضني على صدري مثل ابن ومضيع امه ويريد
ملجئ مر شهر على وفاة بيبي اللكل اجتمع من الكرايب والجيران
على اربيعنيه وذبحنه ذبيحه عل روح بيبي وزعنه عل جيران وكعدنه نقره قرأن ل
روحها بدل البجي والنوح النسوان جوه والزلم برا خلصنه من
قرأة القرأن بدينه نطبخ بل ذبيحه الي بقت وبدو يطلعون
أكل للي برا اجه عبدالله واحمد وياسين وحسام ياخذون الأكل
أنت تقرأ
أحببت أبن عمي ولكن... ! (مكتمله)
Romantikالروايه تحجي على بنيه وكعت بحب ابن عمها وتعاني هواي بسبب حبها اله وبل اخير يتزوجها بس... ! اقرو الروايه مااحركها عليكم
