أحببت أبن عمي ولكن... ! (مكتمله)

bart 17

حبايب كلبي لاتنسون التصويت ورئيكم بلبارت
150 مشاهده و 30 تصويت وانشر البارت الثاني 3 بارتات وتخلص الروايه

عبدالله: وحضري نفسج ب 8 عدنه طلعه بس اني وياج طلعه اخ واخته على انفراد
ساره: لا أجلها الطلعه تعبانه
عبدالله: تره مارايحين سباق ركض هوه بسياره نوصل للمكان ننزل نفتر ونرجع بسياره ماكو أي تعب
ساره: ههههههههه ماشي لعد والبقيه مايجون
عبدالله: لا بس اني وياج الطلعه خصيصا الج
ساره: بسته😚😘 من خده وكتله شكرا
عبدالله: الاعفو حبيبتي وهاي الشغلات بعد لاتسويها مال تشغلين السبلت ع البارد شغلي بس ع الحار تدفين
ساره: ماشي😊😊
عبدالله: طالع اني تردين اجيبلج شي من برا
ساره: لا سلامتك😊... طلع عبدالله من الغرفه كمت شغلت التلفزيون وشكلت الموبايل ع تلفزيون وطلعت فلم رعب وطفيت الضوه وكعدت اتفرج عل فلم مر الوقت بسرعه صارت ب 8 ورحت ع غرفه عبدالله مجهزه دكيت باب الغرفه
عبدالله: نعم
ساره: نعم الله عليك كملت اني تره
عبدالله: تعالي طبي مكمل اني هم بس خل اعدل شعري
ساره: دخلت للغرفه مكمل ولابس وبس يعدل بشعره.. يلا شعرك حلو اصلا
عبدالله: فديت الي تصبغ ب اخوها امشي يلا
ساره: كتلهم راح نطلع
عبدالله: لا امشي هسه نكللهم
ساره: هيا لنرى {بلتركي}
عبدالله: يابه اني وساره راح نطلع
محمد: وين ترحون بهل وقت والجو بارد
عبدالله: ضايجين نريد نغير جو شويه
محمد: لاتتأخرون
عبدالله: ماشي رايحين
محمد والاء: الله وياكم
عبدالله: طلعنه للسياره الجو بارد رحنه ركض علسياره.. همممم اول شي هاج موبايلي وشغلي الي تردي بس تركي مانريد عراقي
ساره: تدلل وين راح نروح
عبدالله: تردين نروح نفتر بلقسم الاوربي
ساره: هممممم لاا
عبدالله: ليش
ساره: بعيد ودنيا ليل كلشي يصير ويطلعولنه المعصبجيه شنسويلهم ع كولت ابنه ل ابن عمي نسويلهم بع بع {رمي بلسلاح}
عبدالله: 😂😂😂😂 وشنو كدامج خراعه خضره
ساره: لا عيني حشاك وعوفنه من مشاكل عود بنهار نروح هسه ودينه مو كلتلي مفتح محل جديد مال رسم
عبدالله: للتوضيح سوبر ماركت جبيير وليس محل
ساره: يي خل نروح.. رحنه وطريق حلو اغاني تركيه وثلوج والجو بارد وصلنه للمكان نزلنه دخلت جوه مدششي يخبل نبهرت من شفته اني احب الرسم وجنت اتمنى ادخل بهيج مكان بي كلشي ادور عليه كبل اخذت السله الجبيره مال تسوق
عبدالله: راحت فلوسك ياعبدالله 
ساره: 😂😂😂 لاتخاف اني ادفع
عبدالله: اسكتي لج اول جيتج هنا اني ادفع
ساره: هااا متأكد
عبدالله: متأكد وهم متأكد بكد ما انتي اختي
ساره: 😂😂😂 ها زين لعد معليه اني راح اخذ اللي اريده بس
عبدالله: المحل كله كدامج اخذي كله
ساره: فديتك يا احلا اخ 😘😘😘😘
عبدالله: حياتي انتي
ساره: ضليت افتر بل محل اخذت سكتشات ثنين 2 دفاتر والوان أكريلك وفرج رسم كبار ماعندي منهم واخذت لوحات شفت احجام هواي اخذت 5 ثنين صغار و 3 كبار بس مو كلش ويجي الكبر مالهم بلسره وحده اكبر من الثانيه ورحنه للكاشير حاسبنه.. يلا عبودي طلع فلوسك 150 ليره هههههه
عبدالله: ماخذه سله شكبرها عبالي راح تاخذين المحل طلعتي بس هذني
ساره: عندي بلبيت شعندي اشتري اشياء زايده
عبدالله: فدوه الج
ساره: حبيبي انته😘.. خلصنه محاسبه وطلعنه للسياره رحنه ركض نتسابق ههههه لأن الجو بارد صعدنه وخليت الأجياسه عل كشن اللي وره.. يي وهسه عبودي
عبدالله:  هسه هسه 🤔 اني محتاج ملابس من جواهر {المول} هذاك اليوم راحت ويه جماعتي وعجبتني ستره وجنت ناسي فلوسي بلبيت
ساره: يلا نروح للجواهر.. رحنه للمول ورحنه على قسم الملابس ودخلنه على LC  اشتره ستره وتكرمون احذيه 2 وضل يفتر يشوف ملابس واني رحت ع قسم الاطفال لل ولد ملابس حلوه مال نونووين كلش اخذتلي فره ورجعت يم عبدالله.. عبودي شوكت تتزوج
عبدالله: ليش تردين تخلصين مني
ساره: لااا ولك بس رحت ع قسم الاطفال مال الولد وشفت ملابسهم حلوين ف اريدك تتزوج حتى اشتري ملابس اطفالك
عبدالله: اتزوج بس مو هسه
ساره: هممم يعني اكو وحده ببالك
عبدالله: اي اكو😅
ساره: منو
عبدالله: وحده
ساره: ادري وحده قابل ناوي تتزوج 4
عبدالله: لا بس اذا اكلج منو يمكن تضوجين
ساره: عبودي مو فتحتلك كلبي وكتلك يي احبه انته هم افتحلي كلبك
عبدالله: على طاريه فكرتي شراح تسوين
ساره: لا بعدني
عبدالله: راح انطيج حل هوه رئيي واقصرلج المده وهيه اشرطي عليه تاخذون الورث وهوه يجي هنا وتاخذون بيت مو شقه وتسوون اقامه مثلنه وكل فتره اذا تردون روحو سياحه للعراق
ساره: عبود شو بس تريدني ارجع ل حسام شبيك ضام شي عليه مهددك حسام احجي شبيك😂😂
عبدالله: 😂😂😂😂 اااخ منج ساره لا مو شي بس اريد مصلحتج تعاي خل ادفع ونطلع
ساره: يلا
عبدالله: دفعت الحساب وطلعنه من المحل نزلنه ع قسم الاالعاب الاطفال
ساره: شو نزلت هنا
عبدالله: نلعب بولينك
ساره: مااعرف العب
عبدالله: هسه اعلمج ونتفق اتفاق هم
ساره: 🤔🤔🤔 عود افكر
عبدالله: ههههههه خبله.. عبيت الكارت فلوس {كارت الالعاب} ورحنه عل بولينك.. شوفي ساره هاي 3 فتحات تخلين اصابعج الثالث والرابع والخامس ع طرفهم وتشمريها بس مو ترحين وراها 😂
ساره: ولك لاتخوفني ههههه
عبدالله: 😁لا انتي قويه وراح تسويها
ساره: اذا اربح تسويلي اللي اريده
عبدالله: ماشي انتي هم اذا اني اربح تسويلي اللي اريده
ساره: ماشي متفقين.. سوينه جاك الأتفاق وبدينه نلعب اول 3 ضربات تجي عوج😂 توكع بس ثنين بعدين تعلمت وكمت اضرب بلنص ونقاطي صارت اعلى من نقاطه ضلينه نلعب مره هوه يغلبني مره اني اغلبه اخر شي صرنه متعادلين
عبدالله: خلصت اللعبه وتعادلنه
ساره: والحل
عبدالله: الحل تسويلي الي اريده واسويلج الي تردي
ساره: وكي بس اول شي نروح ناكل
عبدالله: يلا شتاكلين
ساره: اريد بس فنكر وكولا وانته شنو تطلب
عبدالله: اريد بيتزا
ساره: لعد انته روح اطلب واني اطلبلي واجي يمك
عبدالله: لا سوه نطلب الج وراها نروح للبيتزا
ساره: ماشي.. طلبتلي فنكر وكولا اخذت الطلبيه ورحنه على مطعم البيتزا كعدت ع ميز حطيت الاكل وعبود راح يطلبله أكل واني فتحت موبايل حتى اصور الأكل وانشره جان ماحسيت اله ع واحد يسويلي ب اصبعه من وره ع ضهري يلزمني كأنو انداري درت وجهي جان اشوف نازلي {صديقتنا اول مااجينا لتركيا}... ووووه نازلي كيف حالك
نازلي: انا بخير  انتي كيف حالك لم اراك منذ مده بعيده
ساره: اجل اجل لقد تزوجت منذ سنه والأن أتيت زياره الى اهلي من هذا الذي معك
نازلي: وووه نسيت أن اعرفكم هذا كرم زوجي، كرم هذه ساره رفيقتي من العراق
كرم وساره: اهلا وسهلا
ساره: الف مبروك لكما
كرم ونازلي: شكرا لك
عبدالله: واااو نازلي هنا اين كنت مختفيه لم نراك منذ مده بعيده جدا
نازلي: أجل لقد تزوجت عندما خرجتو انتم من البنايه وانتقلت الى ازمير مع زوجي
عبدالله: اوه تزوجتي الف مبروك
نازلي: كرم زوجي، كرم هذا عبدالله أخ ساره
عبدالله وكرم: اهلا وسهلا
عبدالله: تفضلو اجلسو
ساره: اجل لقد بقينا واقفين اجلسو ماذا تأكلون
كرم: كلا شكرا لكم وعلى ضيافكم لقد اكلنا منذ قليل وكنا ذاهبين وزوجتي رأت ساره وقالت ل تسلم عليها
نازلي: هذا صحيح اتيت مع عائلتي الى هنا ورأيتك فجأه
ساره: اوه هذا مؤسف لم نستطيع الجلوس
نازلي: اجل هذا الشئ مؤلم ولكن ارى أن لغتكم في اللغه التركيه تطورت كثيرآ
عبدالله: اجل لقد مضت مده كبيره بل طبع سوف نتعلم هههههههه
اللكل: هههههههه
نازلي: نحن ذاهبون نتمنى لكم ليله سعيده
ساره: توقفي لحضه اعطيني رقمك من فضللك ل نتواصل دائما
نازلي: هذا صحيح لقد نسيت رقمي 053*******
ساره: حسنا لقد حفظته في البيت اراسلك
نازلي: تمام الى اللقاء
ساره وعبدالله: الى اللقاء
ساره: همزين تذكرت رقمها ب اخر اللحضه
عبدالله: اي جان هم وره عشر سنوات التقينه😂😂😂
ساره: 😂😂😂😂😂 بابا دك
عبدالله: اي شوفي شيريد
ساره: الو
محمد: ها وينكم الساعه بل 10
ساره: اي بابا دانتشعه نكمل ونجي مانتأخر
محمد : اي لاتتأخرون اكثر
ساره: ماشي بابا محتاجين شي نجيبلكم شي بطريقنا
محمد: بس خديجه رادت بيبسي وجبس جيبو بيبسي حجم عائلي
ساره: ماشي
محمد: مع السلامه
ساره: بيباي
عبدالله: ها شكو
ساره: يكول صارت بل 10 وينكم وخديجه تريد جبس وبيبسي حجم عائلي
عبدالله: بيبسي حجم عائلي ل خديجه😮
ساره: لا هذا للبيت مو بس الها😂😊
عبدالله: صدمتيني جان انتحرت بل بيتزا واكلها لكمه وحده
ساره: ههههههههه... كملنه عشه ونزلنه ل اخر طابق اكو ميكروس {سوبر ماركت غذائي} اخذنه جبس وكولا ودفعنه الحساب ورجعنه للبيت دخلنه جانو يتعشون نطيتهم البيبسي والجبس اخذته خديجه درت وجهي دااروح لغرفني صاحني بابا
محمد: وين ساره
ساره: لغرفتي
محمد: تعالي عندي حجي وياج
ساره: لعد ابدل ملابسي واجي
محمد: ماشي
ساره: رحت بدلت ملابسي ورجعت للصاله وادري السالفه تخص حسام رحت كعدت عل قنفه {كنبه} مكملين عشه جانو
محمد: اتصلت ب حسام وكتله عل طلاك ميقبل يطلكج ويكول خل تبقى يمكم شهر شهرين تفكر وشتريد اقبل يعني شكد ماتحطين شروط يقبل الشاب رايدج ويحبج وشاريج ليش ماتردي
الاء: اني كلت ماترجعله يعني ماترجعله وتضل يمنه معززه مكرمه
محمد: شبيج يامره ماجنتي هيج شبيج نفعلتي تره هوه زوجها وبكيفها ترجعله لو لا
الاء: شنو لكمتها هيج ثكيله عليك لو ماتريد توكلها الي يسمعك يكول ماعدنه اكل
محمد: الاء شبيج دسكتي قابل مااريد بنتي باجر عكبه نموت منو يضل يمها تضل بشوارع وبنص الغربه شبيجج
ساره: مادام هيج انتو قررو واني انفذ رايحه لغرفتي عن اذنك باباتي
محمد: اكعدي ساره
ساره: صار بابا
محمد: ساره هذا القرار قرارج اذا تردين تنفصلين عنه او ترجعيله معليج ب امج ولا بأحد عليج بقرارج لأن هاي حياتج والي تقرري اني وياج 
ساره: اي بابا نطوني فتره افكر بيها وانطيك خبر
محمد: ماشي على راحتج تكدرين ترحين لغرفتج ترتاحين
ساره: عن اذنكم رايحه لغرفتي
محمد: اذنج معج بنتي
ساره: رحت لغرفتي اجه عبدالله ورايه دك الباب.. نعم
عبدالله: هل يمكنني الدخول {بلتركي}
ساره: ادخل يافتى لا مانع في ذالك
عبدالله:  اليوم تعادلنه بل بولينك
ساره: كعدت ع فراشي وكتله.. يي
عبدالله: كعدت يمها عل فراش وكتلها.. اي منو الي يبدي بشرطه اني لو انتي
ساره: اني طبعا
عبدالله: يلا اشرطي واني عابد انفذ طلباتج
ساره: حشاك اخويه😘😘 شرطي هوه تفتحلي كلبك وتكلي منو هاي العصفوره الي كلتلك اني احب حسام من زمان وها مو بس هسه تفتحه دائما يكون مفتوك وللأبد
عبدالله: همممم اذا افتحلج كلبي يعني انفذ طلبي وراح انفذه
ساره: يي
عبدالله: شهد
ساره: شبيها
عبدالله: هيه اللي كلتلي
ساره: 😮 تتحاجون
عبدالله: اي نتحاجه
ساره: شوكت كلتلك بالله، ومن شوكت تحجي وياها، بيناكم شي، هم ناوي تخطبها، تحبها لو لا
عبدالله: خررب شنو هاي ابتليت وحجيت البيكيسي مو مثلج
ساره: 😂😂😂 غير اعرف، لا صدك احجيلي عبودي
عبدالله: صارلنه  3 سنوات وماكلتلي شي اله من تزوجتو
ساره: زين 3 سنوات حب شلون حجيتو منو دخل عل ثاني احجيلي
عبدالله: اني دخلت عليها اول شي وماجانت تدري اني بل شهر ماتدري وراها كتلها اني عبدالله بس جنه عادي ولد عم بس كل ماتنشر شي اعلق وترد على تعليقي ضلينه 6 اشهر وراها اعترفتلها وره اسبوع يلا كلتلي اني هم احبك وهل كلام ولحد الان نحجي
ساره: وليش ماتقدمتلها
عبدالله: قبل لاتدخلين مستشفى حاجيت امي وكتلها على شهد قبلت حتى ردنه نروح للعراق نحجي ويه اهلها بس دخلتي مستشفى انتي وأجلنه الموضوع من اطلعين ومن طلعتي اجيتي يمنه وهسه شفتي امي قافله على حسام واذا كتلها على شهد براجدي ترجعني للعراق😁
ساره: ههههه ومن هاي قافل اله ترجعني لحسام
عبدالله: لا والله راحتج وين متكون اني وياج واذا ماتردين حسام هايهيه مااجبرج وماتعرفين حسام شصاير بي وشصار
ساره: اهاا زين هسه عوفنه شرطك شنو..
عبدالله: شرطي انو تسمعيني راح احجيلج على حسام واريدج تسمعيني
ساره: ماشي
عبدالله: تدرين شهد شكلتلي من اجيتي لتركيا شصار بحسام
ساره: شصار
عبدالله: تعارك ويه امه عباله حجت وياج وخلتج ترحين ويانه وأكله فد مره قليل ومتغير 180 درجه فوك الضعف مالته ضعف اكثر لو تشوفي تبجين عليه قافل باب الغرفه وكاعد يتفرج على لوحاتج الي راسمتهم انتي وياه ليش ماتتصلين عليه وتشوفي بنفسج عفتي اسبوع ماتعرفين عنه شي ولا شياكل ولا شيشرب
ساره: صدك تحجي انته
عبدالله: اي دااحجي صدك هاي شهد كل يوم تحجي ويايه وتكلي
ساره: هسه اتصل عليه😥 اخذت موبايي من ميز التواليت فتحته
عبدالله: اني طالع اخذي راحتج
ساره: ماشي.. طلع عبدالله كلبي كام يدك ووجهي صار احمر من سمعت هيج صاير بحسام دزيتله رساله عل واتساب.. حسام
حسام: جنت كاعد بلكاع حالتي حاله اشوف لوحات ساره الي راسمتهم واجاني اشعار اخذت الموبايل ب أمل ساره ادزلي طلعت ساره صدك كبل كمزت كعدت عل جربايه فتحت الموبايل.. ياعيون حسام
ساره: شلونك
حسام: بخير والف خير من راسلتيني بدونج متت وماعندي حياة
ساره: قريت رسالته قهرني عدلت شعري وثبتت الموبايل عل ميز التواليت واتصلت كامره عليه كبل رد
حسام: ساره😍😍
ساره: اممم😊
حسام: صغيرونتي متغيره صايره كيمر وكيكه وعسل
ساره: والحلو مالي ليش هيج صاير بي
حسام: صغيرونتي شيبتني واني بعدني صغير بعز شبابي
ساره: صغيرونتك ماتفتهم امداها
حسام: لاتحجين على صغيروني هاي مالتي مااسمح لاحد يحجي عليها
ساره: حسام اني اسفه عل اللي سويته سامحني اذيتك هوايه😥😭
حسام: لاتبجين حياتي ياروح حسام لاتبجين خلص مسامحج مسحي دموعج
ساره: 😔 اسفه حبيبي
حسام: منو كلج ضايج منج بلعكس اصلا بس حاجيتيني فرحت الدنيا ماوسعتني
ساره: تدري اعشقك
حسام: واني ميت بيج
ساره: كوم اكل وبعد لاتهمل نفسك هيج ازعل عليك
عبدالله: طلعت من غرفه ساره وظليت واكف برا سمعتها تحجي ويه حسام وتصالحو رحت لغرفتي دزيت ل شهد.. ولج تصالحوو تصالحووووو
شهد: ها خير منو تصالح...