أحببت أبن عمي ولكن... ! (مكتمله)

bart 2

                        2017/8/10

  قبل سنتين

شهد: كعدت ع صوت  الموبايل خطيبي متصل امير طبعا بعد عناء طويل وحب 3 سنوات نخطبنه وان شاءالله بعد سنه نتزوج جاوبت.. الو
امير: صباح الخير ياخيري
شهد: صباح النور حياتي شو كاعد من وكت شعجب
امير: اليوم جمعه وكلنه نزرك عليكم اني ولاهل نخضر يمكم وهم نبارك للعريس حسام
شهد: هلا بيكم حياتي تعالو
امير: يعمري فديتج يلا كومي تريكي وصحصحي وخابريني
شهد: ماشي يروحي بيباي
امير: بيباي كليبي
شهد: طلعت من غرفتي ونزلت جوه دااروح للمطبخ شفت شخص نايم بل صاله مو من عاداتنه واحد ينام بصاله كلمن بغرفته طبيت للصاله 😐 هاي مرت حسام بارحه تزوجو شجابها هنا... سااره ساااره ولج شمنيمج هنا ليش مو بغرفتج
ساره: صباح النور عيني هم يلا بعد وكت ب 8
شهد: صباح الخير...
ساره: صباح النور منايمه هنا نزلت اسوي ريوك شفتكم نايمين محد كاعد ف كلت شويه انام هنا مااكدر اصعد الدرج
شهد: 😂😂😂😂
ساره: لاتضحكين رجاءأ لان تدرين عندي 10 زعاطيط ماالحك انام
شهد: يي حقج بارحه معرسه الله يساعدج
ساره: نجبي صدك ماتستحين
شهد: يلا كومي نسوي لغرفتج اني اسوي ريوك انتي بعدج عروس اكيد هسه حسام يدور عليج😂😂
ساره: من صباحيه الله ولج استحي عيييب... رحت غسلت وجهي ورتبت شعري ورحت اصعد لغرفتنا اني وحسام واني دااصعد ادعي حسام نايم حتى انام ع جربايه اذا كاعد اكيد راح يطرني😔💔 طبيت للغرفه شفته يخابر ومشغل سبلت باارده غرفه ومتغطتي ع نص ومالابس تيشيرت صدره طالع اني كبل رحت نمت ع جربايه وادعي مايكومني ضليت اسمع حجيه ويامن يحجي
حسام: ايي.. يي هيه.. ههههههه فديت الي يغار.. لا حياتي اكيد بس انتي بكلبي اتنفسج.. ماشي حياتي عافيات... مممممح بيباي حياتي... سااره
ساره: ها
حسام: ماتنامين ع جربايه نزلي نامي بلكاع
ساره: ☹
حسام: بصيااح يلااا شنو طرشه دااكلج تنامين بلكاع
ساره: ماشي😔.. اخذت مخده ونمت بلكاع بلا بطانيه مااندل شي بارحه يلا اجت ع هذا بيت عروس💔
حسام: كومي سويلي ريوك
ساره: ماشي.. نزلت للمطبخ ام حسام وابو واخته شهد كاعدين بل مطبخ يتريكون.. صباح الخير🤗
ابو حسام {محسن} وشهد ويزن: صباح النور
ام حسام{ليلى}: لا هلا ولا مرحبا😒😒
ساره:💔😔
شهد: مااماا😐
محسن: 😒😒  بنتي صيحي حسام وتعالو تريكو
ساره: لا عمو احنه نتريك فوك بغرفتنه
ليلى: بعد احسن😒😏
ساره: امه ماتحبني لو ما وصيه بيبة ام بابا ماتاخذني ل ابنها تكرهني حيل واني ممسويتلها شي سويت ريوك ل حسام حطيتله عسل وجبن مثلثات وحميت الجاي وخبز حار يزن جايبه من صبح وقشطه ومربى وصعدتله ريوك فوك خليت طبله يمه وخليتله الريوك وكعدت يمه.. حسام هذا ريوك
حسام: باوعت ع اكل.. يي نادره ممسويه بيض😒
ساره: نصي سبلت بارده وبطانيه ماعندي
حسام: اني محتر ماانصي وعندج لسان تكدرين اطلبين من جوه بطانيه ومن اكمل اكل عندي حجايه وياج
ساره: زين.. ضليت كاعده اتمعن بجماله وشلون ياكل وجسمه الحلو شصار لو يحبني مثل ما احبه شصار لو اني كل حياته شصار لو يتقبلني عيوني كامت تلمع من دموع بس يباوعلي ابجي💔 ضليت صافنه عليه
حسام: حضلين كاعده؟
ساره:...
حسام: سااره... ضوجتني احجي وياها ماترد باوعتلها شفتها صافنه عليه ضربتها راجدي قوي ولزمتها من شعرها حيل.. شوفي لججج مره ثانيه اذا عدتيها والله تطلعين ميته منا فتهمتي😡
ساره: اااا... اسفه😭
حسام: فتهمتيييي😡
ساره: اا.. اي فتهمت😭
حسام: يلا كومي من يمي😡 وحضريلي ملابسي عندي طلعه
ساره: صار... حضرتله ملابس ع ذوقي لان مااعرف وين رايح خليتهم ع جربايه ورحت كعدت ع كاع كلبي يوجعني من اسلوبه ويايه مايعرف شكد احبه والله لو يعرف حبي اله يتندم ع كلشي وع معاملته ويايه هيج ضليت ابجي حيل وانوب شما بجيت ماالي حس بس شهكات تطلع مني اخر شي نمت من تعب بس ابجي نمت بدون حس..
حسام: كملت ريوك وصحتها تشيل صينيه هم مجاوب.. اني شحجيت وياااج يعني اله... نداريت عليها شفتها  مكرفسه نفسها لامه رجليها تقربت عليها شفتها نايمه نايمه ع رجلها ووجها احمررر وجوه عيونها متورمه وعركانه مدري جانت تبجي شكلها حلو هيه ونايمه ملااك صحيح احبها جنت بل ماضي قبل سنين بس بعد الي سوته مستحيل يرفلها رمش مني.. سااااره سااااااره كومي يلاااا
ساره: ها حسام😴
حسام: كومي شيلي صينيه كملت اكل
ساره: زين
حسام: ساره
ساره: همم😔
حسام: شبي وجهج
ساره: هنا تذكرت جنت ابجي ونمت كبل مسحت دموعي جان اكو دموع ع وجهي.. مابي شي
حسام: اي مبين مبيج شي وجهج متورم واحمر وعيونج حمرر لاتطلعين هيج كدام اهلي غسلي وجهج ونزلي
ساره: زين🤗 فرحت من حجه هيج يعني ينتبه عليه ويدقق بيه🤗 رحت غسلت وجهي ونزلت غسلت الصينيه وضميت خبز وجبن وطلعت عصير وكرزات حطيت بماعون وطلبت من شهد بطانيه كلتلي اكو بكنتوركم فوك صعدت للغرفتنه جان يراسل شخص بل موبايل اكيد نفسها الي جان يحجي وياها صبح خليت كرزات وعصير يمه بدون مااكله شي واخذت بطانيه ورحت نمت بلكاع غمضت عيوني وضليت اتخيل حسام حباب ويايه ومدللني واضحك ويه نفسي😁
حسام: تذكرت عندي سالفه ويه ساره نداريت عليها شفتها مغمضه وتبتسم.. ياخبله ساره
ساره: فتحت عيوني باوعت ع سكف... هممم😌
حسام: عندي موضوع وياج تعاي
ساره: اجيت
حسام: ساره تره اني تزوجتج علمود وصية بيبيتي ومااعرف ليش هيج وصت واني احب غيرج ومواعدها بزواج بعد سنه واتزوجها ولو احنه جنه مقررين بهل ايام نتزوج بس انتي طلعتيلنه صفح ف مااريد منج تتخيلين انو يجي يوم واخذج زوجه الي واترجاج كدام اهلي والكرايب والغريب تتصرفين كأنو احنه متزوجين ك أي شخص متزوج وانطيج مصرفج لان هل شي الي راح يصير مايمنعني ماصرف عليج وشتحتاجين تطلبين مني واني اضل ابن عمج مو زوجج وفد شهر ننتقل لبيتنا خاص وهذاك البيت بنيته وتعبت عليه علمود حبيبتي وهسه مؤقت احنه نروح بي بس تمر سنه اطلكج ومن نروح هناك اني انام بغرفه النوم وانتي بغير غرفه وهم أي خطار يجونه هناك هم تحسسيهم احنه مثل أي زوجين متزوجين عادي واعرف كلامي قاسي عليج اتحمليني هيه سنه واطلكج وثنينه نرتاح وكلمن يروح بطريقه ومن نتطلك انطيج بيت خاص الج اذا تضلين ببغداد واذا ترحين يم اهلج انطيج فلوس شكد ماتردين...
ساره: مجاوبته بس عيوني تحجي ضليت صافنه وابجي وهوه يعرف احبه واني ابد مسويت شي غلط حتى يكرهني هيج غلطي هوه وثقت بي وسويت الي يريده هذا غلطي💔 رحت لمكاني بلكاع غطيت وجهي وابجي نمت بلا مااحس  كعدت ب 2 الظهر ماكو احد بلغرفه حطيت بطانيه ومخده ع صفحه وطبيت سبحت وطلعت شسورت شعري وحطيت مكياج خفيف ولبست ملابس جديده الي شتريتهم ونزلت جوه جايين خطار عود يباركولنه سلمت عليهم وباركولي ع زواج الي من اول يوم عذاب كعدت يمهم اسمع حجيهم بس يحشن بلناس هاي شلابسه وهذيج شلبست اخر شي شهد راحت تصب الغده رحت وياها.. واخيرا كمتي شكد يحشن
شهد: ههههههه سالفتهن الحش
ساره: هههههه حسام وينه
شهد: راح ويه جماعته عنده شغل
ساره: هاا زين يلا خل نصب اكل ميته جوع.. صبينه الغده تمن احمر ودجاج مكله وزلاطه ولبن وخيار وبيبسي خلص الغده شلنه الامواعين وشهد مخلتني اغسل شي لان بعدني عروس ضليت كاعده بلمطبخ يم شهد
شهد: روحي كعدي جوه يم نسوان
ساره: بس يحجن راسي داخ😂
شهد: اي والله وانتي صادكه حلكهم مايتعب
ساره: اني ادري لوك لوك
شهد: روحي التهي بموبايلج بين مايرحن
ساره: ولج غير نسيته بجنطه امي وراحو لتركيا من خلص العرس شلون حظ
شهد: عززززه 😂😂😂😂😂 يلا استخدمي لابتوب حسام بين مايشتريلج واحد جديد
ساره: اي استخدمه ليش لا😅... هوه اول شي خل يباوعلي ينطيني وجهه يلا استخدم اغراضه هاي اذا قبل🤦‍♀️ خلصنه من مطبخ وراحن النسوان كعدنه احنه العائله اهل حسام واني وحسام بعده طالع كل شويه اباوع ع ساعه تأخر صارت ب 4 وماكوو دزيت يزن يجيب ذره مال شاميه جاب ورحت سويت شاميه طاستين كمنه ناكل ونباوع فلم مصري تامر حسني بنص الفلم...
حسام: سلام عليكم
الكل: وعليكم سلام
اني: وعليكم سلام حياتي😍.. مباوعلي وراح كعد يم شهد كامو يتبسبسون بصوت ناصي واني اباوعله شلون تعبان وشعره نازل مخربط مبين جان ملتهي بشغل
حسام: حبيبتي ساره تعاي للغرفه🤗
ساره: جايه حياتي