أحببت أبن عمي ولكن... ! (مكتمله)

bart9

حبايبي هذا البارت نزلته لان تفاعلكم حلو ع روايه واريد رئيكم
اسوي بارت طويل 3000 كلمه بس تخلص الروايه ب 20 بارت

لو البارت 2000 كلمه وتخلص الروايه ب 30 بارت

حسام: شكرا يابه متقصر
ساره: عفتهم ورحت للمطبخ صبيت بيبسي وقدمتلهم وكعدت يم حسام
ساره: شهد شلونج تعاي كعدي يمي
شهد: رحت كعدت يم ساره.. الحمدالله حبي شلوج اخبارج
ساره: بخير شوكت تبدي الدراسه
شهد: بعد سبوعين اكلج صدك شوكت تسوين المرسم
ساره: مااعرف بعد بس حسام يشتريلي شكم شغله وتوصلني الاغراض الي وصيت عليها وابدي بي
شهد: اهاا عود خابريني من تسوين المرسم اساعدج بي
ام حسام: وانتي شنو عيني خلفتج حتى تصيرين خدامه الها
شهد: ماما شبيج شنو هل كلام عييب
ام حسام: شكول شكول يجي يوم وابني يعوفج ياسحاره
ابو حسام: يامره شبيج انتي شكو شهد تريد تساعد ساره شدخلج انتي اعذرونه عيني احنه نترخص وانتي حسابج بلبيت
ساره: لا عمو شنو هل كلام ضلو هستوكم اجيتو اصلا مااضوج من كلام عمتي ابد
ابو حسام: لا بنتي ابيتج ونغلط بحقج ميصير زودتها هواي اعذريني
ساره: لا عمو شهل كلام هذا بيتكم اني الخطار وبعدين بيت ابنكم مو غريب اكعد عمو بعدنه ماشفناكم
ابو حسام: بارك الله بيج بنتي والنعم من تربيتج بس اعذرينا لازم نروح خجلتنا هاي
حسام: يابه ضل بعدين ساره تعرف امي ماتضوج منها بعدنه مشفناكم
ابو حسام: غير مره ابني واعذرونه
حسام: لا يابه شهل كلام مصار شي.. طلعت وياهم للباب ودعدهم ورجعت تذكرت ناديه شلون نسيتها كعدت بصاله وفتحت موبايل 5 مكالمات منها اتصلت عليها...
ناديه: بعد وكت هسه يلا تخابر
حسام: حبيبتي اسف نمت واخذتني النومه
ناديه: شسوي بل اسف انيي خليتني انتظر ساعه جوه شمس
حسام: اعذرني حياتي والله نمت
ساره: صفنت ع حسام شلون يحجي وياها امداج ساره يحب غيري هيه كووه ماراح يحبج ولا راح يحبج عفته يحجي وصعدت بلغرفه اخذت حب منوم اريد انام ارتاح كلبي يوجعني من اشوف حسام يحجي ويه ناديه ويعاملها حلو مسحت مكياجي وكعدت ع جربايه وتغطيت وبديت أكلب بل موبايل خمس دقايق وطب حسام
حسام: وين حبوب منومه
ساره: ع ميز تواليت
حسام: مو جانو بل جراره شطلعهم
ساره: يي اخذت اني اريد انام
حسام: صبيلي ماي
ساره: صار.. نزلت صبيتله ماي وصعد نطيته ورجعت لفراشي
حسام: طفيت الضوه وشغلت اضويه الخافته وتمددت بجربايه أكلب بلموبايل ربع ساعه ونمت

مرت شهرين ونفس الأحداث

ساره: كل عاده ضربني حسام بل حزام وطلع كلت هل مره لا راح انام ولا راح ابجي ولا راح اخذ منوم ذبيت كرهي علشغل فرغت الملابس كلها من كنتور ملابسي وملابسه وخليت قسم بل غساله وبديت انضف الغرفه والكنتور وجسمي يون من الوجع بلكوه اشتغل بس مصره اكمل شغل ونفضت الجراجف مال جربايه وغسلتهم هم بيدي لان لونهم غير مااريدهم يخربون وطلعت كنست الزوالي ومسحت البيبان وشبابيك وطلعت الملابس من غساله وخليت غيرهم ونزلت كنست الطابق الجوه كله والمطبخ عزلته من جديد وسويت غده ورجعت ع ملابس شريتهم بل بالكون وطلعت من بالكون شفت حسام بلغرفه.. اصبلك غده
حسام: اي جوعان
ساره: صار وين تاكل
حسام: بصاله حضريلي حمام هم
ساره: صار حضرتله الحمام ونزلت صبيت الغده الي واله وصعدت اصيحه ع الغده نزل هوه وكعدنه ناكل محد يحجي واني كل شويه اصفن عليه واضحك واتخيل مخيلات حلوه اني وياه
حسام: ضحكيني وياج
ساره: لا الي ضحكت عليه انته ماتضحك عليه
حسام: يعني بايخه الشغله مثلج الي ضحكتي عليها
ساره: مااعرف يمكن بايخ عند غيري بس عندي تسوه الدنيا وابيع الدنيا حتى تصير
حسام: مبيه حيل اتعارك واكتلج راح اسكت هل مره اعديها
ساره: 😊😊 حسام
حسام: خير
ساره: صارلي هواي مطالعه حباب طلعني اليوم
حسام: ماشي اليوم نتعشه برا
ساره: 😚😚😚
حسام: طالع اني وساعه 8 اجي اشوفج مكمله ونطلع
ساره: صاار.. كملنه غده وغسلت الامواعين وحسام طلع واني رحت للمرسم شغلت الابتوب اهلي دزولياه الابتوب هديه من تركيا شغلت اغاني وبديت ارسم نسيت روحي لحد ماشفت الساعه ب 7 كبل طفيت الابتوب وطلعت سبحت وكملت سبح وطلعت خليت مكياج ولبست شال وكعدت بل حديقه انتضر حسام دقايق واجه.. سلام عليكم
حسام: وعليكم السلام
ساره: رحنه للكراده وطريق كله ماحجه شي ولا اني حجيت شي بس فرحانه حيل لان طالعه وياه كل شويه اباوع ع ايديه شلون يسوق اباوع ع عيونه كلشي بي احبه وصلنه للكراده وكفنه سياره ونزلنه للمطعم طلبت همبركر وبيبسي وحسام طلب كباب نفرين وبيبسي كملنه راد يكوم مخليته.. وين رايح
حسام: شنو عجبج المكان تردين تنامين هنا
ساره: لا مو هيج بس خل نطلب حلا {حلويات} شي
حسام: ماشي أمري ل الله
ساره: طلبنه قطعتين كيك وبيبسي خلصنا
حسام: ها ست وهسه تردين اطلعين منا لو هم تنامين
ساره: لا هايهيه نطلع😁
حسام: علخيرر
ساره: كمنه ندفع الحساب يم الكاشير لمحت ناديه تريد اطب للمطعم وياها واحد حسام ملتهي يدفع الحساب كمل ودا نطلع لزمت ايد حسام وصارت صدفه احنه طلعنه والي ويه ناديه فتح باب المطعم وحسام شاف ناديه
حسام: ناديه😳
ناديه: حسام😰😰
حسام: شدسوين هنااا وشنو اطلعين ومادكليلي وبعدين هذاا منووو😡😡😡
براهيم{الي ويه ناديه}: انته منو وشلون هيج تحجي وهيه حبيبتي
حسام: شنو حبيبتك نااديه شنو هل حجيي
ناديه: حبيبي لاتصدك هذا اخو صديقتي لا حبيبته ولا شي وحتى هسه تجي صديقتي
ساره: حسام خل نبتعد ع مطعم صوتكم عالي كلهم يباوعون علينا
ناديه: اي حبيبي حسام خل نوكف بعيد تعال
ساره: امداج طالعه ويه واحد وتكول حبيبي شنو هاااي عوذه
ناديه: ها شوف اجتي نجمه حتى تعرفها انته صديقتي من زمان
نجمه: سلام عليكم شنو هل صدفه حسام هم هنا بس منو هاي الي وياه
الكل: وعليكم السلام
حسام: هاي مرتي نجمه منو هذاا
نجمه: تقصد ابراهيم اخويه هذا اعرفكم ابراهيم حسام ابن خالتها ل ناديه حسام ابراهيم اخويه
ابراهيم: تشرفت حسام مديت ايدي اصافح حسام
حسام: لا والله ماحزرت ماتشرفت بيك اني امشي ساره
ساره: فرحت من سوه هيج اكره ناديه حقوده وهيه مو ع اساس تحب حسام شنو هذا طالعه وياه حتى لو اخو صديقتها لزمني حسام من ايدي حيل ورحنا للسياره صعدنه ورحنه ل ابو نؤاس ع شط حسام جاب نركيله اله وطلبلي عصير برتقال
حسام: ساره المنظر حلو منا؟
ساره: يي حلو كلش.. اني كتله هيج اخذ ايدي ولزمها تفاجأت بس فرحت بنفس الوقت
حسام: اني لازم اواجه ساره بل محادثه لازم تعرف واشوف صدك هاي محادثه.. ساره
ساره: نعم
حسام: موبايلج الي يم اهلج نسيتي اخذو لو بعده محد استخدمه
ساره: محد اخذه كتلهم اني من اجي يمكم اخذه لان بي صور هواي وشغلاتي
حسام: لعد باجر نروح ل اهلج
ساره: علمود الموبايل؟
حسام: اي علموده لو عندج شي ماترديني اشوفه
ساره: لا ماعندي عادي نروح وانته اخذه وشوف شنو بي واصلا مماسحه منه شي من جنت يم اهلي ومن تزوجت بقى يمهم
حسام: اي زين عود من نرجع حضريلنه جنطتين باجر نطلع ب 7
ساره: صار
حسام: طلعت موبايلي وفتحت ماسنجر طلعت المحادثه مالتها.. ساره شوفي شنو هاي
ساره: شفت محادثه تفاجأت.. حسام هاي شنوو
حسام: وحده من محادثاتج الي خنتيني بيها
ساره: بس حسام اني ممسويه هيج شي ابد ومستحيل اسوي هيج شغلات
حسام: متأكده
ساره: يي متأكده
حسام: يعني من افتش موبايلج مالكى شي
ساره: ماتلكى شي ابد
حسام: ماشي نروح باجر ونشوف.. دخت ساره تكول ممسويه والمحادثه شنو.. يلا كومي نرجع للبيت هم يلا تحضرين الجنط
ساره: يلا بس شكم يوم نضل هناك
حسام: نضل اسبوع
ساره: ماشي.. رجعنه للبيت وحضرت جنطه حسام وطلعت جنطتي هم حضرتها كملت وطبيت سبحت وطلعت شفت حسام نايم مشطت شعري ورحت حضنته وخليت ايدي ع لحيته العب بلحيته واكله.. احبك يا بعد كلشي اموت بيك كمت بسته من شفته ونمت ع صدره
حسام: رجعنه للبيت وناديه ادزلي رسائل ماجاوبها طفيت موبايل وضليت افكر صدك ساره ماتسوي هيج وصدك تحبني واني اعذبها كل هاي الفتره مدتت ايدي وغمضت عيوني وافكر شنو راح يصير مااحس اله ساره اجتي ع جربايه ردت اشيل ايدي مالحكت حضنتني ساره وضلت تحجي احبك وباستني تفاجأت منها عقلي بعد مايستوعب ولا يفكر نمت من كثره التفكير