أحببت أبن عمي ولكن... ! (مكتمله)

bart 4

شهد: ساره انتي بلغرفه
ساره: يي تعاي
شهد: ليش كاعده وحدج تعاي كعدي يمنه قابل كل يوم يمنه انتو
ساره: والله تعبانه جسمي نحلان اريد انام جان كعدت يمكم مشتاقتلكم هوايه والله
شهد: لعد هسه اصيحهم كلنا نجي يمج
ساره: لا ولج عيب شنو تجون علمودي
شهد: ساره ادري بيج مابيج شي غسلي وجهج وتعاي
ساره: شبي وجهي ليش
شهد: راح اسوي نفسي مااعرف ليش جنتي تبجين واغلس ع موضوع😉 يلا كدامج 10 دقايق اذا ماجيتي اصيحهم كلهم يمج حتى الحب
ساره: ياحب مااحب هسه اجي وراج بس اغسل وجهي
شهد: ماشي منتضرتج
ساره: طبعا شهد كلش حبابه ويانه بس مافتهمتها من كالت الحب شنو تعرف احب حسام لو حسام هوه كايللها اول تالي راح اعرف كمت غسلت وجهي ودخلت للصاله اهلي جانو كاعدين بس اخواني طالعين يسلمون ع جماعتهم بنفس منطقه واهل حسام وحسام وبيبي وعمامي وعائلتهم وعماتي وعائلتهم كلهم كاعدين عيد ومجتمعين رحت كعدت يم شهد بس يمها مكان اكو وبعيده ع الكل
شهد: بصوت ناصي كتلها.. ع خير اجيتي
ساره: ههههه
شهد: ساره انتي ببالج شخص
ساره: وضحي اكثر لو اطبين بلموضوع كبل
شهد: من الاخير عندي موضوع وياج من اصب غده تعاي ويايه نصب واسولفلج
ساره: ماشي.. نص ساعه ضلينه كاعدين واني كل شويه ابوك نضرات واباوع ع حسام شلون مندمج بلحجي ومرتاح كلبي يوجعني من اباوعله واتحسر عليه والدمعه بعيني بس مااكدر ابجي كله من وره شهد اله اجي واكعد
ام حسام: يلا شهد كومي صبي الغده
شهد: ماشي.. كمت ونغيت {كرصتها} ساره يعني تعالي
ساره: اني هم وياج اساعدج
خديجه{اخت ساره}: اني هم اساعدكم
شهد: لا ميحتاج حياتي ضلي كاعده اخاف تتعبين وبيج فقر دم اني وساره نخلص بسرعه
ابو احمد: يي بابا اكعدي همه يشتغلون سريعين انتي ارتاحي
حسام: من كامت شهد نغت ساره وماقبلت خديجه تساعدهم اكيد عدهم شي شويه واروح وراهم
شهد: ساره خل نودي الغده ونحجي براحتنه حتى لايضلون يحجون وين الغده
ساره: ماشي.. كامت شهد تصب الغده واني اودي ع ميز الطعام كل مااودي اباوع ع حسام بعدين اختفى يمكن راح لغرفته صبينه الغده والميز بعد مايكفي الي ولشهد ف خوش فرصه كنالهم احنه ناكل بل مطبخ وقبل لا نروح للمطبخ دورت ع حسام ماكو ماكاعد ع ميز لو طالع لو نايم المهم الله يحرسه ويحفظه وين مجان رحنه للمطبخ صبينه غده النه
ساره: عاشت ايدج أكلج طيب
شهد: وايدج بلعافيه
ساره: الله يعافيج
حسام: كمت من صاله وصعدت فوك لطابق ثاني وضليت اتصنط {اسمع} عليهم لحد ما صبو الاكل وكعدو وماضل مكان ل ساره وشهد وراحو كعدو بل مطبخ راحو ياكلون بل مطبخ واني رحت وراهم بهدوء وكفت يم حايط مطبخ
شهد: ساره تره اني اعرف بكلشي
ساره: شنو تعرفين
شهد: انتي تحبين حسام
ساره: كلبي كام يدك ووجهي صار حار.. لا منو كلج مااحب احد
شهد: حتى ع نفسج متكدرين تجذبين ساره تره انتي مفضوحه فاضحه نفسج بنفسج
ساره: شلون احبه وشلون عرفتي
شهد: صار سنتين منتبه عليج نضراتج ل حسام وتصفنين عليه وتاخذين حسرات وتكومين ومن تكومين اروح وراج اسمع شهكاتج من تبجين ومن تطلعين وجهج مورم وعيونج حمر واتعبين نفسج ودائما اكعد بليل اشوفج مطلعه صوره وتبجين وماشاءالله بجيج ماله صوت بس شهكات وادري بيج تحبي وهوه مايدري اعترفيله لاتخسري اذا هيج تحبي باجر عكبه يتزوج وهوه متخرج ومتعين ويكدر يتزوج ليش ماتعترفيله يجوز هوه هم يحبج لان مره كلي احب وحده
ساره: انتي كلتيها يحب وحده مااريد اخرب بيناتهم الله يسعدهم
شهد: ساره لاتصيرين غبيه اسفه ع كلمه بس صدك لاتصيرين غبيه وتعوفي لغيرج حتضلين طول عمرج تاكلين بنفسج
ساره: شهد كافي سدي موضوع خل نتغده
حسام: هاي شنو تاكلون وماحاسبين حسابي
ساره: جانت دمعه بعيني ردت ابجي واجه حسام باوعتله ودناكت اكمل اكلي
شهد: انته وين نهزمت عبالي طلعت تعال اكعد اصبلك
حسام: جنت بغرفتي اخابر
شهد: يي اكعد
حسام: اخذت كرسي وكعدت بنص ع يمنه شهد وع يسره ساره اباوعلها وجها ذبلان وتريد تبجي وتاكل شويه شويه كله بسببي.. لاتصبين شهد طالع اني
شهد: شبيك😐 شبي ساره
ساره: اني ادري شبي طباكات امشي نشوفهم كملو المواعين عليه وتعزيله عليج
شهد: كملتي انتي
ساره: اي شبعت
شهد: شكلتي ماعونج متروس
ساره: مااشتهي اكل يلا امشي.. عزلنه الميز وشلنه المواعين وغسلتهم ونضفت مطبخ ردت اسبح الحمام جوه دايسبحون بي
شهد: ساره روحي سبحي بحمام حسام بغرفته
ساره: وينه هوه ليش
شهد: مو طلع وماراد غده ولحد الان مااجه
ساره: شو اتصلي عليه شوفي شوكت يجي مااريد يصير فلم هندي ومن اطلع اشوفه موجود وانصدم
شهد: خرب ببليسج😂😂 هسه اتصل.. الو حسام وينك انته هسه
حسام: يم جماعتي شتردين ليشش
شهد: شوكت ترجع
حسام: بليل تردين شي
شهد: اي والله اختك مشتهيه موطا مو تجيبلي ام العوده اريد ام كيلوات من محلات وجيب هواي لان كلنا راح ناكل وره العشه
حسام: ماشي بعد شي ثاني
شهد: سلامتك يلا بيياي
حسام: بيباي
شهد: بليل يجي يلا روحي سبحي ميصير فلم هندي😁
ساره: يي زين رايحه... طبيت لغرفته تخبل جربايه {سرير} ام نفرين ومشغل ضوه خفيف الوان ازرك واحمر واخضر وسبلت بارده حلوه طبيت للحمام سبحت وطلعت وشغلت ضوه رحت ع كومدي كله عطور ومرتبه رشيت شويه من عطره وووف يخبل ردت اخذه بس تردد خاف يعرف ويعرفني اني ماخذته اخر شي اخذته وطلعت من اشتاقله اشتم بعطره نزلت جوه ضميته بجنطتي وطلعت عطري ورشيت ع نفسي حتى لايضل عطره عليه ويعرفني ومشطت شعري ورحت كعدت بل مطبخ اكلب بموبايلي ومندمجه بموبايلي اقره روايه رومانسيه واضحك وااتخيل اني وحسام هيج..
حسام: شدسوووين هنا بوحدج
ساره: قل اعوذ برب الفلق ياستار ياربي منين طلعت يربي
حسام: من جوه الكاع طلعتلج بووو
ساره: 😒😏.. خله موطا بل ثلاجه وعفته وكملت قرايه الروايه
حسام: اخذت ماي وكعدت يمها ع ميز.. ساره
ساره: مشغوله لاتشدد افكاري
حسام: ساره شغله مهمه باوعيلي
ساره: سديت موبايل وباعتله وحطيت ايدي ع حنجي.. همممم
حسام: عطرج مثل عطري يشبهه يعني تقريبا
ساره: للاسف ماارش عطر رجالي كله نسائي شنو انته تستخدم عطور حبيبتك
حسام: ماعندي حبيبه
ساره: وكي
حسام: وين سبحتي
ساره: بلحمام
حسام: حمامي؟
ساره: يي واعتذر لان الجوه جانو يسبحون بي
حسام: وشنو رئيج بغرفتي
ساره: مااعرف طبيت سبحت وطلعت
حسام: مو انتي مشغله ضوه
ساره: ل لاا هوه هذا شغلتك مهمه
حسام: سمعت كلامكم انتي وشهد اليوم بلغده
ساره: هاا!... احتريت من كال هيج
حسام: بعدج تحبيني
ساره: ليش انته خليت حب.. كمت بسرعه ردت ابجي مااريد ابجي كدامه واضعف
حسام: لزمتها من ايدهاا.. ساره تعاي بس افهمج
ساره: عوفني.. جريت ايدي منه ورحت للغرفه ابجي وشهكات تعلى شويه شويه لحد مانمت
بلحلم {المنام}
حسام: حبيبتي واخيرا تزوجنا وصرتي حلالي
ساره: يي حياتي واخير راح نعيش سعداء طول حياتنا وادللك
حسام: اروح فدوه لبنيتي الي ادللني اموت عليج
ساره: انته احلا شي صار ويايه بحياتي الله يخليك الي عمري
حسام: والله لايحرمني منج حبيبتي
خديجه: ساره ساااره كومي
ساره: همممم شكو
خديجه: ولج شنو شكو شنو ماتدرين الفجر طيارتنه وبل عشره نطلع للمطار
ساره: شنوووو اليووم بيش ساعه هسه
خديجه: ب سبعه كومي حضري جنطتج
ساره: زين.. كمت طلعت ملابسي من كنتور وعدلتهم بل جنطه وبين ماارتب جنطه السفر خديجه اختي راحت كملت ترتيب جنطتها كبل شلت عطر حسام وضميته بين ملابس وقفلت الجنطه ورحت كعدت يمهم كلهم كاعدين لان اخر شكم ساعه ونروح لتركيا ماباوعت ل حسام ابد مااريد اضعف كدامه صارت ساعه عشره ودعناهم وطلعنا سيارتين يوصلونا سياره بيها بابا واخواني وابو حسام يسوق وسياره ثانيه ماما واني واخواتي وحسام يسوق ماما كعدت الي كدام واني وراها بل ضبط وبصفي خديجه وعلا خليت راسي ع جتف خديجه وضليت اباوع ع حسام شلون يسوق وايده الحلوه كلشي بي حلو واحبه وتذكرت الحلم من تزوجنه ابتسمت وكل شويه اشوفه يباوع ع مرايه وصلنا للمطار ودعنا عمي وراحو دخلنه مطار سوينه جوازات وطرنه لتركيا ب 4 الفجر وصلنا ب 6
حسام: جنت ضايج لان اخر يوم اشوف ساره بعد سنه يلا اكدر اشوفها وصلتهم للمطار اني وابويه سيارتين وساره اكيد ويايه بسياره ويه اخواتها وامها اباوعلها بقهر من مرايه اشوفها صافنه عليه وتبتسم شنو فرحانه لان بعد متشوفني حيره وصلناهم وودعناهم ورجعنه للبيت
ابو حسام: يلا حسام انزل
حسام: هسه يابه بس ارتب السياره واطب
ابو حسام: ماشي اني حطب
حسام: ماشي يابه... صعده الي وره وضليت صافن ع مكان ساره.. ساره اني اسف ع الي سويته وياج لو بيدي اخذج اليوم قبل باجر جريت حسره وطبيت للصاله يم اهلي
ام حسام: تعال ابني تعال عندي حجايه وياك
حسام: كولي يمه
ام حسام: يمه انته كبرت وصار عمرك 25 حتصير 26 والعمر يمشي واريد ازوجك واشوف جهالك قبل لا الله ياخذ امانته
حسام: عمرج طويل يممه وسالفه زواج البنيه الي اريدها تخطبيلياها
ام حسام: كول يمه اشر واروح من باجر اخطبلكلياها وادلل
حسام: ساره
ام حسام: اني شكم مره كايلتلك ماتتزوج هاي شنو ماكو غيرها بنات جاي عليها وشنو هاي حتى تاخذك لا شهاده لا جمال ع شنو تاخذها انته مستواك اكبر منها شبيها يت خالتك ناديه شحلاتها دكتوره وضعيفه وجمال تخبل بيضه واخلاق ساره حتى اخلاق ماعدها عايشه بتركيا اكيد طبه وطلعه ويه شباب ويجوز مو بنيه
ابو حسام: مااسمحلج تحجين هيج ع بت عمي مفهووم.. كمت وضربتها مره ثانيه اذا تعيديها حسبي نفسج مطلكج
حسام: يووم مااسمحلج تحجين عليها تره فد مره سويتيها عفت حب حياتي حتى ترضين عليه بس مال تحجين عليها لاا ساره شريفه وبت اختج الي تكولين عليها شريفه مصادقه كل دكاتره ومانسيتي من جانو يجون ويهينون بيج لان ماعدنه بيت نسيتي ونسيتي من طردونه من رحنالهم وجان ماعدنه بيت يلفينه  ... عفتهم وصعدت لغرفتي وقفلتها فتحت جراره وطلعت صور ساره.. من جنه نحجي ادزلي صورها لو من اخابرها كامره اخذ سكرين للشاشه من تركنا اخذتهم وكبرتهم نص متره كل صوره.. حطيت صور ع جربايه ونمت
شهد: شكو هاي الصياح شبيكم
ام حسام: كله من وره بت عمج ساره السحاره ساحره ابني
شهد: شبيها ساره وشنو سحرر
ام حسام: اخوج مايقبل يتزوج غير ساره وقافل عليها
شهد: ماما رجاءا لاتوكفين بطريق حسام اذا يحب ساره خل يتزوجها لان هاي حياته مو حياتنا انتي قبل مو جنتي تحبين بابا وشكد عانيتي يلا تزوجتي ف هسه لاتوكفين بطريق ابنج
ام حسام: شي ميخصج يلا روحي لغرفتج.. بسيطه ساره بسببج يضربني زوجي وابني يعلي صوته عليه اله اخلي يكرهج ويتزوج بت اختي ناديه.. ثاني يوم رحت لصديقتي حجيتلها كلشي وكتلها اريد اسوي سحر لهاي ساره اخلي ابني يكرهاا وتحلى بعيونه بت اختي نادين
صديقه ام حسام: موضوع عندي بس يكلفج فلوس اقل شي 3 ملايين
ام حسام: ميخالف اهم شي اخلص من ساره
صديقتها: لاتشيلين هم احسبي الموضوع خلص
ام حسام: خليت موضوع يمج واني اترخص وتفاصيل كلها تعرفيها وشوكت ماتردين الفلوس تعالي عليه
صديقتها: ماشي عيني الله وياج
ناديه: ماماا وينج عااد
ام ناديه: شبيج وليش مبدله هيج وين رايحه
ناديه: ام حسام خابرتني تكلي تعاي انتي وامج بدلي بسرعه بكلي ابنها قبل بيه
ام ناديه: ماشي دقيقه انتضريني.. يلا امشي
ام حسام: هلا ب اختي تفضلي ياهلا من زارنه
ام ناديه: سلام عليكم شلونج اختي
ام حسام: وعليكم سلام الحمدالله طبي طبي
ناديه: هلاوو خالتي شلونج
ام حسام: هلا بحبيبتي هلا شلونج اخبارج تعاي طبي.. شنو تشربون
ام ناديه: مانشرب شي تعاي خل نسولف شلونج اخبارج
ام حسام: شلوني يا اختي هذا حسام لازك ب بت عمه اله يتزوجها واليوم رحت لصديقتي راح تروح للسحاره وتسويله سحر كره ل بت عمه وراح تحلى بعينه ناديه
ام ناديه: بنات هل وكت مايستحن كامن همه يلزكن بل شباب بلا مستحه
ام حسام: اي والله بلا تربيه
ناديه: خاله تعرفين حساباتها ل بت عمه
ام حسام: لا وين اعرف حساباتها بس تلفون حسام بغرفته روحي شوفي اعتقد اكو محادثاتهم
ناديه: ماشي خاله.. رحت لغرفته موبايله جان ع شحن اخذته بي رمز اعرفه لان يفتحه كدامي بلا مايدري فتحته طبيت ع فيس ضليت ادور ع محادثات مال بنات ماكو بس اخر شي لكيت محادثه وحده من 2012  مكتوب عليها حبيبتي طبيت ع حسابها الفيس عرفت اسمها سديت موبايل وطلعت
ام حسام: ها ناديه
ناديه: عرفت اسمها
ام ناديه: شسوين ب اسمها بس لاترحين تكليلها عوفي
ناديه: لا راح اسوي محادثه هيه وولد وادزها ل حسام من حساب الولد
ام حسام: اي عفيه
ام ناديه: يلا عيني ام حسام احنه لازم نروح ابو ناديه جاي من شغل
ام حسام: الله وياكم عيني
ناديه: رجعت للبيت وسويت حساب فيس ب اسم ولد وحساب بنيه وخليت صديقتي تفتح حساب ولد يمها ونحجي حجي 18+ اخذت صوره للمحادثه ودزيتها لحسام بليل شافها كبل حضرته قبل لايحجي وحجيت كلشي لصديقتي ومسحت حسابات
حسام: شفت محادثه ساره وويه واحد تحجي حجي 18+ وتخدعني جانت واني جنت اكول خطيه عفتها كرهتها حيل ولعبت نفسي منها

بعد مرور سنه

ناديه: حبيبي
حسام: عيون وكلب حبيبج
ناديه: شوكت تجي تخطبني مو صارلنه سنه بعلاقه وامي كامت تشك بيه خاف تسحب موبايلي حبيبي😭
حسام: لاتهتمين عمري اليوم امي تجي تخطبج لاتضوجين ياروح حبيبج غير اموت بلياج يروحي
ناديه: حياتي اني هم اموت بلياك يلا اروح اني انضف البيت واحضر نفسي
حسام: اروح فدوه للنادره ماشي حبيبتي اخذي راحتج.. يوم يممه وينج
ام حسام:......