أحببت أبن عمي ولكن... ! (مكتمله)

bart 16

مرحبا حبايبي طبعا هواي شباب يدخلون خاص حتى يتعرفون ومااستقبل هيج شغلات بس تجيني هيج شغلات كبل بلوك بس اذا بنات يجن بشغله ضروريه هلا بيكم.. ولاتنسون التصويت ورئيكم بلبارت

ابو ناديه: اصلا مامتقدملج ابن خالج وحتى لو يتقدملج اني ارفضه من يمي بدون مااكلج اصلا وين اكو أب يريد الشر لبنته والبارحه صديقي طلبج الأبنه عايش ببريطانيا ومأسس حياته هناك ويشتغل موظف بشركه جبيره {كبيره} والخيار الج اذا توافقين او لا  وياريت تضلين هيج كل حياتج وراح تشوفين فرق جبير بحياتج
ناديه: بخجل.. بابا الي تشوفه صح سوي
ابو ناديه: هايهيه لعد بنتي راح اردلهم خبر حتى يجون وحضري نفسج ع أكيد الخميس يجون مشايه
ناديه: ماشي😊😊.. كتله بخجل ماشي وصعدت لغرفتي وفوضت أمري ل ربي وتركت هواي شغلات موزينه جانت بيه وتركت حسام بحياته يتهنه ويه مرته والي تقدملي ابن صديق بابا مهما يكون زين او موزين ف هذا عقاب من ربي واستاهل كلشي يصير وراح يصير
عبدالله: يمه
الاء: ها خير
عبدالله: ساره وينها ماطلعت من غرفتها
الاء: بعدها نايمه
عبدالله: ماشي
الاء: لاتكعدها يمه
عبدالله: ميخالف يمه.. رحت ع غرفة ساره دكيت الباب الغرفه مرتين ماجاوبت يعني نايمه فتحت الباب ودخلت.. ساره سااره
ساره: 😴😴😴
عبدالله: سروو سروروو سرون
ساره: اممم😴 اطلع
عبدالله: حسام برا
ساره: ها شيسوي برا😶
عبدالله: ميسوي شي يلا كومي
ساره: صدك حسام برا
عبدالله: لا اشاقه كومي بدلي
ساره: ليش بالله
عبدالله: مسوين طلعه اخوانيه {طلعه الأخوان} ولازم تجين لان انتي من ضمن الاخوان
ساره: يي ماشي اطلع اصحصح شويه واكوم ابدل
عبدالله: كدامج ساعه وتنزلين
ساره: ماشي ماشي بس اطلع
عبدالله: لاتتأخرين ساعه بس.. رحت ع كل اخواني احمد وياسين وخديجه كل واحد واغريته بلشي الي يحبه حتى اخلي يطلع هههههه واتفقت وياهم ساعه وهمه نازلين جوه

بعد ساعه:-
احمد: اي عبدالله نزلنه كملنه وين تودينه وجهتنه الاولى
عبدالله: اول وجهتنه خلوها مفاجأه وبعدين وراها نبدي نروح للأماكن الي اتفقنا عليها جاهزين
الكل: جاهزين
عبدالله: طلعنه وصعدنه بسيارتي شاهين {سياره مشهوره بتركيا شبابيه صح قديمه بس شبابيه وعليها ضجه شبابيه بس الي بتركيا يفهم كلامي} وشغلت اغاني تركيه الصوت مو كلش عالي يعني وسط لا ناصي حيل ولا عالي حيل والطريق كله نغني كلنه ويه الاغاني وخديجه وساره يصورون وينشرون عل انستكرام الطريق نص ساعه وصلنه للمكانه طبكت السياره بلكراج ونزلنه
خديجه: عبدالله وين جايبنه
عبدالله: اصبرو هسه تعرفون
ساره: بس لا منطقتنه القديمه اول ما اجينه لتركيا😁😅
احمد: لك اييييي
ياسين: والله طلعت ساره ذكيه
عبدالله: باوعتلهم وابتسمت وكملنه طريقنه عبرنه الشارع ورحنه ع شارعنه اول مااجينه لتركيا وكعدنه بأول شقه... تذكرون من كعدنه بهاي الشقه جنه هستونه جايين وحالتنه حاله😂
احمد: اي جنه ولا طكه بل تركي وأي واحد يجي يحجي ويانه نكله نو تركيش😁
الكل: 😂😂😂😂😂😂
خديجه: ولا فوكاها جيرانه الي بلعماره جانو حبابيين ويعرفون انكليزي قليل ونضل نطك نطك كلمه منا وكلمه منا وويانه الكتاب التركي ترجمه عربي وتركي😁😂
ساره: زين تذكرون نازلي واخوانها مطلو وتوركاي وسبأ وامنه واخوها محمد جنه نسوي دائره بنص الشارع ونلعب طوبه
ياسين: مثل الاطرش بل زفه اني مااذكر شي
الكل: 😂😂😂😂😂
عبدالله: زين تذكرون من جنه نلعب طوبه بشارع بليل يطلعلنه الشايب من هذيج الشقه يكللنه اذا تضلون تلعبون اتصل عل شرطه
خديجه: ذكريات حلوه
الكل: اللكل اخذ نفس عميق وضلو يباوعون {ينظرون} عل المكان وعل شقق
ساره: كلشي ممتغير بس الشارع مغيري
عبدالله: ايي
ياسين: اذا كملتو ذكرياتكم خلونه نروح
عبدالله: ولك خلينه شويه نرجع ذكرياتنه خربتها علينه
ياسين: واني شذكر مو رجلي ورمت من الوكفه
اللكل: 😂😂🤣
عبدالله: انته تذكر شلون جنت تشرب الحليب بل ممه
ياسين: 🙄🙄 يلا عيني هسه تودينا عل المكان الي كلتلي عليه
عبدالله: لا من جبير للصغير ابدي
ياسين: اي تسون شغلاكم ومن توصل ل ياسين تتعبون اعرفكم
خديجه: ولك عبدالله راح ياكل راسنه خل نروح علمكان الي كتله عليه
احمد: لا يا عبدالله طلعت متفق ويه اللكل تودي لفد مكان 😂
خديجه: اي حمودي شعبالك لعد حتى اني نطاني رشوه يوديني ل فلورمر
ساره: بس اني محد نطاني رشوه فقيره اني
عبدالله: غير الطلعه والمفاجأه كلها علمودج واذا تردين اوديج بسوبر ماركت فتحو جديد كله كله بس رسم😉
ساره: صدك عبود😥 وديني عليه عفيه حباب
عبدالله: ادللي
ساره: فديتك😘.. طلعنه من منطقتنه اللي جنه كاعدين بيها اول ماأجينه وصعدنه بسياره ورحنه للمول الجواهر اشتره ياسين ملابس رياضيه وملابس طلعه ع حساب عبودي {عبدالله} ورحنه ل فلورمر خديجه اخذت شكم شغله مكياج وطلعنه تعشينه همبركر وكولا وفنكر
ياسين: اني راح اروح جماعتي هذولاك دا ينتظروني
ساره: يي عيني اشتري وشبع كرشك وبعدين كول جماعتي
ياسين: الحمدالله من عبدالله مو منج
خديجه: الحمداله على نعمه العقل روح عيني بس لاتتأخر ارجع قبل ال 10
ياسين: ماشي
احمد: عاشت الأيادي الأكل وصل ل عيني
الكل: 😂😂
عبدالله: عافيات
احمد: ويعافيك اذا كملتو خل نطلع
عبدالله: اي هم يلا نروح ع سوبر ماركت الجديد مال رسم ساره تشتري
ساره: خليها غير وقت تعبت وأكلت هوايه مااكدر افتر بعد اريد انام
عبدالله: هسه يطلع حامل وماندري أو ماتكللنه
احمد: كلشي يصير😁
ساره: ماتكدرون تسكتون شويه راح تخربون الطلعه وبعدين مو حامل
احمد: وليش ضجتي اكو وحده تضوج اذا حامل
ساره: انته كلتها اكو وحده تضوج اذا حامل
عبدالله: حجيت ويه احمد بهمس.. شش احمد لاتفتح الموضوع وياها يجوز بيناتهم مشاكل وبعدين هاي اول مره تجي يمنه بعد زواجها ف اسكت
احمد: زين زيين سكتت
ساره: رجعنه للبيت الساعه ب 8 والطريق كله افكر باللي حجاه احمد ماحملت اكيد مااحمل والمشاكل فوك راسنه ومحد يريدلنه الخير وصلنه وطبب عبدالله السياره بل كراج مال العماره وصعدنه للشقه
الكل: سلام وعليكم
الاء ومحمد: وعليكم السلام
ساره: الكل راح بصاله يم امي وبابا واني دااروح انام بغرفتي
محمد: حسام خابر ساره يسئل عليج
ساره: دااروح لغرفتي وبابا حجه رجعت للصاله كعدت.. يي وشكال شراد
محمد: يكول ادك عليها ماتشيله
ساره: يي صامت مسويته حجيتو وياه علموضوع
عبدالله واحمد وخديجه: 🤔🤔🤨
الاء: لا ماحجينه ماكناله
ساره: رجاءا انطو خبر وخل يمشون بل اجراءات كلها وحقوقي اريده كله
عبدالله: سااره شنو حقوقج ترديها شنوو راح تتطلكين منه
ساره: يي عبودي راح اطلك تصبحون على خير
الكل: وانتي من اهله
ساره: رحت لغرفتي قفلت الباب وبدلت وذبيت نفسي على فراشي فتحت موبايل 5 مكالمات و 13 رساله من حسام من ماسنجر وع رقم وع واتساب دازلي فتحت الرسائل ع رقم وال واتساب وكلهم
حسام: جاوبي مو دااتصل.. جاوبي شبيج.. ساره وينج كل هل وقت يعني من الظهر طالعه وماكو لا اتصال ولا شي.. شتاقيتلج.. مشتاق لصوتج.. رديي وينج.. من ترجعين اتصلي.. اريد اشوفج.. شتاقيت لسوالفج.....
ساره: دخلت ع واتساب اقره الرسائل جان نشط كبل اتصل عليه مالحكت اقره شكاتب
حسام: صارلج شكد من وصلتي ماكدرتي تتصلين أو حتى ادزيلي رساله بس رحتي يم اهلج بديتي طلعه وطبه
ساره: وشبيك اكلتني وشربتني اذا مشتاق هيج تحجي لو السحر بعده شنو جان حجيت
حسام: وليش تصيحين
ساره: والله هذا الموجود وورقه طلاكي توصلني خلال اسبوع وحقوقي كامله اريدها
حسام: ها سالمين شبيج شنو طلاك ساره شبيج حياتي
ساره: كتله بهدوء.. اعذرني حسام بس مااكدر اكمل وياك بعد😓
حسام: بس ساره مااكدر بدونج احبج واذا امي مضوجتج احجي وياها واصلا ماعايشين وياهم عدنا بيتنا الخاص حياتي ارتاحي يم اهلج أسبوع شهر شهرين وارجعي زين حياتي
ساره: لا حسام كلمن بطريقه باي
حسام: اوكفي لاتسدين
ساره: هممم
حسام: مشتاقلج حيل متت عليج من دخلتي مستشفى وماعفتج لحضه ع امل تكعدين واكلج احبج يا طفلتي وصغيرونتي ونكمل حياتنه بحب وسعاده وبعيده ع اهلي وعن كل العالم وتجيبين اطفال يشبهوج ويكمزون بيناتنه نسخه منج كلهم ونعيش مثل ما رسمنه بخيالنه قبل بس للأسف بس طلعتي من مستشفى ثاني يوم رحتي ويه اهلج وحرمتيني منج الله لا يسامح اللي كان السبب ساره لو تدرين شكد ميت عليج...
ساره: كام يحجي وماتحملت كمت ابجي كبل سديت الاتصال وشهكاتي كامت تعلى وتعلى كمت طفيت الضوه وشغلت السبلت ع بارد وتغطيت بجرجف {شرشف} وجان الجو بارد بشهر ال 11 وثلوج تغطيت بجرجف واجاني اشعار اخذت الموبايل جايتني رساله من حسام...
حسام: طلاك مااطلكج وتضلين ع ذمتي وضلي يم اهلج بس ترتاحين ترجعيلي او اجي اني اخذج
ساره: عفته مارديت ونمت