أحببت أبن عمي ولكن... ! (مكتمله)

bart 15

حبايبي لاتنسون التصويت ورئيكم بلبارت

حسام: احبج
ساره: اني هم احبك
حسام: تدرين
ساره: شنو
حسام: اليوم ويه كيمر نمت
ساره: ياكيمر
حسام: كيمر حاضنه هسه
ساره: عززه عييييب
حسام: اي عزززه عييب اشش بس شلون كيمر يخبل ابيض ثلج
ساره: حسام عيب لاتحجي
حسام: شفتج خبلتني من صفنت عليها لحد هسه عيني عليها اريد أكلها أكل
ساره: حساام هسه يجون
حسام: خل يجون مرتي وحاضنها
ساره: خل نروح لغرفتنه
حسام: بس اضوك هل شفه ونروح نكمل لغرفته
ساره: حساام صاير ماتستحي كاافي
حسام: ماشي اضل اتغزل بل كيمر
ساره: اهوووو
حسام: اختاري لو اضوك الشفه ونروح للغرفه😉 لو اضوك الشفه ونروح للغرفه
ساره: 😡😡 ها شووف اجوي دا يطببون السياره وخر
حسام: بسيطه اني اعلمج بلغرفه😒.. عفت ساره وطلعت يمهم سلمت عليهم وطبو جايين تعبانين كلمن طب ع غرفته واني اخذت ساره وقفلت الباب ورانه
ساره: ليش قفلته
حسام: اريد اخذ راحتي ويه مرتي ليش شكو
ساره: حسام تره اليوم طلعت من مستشفى رجاء لا هيج كتلك ممستعده
حسام: ماااشي أمري ل الله تصبحين ع خير
ساره: وانته من اهله... عافني ونام كبل رحت مدتت ع فراش وتغطيت وضليت افكر بكلام شهد الي حجتلياه.. شهد: بوقتها اجه حسام ضايج للبيت وكال عرفت منو سوه سحر ل ساره وطلعت امي هيه لاعبه براس ناديه وامها
ساره: خاله هيه مسويه سحر ل حسام حتى يروح ل ناديه
شهد: اي بس لاتكولين حسام اكيد يموتني
ساره: لا مااكول... من كلتلي شهد ع سحر لحد الان تفكيري كله ب امها مااعرف شسوي كمت نزلت للمطبخ طلعتلي ماي {ماء} بارد من ثلاجه وقطعه كيكه وكعدت اكل ع ميز وحايره بسالفه السحر
الاء: ساره! شو كاعده هنا
ساره: نزلت أكل جوعانه لكيت بس كيكه
الاء: اسويلج أكل شعاجبج
ساره: لا هايهيه شبعت انتي ليش كاعده
الاء: نزلت اشرب ماي ماكو ماي بلغرفه
ساره: ماما
الاء: نعم
ساره: اذا وحده متزوجه وام زوجها مسويه سحر ل زوجها حتى يعوفها شسوي
الاء: ياستار الله يبعدنه ع سحر منو هاي الي مسوين سحر ل زوجها
ساره: وحده بلمستشفى الممرضه جانت حبابه وسولفتلي قصتها ماتعرف شسوي
الاء: هااا خطيه الله يساعدها بهاي الحاله تطلك ماتبقى يمهم
ساره: هممم😓
الاء: شبيج
ساره: ماما😥😥
الاء: يممه شبيج
ساره: ام حسام هيه الي مسويه السحر ل حسام
الاء: شنووو😮😮😮
ساره: صوتج هسه يجوون
الاء: شمدريج انتي هيه مسويه السحر
ساره: السالفه طويله بس شهد كلتلي اليوم
الاء: الله ينتقم منها
ساره: ماما لا تدعين عليها
الاء: لعد ترديني اروح اسويللها سحر مثل ماسوت ل ابنها وهيه شلون تسوي هيج ب ابنها
حسام: ساره شسوين هنا كاعده مرحبا عمتي
الاء: مراحب😶
ساره: كاعده يم امي اسولف
حسام: ماشي حبيبتي انتضرج فوك
ساره: زين
الاء: انتضرته يروح وره شويه كمت وراه مموجود رجعت كعدت يم ساره.. ساره مبين حسام يحبج
ساره: هسه يلا كام يحبني جان ميحبني
الاء: احجيلي من بدايه حتى افتهم لان حجيج مجاي افهمه
ساره: من دنتحضر اغراض العرس حسام خابرني بوقتها وكلي انو زواجنه بس سنه ونطلك لان بيبي كالت وصيه جدو ووصيتها ومن ذاك الوقت لحد ما دخلت مستشفى هوه موزين ويايه بس من كعدت من الغيبوبه كال جنت مسحور بس مكلي منو سواله السحر
الاء: لعد منو كلج كلتي شهد مو
ساره: شهد اي
الاء: باجر احجي ويه ابوج وأكله كلشي صاعده لغرفتي انام وانتي هم نامي ارتاحي والله كريم منا لباجر
ساره: بس ماما اجي وياكم من ترجعون لتركيا ماأريد اضل هنا امه سوت سحر اكيد راح تسود عيشتي بعدين
الاء: مستحيل اعوفج هنا وحدج طبعا اخذج ويانه وحضري جنطتج لان احنه باجر راجعين
ساره: ماأخذ شي منا يذكرني بيهم وملابس ماعندي اصلا
الاء: ماشي كومي نامي والصباح رباح بنتي
ساره: تصبحين ع خير ماما
الاء: وانتي من اهله
ساره: رحت شربت ماي وضليت واكفه بمكاني افكر باللي راح يصير باجر اخر شي اخذت نفس عميق وصعدت لغرفتي
حسام: شنو هل كلام المهم اللي صارلكم ساعه تحجون بي
ساره: شبيك ضايج بعدين حجي بنات جنه نحجي
حسام: ضوجتيني لان رجلج ينتضرج وانتي تتأخرين ومن طلعتي لحد الان كالبه وجهج عليه وحجيج مسطح ويايه
ساره: حسام شبيك اكلتني وشربتني اريد ارتاح وبعدين راح اروح ويه اهلي باجر
حسام: وين ترحين🤨
ساره: لتركيا
حسام: وحدج ترحين!
ساره: لا مو وحدي ويه اهلي وراح اكعد وياهم بلبيت
حسام: قصديي بدووون رجلج ترحين
ساره: وشبيك تعيط {تصرخ}
حسام: ساره خبلتيني شنو ترحين
ساره: اروح اسبوع ويجوز اقل وارجع مرايحه للأبد
حسام: مترحين وحدج مفهوم اجي وياج
ساره: هل سبوع عندك قضايا مهمه ماتكدر تجي
حسام: طبهم مرض للقضايا اجي وياج
ساره: ماشي الله كرييم
حسام: شوكت رايحين اهلج
ساره: اولا رايحين باجر ثانيا اسمهم بيت عمي مو اهلج ثالثا تصبح ع خير
حسام: اهووو ساره لاتخبليني شبيج من طلعتي لحد هسههه اليوم شبيج كالبه خلقتج عليه
ساره: مابيه شي عوفني انام ولاتنسى طالعه من مستشفى يرادلي راحه
حسام: اسف حبيبتي شويه ضوجتيني تعاي ننام
ساره: الضوه
حسام: هسه اطفي.. كمت طفيته ورجعت للجربايه {سرير}.. حبيبتي تعاي بحضني انومج
ساره: 😓
حسام: حضنتها وغطيتها زين.. حياتي
ساره: هممممم
حسام: باجر روحي ويه اهلج اني اضل هنا عندي شغل
ساره: ماشي راح انام
حسام: نوم العوافي.. حضنتها ضميتها بصدري مااريد احد ياخذها مني احسها راح تروح وبعد ماترجعلي كمت العب بشعرها وابوسها من راسها لحد ماخفيت ونمت وياها
ساره: كعدت ع صوت المنبه الصبح الساعه ب 8 شفت نفسي بحضن حسام وحاضني حيل اريد اكوم اطفي المنبه مااكدر.. حسام حسااام
حسام: امممم
ساره: وخر ايدك اريد اكوم
حسام: اشش ضلي نايمه
ساره: المنبه يدك راسي كام يوجعني
حسام: طفي لعد
ساره: وخر ايده ودرت وجهي اخذت موبايل وطفيت المنبه وكمت
حسام: تعاي وين نهزمتي
ساره: كوم ماعندك قضايا
حسام: ب 11 عندي تعاي
ساره: شتريد
حسام: داتعاي عاد
ساره: هممم اجيت
حسام: اريد احضنج واشبع من عطرج راح تعوفيني اسبوع
ساره: من كال راح تعوفيني اسبوع نقهرت عليه مايدري ماارجع بعد ف رحت بحضنه ك وداع الي واله اني هم احبه ماانكر هل شي وراح اضل احبه.. اجيت
حسام: حياتي عود نضل نتخابر واشوفج وتفتحيلي كامره لان مااتحمل غيابج
ساره: يي حياتي
حسام: ماحضرتي جنطتج
ساره: شنو اخذ ويايه لا ملابس عندي ولا شي
حسام: تردين نروح اني وياج هسه اشتريلج
ساره: لا عندي هناك يكفوني
حسام: زين ولوحاتج واغراضج مال رسم
ساره: شبيهم
حسام: ماذبيتهم ماهانو عليه اذبهم رسمج حلو اخذتهم وضميتهم بل كنتور
ساره: موجودات بلغرفه هنا
حسام: اي هنا
ساره: تعال نشوفهم
حسام: يلا.. كمنه اني وساره من جربايه رحت طلعت اللوحات 15 لوحه 5 مناظر طبيعيه و 10 راسمتنا اني وساره
ساره: كلهم بيهم ذكريات
حسام: ذكريات محلوه راح نمحيها وراح نبدي حياه جديده وذكريات حلوه وبعيده ع كل الناس
ساره: اخذت نفس عميق وكمت.. راح انزل جوه اني
حسام: ننزل سوه انتضري
ساره: يلا.. نزلنه كلهم كاعدين يتريكون صبحنه عليهم وكعدنه نتريك وحسام لازم ايدي ويتريك مااعرف شراح يصير بي من يسمع بعد ماارجع بس كلشي صار من وره ناديه وامه ومااكدر اضل وياه خلصنه ريوك راحو كعدو بصاله واني وشهد وخديجه شلنه الأمواعين وشهد غسلتهم كعدنه بصاله نسولف وحسام راح للمحكمه عنده قضايا..
محمد{ابو احمد}: ابو حسام طيارتنه ساعه ب 3 بعد ساعتين وراح ناخذ ساره ويانه
ابو حسام: مفتوح بيتنه الكم بأي وقت تجون هلا بيكم وساره اذا رجلها يعرف بهل موضوع تكدر تروح وياكم
محمد: اي يدري كلتله ساره
شهد: ولج ساره تعاي ليش ماكتيلي
ساره: السالفه صارت بسرعه البارحه كتلهم واليوم طيارتهم
شهد: شكد راح تبقين
ساره: مااعرف يمكن اسبوع
شهد: ماراح تودعين حسام
ساره: ودعته قبل لايطلع
محمد: يلا ساره طالعين
ساره: يي بابا اجيت
شهد: ساره😥
ساره: ها حياتي
شهد: لاتكطعين ويايه عود اتصلي بهل اسبوع
ساره: ادللي مع سلامه
الكل: الله وياكم
ساره: ودعناهم وطلعنه ابو حسام اجه يوصلنا للمطار ماودعت حسام جان عندي هواي حجي اكله وردت اكله ع طلاق بس تأخر ماأجه احسن تأخر لو كايلتله ع طلاق مايخليني اروح ويه اهلي عود اهلي يكلوله احسن طريق كله ضليت افكر بذكرياتي وياه شلون يضربني شلون اتلكاه من باب وانام بحضنه واشتم بعطره وابوسه من ينام ضلت كلها ذكريات لازم انساه واطلعه من حياتي واعيش حياتي بدونه صح صعبه احبه واعشقه بس ناديه وامه وخالته ماراح يعوفوني مادام عينهم ع حسام وع عيشتي وياه وصلنا للمطار نزلنا ونزلو الجنط وابو حسام ودعنه وراح دخلنه للمطار كصيتلي تيكيت الطياره واهلي ودو جنطهم للفحص ومناك ياخذوها اهل المطار يصعدوها للطياره اخذت التكيت طياره وكعدت انتضرهم يم بوابه طيارتنه بهل اثناء دك عليه حسام... الو
حسام: رحتي
ساره: اي😓
حسام: بدون ماتودعيني
ساره: حسام
حسام: ياعيون حسام
ساره: مااجي بعد
حسام: هههههه
ساره: ليش تضحك
حسام: شنو ماتجين بعد
ساره: صح صعبه عليك وعليه بس ماارجع بعد راح اضل يم اهلي
حسام: لاتخبليني
ساره: حسام
حسام: تشاقين موو؟ كولي يلا
ساره: اجوي اهلي وصار وقت نصعد للطياره باي
حسام: سااره اوكفي لاتسد... اوووف ساره ووووف ياربي شنو ماترجعلي بعد😫 اجتلي رساله فتحتها {من نوصل عود تعرف كلشي} شتقصد تعرف كلشي بس لا بعد ماترجع دكيت {اتصلت} عليه مغلق يطلعلي دكيت 10 مرات يطلع مغلق ذبيت {تركت} الموبايل ع جربايه ودخلت امي لغرفتي...
ام حسام: صبينه الغده تعال اتغده
حسام: يمه انتي شحاجيه ويه ساره حتى خليتيها تروح صار سنه ع زواجنه وياما ضوجتها وكرهتها بعيشتها بسببج وبسبب اختج وبتها وما فد يوم اجتلي كلتلي وديني ل اهلي ابددد ولا خابرت اهلها وبجت ليش هسه راحت
ام حسام: شبيك حسام محاجيه وياها شي تعاملي زين وياها
حسام: يمه لاتجذبين اعرف سوالفج وسوالف اختج ثنينكم دمرتوني تعرفين شنو يعني دمرتيني
ابو حسام: ليلى {ام حسام} شنو هاي الاصياح
ام حسام: تعال اسمع ابنك شيكول
ابو حسام: شكو شيكول
حسام: يابه صار سنه اني متزوج ساره وياما ضوجتها وكرهتها بعيشتها بسبب السحر والي سوو السحر وكل هذا لا اتصلت ع اهلها ولا اشتكت عليه يم اهلها ولا تكعد تخابرهم وتبجي بلعكس كل يوم تستقبلني وتسوي احسن غده وتنظف وتريد بس رضايه واني ما عاملتها زين وهسه بقينه بس يوم واحد وااحد بسس هنا خلتها ثاني يوم تروح ويه اهلها ويجوز ماترجعلي بعد والله اذا مارجعتلي ساره اكلب الدنيا عليج يوووم
ام حسام: لاتعلي صوتك عليه اني امك وبعدين ماحجيت وياها شي شسويلها اذا راحت هيه مارادتك
حسام: يممه لاتنرفزيني كاااافي
ابو حساام: كافي حسام شنو تصيح ع امك مو عيب عليك هيج ربيناك احنه طب جوه لغرفتك ارتاح وبعدين نفتهم شييها ساره وانتي ليلى تعاي ويايه
شهد: شنو هاي الاصياح شبي حسام
ابو حسام: ضايج يكول ساره بعد ماترجع
شهد: شنوو بعد ماترجع!.. زين تعالو اتغدو
ابو حسام: اتغدو انتو  احنه شويه وننزل
شهد: ماشي
يزن: ها شبيهم ومايجون يتغدون
شهد: بابا يكول حسام يكول ساره بعد ماترجع وهمه شويه ويجون يتغدون
يزن: كله من وره امي اكيد ذبتلها حجايه
شهد: كافي حجي {كلام} سمي  واكل بلا حجي
شهد ويزن: بسم الله
ساره: من خلصت اتصال ويه حسام غلقت الموبايل وصعدنه بطياره اني واهلي ربطنه الاحزمه واجتي المضيفه الي تأشر بايدها للكل للي مايسمع وراها طرنه والمضيفه بدت توزع {تظيف} أكل للمسافرين اني مااخذت الأن نفسي تلعب {اتقيئ} وهم مااحب أكل الطياره مره تسممت بي وكمت مااكل ابد وصلنا ل اسطنبول اخذنه الجنط وطلعنا طلبنه تكسي...
التكسي: اين تذهبون
عبدالله: مركز شيشلي
التكسي: فلتأمرون
ساره: طريق من تكسي لل شيشلي نص ساعه بل تكسي ف غفيت {قيلوله} شويه بتكسي وصلنه للبيت نطيناه الفلوس للتكسي ونزلنا الجنط وطبينه بل عمار وبده احمد وعبدالله يصعدون الجنط بل مصعد {اكو 2 مصعد بلعماره} وصعدنه احنه وراهم بل مصعد بعد ما صعدو الجنط للشقه تركيا تصميم بيوتها كلها شقق عماير كبار وقليل اكو بيوت مثل العراق واذا اكو يكونون مساحتهم صغيره 250 متر بيتنا {الشقه} بيها خمس غرف وصاله وكل غرفه بيها حمام وبالكونه ومطبخ تصميم تركي والتدفئه من الأرض وشقتنه الي بسامسون هم هيج مثل شقتنه هاي وثنينهم ب اسم ماما صعدنا للبيت كلمن راح لغرفته احمد عنده غرفه وحده وعبدالله ويزن بغرفه واني بغرفه وحدي وخديجه وعلا بغرفه وحده وماما وبابا بغرفه {اني بغرفه انام وحدي ومو خديجه لأن عندي ادوات رسم هواي وارسم ف غرفه خاصه الي هيه مرسم وهيه غرفه نوم الي بنفس الوقت } رحت لغرفتي فتحت الكنتور اخذت ملابس للبيت وخاولي {منشفه}   وطبيت للحمام سبحت وطلعت مشطت شعري وكبل نمت
ناديه: بابا
ابو ناديه: ها
ناديه: اني فكرت بموضوعك
ابو ناديه: ياموضوع
ناديه: مو متقدملي ابن خالي الي رفضته وافقت عليه هسه وشيصير بيه موافقه استحق الي راح يصير بيه بل مستقبل
ابو ناديه: ناديه
ناديه: نعم بابا
ابو ناديه: اصلا مامتقدملج ابن خالج وحتى لو يتقدملج اني ارفضه من يمي بدون مااكلج اصلا وين اكو أب يريد الشر لبنته والبارحه صديقي طلبج الأبنه عايش ببريطانيا ومأسس حياته هناك ويشتغل موظف بشركه جبيره {كبيره} والخيار الج اذا توافقين او لا 
ناديه: بخجل بابا الي تشوفه صح سوي
ابو ناديه: هايهيه لعد بنتي راح اردلهم خبر حتى يجون وحضري نفسج ع أكيد الخميس يجون مشايه
ناديه: ماشي😊😊.. فوضت أمري ل ربي وتركت هواي شغلات موزينه جانت بيه وتركت حسام بحياته يتهنه ويه مرته والي تقدملي ابن صديق بابا مهما يكون زين او موزين  ف هذا عقاب من ربي واستاهل كلشي يصير وراح يصير ....