# گمر _ اسمر _ ##
البارت الثالث
............................. 🌲🌲🌲🌲 ......................
،،، فاطمة / ومن شفته ويوم يوم يگبر بداخلي شي تجاه
حبيت كلشي بيه و كل جزء بيه و حسيت بنظراته نفس نظراتي وهذا الشي الي خلاني اتماده بحبه صار عندي
هوس بيه صرت اغار من الهوه الي يلامس بشرته واني
محرومه منه يجي ياخذنه من انحل واني اشب نار بگلبي
و روحي احس البنات ياگلنه بنظراتهن واني اموت الف موته
يله نبعد عنهن ابدي احطه بعيوني واسد جفوني عليه والي
خلاني اتخبل اكثر انو احس گمر هم تحبه عيونه ينترسن حب
لمن ينجاب طاريه ايده ترجف واني بمجرد اشوفه هيچ ابدي
اخذه وااشرد عن كل الدنيه حبه مثل المرض و صابني واذاني
بعده لسه ما حاچي وياي بس مجرد نضرات واني عايشه
واتفس على نضرته و شوفته بدت العطله واني كاره الوقت الي يمر بدون شوفته گعدت الصبح واني لو يرجع الامر بيدي
اضل نايمه منا لمن تبدي المدرسه نزلت واني الدنيه طالعه
من عيني سمعت الباب يندگ امشي بخطوات انسان ميت
مابيه حياة ولا روح اكو بشر تعيش وياه العمر كله و گلبگ
ما يدگله واكو بشر تشوفه ايام او دقايق و تحس نفسك
تتنفس علموده ويملگ گلبك و كلشي بيگ فتحت الباب وگلبي
فز بشوفت رند بيه ريحته عيونه شافنه قبل لحظات صفنت عليه واني اشتنشق واتحسس وجوده بيه
.... رند / سلام هييييي شبيج ولج تباوعلي مثل وحده تباوع
لحبيبه وعيونچ يشعن حب ولچ يالعوبه اني رند الوو وياي انتي خبله وين رحتي 👐👐👐👐
.... فاطمة / هلا يالعوبه شعجب ذاكرتني اليوم لا دگليلي
شتاقيتلي ما صدگچ و ربي
.... رند / طيح الله حظچ هو اكو وحده عاقله هيج تستقبل حماتها المستقبلية طلعتي ما معزبه و نغش اخوي بعيونج
الخضر بس يله مادامنه على البر اروح اگول لشهاب ما استقبلتني و ما اخذت الهديه ولا الرسالة و خلي يشوف غيرچ
يله مع السلامه احچي و گوه كامش نفسي عن لا اضحگ 😁
... فاطمة / هوووب هووووب تعاي فهميني شكو و حرف حرف تدرين گلبي ما يتحمل الفرح شويه شويه احچيلي
بس قبل لا تحچين تعاي جريته من ايده و طرت بيه الغرفه
وحتى بيبتي وامي يحجن ويرحبن بيه ولا كأنما سحلته سحل
من ايده واني گلبي يدگ مية دگه بالثانيه گعدت على الجربايه
و كعدت گباله يله هسه احچيلي شنو حماتها و شنو هديه
و يا رسالة احچي واني الهث گوه طلعت الاحرف من حلگي
،،، رند / ولج شبيج جري نفس راح تموتين يمه الحب يمه
لعد اني شبيه حضي المشگگ كلشي ماكو ربي ما تشوفلي
واحد ميت گلب اعمه عين يشوفني و يحسسني بالحب خرب
بالعيشه الطايح حضه ولج تعاي فطيم اطيني من بختچ انتي
عندج بخت مال حب
فاطمة / ولج لا تلغين اهواي يله بسرعه طلعي الرسالة
گلبي راح يوگف
.. رند / اي عيني شكو عليج اطلع ليش ما اطلع طلعتهن من جنطتي واطيتهياه
... فاطمه / طلعتهن واني الفرحه تريد تطلع مني ما مصدگه شفت الموبايل عفته رگضت للرساله اقراها واني دموع الفرح تغسل وچهي
بسم الله الرحمن الرحيم ....
الى من ملكت قلبي من اول نضره
الى من اسرت عقلي وكل شي بداخلي بلون اعينها التي تنير
لي الدنيا
الى التي ارى من خلال اعينها الدنيه
الى من استوطنت عرش قلبي و جوارحي
الى من مسحت بعيني كل النساء و عيوني لا ترى الا هي
الى من لا تفارق اعيني واحلامي
الى من ينبض القلب بأسمها
الى سيدتي واميرتي التي احلم بان تدخل حياتي و تنجب لي
ملائكة مثلها يحملون معالمها
الى من اصبحت حبي الاول والاخير و حلم الطفوله الذي نحققه و تختمه باطفالنا
الى من اريد ان اقضي كل دقيقه من عمري القادم برؤيه
عيونها و وجهها الذي اعشقه
الى من خلقت مني شاعر و كاتب و كلشي يسعدها
الى من اضيع واذوب في حضرت عيونها
اقدم لكي كل كلمات الحب و العشگ و قلبي اولها واضعه
بين يديگ فيا سيدتي هذا قلبي الذي يحلم بان تگوني زوجته
اقدمه لكي وانتي ملگة و سلطانت قلبي فهل تقبليه يا سيدتي ........
