كمر اسمر

البارت 19 ♥️♥️

كمرر اسمر

البارت 19
دوم يوديني لهلي
واضل يمهم بالشهر و اكثر وهو ولا يسال امي تخابره و ترچعني بعدين صار يتمادى يضرب سنتين شفت الضيم من اهانه و ضرب و خاينه واني ساكته غيرت اسلوبي وياه على اعصابي و گوة اتقربله بس علمود اعيش تعبت من المشاكل
و مشاكلنه مو بس ابيتنه لا يروح يسولف حتى الاهله والگرايبه و لهلي وكلساع يگول هي مقصره رغم اسوي وادوس على گلبي و اصير مثل ما يريد بس ماكو هو مل
مني مدري لگه وحده و بعد ما يفيد وياه تغيري

..... فاطمة / يزن حبيبي اگعد خلي نسولف اني وياگ
.... يزن / ما فارغ عندي طلعه

..... فاطمه / حبيبي ليش هيج مجاهلني مو تغيرت علمودگ
ليش هيج تعاملني
.... يزن / ولچ مليت منچ من چنت خاطبچ مرمرتيني و حتى حچي گوه تحچين وياي گلت ميخالف لمن نزوح تتعود عليه
و هم نفس الشي گرهتيني بروحي و بالدنيه كلها
.... فاطمة / اي يا عمري صح جنت غلطانه ومن حاچيتني انتبهت لنفسي و عدلت تعاملي وياگ بعد ليش هيچ تعاملني
يا عمري
..... ولچ يا تعديل هذا كل ما اكول و افرح صدگ تغيرتي اسوين شي ترچعن علاقتنه للصفر خليني ساكت احسن
فاطمه
.... فاطمة / ليش حبيبي شنو سويت گولي علمود افهم غلطي و ما اگرره
.... ولچ شحچي و مو الى حچيت تهيجن النار الي بداخلي عليج اچفي شري احسن خليني ساكت و متحمل
..... فاطمة / حبيبي الى ما تحچي اني اشلون اعرف شنو الشي الي زاعجك مني
...... ولچ كاااااافي سگتي بلا لغووه تعبت منچ تردين تعرفين مو قبل كم يوم من تمرضتي تدرين شگمتي تخربطين
وهاي مو اول مره ولچ گمت تهذين باسم شهاب و بعد و بعد
واني المطي المگرن اسمع حچيچ لحبيبچ ولچ گرهتج تعرفين شنو گرهتچ و كرهت الزواج من وراج هم

.... يحچي وهو يضرب بيه ضليت اوون و اشهگ لان يضرب كل قوته هو حقه محد يكدر يتحمل الي تحمله دماني حلگي و خشمي يچري دم فقد گام يصرخ و يضرب و يفشر جسمي يخدر من الضرب گوه جمعت قوتي و حچيت وياه
.... يزن انت قبل لا تاخذني چنت تدري و ما ضميت عليك شي رغم امي ما قبلت بس اني گتلگ راح تاخذ بقايا انسان وانت قبلت مو صح
...... ولچ قبلت لان چنت احبچ ولچ من بلغت وامچ گالت فاطمه الگ ولچ عفت بنات الجامعة و كلشي و ضليت بس اقره و اثبت نفسي حتى اخذچ ولچ گلت اكيد تنسى بمرور الايام وهاي صارلنه سنتين وانتي لسه لتفظين اسمه و تتمنيه و تحنين اله روحي گافي تعبت انعل يوم الحب الي
هيچ يأذي گرهتني بالحب و بكلشي ولچ كل يوم اتمنه نعيش مثل اي زوچين ولو يوم واحد صح تغيرتي انتي بس مو من كل و گلبچ وادري بيچ حتى كلمه حبيبي گوه تحچيها عموما
هاي هي لهنا وبعد كافي روحي لهلج و ورقه طلاگچ توصلچ

.... فاطمه / شفته اخذ جهازه و خابر السايق و اجه يمي
..... يله بسرعه لمي ملابسج كافي مهزله انتي مو الي ولا
بعمرج راح تگونين الي
..... لا يزن ماكو شي ما يصلح خلي نبدي صفحه جديده
ضليت اتوسل بيه و هو يزود بالغلط و الاعصاب لميت
ملابسي اچه السايق طلع يزن الهدود رحت عليه احاول وياه
لان گاره بيتنه ما اريد اعيش ويه امي كلشي صار من وراها
العيشه ويه يزن ارحم من العيشه وياها
..... يزن راجع نفسك شوفني بعد الى ما تغيرت سوي الي يعجبگ حباب لا تستعجل ماكو انسان ما يغلط انطيني فرصه
..... يوميه اطيج فرص اني وانتي اضيعين انطي وانتي ولا هامچ و گاتلج حبيب الگلب روحيله شوفيه يلفيچ ولي عن وچهي كافي لا تخليني اكرهچ اكثر من ما اني گارهچ
..... شفت ماكو منه فايده طلعت سمعته يكسر و يغلط مشت السياره واني اذكر وين جنت وين صرت شريط حياتي كله صار گبال عيني وصلت للبيت حچيتلهم و گتلهم ما متفاهمين وره شهر اطلگت غيابي بعد ما امي ضلت تتوسل بيزن علمود ما يطلگ بس هو قافل ضلت يوميه تلوم بيه وذب سبب طلاگي
على شهاب مليته منها ومن لومها على شهاب ضليت اخذ
مهدأت و رجعت عايشه على مهدات و بس بغرفتي ما اطلع الا نادراً صرت شبه ميته الى ان چنت
اطلع بيبيتي للحديقه العصر خطيه اضوج بالغرفه طبعا
هي اضل اسولف اني بس اهز راسي حتى الكلام گرهته
.... ولچ يمه فطومه الباب يندگ گومي فتحي الباب وين صفتي مدگليلي
..... هاا لا بيبي ما صافنه وياج
.... يا ما صافنه وانتي من اطلگتي لسه لو صافنه لو بغرفتچ
.... حبيبي كلشي ما بيه را افتح الباب اني رحت فتحت الباب
صار گبالي ام شهاب و رند ذكرياتي الي عايشه علمودهن كلهن رچعلي و لا اراديا الضحكه الي صارلها سنين مفارگتني
زارتني
..... هااا هله... هله ... يمه هله تفضلي اهلا و سهلا زارتنه البرگه
احس گلبي طار من الفرحه حتى الكلام ضيعته
.... رند / هله بيچ فطومه زاد فضلچ يعمري مشتاقين
..... اني اكثر رنوده طبي يمه ليش واكفه بالباب