كمر اسمر .
البارت 16
. شهاب / ضليت بدوامتي والحيل والقوة بدت تتلاشه
گمت اچدي النفس حتى انعش حواسي باوكسجين الله
احس گلبي دگاته تتباطئ الى ان سمعت هلاهل و صوت
هورنات گمت استند بالحايط وايدي ماتسعفني وكلساع اريد
اوگع بس گلبي يريد يشوف بت روحه تصير لغيره بألف يا
علي وگفت و صرت گبال الزفه اريد اشوفهم
هو وياها واشلون كامشها اريد ادوس على گلبي حتى
يطلع زرع حبها منه الهلاهل تيزاب يدخل لاذني و عيوني
تفكر بالعمه ولا تشوف الناس ترگص و تهوس بعرس كان من المفروض عرسي
طلعت هي وياه و هو الفرحه تارسه وچهه وگفت شويه
دخلت بالسيارة اني حتى الرمشه وگفتها مشت من يمي
حسيت روحي انسحبت و وگعت بالگاع بعد ما احس ......
من مگيچوچ باليل عضمي ارتخى و باد
يثاوب العصفور ويشمرني ليغاد
دگوا بابنه و چابولي طاريها
طحت والگاع تدفعني وارد ليها
گالوا عقدت و صخ بالسمه الچگليت
ذيچه الخلصت عمرگ اتانيها
قبلت بابن عمها ومشت للصالون
على الحاضر اخذها و ما تعب بيها
گتلهم بچت دنگوا گالوا لا
نفس گحلتها ما خربت معانيها
اول مره احس يتشابهن بالموت حبل المشنقة
وحچول رچليها
حايط بيتهم سويه دف للراس
حتى دگلي سوالف گصتگ اشبيها
اخذها الما سهر بالرگن تالي اليل
اخذها الما گشط خده بتراچيها
اخذها الما مكشف صدره لهل البيت( عليهم السلام )
اخذها الما نزع ثوبه لبواچيها
اخذها الچان يحلم ينعزم خطار
من باب ابن عمها يطب يهنيهه
ما خلت رچفتي بخور للحيطان
من يوم التقت ايده بسواچيها
الفلح من يلتقون اتحگ رچلها الغيم
تعرف راح تتفرهد سواچيها
هي التجربه التبدي بحبك موت
لازم تنتهي بالموت تاليها
عندچ صورتي احتفظيلي بيها اهواي
و باقرب تنور حطب ضميها +
اخذااها
رحت والعشرة ما عرضتلك بخطوة
مثل عمري انته ما مفتهم شي منگ
ولگ ضلت عليك
الاخو ما مضوون
وانه ماعندي صوت و بيه اصيحلگ
يا بويه و شلعبت لعب دنيه العيب
لعد ترميني وانه الچنت اصد عنگ
وانه اگدر اجرحگ اگدر اچرحگ
بس عشت مجروح
والف وسفه المواقف ما يذگرنگ
و شگد سكتت حد ما گلاني الشيب
بس البيگ هن الما يخلنگ
عيب
العمر مره و كله اخذته وياگ
بالگ بالگ
تره سنيني و علي يعثرنگ
.... حارث / ولگ شهاب ولگ وخر چريته من ايده لان چان واگف مثل التمثال و سياره الزوافيف خبصت الدنيه بالهورن
يردنه يوخر وهذا مثل الصنم من چريته عن طريق السيارات
شو هذا مثل قطعه مال ملابس ما وگف و لا كأنو
عنده رچلين يوگف عليهن گبل وگع بالگاع مثل اي جماد وگع
رگضت عليه احرگ بيه شفت چرح براسه ينزف دم من واگع طايح راسه على گزازه لان اكو گزاز بالگاع وايده وچهه بيها شخوط هم بس بسيطه احرگه ماكو ما يتحرك
التمت الوادم عليه چابوا سياره اخذناه لان حتى نبضه ضعيف
.... ابو شهاب / ولچ بسمه اخوچ بالمستشفى هسه خابرني
حارث يگول واگع ما اعرف شنو كلشي ما افتهمت منه
اني رايح و امچ لا دگليلها خوش
