كمر اسمر
البارت السادس
يا سيداتي
نفخر بگن وانتن لنا قرة العيون
خواتي اجمل شي في ذكرياتي
لو لا النصيب و سنه الله في الكون
ما فارقن عن عيني و حياتي
احمدك ياربي على الستر والعون
لانهن شعر وچهي حياتي مماتي
وهن في عيوني در والدر مكنون
لكن وصاتي ياعيوني وصاتي
ازواجكن في ناظري ما يهونون
الاخ ما يسلى و يبقى يحاتي
و تبقى لعيونه نظرها واشلون
ما كان سميت الشرف يا غناتي
ولا غديتوا عزوه بصوت دندون
گولي اخي واني ارخص ذاتي
من دون ضيقچ ترخص النفس و تهون
واشلون ماافخر في عزاوي خواتي
وعيالهم من طيب راسي يطيبون
.... شهاب / اجه الوقت الي اشوف وردتي يگطفوه من حديقة گلبي واشلون وردة بيضه اخاف عليه من الهوه
الي يهب عالي لا يطخه ومن گطفوه خفت اكثر
اخاف ياذيه خاف يغير لونه بمعاملته وياها اباوع عليهم
يردون يدخلون الولد و اصدقاءه مكيفين واني گلبي معصور
دخل ابوي علمود يسلمه اله شويه
و طلعت بدلته البيضة الي هي مزيده البدله بياض و نصاع و هو كامشه بايده واني گلبي ينعصر اكثر
اخذتني لرجليه ليهم وصلت يمهم بست راسه مبروك يا نظر عين اخوچ و روحه و طفلته
صافحت العريس مبروك عليك وردايتي و ما وصيگ بيه انت سيد و چدك رسول الله
و صلى الله عليه وسلم :: گال رفقااا ... رفقااا بالقوارير
و الي بصفك وردة بيتي و گلبي يعني لو گالت ااخ اني اول
واحد يحس بيه و اول شخص يوكف گبالك واحنه مو من طبعنه
نمدح انفسه بس انت راح تعاشره و تعرف النعمه الي عندك
واني يا خوية ما اوصيك بيه بعد
و اتمنالكم حياة هادئه و سعيدة
ابتسم بوجهي و گال اخليه بعيوني كمشت ايده
و ركبته بالسيارة و نزلت على بدلته عدلته و بست راسه وايده واني اسمع شهگاتها بصوت ناصي
مشت السيارة واني احس الروح تنتزع مني كل ما تبتعد
دخلت للبيت و احسه يصرخ بوچهي
دخلت لكيت كل فرد صافن بحسبه اباله
رحت بست ايد امي و راسه وبعد ما گدرت اضل بالبيت احسه
يخنگني الحيطان تصرخ بوچهي طلعت ضليت امشي بالمنطقة مريت من يم بيت
خالي اجه ابالي ادخل اسلم و صلت للباب واني اسمع غلط وصياح لا يا الله يعني هذا الباب كل ما اوكف
يمه اسمع صياح ادري ما يستحي هل بني ادم
ما يكول اكو جيران ما يحشم واحد هذا اااخ اااخ
اترددت ادك الباب درت وچهي انفتحت الباب مرت خالي
و جنطة و صوت گمر
... گمر / يمه حبابه لا ترحين والله ما اگدر اگعد بالبيت وانتي ما موجوده يمه انتي قابل جديده على ابوي
تدرين بيه ما يتفاهم الخاطري يمه لا ترحين حبابه احچي
واني مگمشه بجنطة اهدومه و دموعي على خدي
... شهاب / كلماته گطعن گلبي دگعط مثل الطفله الي خايفه بنص ازدحام و مچلبه بگشايه صرت گبالي مرت
خالي يمه طبي جوه ماكو شي ما ينحل دخلي الى مو الخاطر
خالي و ولده لخاطرنه اني و گمر دخلي و ما يگون خاطرج اله طيب
