كمر اسمر
البارت 25
... گمر / لعد اني افضل احتفظ بعلاقتي وياك گ اخ افضل
مشكور
كلامه مثل التيزاب يحرگ روحي وگلبي كل حرف يخرج من
حلگه يثقب گلبي گمشت ثوبي حيل و باوعت لوچهه حسيت
هاي اخر مرة اشوف وچهه عيوني توسلت بعقلي الي چان
سيد الموقف بكلامه الي نهى عمل گلبي و لساني الي نطق
و ترجم كلام عقلي كلمة اخ الي گلتها چرحت لساني
حسيت نفسي راح اضعف و ما اسيطر بعد على دموعي الي
رخصن گدام مفرداته و يردن ينهارن مثل روحي بأخر لحظة
سعفني رچلية و گمت امشي بس احس نفسي بدون حيل
الاستقبال صار عليه اطول من عمري گوه و بالموت وصلت
للباب
..... شهاب / گمر گمر لحظة
..... انداريت عليه و رسمت ابتسامه موتي الي دائما تراقفني دائما تغطي الوجع الي ينخر بروحي صارت مثل ضلي مهما اقوى اني و دموعي يضعفن حطيت ايدي على گصتي و بديت امسح دموع ضعفت ما گدرت تقاوم اكثر نزلت ايدي
و مسحت خدودي و حنچي و خشمي حتى اخفي مسح دموعي الي دائما ضعيفه گدام تفاصليه لهيت عيوني عن الدمع واني اخليها تتمعن بمعالم وچهه و طوله رجل بكل مافي الكلمة من معنى فصلت نضراتي طوله الي ينطي اشعار بالهيبه والرجولة والرزانه وگفته حركت ايديه كلشي
اچتافه العريضه الي تحسسني من انضر الها بالامان كلشي
بيه ينبض ويخليگ تنچذب اله و عيونگ تگون اسيرة شوفته
وماتنطيگ حواسك فرصه انو تغض النضر اتيه بسحر رچولتة
عيوني تمادت بالنضر و طمعت بشوفت وچهه الي كلشي
بيه ماخذ مكانه الصحيح مثل لوحة لفنان بذل مجهود حتى
ينسق الوانها و خطوطها و تفاصيلها شعرة الشگر المتوسط
العلو الي بعض خصلات گدلته نازله لچبينه و متلامسه لحاچبه
الي بلون خصلات شعره انفه الي رفيع و طويل عيونه
الي مثل العسل اذوب بحلاتها و لونها و لحيتة و شاربه
قصة لم يستطيع لساني او عقلي وصفها بعد كلشي بيه حلو حتى الچرح اكو طبره بحاچبه ضايفتله چرعة من رچوله ازيد اضيع و خطر على العيون بنفس الوقت والتناقض بصوته يرچف گلبي بحيث اوتار صوته تعزف حنيه و قوة بنفس الوقت
. صحت اسمها ردتها توگف مااعرف ليش او شنو الي راح اگوله الها كلشي مااعرف غير بس لساني نطق
باسمها توها رادت توصل للباب و تروح توقفت لمن نطقت اسمها ضليت مطيتني ضهرها لدرجه گلت راح تمشي و تعوفني دارت وچهها ببتسامة بينت رصعت خدها بس رغم
ابتسامتها عيونها بيها دموع او ما اعرف هي من تضحگ هيچ عيونها
تلمع تحسسك انو اكو بداخلهن براكن من الدمع بس ليش هل دموع و بحرگة سريعة و خدعة تمسح قطرات دمع من نهاية
عينها بحيث تخدع الي يضر الها شخصية عجيبه مااعرف
كلها طلاسم بديت ادنه الها بدون سبب وهي واكفه بمكانها
و عيونها تمشي على كل تفصيله بيه حسيتها مثل الفاصله
ما حاسه بنضراتها وهي تخرق كل جزء بيه و صلت قريب
منها تقريبا ذراع رصعتها مزينة خدها عيونها گبار
و بنيات و رموش عكش مزيدات جمال عيونها
صح بنيه بس صاحبة نضره حاده ادوخ خشمها متناسق ويه
معانيها النازگه حواجبها ثخان و يطخن بيهن رموشها حلگها
صغير و مرسم بطريقة عجيبة ولون وردي بس مو حيل
صاحبت وچهه دائري بخدود ممتلئ و بيها خيط حَمار ما غلط
الي سمها گمر لان دورت وچهه چنها گمر و مزين بمعاني
نادرة بشرتها حنطاوية مايله للبياض و ترفه نزلت عيوني
لطولها زقچه صارت عندي رغبه احضنها واحس بيها اشلون
اضيع بين اديه ضلينه على هاي الحالة مااعرف شگد بس
طولنه حسيت على نفسي اشلون افصل معالم وچهها
صارلي 3 سنين ما اچرأة عيني تنضر ولو نضرة بسيطه
لمره و هسه چاي افصل معالم گمر صار ليش
شنو السر الي بيها واشلون عيني تتمادى بالنضر لغير
فاطمة
سمره وگصيره و يگصر الها طولي
گبالها يا ويله الوگف خيعونه
الهوى يلعب شعره والگدلة ليل
ومن شعرها الليل ماخذ ليله
..... ما راح اعتبر هذا جوابج النهائي فكري و ردي الخبر
من خلصت كلام ادنيت اكثر هي رأسااً ابتعدت طلعت
و اهواي تساولات بداخلي ليش انت مو ما تريد تزوج
ليش هي تيهت بيها و بتفاصليها وين راحت فاطمة صارلك
3 سنين عايش على ذكراها ليش هيج سويت ليش گتلها فكري زين انت تريدها ترضه تزوجك لو لا
..... يله يالغاليه خلي اروح خالي اني انتظر الجواب من گمر
ثيمالاه
طلعت راساً بدون مااعرف شنو دگول امي او خالي اريد
اطلع اريد اترجم الي سويته ويه گمر معقولة نعجبت بيها
لو هااا لا لا اكيد لا اني احب فاطمة وبس بس فاطمة اي
گمر اذكرني لطفولتي لذلك انچذب الها مو اكثر من هيچ
ولا اقل بس مچرد اشوف بيها الطفله الي عشت طفولتي
وياها لذلك اشوف بمعانيها طفولتي مو اكثر
.... گمر
مرحبا اني گمر عشت طفولتي او مو طفولتي و انما حياتي
بأسرة متناقضة كل التناقض
يعني الاب يحب الام و بنفس الوقت يضرب و يهين و يصيح
و وره العرگه يراضيها و يتوسل و يقدم حچچ مثل
اي رچل و يبرر
تصرفاته بانه جان ضايچ او متعارك ويه فلان او حتى ماعنده
فلوس مرات و اهواي تبريرات الي يحاول يقنع زوجته
بيها و بين الام الي هي مصدر الحنان والامان الي المفروض
تكون اني لا امي بارده تچاهي او مو بس تچاهي حتى ويه
اخوتي هيچ ما اذگر فد يوم حطيت راسي على رچلها اله
و خرتني بصيحه اخوتي علاقتي بيهم شبه معدومه واني
ما اعتب عليهم لا الغلط غلط امي و ابوي
همه لو من الصغر يشوفون تعامل ابوي لطيف و امي حنين
چان لا بد انو ياخذون شويه من صفاتهم بس فاقد الشي لا يعطيه
بالعكس چان اخوتي تعاملهم و كلامهم و كلشي يشبه ابوي
و مرات اسوء ما احس نفسي مهمه او الي
قيمة بيناتهم بالعكس اصلا ما يعتبروني موجوده ما اعرف
اني وحدي هيچ احس لو هذا الواقع مرات اقنع نفسي
واكول لا اگيد بگلبهم محبه بگد برودهم هسه
اني چنت سمره حيل لذلك اغلب للوقت لمن چنت العب يصيحولي الچهال الزرگه و يچرون شعري
و مرات حتى ما يخلوني العب وياهم لهذا القب لسه يلاحگني
و مايرضه يترگني چنت طفلة تشرد من مشاكل بيتهم للشارع
حتى ما تسمع صياح ابوها او ضرب ابوها لامها گدامها
ولمن اطلع ما اخلص الچهال يصيرون داير ما دايري
و يصيحون الزركه الزرگه طفلة تريد تخلص من خوف
داخل بيت المفروض يمثل الها الامن والامان بس اني لا
چان مثل الكابوس اريد اطلع منه لمن اطلع حتى ارتاح من ضغط اواچه ضغط اكبر حطيت ايدي على اذني و گعدت
بالگاع و همه مستمرين يصيحون دموعي تنزل
فچأة سمعت صياح بس ما مارگزت بالكلام بعدين بده الجو
يهدأ ما گمت اسمع صايحهم ردت افتح عيوني بس
خفت خاف لساهم موجودين بعدين حسيت على ادين
كمشت ايدي بس ما ردت افتح عيوني شويه و حسيت
انو نحضنت قوي
........... ............... ............... .............
