¥¥ _ گمر اسمر _ ¥¥
¥ البارت 11¥
.............................. 🌾🌾🌾🌾 ......................
هيچ گالوهه ولگ گاطع شجاگ واني بيه جروح ضحگهه الملح
انهجم بيتك على هل حاله هاي اتخلي طعم الزعل احلى من الصلح
ورطه وتورطت گطنه تحبها نار
اشلون ما لون انه ما اعرف الشرح
ردت احسبك طيف ويعدي ويروح وانته مثل الماي تگثر بالطرح
ترضه ما ترضه انت الي والعندي هاي انت سامع گاع
ملتهه الفلح
عايش و مرتاح گلي منين اجيت لهذا يومك عيني ما خاطيه
ليل
ذبلتني وصوفرت كلشي بهواگ تچي وقات اعله النفس
ما بيه حيل
انه ضيعتني السچچ يبن الدلال وانته شو كل سالفه تحط
بيه ريل
حلل الموت بعيني يا موت البخور موت وياي
شعذب موتك يهيل
انه صح گبال عينك ما اطيح دير وجهگ والله
ليشيلوني شيل
............. ........... ............ .............
.... شهاب / يمه هسه تاخذين نسوان وترحين لبيتهم تخطبيه
ما اتحمل بعد گلبي راح يطك صارله3 اسابيع
ما اداوم و حتى على اتصلاتي ما ترد روحي يمه فدوه لطولج
والله النفس ضاگ عليه يمه
.... ام شهاب / صار يا نظر عين امك هسه اتصل على رند
خلي زوجه يجيبه و راح امر على ام گمر هسه
انطيه علم علمود العصر انروحلها بس روح انت هسه على
جامعتك و اكل يمه لخاطري صارلك هواي مهاجر الاكل
و وجهگ اصفر والله گلبي يوجعني من اشوفك انت ابو طول
الحلو چاي تذبل و تصوفر گدام عيوني
..... شهاب / يا اكل يمه يا اكل حتى المي مر بحلگي بخلافه يمه ما اگدر اكل و لا ينوجع گلبچ يالغالية يروح فدوه شهاب
لگلبچ اني كلشي ما بيه لا تخافين بس انتي روحي و چيبلي
الاخبار الي تفرح گلبي يله ثيمالاه
طلعت و احسن توازني مو هلگد و چفن عيني ثگيل غسلت وجهي و توكلت لجامعتي واني عندي امل من ارجع الگه اخبار تفرح روحي و گلبي
.... ام گمر / ولچ گمر يلزريگه روحي شوفي الباب منو ايدگه من الصبح
.... گمر / يمه والله راح تموتيني ليش اصيحيلي الزرگه
والله سويتيلي عقده
.... ام گمر / لعد امچذبه اني هو انتي زرگه ولچ امشي يلفاهيه فتحي الباب
.... گمر / اي يمه رايحه بس وين الولد شو البيت هدوء
..... ام گمر / مصطفى التحق و سعد بالمحل و حويرث بالگاع و محمد بالمدرسة
..... گمر / هله هله عمه شلونج تفضلي زارتنه البرگه توه نورالبيت اهلا و سهلا فوتي عمه البيت بيتچ امي جوه خلي اجيب ماي وراح اسوي ريوگ ريوگچ يمنه
.... ام شهاب / هله يا بعد عمتچ هله بگمرة ولج شنو هل حلا شو انتي يوم يوم يزيد حلاچ و چاي تصيرين بدر واحلى من البدر اكفي بنيتي اگلتيني بالسلام تعاي يمي مشتاقتلچ
شوفتچ احلى ريوگ حبيبيتي تدرين بيه اتريگ من وقت اني
تعاي يا بعد عمتچ عندي موضوع ويه امچ
.. گمر / لا عمه والله ما يصير الى ما تتريگين اني مسويه
گعگ و معجنات و راح اسوي چاي امي بالغرفه احط الچاي
واچي
.... ام گمر / هله هله خيه ام شهاب شخبارچ خيتي البنات اشلونهن شهاب اشلونه ولچ يالزرگه سوي الضيافه
