كمر .. اسمر
البارت التاسع
.. فاطمة / اول ما رجعت من الجامعة واني الدنيه ضلمت
بعيني دخلت للبيت واني كل فكري اشلون اقنع
النوم ايزورني لان ما الي طاقه افكر حتى سلام ما سلمت
امي بالمطبخ عفته و اني خطواتي توديني لغرفتي
... ام فاطمة / عليكم السلام يا بت بطني اعتقد الانسان
العاقل والمحترم والي ابن اوادم يسلم اول ما يدخل
... فاطمة / السلام عليكم ماما اعذريني دايخه من المحاضرات والطريق ما اريد اكل راح انام
... ام فاطمة / واني اصلا ما يهمني الى تاكلين او لا
تعاي كعدي كدامي عندي فد كلام وياچ يله بسرعه وبدون نقاش
... فاطمة / اعرف ما يهمچ بس عبالي حنيتي عليه و صرتي تفكرين بيه و تهتمين بشياء ممكن تخليني اسعد بنت بالعالم
باهتمامج انتي بس لا اشلون تتنازلين لمستوى عائلتچ
انتي اسنام خانم على سن و رمح ما اكو بقاموسج عائله
او زوج او بنت او ولد
.... ام فاطمة / اهووو مو صوچچ صوچي اني چاي احچي وياج بهدوء و عبالي كبرتي بس انتي عبس وياج كل
الكلام لذلك اسمعي مني بعد يومين يچي يزن تعرفيه
انتي
..... فاطمة / واني شنو علاقتي بالموضوع ابن ابن عمتج هو
شلي علاقه اني بس لحظة بس لا ادگليلي تردين تاخذين رائي اذا يجي لو لا
.... ام فاطمة / اكيد لا مو هذا الموضوع بس هو راح يچي
علمود يشوفچ وانتي اشوفيه لان الولد يرايدچ من زمان
وهسه هو تخرج و فتح عيادة وحده و صار عليه اعتماد
.... فاطمة / شنو شنو شنو لا لهنا و كافي رجاء اني زواج ما اريد ازوج سدي الموضوع و بلا زحمه ما اريد احد
يفتحه اني بعدني صغيره مو مال زواج
.... ام فاطمة / اني ما چاي اخذ رائيج بس انطيج علم علمود تحضرين و اليوم وچهچ تعبان سوي ماسگات
ولا تسهرين على الفون
... فاطمة / ماما هاي حياتي مو قانون مال مسأله جايه تقريه عليه ولازم اطبق خطوات القانون
اني مو كتاب رياضيات ولا طالبه بالمدرسه اني بنتج
و ما مفكره بالزواج عوفيني ابوس ايدچ عندي كليه اريد اكملها ومن اتخرج عود ابدي افكر بالزواج اووك ماما
... ام فاطمة / اهاا اظاهر راح اتعبيني انتي ما تردين تزوجين علمود شهاب الي يشتغل فيترچي موو
لو تموتين و اطگين گدامي ماتاخذيه يفاطمة و گولي اسنام
گالت و بالنسبة للكليه بعد ماكو بح و اريد اشوف اشلون
تنكسر كلمتي و ما اطبق قانوني الي ادگولين عليه
. فاطمة / اي احب الفيترچي بس ما اكو شغله ماتعرفيها
عن الفيترچي انو هو احسن من هذا يزن الي دگولين
عليه و من مية رچال لا مو مية من كل رجال على الارض
هم و هذا الفيترچي الي ادگولين عليه قدملي اشياء انتي
ما قدمتيه و يحبني و يحترمني و يخاف عليه اكثر منچ
و عنده احترام الذاته و عاش عمره يشتغل في سبيل سعادة
عائلته و اثبت وجوده و هسه هو مهندس
رغم شغله مأدي كل واجباته و مسؤلالياته على اكمل
وجهه مو مثل بعض ناس عايشة بالدنية كلشي ما تعرف
وتفكر غير بس بالفلوس هذا الفيترچي الي مو بعينچ يسوه
فلوس الدنيه عندي و يسوه طااااااا ✋
