گمر اسمر _ / ....
... البارت 12
¶¶¶¶¶¶ ........................
.... گمت على حيلي بس شبه واگف شفت نفسي ما اگدر
گعدت و گمت اضرب على مكان گلبي حيل
ليش ولگ ليش حبيتها و كسرتني بحبها اااخ يگلبي
شحصلت من حبها هاا گلي ردتها ام بيتگ و هي رادت ابن
عمها ردتها ام چهالك و هي راح تربي چهال غيرك ردتها
سندك بشدتگ وهي راح تساند غيرك ولگ ليش هيچ ليش
ولگ انت كله من وراگ حبيتها و خوش چازتگ وانت هسه ضل
احترگ وحدگ يعني من شهر تدري هي لابن عمها
و هي مستغفلتني لا و فوگاها هي الي تزعل
على اقل الامور و تحاسبني هم ااااااخ اااااخ ولچ بت روحي
يوم يوم احلم تصيرين بغرفتي و انتي هسه راح تنورين غرفة غيري ولچ راح يحلالچ غير زندي ولچ راح تدفين بغير حضني
ولچ راح يشوف الدنيه من عيونچ الخضر ولچ ليش لييييييش
راح ينطوچ لغيري ليش ولچ انتي حلالي وتعب سنين
هيچ بغمضت عين ترحين لحضن غيري ولچ صح فقير
و ما املك فلوس بس املگ گلب يحبچ بكل جزء بيه ولچ
گلب يعشگ كلشي بيچ ولچ گلب يذوب بكل تفصيله بيچ
يالله تعبت ليش هيچ يصير يا ربي كلشي ما طلبت بس ردته
ام بيتي و شمعة عمري طلبتها منگ ورديتني و راح و تصير
بحضن غيري و بيت غيري اااااااااااخ
اااخ گمت اريد اتنفس ضاگ بيه الدنية چلبت بالگنتور و هو
بيه مرايه على طول بابه ضليت ارگع راسي بيه و اصرخ
ليش يا ربي لييييييييش ليييييش ولچ مو حبيتچ بكل ذره بيه
لييييش مو ما شفت غيرچ بعيني ولچ ليييييش مو صرتي نفسي و ضحكتي ولچ لييييييش لونتي حياتي بيدچ الترفه
و سودتيه هم بنفس الايد ولچ هيچ يصير تعاي شيلي
زرع حبچ الي بگلبي و روحي الله وياچ بس تعاي وخري النار
البگلبي والي تنخر بيه ولچ تعاي شيلي
ألألم الي بكل ذره بيه ااااخ يا فاطمة اااخ ولچ صرتي
خنگه لگلبي ولچ اسمچ من يمر بلساني يشفي كل تعب و هم
بيه وهسه اچر حسره وراى اااااااااااخ اااااااخ ولچ بس اريد
اعرف ليش ما حبيتچ خنتچ زعلتچ بكلمه لييييش
احچي و دموعي ويه كل حرف تنزل و اديه اضربه ساعه بالمرايه ساعه بالگتنور واني لساني و گلبي يردد مفردة لييييييش
... رند / گلنه ملتمين وكل وحده تردد دعائه الخاص وندعلي
الله يبرد گلبه وامي دموعه على خده وصوتها مسموع
كلنه نبچي على الصوته المخنوگ و عتابه و حتى شهگات
بچبيه الي من وعيت هاي اول مره اشوفه بهاي الحالة واعرف انو شهاب يبچي لو عنده دموع طول عمره لو مهما
صار الضحگه تارسه حلگه و راسه مرفوع هسه حتى ما يگدر يرفع راسه اليوم البيت تارس البيت بصراخه
كل يوم تارسه بضحگته و شقاه يجوز بس اني لو كل وحده چاي تذكر مواقفه وياه اول ما يدخل اليبت لو مهما چان تعبان
يرگض النه يبوسنه من رسونه و يچر خشم هاي و يشيل هاي
و يفر بذيچ عمره ما حسسنه انو هو تعبان او ضايچ من شي
بس من عرف فاطمة كلشي تغير الضحگه رغم تزوره من يشوفنه بس اقره بعيونه تعب و مرات ألم
حتى السهر صار هو وياه صحبان فززني صوته الي رچ البيت وهو يصيح ليش حيلي مات و جسمي گام يرچف گلنه رگضنه عليه و اولنه امي امشي و ماادري اشلون رچليه وصلتني
امي گعدت و نزعت شيلته و گامت تحچي وياه من وره الباب
..... ام شهاب / ولگ يمه وليد اروح فدوه لطولگ لا تفرفح گلبي عليگ ولگ يمه ادري صعبه عليگ بس يمه
صدگ ربك ما قاسمه الگ و حتى اذا اخذته ما راح تنسعد
ولگ يمه لا تشلع گلبي عليگ اطلع خلي اشوف طولگ الحلوه
يا بعد امگ الخاطري يمه لا تسوي هيچ بنفسگ
... بسمه / ولگ حبيبي شهوبي لا تخليني اطلع هسه وادگ
بابهم وابقه على گلبهم منا لمن يطوگياه بس انت طول بالگ
فدوة رحتلگ حبيبي اهدأء والله مو زين عليگ
..... ام شهاب / ولگ يمه ما يطيوگياه يردون واحد زنگيل
و چيبه متروس يمه ذوله ما يردون الستر يردون
وصخ الدنيه ولگ يمه حتى اميه ما قدمولنه و تحچي ويانه من طرف خشمه امها يمه هاي مو من ثوبنه و ما توالمنه
انت هسه تحرگگ بنار حبها بس يا حبيبي و نور عيوني لازم
دگول الحمدلله على كل حال اني ادري بيك انسان مؤمن
و ما يعترض على حگم ربه
..... رند / امي تحچي وهو گأن فاصل مو يمهم و ساعه يحاچي ربه و ساعة فاطمة و ساعة گلبه و يصرخ بألم
اصلا ما يسمع امي شتحچي شويه و گمنه نسمع اصوات
طگ و تكسير اني حيلي ذاب متت كأن انشليت امي سكتت
و بس دموعه تچري على خدها واحنه لازمين گلبنه التكسر
و صرخاته زدادت وياها زيدت دموعنه و شهگاتنه
.... بسمه / شنو راح نبقه نبچي راح يموت روحه يمه طبي و شوفيه دخيلچ والله اموت اذا صار عليه شي
.... رند / امي گوه توگف تستند على الحايط فتحت الباب هو ما قافله بس ساده بس احنه ما نچرأء ندخل
انفتح الباب و يا ريته ما انفتح لااراديا دگيت على صدري
و بسمه گعدت بالگاع وامي مثل التمثال بمگانها لا مسحيل مو هذا شهاب ملابسه كلها دم واديه مچرحه و گصته حمره و اكو شگ طويل و نازل على حاچبه و الگزاز بكل مكان
و هو امدد رچليه و ساند راسه على الگنتور و يباوع ليفوگ
و كامش راسه بايده واكو قطرات دم تنزل على رموشه
صار هدوء محد حچه بس نشهگ و دموعنه تنزل
صميت حلگي لان ابدي اصرخ عليه و اگله ليش تاذي
نفسك مو من حقگ انت ما عايش بس النفسك احنه كلنه
عايشين على مودگ ...... ......
# شهاب .......
ناسي صوت الضحگه ذكرني شتصير
و مشتهي الموت بگثر ما بيه شوگ 💔
مبري ليش الذمه ما گله الخذاگ😔
هاي عد الله تره يسموها بوگ
الشماته التحسب احساب الگفاي
نزلوا كلشي لقبل بحسابي فوگ
بسوگنه اليرخص تره يسموه قديم
يل بعتني و چنت اضن ما عندي سوگ
انت حبيت و رحت علمني زين؟؟
الگه غيرگ اعشگه نسميه محب ✋
اطلع بنية نسيتگ وامشي غاد
و حالي يسرح و ارجع النفس الدرب 😑
والله ندمان بگثر ما چنت اچيگ 💔
روحي ترفه اشچابها لواحد صعب
المنجرح يقبل باي ثاني يچيي
بالي يقنع چيب اليقنع الگلب
يعني ما بسته؟؟ حضنته تحچي بيه
لا تبررلي بعد صار الي صار
والله ما گارهم اهلك لا اضوچ
گاره افراگ گره شمعه النهار
وهيچي بختي والگه شامت غيرة حوگ
يهزني گون وانسه واطب لغير دار
هناك اشوفن عالم ادگلي انت وين ؟؟؟؟
احنه مو اهلگ شنو انت اشلون جار
وابدي اشگ بروحي يمگن بيه عيب
ملوحه ما بيه برد لو دمي حار
والله مو بيدي الگلب خيرني هيچ
لو احبگ لو احبگ بس خيار
ابيش احلفگ بيه لا غيرها هاي
خلي احلفگ بالوفه العد الصغار
ذبهن براسي بعد وانت شعليگ
اني بعتگ واني مو گد انتظار
........... ............... ........... ..............
.... ام گمر / ولچ خطيه عمتج تمشي و تدعلي الله يبرد گلب شهاب ولچ يمه اشلون عالم شايله خشمه
ولچ حتى تفضلوا ما گالت ولچ تحچي من وره خشمه و على
اعصابه ابدها تطردنه من البيت بس خطيه بتها رحبت و حتى
باست ايد عمتچ وامها عيونها طلعن من العصبيه هاي اني احچي وانتي صافنه گمره خانم
.... گمر / هااا لا يمه وياچ يمه حبيبتي ويا نظر عيني و رويحتي و گلبي انتي اگدر اگلچ شغله
.... ام گمر / گولي گمره شكو
.... گمر / يمه اريد طلب صغير من شخص گبير حبابه لا ترديني
..... ام گمر الى اگدر عليه من عيوني
..... گمر / اريد اروح لبيت عمتي ما شبعت من شوفتها
من اچت ............
