كمر .اسمر
البارت 17
بالگ طلعت توني من الاسر والبيت كله مستنفر واحد يچيب مخده و واحد عصير كل واحد يقدم شي بطريقته الخاصه
+
.... يمعودات شنو السالفه تره مو مگرم امشي واني اخدم نفسي بنفسي يله طلعن اريد انام يله
راوني عرض چتافچن يله
.... بسمه / شهوبي يروحي خلي انام بالگاع يمك خاف تحتاج شي او تريد شي
.... تعاي اريد منج شغله ادني ادنت بست راسها وايدها يا وردة شهاب انتي كلشي ما اريد واصلا كلشي
ما بيه لا تخافين يا روح شهاب كلشي ما احتاج بس ضحكتچ الي مثل البلسم الي و يله طلعي تره انوب تصير مو خوش يله تصبحين على خير
.... بسمه / هههه لا كلشي و لا تصير مو خوش حبيبي طالعه طالعه وانته بخير امووواح 😘
.... حارث / كاعد كبالها وهي اصلا ما منتبها على وجودي تحمد لشهاب على سلامته علمود تلتفت وهي و لا گأنما
طول الطريق وهي بحضن شهاب و كامشه ايده و صلنه للبيت
چلبوا بيه بس ترخصت منهم ودعتهم وهي و لا صدت عليه اجه ابالي اچرها
من ايدها و اكمش وچهه و احط عينها بعيني واگلها
اني هنا كلشي ما ريد بس نضره من عيونچ الي اخذن
عقلي كلشي ما اريد بس گلبي الي اخذتيه من صدري
و گدام عيوني كلشي ما اريد بس حيز بگلبچ الي
كلشي ما اريد بس وچودچ بحياتي ...........
قويه
قوية و تلفت عيوني بسحرها
عليها شگد حلو يلوگ الحچاب
اشلون لا فلت شعرها
.... فاطمة / تمشي السيارة واني اموت بكل دقيقه
اريد الطريق يطول مختنگه من كلشي خاصه من وجود
يزن و هو مچلب بايدي ابدي اچر ايدي واصرخ من گل گلبي
شهاب تعال اخذني تعال ضمني بصدرگ دخيلك
ما اريد بشر غيرگ يلمسني او يطخني دموعي ما نشفن ابد احاول اسحب ايدي وكل ما اسحبها يكمشي ايدي بقوه اكبر دايره وچهي عنه رغم مااگدر اشوف شي هذا اليوم چنت اتمناه
وناذرتله عمر بس مو ويه يزن ولا ويه اي شخص بس ويه
الي علمني و خلاني اتهچه الحب و اعرف طلاسمه
وصلنه لبيتهم و سوا عادات الاعراس المتداوله واني اصلا
كارهه كلشي حتى نفسي اجه وقت دخلت العريس واني
چسمي يرچف مثل الورقه دخل و كل خطوه يخطيها باتجاهي
گلبي ينعصر و وچع بروحي و الم ينخر بعضامي يحچي بس اني ما ارد لو بس اريد اخلص من سماع صوته و فاجاوب ب اي بصعوبة
احس لساني مربط كمل كلشي واني الموت قليل بألم الي
احسه بروحي دموعي ترجم وچعي نمت غطيت نفسي ولميت
و چروحي ويه الچرچف اريد اموت الموت اهون عليه من
الي چاي يصير وياي ضل يحچي و يحرمص علمود اگل اچه
لمس متني جسمي ينفر من لمسته و سويت نفسي
نايمه باسني براسي واني كل الي يچي ابالي صورة و صوت
شهاب ريحته الي مثل المهدء والراحه انفاسه من تصير
على وچهي عيونه الي اشوف بيهن دنيتي شعراته الي اديه
تسترخي وقت تلامسهن اديه الدافيات الي يحطهن على خدودي واضيع بلمسته صدره الي چان الي مثل الوطن
ادفن راسي واحشر نفسي بين ضلوعه واريد ادخل لداخل گلبه و انسه كل الدنيه والصح والغلط و كلشي كلامه غزله
شوفت طوله الحلو نضرت عيونه العسل الي ابدي اتحول رمش صغير من رموشه واتمتع بلون عيونه الي يضيعني
و اتيه بيهن نمت واني اتذكر تفاصيله و گلبي يردد
👇👇
