كمر اسمر

البارت 34♥️♥️

كمر اسمر

البارت 34

.....  خلصت رگضت بسمة چابت خااولي بديت انشف وچهه على گيفي واني اسألة بنظراتي ليش هيچ حالك شنو السبب
....  ام شهاب / هاي انتن شسون برة هاا هاي شهاب اچة حمدلله على سلامتك وليدي و شمعة بيتي

.....  الله يسلمج يالغالية
.....  شبيك وچهگ اصفر يمة وشنو هذا على ملابسك
....  مابيه شي يمة شوية الشمس ضربتني و خشمي نزف قليل لا تخافين وهسه مكسر اني اروح ارتاح چاي امشي لزمت ايدي گمر

.....  انتظر استند علية اني وياك نصعد بدون چدال وخر ايدي و چر چتفي و استند علية و بدينه نصعد و هو  ولا كلمة طلعت من حلگة دخلته للغرفة و گعد على الچرباية
....  وانثنه وحط اديه على راسة حضرتلة ملابس بالحمام و خااولي و رچعت وخرت ايدة من راسة و چريته للحمام
....  و دخلته و سديت الباب و نزلت حضرتلة الغدة و صعدت الصينة فوگ لگيته مخلص و گاعد على طرف چرباية حطيت الصينية بالگاع و چريتة
.....  و خليته يستند على ظهر الچرباية و حطيت الصينة گدامة واشرتله ياكل
.....  مااريد شيليها ماااشتهي العسل
.....  رفعت حاچبي و بعدين خزرته و اشرت على الاكل
....  بوية مااريد لا تخليني اضوچچ لا تلحين
......  الى انت عنيد اني طبعي اصير اعند بعد خوش وبعدين انت شايفك وچهك چنك واحد طالع من الگبر بگفالة وهاي ايدك الي ماتگدر تحرگها اگل شهاب لا تخليني اتصرف غير تصرف
....  شتصرفين بله
.....  خوش انت الي ردتها كمشت الخااشوگه و اخذت من البرياني و كمشت خدة مثل الطفل الي يغصبوه على الدوة و حطيت الخااشوگه بحلگة و راسأ قبل لا يكمل حطيت روبة

.....  بحلگه بنفس الطريقة شوية شوية و بطل گام هو يفتح حلگه وگلته خيارة و ملح خلص كل الاكل و وخرت الصينيه
...  يلة هسه ارتااااح حااول تنام شوية
.....  والى ما نمت شسوين ؟؟؟؟؟؟
......  لحظة خلي انزل الاماعين و اراويك شنو اسوي نزلت الاماعين و وصيت فرح تغسلهن و صعدت لگيته مثل مااعفتة
......  رحت يمة على الچرباية و مددت رچليه و حطيت الچرچف علية و تمدد بصفة وضليت العب بشعراتة
....  ظل صافن علية تقريبا ساعة و بعدين بدة يغفي وخرت ايدي لزمها و حركها على شعرة وتقرب مني اكثر و حضني ضليت العب بشعراتة و هو حاضني قوي
.....  دموعي نزلت على شعرة ماگدرت اسيطر عليهن شوية و نفسة انتظم حطيت راسي على شعره و بديت اخلي
....  بشرتي تلامس شعره ضليت اتفس عطر شعره شوية وعيوني بدة يغيم عليها النوم وخرت ادية بصعوبة و نمت واني اريد چفني يسعفني حتى اكحل عيوني

....  بشوفتة الي لو مهما اكابر او اقرر بس اضعف و انسى كلشي گدام معالم وچهه و شخصة ادية رجعت حاوطت خصري و دنتني علية اكثر دفنت راسي برگبته و نسيت كلشي بعطرة و حضنة و غفيت
.................................  في مكان اخرر

....  احمد / ممكن اعرف منو هذا الي وگف گدامنة حتى تمحين شگي الي چاي احاول اچذبة
.....  هااا    و اني شعرفني منوو
......  فاطمة اني مو طفل گدامچ و شفت اشلون تيبستي گدامه و هو اشلون يباوعلچ لذلك احچي اريد اسمع منچ
.....  احمد يعمري انته شعليك بيه عووفة
.....  فاااااااااطمة احچي وله ليش تحچين اني ادري شهاب مووو
....  هاااا      لا
.......  مو شايفتني مطي گدامچ و تچذبين علية من البداية واني اعرف ليش تردين تچين هنا اسكنين علمودة موو حنيتي
.....  احچي لو چنتي متفقة وياه من يروح المطي لو يطلع تلتقوون واااطفوون شوگگم و محد يدري موووووو
.....  احمد انت شچاي تحچي ترة گمت تخربط
......  گمت اخربط موو منا و هيچ اني اعرف اشلون اتصرف وياچ يعني ما مگفيچ و مو بعينچ بس گليلي بشنو قصرت هااا