كمر اسمر
البارت 38 لاخير
_ اگلة اگف لازم الواحد ياخذ حذرة طار گدامي بيني وبينه مسافة مو حيل چبيرة واكو قسم راحوا وياه و قسم وياي بعدني چاي احچي هو فتح الباب و صااار الصوت
.. اني اندفعت بعيد والصوت بأذني گمت ايدي واصابعي يچرن دم و بصدري چروح و راسي مفتوح رگضت على الجنود
_ مااتوا 4 والبقية مچروحين مثلي مثل ما توقعت حاطين عبوة الارخاء هاي تنفجر اول ما ينفتح الباب
.. خبرنة الوحدة و صعدنه بسيارتنه اني زيف يدي و جسمي ما بطل و صلت بطلعان الروح
_ سولي ايدي و ضمدوا جروحي ضربنوا ابره مهدء و منوم كل الي اچه ابالي اهلي و گمر بعدين رحت لغير عالم
.. گعدت واني چنت احلم بأمي و گمر گعدت مخروع ايدي هاچت علية لگيت تلفوني يم راسي رأساً اتصلت عليهم
_ گمر / كلها نامت بس اني ضليت متانية عمتي وصتني اول ما يتصل اگلها لان راحت ترتاح بالغرفة واني حاطه الموبايلات
.. بأيدي وافتر شوية و هز الجهاز و بدت رنتة تعلن عن وجود اتصال گلبي رفرف من شفت اسمه و رقمة ايدي بدت ترچف و گوة طلع الحچي مني
_ أ ااالو
.. هلة بگمري الاسمر
_ شهاب اشلونك انت زين خو ما اكو شي يوچعك يأذيك گولي حباب
.. ههه ولچ باباتي انتي ليش
تبچين كلشي ما بية لا تخافين مو چاي احاچيج كافي بچي ولچ
_ شهاب لا اچذب علية ادري بيك حتلو متأذي ما تحچي بس بداعتي گلي شنو الي يوچعك
.. گمري ماكو شي بس ايدي واكو جروح بجسمي و راسي و شوية هسه ايدي توجعني طبعا راح اسدة ولچ بابة لا تبچين
_ اني اخر واحد يستاهل تنزلين دموعچ علمودة و هسه گليلي امي اشلونها اهلي خو ما سووا مثلچ
... كلنة زينين و عمتي گالت اذا اتصل گليلي
_ لا عوفيها اني اصلا اطوني اجازة يعني باچر يمكم عوفيها خاف نامت وبعدين الصبح بقالة كم ساعة و يطلع شعندچ لسه گاعدة
.. اشلون يچيني النوم واني ما مطمنة عليگ اشلون چفني ينسد واني ما سامعة صوتگ جنت متانية اتصالك
_ الله شنو هل حچي الي ينگط عسل هسه اني طبت و صرت تمام و هسة يلة بسرعة فلي شعراتچ الحلوات ونامي على الچرباية
.. و خلي التلفون بأذنچ و غمضي عيونچ الي يذوبن و ارتاحي خلي اسولف قصة لاحلى طفلة يلة تحرگي ادري بيچ لسه واگفة بمكانچ وفاگه حلگچ
_ يحچي واني ما مصدگة چاي اسمع صوته من گال ضالة واگفة و فاتحة حلگج شفت نفسي صدك مثل ما گال
.. شهاب ترة ازعل
_ لا لا بطلت كلشي ولا زعل طفلتي يلة على الفراش بسااع
.. رحت للفراش و غمضت واني اسمع صوتة و كلماتة الي تبث الامان والهدوء لروحي
_ بديت احچيلها قصة لان ادري گلبها راح علية مرات استحي اباوع بوچهه اشوف نفسي مااستاهلها و اذيتها هواي ضليت اسولف منا لمن بدت انفاسها تنتظم سكتت و ضليت اسمع عزف انفااسها
..................................... في مكان اخرر
.. فاطمة / منتظر حالتة يرثى لها عدواني بشكل لا يطاق خلينا بمركز و بين فترة و فترة انزوره
_ امي حالياً مقعدة كلشي ما نفهم من كلامها بس تصيح و تصدر منها مفردات ما مفهومة حالياً گاعدين يمي
.. ابوي انكسر ظهرة على منتظر من مركز لمركز و مراجعات امي ترك شغلة و ضل يهتم بأمي الي اني موجودة و يمها و قايمة بواجباتها بس
_ ما يقبل و مخليها دائما تحت نظرة و يداريها مثل الطفل لان كلشي ماتگدر اتسوي حتى حاجتها ماتگدر وحدها الة واحد يمها
.. جنوون فرحة البيت مونستني بسوالفها احمد بكل شي وياي حياتي مستقرة نوعاً ما بس مرض امي و حالة منتظر
هادة حيلي ابوي گبر 20 سنه من ورة هل موضوع
_ احمد حبيبي اريد اروح لدكتورة نسائية
... ليش يعمري بيچ شي شنو الي يوچعچ
_ علكيفك حبيبي ما بية شي بس انو عددنه راح يزيد
.. شنو شنووو يعني اشلون ما فهمت
_ يعني اعتقد اكو فد روح صغيرة بداخلي
.. لا بربچ صدك تحچين ز زز ين اشلون هيچ حسيتي شوف اني حتى بعد مااچمع ولچ ماصدگ راح تچيني ملاك مثلچ و بية دمچ
_ رگض علية و شالني و يفر بيه ولگ راح اوگع نزلي يا ضرب رامه الرچال
.. ولچ تعاي منو الي ضرب رامه هاي عليها حشم وانتي مو گدها
_ اي يا حبيبي اچيت توگعني چاي احچي شو هذا چرني للغرفة هاي شبيك حبيبي
.. مو اني گتلت عليها فصل و هسة اريد فصلي
_ شنو الفصل الي
.. چاي تحچي بعدها ما مكمله اخذت عسلي منها ضليت مچلب بيها و امشي للچرباية وگعتها على الچرباية و صرت فوگاها واني اخذ فصلي من جسمها بهدوء و رقة
_ و هي خنست چوة جسمي صرنه روحين بجسد رحنة بعالم بعيد و خالي من البشر 💏💏💏
.. و بعد فترة اچرأة واتصلت بس رند هي صديقة طفولتي قبل كلشي تعاتبنه و تبادلنة الاخبار و الحياة شلعبت
بية
_ بعدين بدة علاقتي ترجع مثل قبل بيها حتى گامت تزورني
واني ازورها طلبت منها احچي وية گمر
.. و هم صار بيناتنه كلام بس رسمي و اني اصلا چانت علاقتي بيها محدودة مو مثل رند
( بعد مرور تقريباً سنة)
................................ في مكان اخر
گمر / نايمة وادين شهاب محاوطاتني واني دافنة راسي بموطني رفعت راسي شوي وكمت امشي رگبتة خشمي طخ
.. تفاحة ادم رفعت راسي اكثر و صلت الحنچة بعدت وچهي شوية شهاب يلة گوم كافي نوم هسه نلگة رند چوة
_ اگعد مشتاقة لانا بته
.. اممم اهمم اي گعدت بس شوية
_ هي شنو الشوية اذا ضليت صدگ تقصفنة رند ليفوگ و اله اگلك ضل نايم اني راح انزل
... گمت گمر ممنوع تنزلين وحدچ واني موجود خوش باباتي
_ يله لعد انزل
_ گعدت و سبحت و گمر منتظرتني اكمل حتى ننزل سوة گمشت ايدها و نزلنه لگينه لانا بحضن امي و البنات يسولفن
وية رند
.. صباح الخير صبحچ الله بالخير يالغالية
الكل / صباح الخيرات هلة بشمعة بيتي صباح الانوار على وجهك يمه
_ شلونج رنود
.. هله بالغالي زينة وانت اشلونك
_ هاي شنو الشمس الي حاطتها بحضنچ يمة شو اطيني خلي ابوسها هل كيكة هاي
... اخ اخ شوف الخدود شنو هاي اليوم اگلها هل كيكة
_ رند / شهاب عوفها و البوس الهواي يسوي حساسية
... ام شهاب / سودة علية يمة ان شاء الله يچي اليوم واشوف چهالك بحضنك و تشمهم مثل لانا
... گمر / شهاب حاط لانا بحضنة و يبوس بيها و يلاعبها و هي تبتسم ابتسامات خفيفة يخبل منظرهم رحت يمه واني ما تطيني من كيگتك انطينياها شوية
_ ماكو ماكو هاي بس الي حبيبة خالها اويلي على الخدود والحليگ العنون يروح فدوة خالچ لخديداتچ
... رند / والله خوش گاعدين و ياكلون ببنيتي چيب چيب هاي بوستها غالية
... اچت رند واخذتها من حضني گمر برطمت لان مااطيتهيا وبعد رند ما تطيهيا
_ يمة اني اريد مثل هل كيكة راح اسوي اعتصام
... ام شهاب / ههههه يمة چا اني شعلية ودگلي روح گل لمرتك و سوي اعتصامك بغرفتك
_ شهاب / لزمت ايد گمر و چريتها يلة امشي
... گمر / شهاب يحچي وية عمتي واني حرت وين اودي وچهي من الخجل شوية و شهاب چرني ووين شهاب
_ گومي اريد اسوي طفل
.. شنو 😮😳
_ هم راح تصفن و تفگ حلگها خلي اني اتصرف احسن
... گمر / يگلي اريد طفل متت الخجل وضليت صافنة علية واحس وچهي گب من الخجل شوية و شالني ليفوگ ضميت وچهي بملابسة وصلنه للغرفة دفر بابها برچلة
_ و نزلني و راح سندة واچة قريب علية حط ادية على وچهي وبدة يتلمس بشرتي
... شهاب / گمري الاسمر احبگ
_ گال احبگ واني گلبي صار بية صرع من الدگ باوعت بعيونه وضحگت هل كلمة صارلي دهر انتظرها
يچف حبر قلمي و يتوقف و يكتفي بهذا القدر اتمنى ان تكونوا قد استفدتوا لو بقدر قليل من حداث و حبر قلمي
( فاطمة صار عدها طفل جنسة ولد سموه مصطفى و گمر و شهاب ارزقو بطفل سموه أمير و حارث رفضته بسمة من اتقدملها )
النهايه...
