كمر اسمر

البارت 23♥️

كمر اسمر

البارت 23
.... يمه اروح فدوه لحبييت اخوها و الي تفكر بيه احم احم اخذتلها تحيه اعذرني سيدي نسيت حااضر تدلل من عيوني
جبار ابو المولدة اقصد سيدي بالخدمه اني
..... البنات / هله هله هله 💃💃💃💃💃
..... يله بسرعه چهزن نفسچن راح اخذجن للمطعم نتعشى
وبعدين نفتر وشتردن تشترن بكيفجن بس بسرعه
لان هم يله الحگ

...... البنات / امووووواح تدلل يا احله اخ بالدنيه
..... امشن وووولن مصلحچيات هههه
راحن و گامت وحده تردم بوحده رحت يم امي يله يالغاليه
جواريبچ بنفس مكانهن
.... اي يمه نفس مكانهن

..... امي تحط جواريبها بمچر خاص وحدهن اخذت زوج ورحت لبستها و بست ايديها يله جهزي نفسج حطي كحل ومن هذني
الي يحطنهن النسوان اريدج اتصيرن احله وحده

...... يا يا ولگ اني وين الگحله القطار بعد فاتي هاي هي جاهزه بس البس عباتي وكاافي

..... هههه ليش يمه فاتج القطار بعدچ برحيه و الصاكه مالتي عمي انتي شايفه نفسج بالمرايه غير تخبلين
الخدود تفاحات حمر والوچهه گيمر والعيون دگول عيون غزال
وبعدين يمه لا تخافين الى فاتچ القطار سيارتي موجوده وتكسيات هم اكوو نصعدچ و تلحگين
..... ههههه ولگ انت ما تبطل سوالف خچلتني
..... يالغالية اني متعمد اخچلچ حتى اشووف خديداتچ وهن يصيرن حمر يمه غير اموت عليهن انتي صاگتي بس اني
و محد وياي حتى هذا رچلچ الي نايم و زعلان مني ما يشارگني بيچ
..... خايب اسكت اسكت و بعدين ابوگ هسه عوفه خلي يرتاح و صالحه
.... من عيوني خادم عنوني اني الچ و لابوي
.... البنات / يله احنه جاهزات
..... يله اخذتلها وابوي ما رضه يروح رحنه تعشينه و فترينه
بالسوگ لمن رچليه وگعنهن وهن يردن يفترن بعد گوه
حطيهن بالسياره تاخر الوقت يله رجعنه وهن متعودات ينامن
من وكت لذلك نامن بالسيارة اني هم ما اطاني گلبي اگعدهن
دخلت السياره جوه و شلت وحده وحده نيمتها بفراشها واني
هم رحت لغرفتي

مرت الايام والاشهر و صار سنه ونص واني ايامي تشابهه
خاليه من حركه او حدث گوه عايش اچذب الى اكول
نسيتها او گرهتها او ما احن الها لا ميت على شوفتها
مشتاق لصوتها لانفاسها لكلشي بيها عندي صورة الها اطتنياها من چنه بالجامعة هاي الصوره من اطلع لو اروح
للدوام بمحفظتي و باليل بحضني ما اتعامل وياها على انو
هي صورة لا لمن يدگ بگلبي الشوگ اسولف وياها
صارت كاتمه سري و دموعي

مر بثنينهن گربگ والفراگ
و عجيب انته بمرارك ولعتني
لا اني العايفگ لا باقي وياگ
ولا عندك ضمير وساعدتني
اچيلگ يمنه يسره ادور وياي
وعلى الحبلين خايب لعبتني

..... ام گمر / ولچ كمره يمه تعاي بسرعه ولچ يالزركه
شعندچ گاعده يم الشباگ المشعول بس اريد اعرف شكو
بيه هذا الشباك حتى ارتاح وينچ يالزرگه