كمر اسمر
البارت 15
ابو گمر / هي شنو بعدها زغيره انتي شگبرج من عرستي مو بگدها وبعدين تدرين بيه الخاطرج مخليها اداوم
لو يرجعلي الموضوع تدرين بيه ماعندي بنات تدرس اني +
... ام گمر / الله كريم بس الى ما قبلت ماكو غصب
.... ابو گمر / اني الصراحه ما عاجبني الولد حيل صح اخلاقه زينه بس اهلى ما ينچرعون بس البنيه الستر احسن الها
والى ما قبلت وبعدين اجت قسمه احسن من هاي تره اني ماعندي بنات ضالات بدون زواج ازوجها واخلص من همهه
.... گمر / اسمع حچيهم الي يحچون بيه بصوت مسموع و واضح و نفسي يضيگ و جسمي يرچف ويه خوفت گلبي
اموت الى صرت لغيره رگضت لمكاني الي ارتاح بيه
واني اترچم وجع گلبي بدموعي .........
اچيت اعزمكم على عرس فاطمة البارحه الحنه و محد اچه فأچيت اليوم بنفسي اعزمكم لان انت
تدري انتم كلش عزيزين على فاطمة وانت زميله بالكلية
فدگول وگفات وياي مال اخو ما انساها و دائما تسولف
ل يزن عنكم فهو اصر على حضوركم اتمنى تحضر لعرس زميلتگ
.... مبروك خاله و تشوف كل الخير ان شاء الله اچي ليش لا
.... يله اني اروح تدري عندنه عرس و خطار و البيت يحتاج
الي يديره اچيت اعزمكم او اعزمك انت اهم شي
.... اي مشكوره وصلت العزيمة و مبروك مره ثانيه الله وياچ
راحت واني سديت الباب و گعدت بالعتبه مال الباب لان احس
رچليه انتهن ماكو اصلا عندي رچلين دماغي توقف والدنيه
تفتر بيه صح چنت اقنع نفسي و گلبي انو الدنيه قسمه و نصيب بس ما چاي اقنع بت روحي تصير لغير امنية سنين
يحققه غيري فرحه مراهق اخذها مني غيري دنگت راسي لان
احس خدر صار بيه لزمت شعري كل قوتي اريد احاسب
عقلي و گلبي قبله اريد عقلي يطلع الافكار الي تچي من
ينجمع هو وياها اول شامت صار عليه عقلي الي يلومني
على حبها احس صار تناقض بداخلي صار صراع عقلي يعلن
الحرب ويشن على گلبي الي لسه يدافع الها وايدي احسها
اصلا من ذاتها تصرف واتشد على شعري احس ايدي
ما تتحمل الصراع الي بين عقلي و گلبي و رچليه اصلا ما الهن موقف بس توقفن عن العمل الناس تمر و تسلم واني
ما اگدر احرگ حتى ايدي علمود ارد السلام
ضليت على هاي الحاله ماعرف اشگد بس الى ان رچليه سجلت موقف و ودتني گبال بيتها گعدت گبال بيتها مسافه
حتى لا الفت الانتباه الدنيه ظهر احس گامت ادگ حرورتها براسي بس مو مثل الحروره الي بگلبي ضليت صافن على الباب واني اذكر كل لحضة مرت واحنه سوه و عقلي ينتفض
ويذگرني شراح يصير اليوم اليوم راح يعلنون الاعدام لانسان
كلشي ما راد بس حلال الله راح يوگفون دگات گلب كلشي ما
راد بس حلم مراهقته اباوع للباب و كل جزء بيه گام و يريد
يسجل موقف يعبر عن احساسي صوتي يريد يصرخ بكل ذره
قوه عنده بوچهم ويگول هاي مالتي اني احق بيها اديه اتريد تفرغ غضبها بكل شخص يوگف بوچهي و يبعدني عن بت روحي عقلي يريد يعاتب بيها و يچرحها مثل ما چرحت گلبي
روحي تريد تاخدها بين ضلوعي و رچليه تاخذنا لمكان ما بيه اي بشر عيوني تريد بس شوفتها خشمي يريد عطرها
بشرتي تريد تلامس بشرتها و الاهم من هذا كله گلبي يريد
يحضن گلبها و يشبع منه و عقلي يريد يمر الوقت علمود تاخذها الزفه حتى يصدگ گلبي الي لسه يدور امل و يصير
شي و ماتكمل زفتها
