كمر اسمر
البارت 29
مرات يلچمني واگولن خلة
يزعل عليه خايف و هل ماگله
ولا عندي غير انسان اگضيه وياه
ولا رفگه ضلت حتى بيها اتسلة
يفشلني
يفشلني چدام الشماتة واغتاض
و ارجع واراضي وانه عيب مزعلة
كل هذا
بس مافكرت بيوم انساه
صح سوده بس بالعين حلوة الكحلة
هذا انه اليبوس الرسايل وينام
مالات امس والبارحة والعام
و هذا انه الي بدموعي بچيت الباب
الحسبالي هم مثل الناس عندي احباب
هنيالة ما حسب شصار بخلة
نايم رغد عد امه بنص اهله
مو مثلي ذبني الوكت مدري بيا صوب
و اطشرت والحيل خلص كله
بالعافية اعلية
انة الف حيل وياي
خلي انوحن وانحب واسهرله
مادام اذيتي تريحة خلي مرتاح
هو انه چبت العشگ ذلة بذلة
لازم يحط بالي چوية و لچمات
العشگ لو ضل بس ضحگ ما يحله
لازم يذلني الگبلة ذلوني هواي
چا هو وحد صفحه ما يفتحله
الصوچ بيه الناس ما بيه الصوچ
التعب انه الچبته ما اچه برچله
ما عندي عرفه وصرت سچه لكل ريل
اليسحگ اعله اضلوعي باقي انطرلة
وهل ضال انه متيه وهد سكران
لا هو هدني ولا انه دربي اندلة
معلگ صرت لا للسمه ولا للگاع
لا فرچت ولا موتتني العلة
تنهضم لمن تنجرح وانت انسان
اسلاحك ل الله كريم و سهله
و تنهضم لو شفت الغريب يغليگ
و يرخصگ البيدك الزاد اموگله
تالي اعرفت الي يچر عدل ويه الناس
مكروه يصبح والگلوب اتمله
واعرفت ليش الزرع مرات يخون
چي يدري من يگبر صديچه يگتله
بهذا الوكت اليريد يجمع صحبان گلوله خل يجمعله ماي بسلة
.... گمر / كاعدة و اني تتملكني الرچفة على خيبة امل على خوف من ردت فعل شهاب توتر احس نفسي بداوامة
اباوع للنسوان كلمن حايرة بروحها و بداخلها اشياء صعب
تتفسر من الظاهر تعمقت بنضرة عيونهن يا ترى هل مخلوقات او البشر اجمع شنو اكو بداخلها قسم منهن على
وچوهن ابتسامة مصطنعة مثلي ابتسامتي والي وراهاا براكين من االاوجاع يعني قسم حياتهن وردية و قسم اخر
سوده و بعضهم نص وردي و اسود ضليت اسأل نفسي يا ترى
هم اكو مثلي من الموجودات هم اكو بيهن حست الي چاي احسه بهاي الحضة و يا ترى شنو يتنظري بعد واني راح اعيش ويه انسان بس يتنفس لا اكثر ولا اقل من بداية الامر
و هو ما عندة مشاعر او قافل على كل بيبان مشاعرة و گلبه
شوية و علة صوت النسوان واني يحرگون بيه ما اعرف شنو
فصلت واني خايفة من اللحظات الي چاية حسيت مااعرف حطوا على راسي و ايديه و چسمي فز لملامست رچلية للمي
حسيت اكوو بداخلي براكين تحرگ روحي خوف كلساع اتخيل
يعله صوت شهاب و يصيح مااريدها و صوت ابوي ينتفض لحچيه و تعله اصوات الزلم كلمة ما اريدها صارت مثل الوشه
باذني فصلني عن كل الاصوات الي داير مادايري گمت مااسمع بس صوت شهاب و هو يردد كلمة مااريدها مااعرف
شگد فصلت عن الواقع بس حسيت على گرصه بزندي
و چانت مثل الضربة الي دگول لعيوني استسلمي كافي خلي
ينزل شكو ضامته خلي ينزل كل وچع گلبي كافي باوعت
واريد اشوف من گرصني لگيت امي ادفع بزندي من ورة
وبين دفعاتها گرصات و تحچي وهي صاگه عله سنونها حتى
لا يعله صوتها وهي دگول
