كمر اسمر

البارت 31♥️♥️

كمر اسمر

البارت 31
.. اكلچ حسيت نفسي اميرة لو لا حسيت نفسي طير و چان بقضبان القفص و من عقدت و كم كلمة حلوة منه خلالني اطير
+
.... واني ارفرف بجناحاتي واتمتع بربيع حبة الي كلت خلص
راح يبلش ربيعي ويااه
.... اكلچ كصگص چناحاتي باهمالة اكلچ ظلت روحي تفرفح و هو ولا يمه اكلچ بنات خوالي يسالني زوچچ يحاچيچ شنو گلچ
.... شسويوا شچابلچ شكد اطول مخابرتكم واني حتى رقمة ماعندي شكلچ كله يهوون اكلچ اعرف اخبار زوچي

.... منكم و گلت ميخالف واقنع نفسي انو عنده دوام و كلشي بيه يبررله اكلچ عمتي مستلمة كلشي و هو ولا يمه
اكلچ بعد العقد ما شفته او لا مرة گلف نفسة و خابر و گال هاي محسوبة مرتي گدام الله والوادم

.... اكلچ بيوم اچاني قبل العرس باسبوع نسيت كل هذا و روحي تفرفحت على شوفته و سماع نبرت صوته و گلت ذگرني اچيته و گلي ولا گيته مثل الطفل الفرحان بچيت العيد

.... تدرين بيومها اطاني علاگه صغيرة تدرين شبيها تدرين لو لا چاوبي

..... بسمة / شنو بيها
..... ههههه گتيلي شبيها تدرين ما فتحتها ردت استغل كل ثانية بشوفته و ياه و مااضيعها بامور ما تسوه بس تندمت لا
..... ما گدرت اردله الاهانة الي اهانيها بلي چاايبة عضيت اصاابعي ندم لان كل فكري بيه و هو فكرة بغيري
.... بسمة / شبيها ولچ مرمرتي گلبي
..... لعد اني شگول الموت زارني واني افتحها واشوف بيها عدسات لونهن خضر و كاتب اريدچ تگصين شعرچ لچتافچ

..... يعني يريد يشوف بيه فاطمة تدرين شنو حساسي واني اشوف حبيبي لا مو حبيبي ابوي و امي و اخوي و عمري كلة

.... يريدني اصير نسخة عن حبيبته القديمة الي كلشي ما يگدر ينطيني حتى وقتة ما يگدر يشاركني بيه بسببها
.... لا و هذا كله هيچ و بيوم العرس الي هو المفروض يصير مثالي لكل عريس و عروس تدرين اني شسوون من زفوه للغرفة

..... بسمة / كاافي يعمري انتي ما يستاهل دمعة من دموعچ كافي ولچ راح تموووتين لا تگملين اهدائي شوية

..... ولچ خلي اموت عاد هي موتة وحدة واخلص احسن من كل دقيقة تمر واني اموت تعبت تعبت ولچ نار بگلبي تلهب
و تاكل كل جزء بيه ولچ اكو غصة بلعومي دا تأذيني
...... بسمة / ليش ما تحاسبيه ليش ساكته انتي زوچته والچ حقوق علية
...... ولچ يا زوچة هاي الي تحچين عليها ولچ بيوم العرس دخل ولا كأني موجودة گال مبروك و بدل و نام و ثاني يوم
التحق للدوام يا حقوق الي چاي تحچين عليها هاي وهو اصلا

.... ما معتبرني موجودة و كل هذا و دست على هذا الي بصدري و گلت ميخالف صعبة عليه و يچوز چرحه بحبها بعده رطب

..... ولچ يضل 20 يوم بالدوام و لا يوم يگول خلي احاچي هاي المطية الي يصيحولها مرتي ولچ يومية يخابر عمتي

.... و ما يگلف نفسه يسال علية ولچ عمتي اچذب عليه وادگول سأل عليچ و يگول مشتاقلها واني
.... ادري لو احترگ ما يسأل علية ولا يهمه امري ولچ كل عريس يسوي كلشي يگدر عليه حتى يضل يم عروسته واني يشرد و ينفر مني