كنت فرحاانة شدييييد بالمشوار وم عارفة الحيحصل شنوو😢😢....
اتحركنا وطول الطريق كان بضحك فينى وبحكى لي عن مقالب الامتحانات لمن امتحن وكدا...
وصلنا مطعم كدا فخم شووووديد حاجة كدا تحفة❤❤نزلنا وكان ف شلة اولاد داخلين ع المطعم انتبهو علينا طوالى اب لحية مسك يدى❤❤احيييييي ي قلبى😂❤حسيت بالمسكة دى ف مصارينى😂😂وعاين لي وابتسم وقال لي يلاا...دخلنا وقعدنا ف الطابق الاول ...الاضاءة كانت هادية شدييييد ونحنا قعدنا ف الاتجاه المقابل للشارع طوالى وكان قزاز والوقت عصر ومغيم كداا❤❤❤منظر رهيييييب يااخ...اب لحية قال لي نطلب شنوو...قلتا ليهو كالعادة بيتزاا هوت دوق😊😊😊طلبها لينا وقال لي م نفسك ف حفلة😂😂قلتا ليهو لو عارف مكانها ارح ودينى خلينى نهجهج فيها قبل الامتحانات😂😂قال لي اصبرى بسس السنة دى ح اتخرج وبعد سنتين اخوك حيعرس والحفلة ح تشتغل اسبوووع😉😉
م قادرة اوصف احساسي الموووهم نفسى قفلت من الاكل ونسيت الامتحانات والنفسنة😢😢😢ودموعى حابساها بالعافية😢😢قال لي يعنى م فرحانة لي😒😒قلتا ليهو بالعكس ف زول م بفرح لأخوهوو❤😊بسس عرفنا ع العروسة ...قال لي ح نعمل خطوبة بعد تخريجى طوالى وحتعرفيها😊😊
جابو الاكل واصلا انا بطنى قالبة💔💔وقرفتاا من كل شي..قلتا ليهو انا م عايزة قال لي نعععععم😒😒
تاكلى ولا أكلك غصبا عنك😒😒قلتا ليهو عندى طماام😢😢قال لي م بعرف تاكلى بسس وانا متأكد دا حنك منك😒😒
الموووهم اكلتاا غصبا عنى والاكل واقف لي ف صدرى ابا ينزل كلو كلو💔والعبرة خانقانى😢معقوول مفكر يخطب السنة دى بعد تخريجو😢😢وانا البانية عليهو احلامى وانا المستندة بيهو💔
قام قال لي فطوومة افردى الوش دا يااخ انا جبتك م عشان تزعلى ...جبتك عشان المعنويات تتصلح😊😊وتشتغلى فل ي عثل❤...قبل ارد ليهو اسمع صوت جاي من وراي...صوت بت قالت ليهو وكمان خالط بزهج كدا😒😒😒قام من الكرسي وسلم ليها وقال ليها اهدي دى بت خالتى او اختى الصغيرونة❤ نازلة امتحان شهادة الاساس وطلعتها اصلح ليها نفسياتها😊😊😊جاتنى مدت لي يدهاا قالت لي ي هلاا بالامورة😊❤❤سلمت ليهاا وقعدت معانا..اب لحية قال ليها الجابك شنوو...قالت ليهو صحبتى اتصلت لي قالت لي عازماك ولمن جيت لقيتها معاها حبيبهاا وي بخت عينى الوقعت فييييك يعنى م حاقعد براي وضربو يدينهم مع بعض❤❤قالت ليهو شنوو ي بيبى م حتجيب لي اكل😒😒قال ليها اجيب ليك عيونى ❤❤وقلبى وروحى❤❤قالت ليهوو ديل كلهم خليهم معاك لحدى م نتزوج وباخدهم منك بس اسي عايزة اكل😒😒
انا خلاااااااص بقيت اشوف طشاااش وكأنى م فقدتا السمع بعد كلمة نتزوج دى😭😭😭😭😭😭😭😭😭قمتاا قلتا لمحمد انا ماشة الحمام....ولفيت وشي لانو دموعى جو جاريين😭😭نطت البت قالت لي وبرضو ف ألعاب ف الحديقة القدام المطعم لو عايزة تفرفشى لمن نخلص😊😊❤❤هى قالتها بكل عفووية لانو ف نظرهاا انا لسسة شافعة ومعتبرانى اخت محمد💔💔
دخلتا الحمام وفكيت البكية اخدتا قريب ربع ساعة ببكى غسلتا وشي ولسسسة الدموع م خلصوو..
كنت بقول لنفسي معقول محمد مرتبط💔💔معقول بحبهااا💔وانا من فتحتا بحبوو يعنى م حساا بشي تجااهى...ولا حتى حبى ليهو دا معقول م لاحظوو😢😢..انا م بيدى حاجة من قمتاا لقيت نفسي بحبوو😭😭ي رب انت الخليتنى احبووو وهو م حاسس فينى..يارب كرهنى فيهووو ي رب💔😭
غسلتا وشى ولسسة دموعى جارية نزلتا مشيت ركبتا ف العربية...قريب نص ساعة وانا ببكى راكبة قدام ومدنقرة راسي ع رجلينى وببكى...
باب العربية فتح اسمع البت بتقول لي لو سمحتى ي عثولة ممكن تركبى وراا قشيت دموعى ونزلتا ركبتا وراا والبت ركبت ف مكانى....محمد ركب عاين لي بالمرايا انا طوالى اتلفتا ع الشبااك وقفلتا اضنينى باصابعى عشان م اسمعهم😢😢كنت سارحة ودموعى جارية لحدى م وقفنا ف مكان كدا البت نزلت ومحمد كان بنادى فينى بس انا سارحة وم جايبة خبر😢😢😢فجأة جا فتح الباب الانا متكلة عليهو وكنت ح اقع بس هو ثبتنى ..
لمن عاين ف وشي شاف الدموع ...م عارفاهو فهم شنوو المهم قال لي انزلى اركبى قدام..قلتا ليهو هنا مالو ف شوك..قال لي بنهرة كدا فطومة انزلى اركبى قدام😒😒قلتا ليهو ولمن البت نزلتنى ليه م نهرتهاا😊😊😊 م قدر يقول حاجة وقفل الباب اتحرك..
وانا لسسة سرحانة كنت متمنية يااخ لو م عرفتا محمد💔 معقول هو م عندو قلب بحس💔م عندو احساس..قطع تفكيرى تانى لمن فتح الباب الانا متكلة فيهو وقال لي انزلى..كشفتا لقيتو شارع النيل..
قلتا ليهو وصلنى البيت ولو عندك موعد او قعدة تعال ليها😊😊😊قال لي عايز اقعد معاك انتى...قلتا ليهو قعدنا ف المطعم كفاية ...وانا وراي مذاكرة فلو سمحتا رجعنى البيت😊😊قال لي انا طلعتك عشان نفسيتك تتصلح بس شكلها اتعكرت ذيادة..قلتا ليهو لو عايزها تتصلح رجعنى البيت...
وفعلاا رجعنا وطول الطريق كان بعاين لي بالمرايا وانا عاملة رايحة لحدى م وصلنا البيت ونزلنا وكنا داخلين سواا فجأة لقينا
يتبع
