ف يوم جمعة قاعدين كلنا بعد فطرنا انا كنت بعمل ف الجبنة ..اب لحية فاجئنا وقال لينا بما انو كلكم قاعدين فحبيت ابشركم انو جاتنى منحة للماستر والدكتوراة ف ماليزياا لانو انا اول الدفعة وكدا❤❤
والسفر الباقى ليهو اسبوع لانو الاجراءات 😊😊
الناس كلها كانت فرحانة م عدا انا😢💔💔الدنيا ضاقت ف وشي وبقيت م حاسة بحاجة ..الجبنة زاتاا عملتها كيف م عارفة..
مشيت بيتنا وطبعا م عندى شي غير البكى💔💔😭😭فداا اختى عارفانى جات لاحقانى من شفتها وقعتا ف حضنها وبقيت ابكى..
فداا قالت لي مفروض تفرحى لانو قبل فترة قلتى عايزة تشيليهو نهائى من بالك ومن قلبك وسفرو حيساعدك..
قلتا ليها ي فداا م بيدى افهمينى ياااخ😭😭انا مهما حاولت اكرهو وابعد عنوو م بقدر اووووقسم م بقدر😭😭💔بحس كأنو ف شي بجذبنى ليهو كل م ابعد منوو💔💔قالت لي عايزة اقول ليك حاجة..م اظن تقدرى تتجاوزى محمد ولا حبك ليهوو لانو دا حب فطرى صدقينى..من لمن قبل بابا يموت كان بجينا هناك وانتى من تشوفيهو بتكبى لحدى م يشيلك حتى تسكتى...حتى لمن رحلنا هنا كنتى بالليل بتبكى الا يجى هو يشيلك ويلف بيك الحوش وف النهاية تنومى ولمن امى تشيلك منو تكوركى ومرات كتييييرة نومك معاهو ف غرفتو والغربية م كنتى بتصحى ولا بتبكى كأنو بتحسى بالأمان معاهو❤❤يعنى بالمختصر حبو دا مخلوق فيكى ومستحيييييييل تقدرى تتجاوزيهوو❤❤
قلتا ليها انا المبكينى سفروو😭💔💔اتحملو كيف وانا من فتحتا م حصل يوم مرا بدون م اشوفو ..لو م شفتو صوتو ساي بريحنى❤❤
حتى لو م سمعت صوتو احساس انو موجود ف البيت وقريب منى بحسسنى بالأمان والراحة😢😢ادعي لي الله يقوينى بسس😢😢
قبل سفر اب لحية بيومين شلتا من امى قرووش ووريتها عايزاهم لشنوو اصلا هى عارفة مشاعرى تجاه اب لحية😢😢..مشيت مع فداا اختى السوق اشتريت ليهو بنطلون رمادى وقميص اسود وجكت رمادى وجزمة سوداا وساعة سوداا ووديناهم غلفناهم ورجعناا..
بالليل والناس لامة ف الحوش بغادى بشربو ف شاي المغرب اب لحية فقدنى ولمن م لقانى جانى ف البيت..
كالعادة سارحة والدموع ف عيونى😭😭..اب لحية ضرب الباب انا مسحتا دموعى سرييع سرييع وابتسمتا قلتا ليهو اتفضل دخل وكان شايل كيس كبير كدا..
سلم لي وقاال لي بتتمنى متين بعد بكرة يجى عشان اقطع وشي منك وترتاحى مش😒😒فكيت البكية لمن هو زاتو احتار..
قلتا ليهو يعنى انت الا تعمل الماستر ف ماليزياا😭شنو لو عملتو هنا...خلاص سوقنى معاك😭😭مش انت بتقول انك اخوي وبتلبى لي طلباتى..يلا طلبى انا اسافر معاك💔😭😭قعد جمبى ومسح لي دموعى وقال لي روقى ي فطومتى خلينا نتفاهم..
يعنى اصلاا هي كلها سنة او اقل وحاجى راجع وبعدين ليل ونهار ح اكون متواصل معاكم يعنى زي القاعد هنا ف البيت...وفعلاا انا اخوك وبلبى ليك طلباتك بس لمن تمتحنى الشهادة ح اسوقك تقرى الجامعة هنااك❤😊😊
يلا افردى الوش دا...ابتسمتا ليهو قال لي ايوووة دى اختى البعرفاا❤❤
وطلع لي من الكيس دبدوب ومعاهو 3 فساتين و3 عبايات 3 اسكيرتات بأقمصتهم وطرحهم وجزمهم..
قال لي بما انو انا ح اسافر م معناها تانى تتصرفى براك..من اليوم وماشي بنطلون ممنوع تطلعي بيهوو الا تحت عباية..وياهم جبتا ليك عبايات..
اما بالنسبة للفساتين جبتهم لييك لانو بتكونى قمر لمن تلبسي الفستان والدليل يوم تخريجى❤❤
والاسكيرتات م حصل شفتك لابس اسكيرت بس متأكد ح ياكلو منك حتة😉😉❤❤
اححححححح ي قلبى فعلااا طلع حب فطرى لانو قاااادر كيف يمتص زعلى😊❤❤..عارف كيف يصلح نفسياتى واصلا هو بكون قاصد لمن جاب الحاحات دى عشان يطلعنى من المود الانا فيهوو..
وفجأة النفسيات وصلت السماا وبقيت اتبسم بدل الدموع ..
قال لي عارف حنكك ح تقولى لي شكراا وبتاع..قلتا ليهو ويين ياااه دا واجبك كأب واخ ولا كيف😎😎
قال لي واخييييرا يااخ رجعتى طبيعية..وبرضو دى م هدية نجاحك هديتك ح اجيبا ليك من ماليزياا❤❤
قلتا ليهو دقيقة دخلتا جبتا الهدية وجيت قلتا ليهو اصلا انت لمن تسافر ح تنسانى عشان كدا جبتا ليك الحاجات دى عشان تتذكرنى😒😒شالها منى بلهفة وعايز يفتحها بس انا قلتا ليهو لاااا م هنا امش غرفتك واتفرج انا زاتى متحمسة عايزة اجرب الملابس الجديدة دى😎😎
قال لي ابردى خليها ترتاح متين جبتها ليك😂😂قلتا ليهو م خصك انت ابقى مارق بس😒😒
قال لي خلاص خلاص المهم بكرة اخر شاي صباح لي معاكم اصحي بدرى عشان تعمليهو😒😒وطلع..
جربتا الملابس كلهااا كانت رهيييييبة م عدا العبايات بكرووو للواطة😂😂😂حضنتا دبدوبى وبقيت اتبسم لمن فداا جات ...عاينت لي قالت لي والله المفروض امى تحجز ليك عند شيخ😒😒
قلتا ليها عايزة تعرفى سر الفرحة دى ولا لا😎😎
قعدت جمبى وقالت لي يلاا بالتفصيل الممل..
حكيت ليها ...قالت لي اححح ماشيين كويس ودى خطوة كوويسة شديد❤❤عقبال العرس يااخ❤❤
نمتا وانا حاضنة دبدوبى..صحيت بدرى صليت ومشيت المطبخ عملتا الشاي وعملتا كيك ولانو اليوم جمعة صحوو متأخرين لقونى خلصتا من الكيك ..
الناس كلها مستغربة لانو امس كنت بشكل والليلة بشكل😂😂😂..اب لحية جا وجبتا ليهم الشاي بعد شربو محمد قال ليهم صراحة الكيك دا امى م بتعمل زيوو😂😂نطت خالتو قالت ليهوو عشان عارف نفسك مسافر كان تقول من زمان عشان تانى الا كان تجيبو من الدكان😒😒قال ليها شامى لي ريحة حلة حرقانة😂😂😂احيي من الغيرة وبقينا نضحك..
عدا اليوم وطيارة محمد الساعة 10 مساا..هو مشى المطار قبلنا ونحنا حصلناهو من المغرب ..انا لبستا اسكيرت بنى وقميص مورد فيهو عنابى وطرحة عنابية وشبط عنابى ❤❤كنتا م شااء الله تبارك الرحمن❤❤طبعا دى من اللبسات الجابها لي اب لحية😂😂
وصلنا المطار ولمن شفتا اب لحية لمن شهقتاا😱😱كان لابس اللبسة الاشتريتها ليهو هدية😱😱بكل طقمهاا حتى الساعة...قلبى ضرباتو زادت❤❤بقيت اقرا ليهو ف المعوذتين م يسحروهو❤❤اللبسة تقول صنعوها فيهوو❤❤..
سلم عليهم وجا جمبى قال لي ماشاء الله مش قلتا ليك ح ياكل منك حتة الاسكيرت😉❤❤اتبكمتاا وبعدها بقينا نتونس لحدى زمن الطيارة جا وديك ي الدموع قلبنا المطار بيت عزاا..سافر اب لحية وشال قلبى معاهوو💔💔حسيت بشي ناقص فينى ..بقيت حااسة بالدنيا دى صغييييرة وم سايعانى😢💔💔
رجعنا البيت وبالليل داك مسكتنى حمى فظيييعة عملو لي مكمدات شوية صحصحتااا...قضت فينى يومين وانا لا باكل لابشرب بسس عايشة كداا بكى بسس..لحدى ف يوم تعبتا ودونى المستشفى وكانت ..بعد الفحوصات طلعت كانت المفاجئة
