امى قطعت الرومانتك الحاصلة وفاجأتنا.....قالت لاب لحية يلاا ي محمد بعد دا مطرود تشرفنا بعد اسبوع وتستلم امانتك..لانو عايزين نعمل عزومة وحفلات حنة وزفاف ونعزكم...فعشان كداا تانى م نشوفك هنا ف بيتناا الا بعد اسبووع😎😎
اب لحية قال لامى نعععععم ي خالتوو ...اسبوووع م اشوف مرتى😱😱...دى من سابع المستحيلات..انا م بعتب الباب دا الا ماسكهاا ف يدى..دى تعب سبعطاشر سنة عايزين تحرمونى منها اسبوع وانا كنت بحسب لليوم دا بالثوانى..عاينوو نحنا اجلنا السفر عشانكم بس حنقعد ف فندق وانتو جهزو حاجاتكم وظبطوو اموركم وبعد اسبوع نحنا بنجيكم✋😎😎
ابو اب لحية قعد يصفق ويضحك قال ليهو والله ي ولدى حبينا وعرسناا بس شفقة قبل الزفاف دى م عملناهاا😂😂😂الناس بقت تضحك وانا نزلتا التوب ع وشي وعاملة رايحة😂😂عاد اب لحية بقى جريئ شديد😂😂..
نطا اب لحية قال ليهم هوى اخر كلام عندى انا مستحيل اكون ف مكان ومرتى ف مكان😎😎ابيتو لي بيها برفع عليكم دعوة😒😒..
ميثاق قالت ليهم محمد دا جناا ع الاخر واتوقعوهوو يرفع عليكم دعوة الاحسن خلوهو يسوقهاا😂😂..
امى قالت ليها وووين يااه بعد اسبوع ودا اخر كلام ومش م تشوفها بس كلام بالتلفون ماف😎😎..خالتو تغريد قالت ليها نظام الشوق يزيد وكداا وقعدوو يضحكوو...وااي من الاحراج الدخلونى فيهو🙈🙈راسي م قدرتاا ارفعوو..
لمن جوو طالعين محمد قال لامى وقسماا ي خالتى لو بالدس الاقيهاا😒😒..امى ضحكت وقالت ليهو نشووف..
انا دخلتا غرفتى وغيرتا ملابسى وشلتا الدبدوب الجابو لي اب لحية لمن كان مسافر ماليزياا❤❤حضنتو علي ونمتا ف السرير وبتبسم..
بقيت اقول لنفسي معقول انا حالياا مرت اب لحية🙈🙈🙈...لا لا انا م مصدقة نوووهائى😂😂..احتمال انا بحلم ولا كداا..سااعة وانا بقنع ف نفسي انا انو عرستاا اب لحية بس عقلى م قادر يستوعب😂😂😂..البنات ف اللحظات دى بفكرو ف البحصل ف الايام الاوائل ومستقبلهم واولادهم وانا لسسسة بحاول اصدق الواقع انو انا بقيت حلالو😂😂
نمتا وانا بين مصدقة وبين م مصدقة..
المغرب صحتنى فداا وقالت لي ماشين الكوفير الحجزتا ليك فيهو يلا اجهزى..قمتا صليت وخشيت لي ف عباية وطلعناا وفداا كلمت امى انو ماشين الكوفير..ركبتا وراا وفداا قدام مع حبيب القلب..كمال هو السايق..طبعاا كمال وابوهو وفداا معانا وام كمال وكريم وكارمن مع ناس اب لحية...ركبتا وراا وبعاين بالقزاز وبتبسم وبحاول اصدق بس م قاادرة اوووقسم م قادرة اصدق😂😂😂
وصلنا الكوفير ونزلنا كمال انتظرنا ف العربية دخلنا وفداا دخلتنى مكان الفساتين اختارت لي فستاان زهرى غامق منفوش من تحت وادتنى ليهو قالت لي امشي البسيهوو سريع وتعالى..قلتا ليها فداا ف شنوو وماشين وين..قالت لي تتذكرى لمن كمال وراكم انو عايزنى واتغاتتو علي سنتين😒😒يلا جا دورى ح اتغاتت عليك ويلا خلصينا البسي😒😒..م قدرتا اقول ليها حاجة اصلا م فارقة معاي كل همى اب لحية وعرستو😂😂😂..لبستا الفستان وطبعا كانو راسمين لي ع اساس عقدى ع كريم..الفستان كان رهييييب اكمامو نص وشفافة❤❤..بتاعت الكوفير رفعت لي شعرى فوق كدا مع خصل رهييبة وميكب هاادى كداا طلعت حاجة تانية😘😘..ساقونى ركبونى العربية وانا م جايبة خبر..وقفنا لمن التفتاا لقيت نفسنا واقفين قدام الڤيلا الكان اخدتاا فيها علقة من اب لحية ديك😂😂..فداا قالت لي انزلى نزلتا وضربات قلبى زادت لمن تزيد ضربات قلبى معناها اب لحية قريب منى🙈❤❤..احيييي ي قلبى..فداا قالت لي امشي ادخلى نحنا بنحصلك..مشيت وكانت الجنينة مضلمة م عدا الڤيلاا منورة..الباب كان فاتح دخلتاا اب لحية كان مدسي وراا الباب قفل الباب براحة وانا كنتا ماشة وهو جمب الباب يعنى وراي طوالى جرانى من يدى وجيت واقعة ف حضنوو🙈🙈❤❤( م جربتو اللحظة دى مووش😂😂انا زاتى م جربتهاا😂😂)..ضمانى عليهو وقال لي ليييه اتاخرتى ع راجلك كدا...انا اصلا م سامعاهو بقول ف شنوو😂😂..يااخ انا لمن اكون ف حضنوو بحس نفسي اخدتاا مخدر🙈🙈..احساس امان..احتواء ..سعادة..راحة❤❤😘😘قام تانى قال لي كل سنة وانتى حبيبتى وحياتى ودنيتى ومرتى وام اولادى وعقبال المليووون شمعة ي عمرى❤❤زحيت منوو وقلتا ليهوو يعنى الليلة عيد ميلادى😱😱...قال لي ايووة..قلتا ليهو وكمان ف نفس يوم عقدنا😱😱..قال لي شفتى كييف ربنا بريدناا..قلتا ليهو يعنى انت متذكروو..قال لي انا كنت واعد نفسي لمن عمرك يكون17 سنة ح اعرسك❤❤ويااهو وفيت بوعدى😘😘..وقرب علي شدييييد يلا انا اتوترتا وهو حسا بي طوالى زحاا ومسك يدى وقال لي يلا نطلع..طلعنا ع الجنينة وكانت مضلمة وانا بخاف من الضلام قمتا مسكتا فيهو بيدينى الاتنين قلتا ليهو نحنا ماشين وين ف الضلام داا😢😢...طوالى ضمانى عليهوو🙈🙈..الود دا فاقد حنان شكلوو😂😂واثناء م انا بين ايديهو الانوار ولعت وووب وووافضيحتاااااه😱😱😱...كانت الاشجار كلها مزينة بالانور الملونة والبوالين وف تربيزة فيها ورود وتورتة وفجأة طلعو الناس من وراا الشجر كانو كمال وفداا+ كارمن وميثاق وامتنان وكريم+ اصحابو خمسة اتنين متزوجين بنسوانهم وتلاتة بحبيباتهم...دا كلوو وهو ضامينى عليهو وبتبسم ..واصحابو يصفرو ويصفقوو.....وانا بحلف فيهو يفكنى وهو بقول لي مش حلالى❤❤..قلتا ليهو محمد علليك الله فكنى يااخ انا اقابل الناس ديل باي وش😭😭..زحانى من حضنوو ومسك يدى زى مسكة العرسان ديك..وانا خلااص تانى م بقدر اعاين للناس🙈🙈...سلمناا ع ضيوفوو ...ووصلنا التربيزة والتورتة كان مكتوب فيها عيد ميلاد سعيد حلالى❤❤..قطعنا التورتة انا واب لحية بسكين واحدة ماسكنها نحنا الاتنين❤❤..واكلنى واكلتوو🙈🙈..وبعدهاا شغلوو مسجل وداك ي الرقيص الا انا فداا ابت لي وقالت لمحمد كدا حتخرب الاسلولى بعدين😒😒..عيد ميلادى انتهى ع كدا واب لحية حلف الا يوصلنى هو بعربيتو بس فداا كانت بالمرصاد😂😂وقالت ليهو كفاية كذبتا ع امى بسببك..غشينا الكوفير ملصتا لست الكوفير فستانها ولميت شعرى وغسلتا وشي ورجعناا البيت..
مرت الايام وانا م قاعدة اتكلم مع اب لحية بالتلفون ع حسب اوامر امى😂😂...غايتو انا م فارقة معااي ف النهاية حلمى اتحقق واصلا م متعودة اتكلم بتلفون..بس اب لحية اكلت معاهو جمبة للدرجة كره فداا وكمال بالمكالمات والتحنيس الا قفلو تلفوناتهم😂😂..فضل ليهو الخيار الاخير ابو كمال ضرب ليهوو وحنكوو قام ابو كمال نادانى ادانى التلفون وقال لي عشرة دقايق بس عشان امك م تشاكلناا..دخلتا غرفتى وقفلتها واخر حبكانيات منداحين ع الاخر😂😂😂..لحدى م باب الغرفة كان بضرب قفلتا التلفون ودسيتوو وفتحتا الباب وكانت المفاجئة
يتبع
