اليوم التانى اب لحية مشى المستشفى وامى مشت الشركة وميثاق اتخرجت صابها ف البيت وانا قاعدة الجامعة فضل ليها اسبوع وسمر وخالتو تغريد ديل نحنا القاعدين ف البيت...
خالتو تغريد عملت الفطور ونادتنا ...جينا قعدنا نادو التافهة اميرة قالت م عايزة..اكلنا نحنا خلصنا فطور العدة م رفعناها انا بقيت استفرغ وجسمى لونو اتغير بقى جااف كدا فجأة وميثاق دى بس دموعها كانو جاريين وتانى بقت ماسكة بطنها..اما خالتو وسمر ديل غيبن عدييل..وطبعا اميرة واقفة وبتتفرج..انا قلتا ليها اتصلى لمحمد خلي يجينا..قالت لي والفايدة شنوو لو محمد جاا كدا خطتى ح تفشل😎😎...
اجييي ي الخطة😱😱...فجأة جات جارتنا عايزة تشرب الجبنة مع خالتوو لقت حالتنا بالبلاا طوالى اتصلت لمحمد وف عشرة دقايق محمد جاا....لمن جااا اميرة زاتهاا مسكت بطنها وقالت بتوجعهاا طبعا ماف زول انتبه ليهاا...ودونا المستشفى وطلعت حالة تسمم والدكتور قال لاب لحية صبغة شعر مع الاكل اكلوهاا..
طبعا اتفاجئنا الاكل عملتو خالتوو الجاب الصبغة شنوو..
رجعونا البيت واب لحية م سأل زول فينا طوالى شاكل اميرة وهى تبكى وتحلف انو دى م هى..وانو شافتنى انا خاشة المطبخ شايلة الصبغة ف يدى وانو انا وميثاق اتفقنا نسممها وشافتنا كبينا ليها اكل براهو وكبينا فيهو الصبغة وبعد طلعنا من المطبخ هى دخلت ورانا ولخبتت الاكل كلو سواا..عشان تاكل معانا ولو ف تسمم نتسمم سواا...طبعا هى بتتكلم وانا مصدومة😱😱..البت دى بتألف القصص دى من وين😱😱
خالتو تغريد كانت خاتة يديها ف راسهاا وهبطت لانو عندها ضغط وسكرى واب لحية قفل الموضوع غصبا عنو لانو خايف ع صحة اموو..
مرا اسبوع والمشاكل مستمرة والجامعة فتحت ..اول يوم مشيت قلتا لاب لحية ارح معاي عشان تسجل لي قال لي بنهرة كداا انتى شافعة....طيرى من وشي انا وراي شغل😠😠😠...طبعا بقيت م قادرة اتحرك من مكانى😱😱دا مالوو دا حاسي بشنوو وفجأة اتغير مالو😱😱....راسي بقى يودى ويجيب معقول التافهة دى قدرت تأثر عليهو وتقنعو وتخلى يحبها ويكرهناا ف اسبوع واحد بس😱😱اصلوو م ممكن اكيد ف شي غلط..مشيت الجامعة واليوم كلو قضيتو تفكير...
بعد جيت من الجامعة بيتنا فاتح كالعادة طلعتا الدكان وجيت وم عارفة المصيبة الحتحصل...العصر كداا كلنا كنا بنتغداا واب لحية معانا قامت اميرة قالت لخالتو تغريد ي خالتو م شفتى الطقم بتاع الدهب حقى الكنتا لابساهو يوم الجرتق م لقيتوو..امى قالت ليهاا اجيي البشيلو شنو كمان...اب لحية قال لينا احتمال ف حرامية ف البيت😒😒...انا طبعا اتفاجئتا😱😱...اب لحية دا مالوو فجأة قلب...خالتو قالت ليهو طيب نفتش مالوو...بدو يفتشوو م لقوو فضل بيتنا فتشوو لمن جوو ف شنطتى المشيت بيها الجامعة اب لحية لقاهو فيهاا..
طوالى جدعو لي ف وشي وقال لي دى اخر تربيتى ليكى😠😠..مقصر معاك ف شنو لمن تسرقى دهب مرتى😠😠😠لمن قال مرتى انا وقعتا من طولى😱😱قال لي من يوم الليلة انا متبرئ منك واعتبرى م عندك اخوو ولا بعرفك ولا اشوفك ف وشي وساق اميرة من يدها ومشى...
البيت كلو مصدوم من تصرف اب لحية 😱😱مالو قلب كدا فجأة..انا بس ببكى م على التهمة ...ببكى ع اب لحية الاتغير فجأة داا😭😭..وخالتو وامى يسكتو فينى وانا م قادرة استوعب اصلاا اب لحية اتأقلم مع التافهة دى...ولا كمان يقول عليها مرتى😭😭😭💔💔..الليل كلو شلتو بكاا وتفكير وطبعا اب لحية رجع لغرفتوو مع اميرة😭💔💔..
صحيت الصباح متأخرة شوية ولمن صحيت لقيت البيت فاضى م عدا خالتو تغريد ي دوب طالعة قالت لي انا ماشة لامك ف الشركة ومنها ماشين معاها لشيخ بتعرفو صحبتها عشان نفك محمد من العمل العملتو ليهو التافهة دى ويفتح عيونو..قلتا ليها خلاص خلينى امشى معاكم قالت لي لا لا خليك هنا راقبيها وميثاق مشت لصحبتها عيانة وبترجع خليكم مراقبنهاا..
خالتو بعد مشت اصلاا انا م كان فينى حيل عشان امش الجامعة وياداب بداية سنة فاكيد ماف محاضرات...
نضفتا غرفتى وغرفة امى والبرندة واستحميت ومشيت جبتا لي شاي وشغلتا التلفزيون لقيت فلم ظابط كداا حضرتوو..
اتصلت لي امتنان بت صحبة خالتو تغريد اتونست معااي وعزمتنى خطوبتهاا قالت بعد 3 يوم ولازم اجي ابيت معاهم وكداا...المووهم اتونسنا كتيير وقفلناا..اتصلتا لميثاق قلتا اشوفها وين قالت لي انو اهل صحبتها م خلوها تطلع قالو الا بعد الفطور..قفلتا منها ..
عاينت للساعة لقيت زمن الفطور جاا قمتا ماشة ع المطبخ غرفة اب لحية القاعدة فيها اميرة كانت فاتحة ومنزلة الستاير يعنى لو زول جاا ماشي م بتشوفوو ...انا جيت ماشة وهى كانت بتتكلم بالتلفون وقفتا عشان اسمعهاا بتقول ف شنوو وكانت المفاجأة
يتبع
