فداا جات داخلة حضنتنى وبكت وقالت لي العريس حيدخل عشان يبارك ليك وطلعت..اصلا انا م سامعاها بتقول ف شنوو..شوية والباب فتح وقفل..
الزول الدخل قال لي فطومتى❤❤....انا لمن اتخلعتاا ونططتا عيونى...زى الكنتا نايمة واب لحية جاا صحانى..زى الزول البكون سارح وفجأة ينبهوهووو..عاينت لقيتو اب لحية...مستغربين كيف فجأة بقيت اسمع مووش...لانو الحالة الدخلتا فيها دى بسبب اب لحية والدكتور النفسى قال ليهم الزول الدخلت بسببو الحالة دى لو ظهر ف كسر من الثانية بترجع طبيعية وكانو م حصل شي....وفعلا كلام الدكتور طلع صح..
اب لحية قعد جمبى ومسك يدى وقال لي مبروك عليناا حبيبى اناا❤❤..وربنا يدينى طول العمر عشان اقدر اسعد عيونك دى❤❤...م رديت عليهو بس منططة عيونى وبعاين ليهوو وهو عارف المرحلة الوصلتا ليهاا ف غيابوو..
قام وقف ع حيلوو ووقومنى وضمانى عليهوو واحتوانى بايديهوو...قال لي حاولى ركزى حبيبى اناا..ردى علي م توترينى اكتر من كداا..ي دوووب حسيت بنفسي واتفقعتااا ف البكاا😭😭😭😭..هو كان بمرر يدوو ف شعرى وبقول لي اهدى حبيبى اناا..قلتا ليهوو محمد انت كوويس ويعنى خلاص رجعتااا وبقيت متذكر كل حااجة😭😭..قال لي ايوووة حبييى اناا بقيت كوويس..بس ف سؤال اهم من داا..انتى لييه م اظهرتى اي ردة فعل لمن قالو عايزين يعروسك لكريم..قلتا ليهو انا زاتى م جايبة خبر وم عارفة الحاصل شنوو..كنت بشوف كلامهم دا زى الخيال خيال وزى الحلم😭😭...
قال لي ي ستى ربنا م بنسى زول وانا والله م عارف حالتى حتكون كيف لو كان عرسوك لكريم..فطوومة انتى مخلوقة لي اناا..حقتى اانااا وبسس...من يوم ولدووك وانا بحسب ف الايام متيييين تكبرى واعرسك❤❤...قلتا ليهو يعنى انت مخطط من زمان..قال لي ايووة ...انا بحبك من زماان ي فطومة..كنتى بتكبرى قدام عيونى وحبى ليكى بكبر معااكى...بس انا كنت متحمل ووعدتاا نفسي م اظهر ليك انى بحبك الا بعد تكبرى وكل تصرفاتى الطايشة ديك كانت مجرد غيرة عليك❤❤...قلتا ليهوو محمد يعنى انت كنت عارف مشاعرى تجاهك ومتجاهلنى عشان تعذبنى😭😭😭..قال لي انا الاتعذبتاا 17 سنة كاتم حبك جوااي وم قادر ابوح ليك بيهوو لانى بشوفك لسسة صغيرة..وفعلاا كنت عارف ومتأكد ميتين ف المية من مشاعرك واحلى شي فيك الغيرة المابتقدرى تخبيهاا❤❤..
الكلام دا كلوو وانا ف حضنوو🙈🙈..زحاا منى حبة كدا ومسكنى من اكتافى وقال لي بحبك ي فطوومة❤❤..بعشقك..بتنفسك..برييييييدك واكتر من نفسي..انتى عارفة الحالة الوصلتى ليها بسبب خوفك علي دى براهاا بتكفى وبتوفى وانا لو عمرى كلوو وهبتو ليك م بقدر اكفيك❤❤..انا ادمنتك ي فطوومتى❤❤..المفروض من زمان اعترف ليك بس انا اخدتاا تحدى مع نفسي م اعترف ليك بمشاعرى الا لمن تكونى حلالى❤❤...وياهو جا يوم المناا❤❤...هو كان بتكلم وانا بعاين ليهو ف عيونو وببكى...مسح دموعى وباسنى ف جبينى وقال لي عيونك فيها اسئلة كتيييرة بس دا م وقتهاا وقدامنا العمر كلووو سواا وكلها ساعات وحنكون تحت سقف واحد وبعدهاا ممكن تسالى من العايزاهوو..اووك..
هزيت ليهو راسي...ضمانى عليهوو وقال لي سمعينى ليهاا عليك الله طلعتى روحى بعد بقيتى حلالى بخلانة علي بيهاا...قلتا ليهو بحبك❤❤..زحاا منى وقال لي تانى عيديهاا..نزلت راسي..قال لي عاينى لي ف عيونى وقوليهاا..م قدرتاا اعاين ليهوو..قرب منى ورفع راسي بيدوو وقال لي يلاا قولى😉😉...قلتا ليهو بحبك يااخ ومن زمان م من اسي بس انت كنت عامل رايح...ضحك علي وضمانى عليهوو وقال لي يلاا الليلة ح يشاكلونى طولتاا معااك وطلع..
جو داخلين خالتو وامى وفداا وكانوو ببكو م مصدقين انا رجعتا لصحتى وانا زاتا بقيت ابكى معاهم وشوية قلبوها زغاريد...طلعو وخلو معاي فداا قلتا لفداا احكى لي الحاصل شنو انا م فاهمة حاجة..قالت لي انو الدكتور طلب انو يعرسوو ليك ف اقرب وقت وكريم طلع بحبك من يوم تخريجى وعملنا الخطوبة وحددو العرس..قبل العرس بتلات يوم لمن مشينا طلعنا الجوازات وجينا لقينا الناس لامة ف البيت..خالتى وامى وكمال وامو وابوهو..قال انو محمد بقى كويس والفترة الفاتت دى كلها قضوها ف الاردن وامس مشو كنداا لناس رباا قالو عشان محمد نفسيتو تتحسن شوية ويجوو ..لمن وصلوو كندا عم محمد ابو رباا حكى ليهم بمرضي وحكاية زواجى..طوالى محمد قال لابوهو انو هو عايزك من زمان بس منتظرك تخلصى واسي مستحيل يخلى العرس دا يحصل...قام عموو اتصل لكمال وحكى ليهوو ...كريم كان متفاجئ لدرجة انو قعد ف الارض وبكى..بس ناس ابوهو اقنعوهو كل شي قسمة ونصيب..وحولو العرس لمحمد ودفعوو الخسارات..وناس محمد نزلوو السودان امبارح الساعة 12 ...والليلة جاا للعقد والحمدلله زى م قال لينا الدكتور النفسي انو لو الزول الدخلتى ف الحالة دى بسببو جااا حترجعى لطبيعتك وبدون علاج وسبحان الله ياهوو بمجرد م شفتى محمد بقيتى كويسة...الله يدينا حب زى داا😂😂😂...
قلتا ليها ي فداا انا عايزة اقابل كريم ضرورى قالت لي ماف طريقة لانو اصلا م عاملين ليكم حفلة جرتق بس وطوالى ع المطار لانو ع حسب تخطيط كريم قال حالتك م بتسمح بزفاف..قطعت كلامنا ميثاق وقالت لينا بنادوكم تعالوو..
طلعنا لقينا كل الاسرة قاعدين...جيت اقعد اب لحية مسك يدى وطلع الدبلة بتاعت كريم ولبسنى دبلة ومحبس وباس يدى وانا الخجل كتلنى🙈🙈عموو وخالوو وكمال وكريم وابوهم + النسوان وامى قاعدة..ميثاق جابت لي دبلتو لبستها ليهوو ..تانى مسك يدينى وقال لي بوعدك وقدام الناس ديل مستحيل اخليكى تزعلى منى ف يوم او تنزل منك دمعة وانا حي❤❤..وبوعدك كل شي بريحك انا حاعملوو ليك ولو كلفنى روحى❤❤..انا م قاردة ارفع راسي واعاين ليهو واهلنا يضحكوو والعجب عموو ابو محمد قال ليهو اللهم حبا يشيخ بنا ولا نشيخ به😂😂😂😂...
امى قطعت الرومانسية وفاجئتناا
#كسرة
