الدكتور طلع وقال العملية نجحت وطبعاا ماف طريقة الا الصباخ حتى ندخل عليهوو...دخلنا وكانو معاهو دكتورين...اب لحية عاين ليناا وقال للدكاترة ديل منم😊😊...انا وقعتاا ف مكانى بقت م فينى قدرة ويوم امس كلوو م ضقتاا حااجة ...ودونى العنبر وركبو لي درب كنت مهبطة ع الاخر...
بجااي الدكتور قال لناس بيتناا انو اب لحية جااهو فقدان ذاكرة كلى لانو الضربة جات ف المخ والحديدة كانت حاادة💔💔..
خالتو تغريد انهارت والضغط ارتفع جابوها العنبر جمبى...عموو قال للدكتور الفقدان دا م حيتعالج...
الدكتور قال ليهوو محتاج فترة وبدوون ضغط ع المريض الا يتذكر برااهو..لانو فقدان كلى م متذكر ولا شي...لو كان جزئى بكون متذكر الحاجات القديييمة شديد بس دا فقد كل شي..
عموو كان متماسك بالجلالة لانوو شايف ووضعناا كلنا كيف...اما ميثااق رجعت البيت ورفضت تجى المستشفى نهااائى..انا فتحتاا ولقيت خالتو منومة جمبى وامى تبكى ..انا بقيت ابكى ..سمر قالت لينا البكااا م بحلناا محمد محتاج دعواتناا الدموع م بتفيد..
خالوو وعموو قرروو لازم يسافروو الاردن لعلاج اب لحية وخالتو قالت الاتمش معاهم بسس اقنعوها وقعدت..بقينا نحنا نسواان بس ف البيت..
ابو كمال واموو واخوهو كريم واختو كارمن جوناا ف المستشفى ولمن عرفو انو محمد مسفرنوو قررو يرحلو معانا ف بيتنا..وفعلاا كلهم جو قعدو معاناا وناس اب لحية سافروو ع الاردن..
انا بقيت زولة انطوائية شديد من غرفتى م بطلع..زول عايش بجسد بسس..لا بتكلم مع زول ولا بفتح خشمى..كل الزمن سارحة ودموعى ف عيونى..صحبت خالتو تغريد جاتناا وخلت معانا امتنان تقعد معانا ف البيت وهى صباح ومساا بتجيناا..
امتنان قاعدة مع ميثاق ف غرفتهاا وانا قاعدة معاي كارمن اخت كمال كانت اكتر من صحبة لي..وسدت لي مكان فداا اختى الفاقداهاا...مع انى كنت م بتكلم معاها بس هى لا كلت لا ملت كل الزمن قاعدة جمبى وبتتكلم معاي ...وانا ف وادى وهى ف وادى..
مرت تلاتة يوم وناس اب لحية من مشوو م اتصلو ليناا ولا ناس البيت قدرو يصلو ليهم..
العصر كدا الباب فتح وكانت اميرة ومعاها جارنا الكان اسعفها لمن نزفت...التافهة م قدرت تمش بيتهم لانو حيدفنوها حية لو عرفو اهلها حقيقتهاا..
خالتو تغريد من شافتها كوركت فيها وقالت ليها انتى السبب الله لاكسبك لا دنيا لا اخرة..واتاكدى لو ولدى ماات ح الحقك ليهوو انتى وقبيلتك كلهاا وخالتو وقعت م بتتحمل ضغطها برتفع سريع...ابو كمال وكريم مسكو اميرة دخلوها ف العربية ومعاهم جارنا ومرتوو وجابو معاهم ورق المستشفى واتحركوو ع بيت ناس اميرة...وهى كانت بتبكى وتترجى فيهم م يودهاا بيتهم ينزلوهاا وهى بتمش اي مكان وتانى م بتجيهم...بس كريم كان سايق وكانوو م سامعهاا..
وصلو بيتهم ونزلوهاا ودخلوو لقوو ابوها واخوانها اتنين قاعدين...ابوها لمن شافهم لمن اتخلع..
كريم قال لابوها بتك دى من اتزوجت عندها كم زمن..ابو اميرة قال ليهو اسبوعين..كريم جدع ليهو الورق وقال ليهو امبارح عاملين ليها عملية اجهاض لجنين شهرين...وابو كمال وجارنا حكو ليهو القصة..
اخوانها لمن قعدو ف الارض وابوها بس واقف ومصدوم ...شوية واخوهاا مسكها من يدهاا ودخلها الغرفة وقفلها عليهاا وجا لناس كريم واعتذرو منهم وانهم حيصلوهم ف البيت ف اقرب وقت..
ناس كريم رجعوو البيت وبقى لينا ف مكان اب لحية..وفعلا الرجال مواقف...
مرا اسبوع وانا حالتى كل يوم بتسوء ذيادة وناس اب لحية م منهم خبر..ميثاق وخالتو اتقبلو الحقيقة ..فضلتا الا انا ف البيت المتأثرة..تلفونى كان عند امتنان وصحباتى الفى الجامعة اتصلو عليها وسالو منى وورتهم انو انا سافرت براا السودان لشي ضرورى..اليوم التانى امتنان ساقت ميثاق ومشو جامعتى وعملو لي تجميد للسنة عشان م افقد مقعدى..دا كلووو وانا م جايبة خبر وكأنو م عايشة ف الدنياا..
امي كانت بتقيم الليل وبتدعى ربنا يشفى اب لحية ويرجعوو ف اقرب وقت..لانو عارفة لو اب لحية بقي كويس ورجع انا ح ارجع لصحتى وحياتى متعلقة بحياة اب لحية..
امتنان وكارمن وميثاق كانو بنومو معاي ف غرفتى وبلصقوو السراير وبنومونى ف النص خايفين اقوم بالليل واطلع..
مرا اسبوع وزيادة وانا حالتى ساءت بالمرة وبقيت اتكلم مع الحيطة..السرير..التربيزة..الدولاب اي شي قدامى بتكلم معاهو😢😢..وناس البيت نسوو اب لحية وبقوو ف مصيبتى اناا💔💔..كريم كان اكتر زول متأثر لدرجة انوو كان بقول لناس ميثاق يطلعو ويقعد معاي هو ويقعد يتكلم معااي ويبكى..وانا م جايبة خبر وكأنوو م موجود..
ناس فداا اختى نزلوو السودان وهى م جايبة خبر للمصايب الحصلت لمن جوو حتى كلموهم..لمن جات ولقت حالتى مسكتنى وبقت تبكى وانا كانو م بعرفهاا..ساقت كمال وكريم وابوهم واتكلمت معاهم انو لازم يعرضونى ع دكتور نفسي..
كريم قال لفداا انا كنت مفكر كدا بس خفتاا امك م تتقبل الموضوع..فداا قالت ليهم خلوها علي انا...وفعلا اقنعت امى وعرضونى ع دكتور نفسي ..قال ليهم حالتها اتأخرت شديد لازم تقعد ف المصح تلات يوم عشان نقدر نحصلهاا بالعلاج..
وفعلا دخلونى المصح..وقضيت التلات يوم وماف تحسن اليوم الرابع والخامس والسادس الدكتور نادى كمال وكريم وامى وفداا وفأجئهم
