مرو التلات يوم وانا ف المصح وماف اي تحسن..اليوم الرابع والخامس والسادس الدكتور يئاس منى ونادى امى وكريم وفداا وفاجئهم انو حالتى الفيها دى م حتتعالج الا بطريقة وحدة..وهى الزواج..
يعرسو لي ف اقرب وقت ولازم يبعدونى من البيت الفيهو الذكريات دا اكتر شي مهم...امى كانت مصدوومة كيف يعرسوو لي وانا حالتى بالبلاا😱😱😱..
فداا قالت للدكتور لا ي دكتور شوف لينا حل غير العرس داا...الدكتور قال ليهم انا الكلام دا م قلتو عن فراغ الستة يوم ديل انا مفرغ نفسي وبدرس ف حالتها وعرضت الحالة ع دكاترة بريطانين وكان جوابهم ياهو الزواج..لانو بمجرد م تتزوج كدا راجلاا حيقدر شوية شوية يصيطر ع نفسياتاا وكدا بساعدناا ف العلاج..
طلعونى من المصح ورجعونى البيت...اليوم التانى رحلنا ف شقتناا كانت مشترياها امى وقالت عاملاها لي مفاجئة لانو فداا عرست وفضلنا انا وهى بس ..فعشان كدا اشترت الشقة وسجلتهاا باسمى وكانت عايزة تفاجئنى بيها ف عيد ميلادى الفضل ليهو اسبوعين( اتذكرو النقطة دى كوويس😂)..
رحلنا ف الشقة انا وامى وفداا وكارمن وامتنان وكمال...ميثاق وخالتو وسمر وكريم وابو كمال وامو ديل قعدوو ف البيت القديم..
المساا كداا جو كريم وابوهو واموو وقعدوو واتونسوو مع امى وكمال وفداا..كارمن وامتنان كانو معاي ف غرفتى..
ابو كمال قال لامى والله ي تفاؤل نحنا بقينا اهل وكل شي..وبما انو الدكتور قرر انو لازم فطومة تتزوج فنحنا جينا نطلبها لولدى كريم...امى بقت كداا😱😱😱...فداا وكمال م اتفاجئو لانو كريم وراهم انو بحبنى من اول يوم شافنى فيهو يوم تخريج فداا والخطوبة...ومن اللحظة ديك كان بجهز ف نفسوو عشان يجى يتقدم لي واسي جاتو الفرصة وفداا وكمال وافقوو عشان كدا م اتفاجئو من كلام ابوكمال..
امى قالت ليهم لا لا مستحيل انا اضيع مستقبل كريم مستحيل مستحيل...كريم قال لامى انا مستقبلى بضيع لو م اتزوجتاا فطومة😭😭..والله ي خالتى انا من اول يوم شفتها فيهو اتمنيتها تكون من نصيبى وحكيت لكمال وقال لي شد حيلك وجهز نفسك لمن فطومة تخلص الجامعة...وفعلاا بديت اجهز ف شقتى والبحب بالجد م بهموو بقيف مع حبيبو ف مشاكلوو ومصايبو واحزانو قبل فرحوو..وانا عايزة فطوومة زى داا وبعد العرس ح اسافر بيهاا برة السودان عشان اتم ليها علااجهاا..عليييك الله ي خالتى م تعترضى وجا وقع ف حضن امى وبقى يبكى😭😭😭😭امى زاتا بكت معاهو وقالت ليهوو ربنا يشفيها ليك ي ولدى😭💔💔..
ام كمال قالت لامى وانا زاتى والله اتمنيتهاا تكون لولدى من يوم عرس كمال...ربنا يخليهم لي والله هم بناتى قبل كل شي...
ابو كمال قال ليهم لازم نستعجل عشان صالح فطومة ولازم يتم العرس بسرعة عشان نقدر نلحق العلااج..
نادوو كارمن وامتنان وحكوو ليهم وقالو لكارمن ترجع معاهم البيت عشان بكرة ح يجيبو حاجات الخطوبة كارمن رفضت وقالت م بتمشي وتخلينى ف الحالة دى ف النهاية اقنعوها انو فداا وامتنان قاعدين..مشت معاهم ومشى معاهم كمال برضوو..
اليوم التانى من الصباح جونا ناس خالتو تغريد وسمر وميثاق وخالتو كانت رافضة العرس دا نهاااائى وقالت لامى انو دى جريمة وانو فطومة دى اسي باعتبارها م واعية حاجة طيب لمن توعى بالها حتقولى ليها شنوو..امى قالت ليها مجبورين نعمل كدا عشان علاجهاا..
امتنان وفداا عملو لي ماسك لوشي وكوو لى شعرى..وانا زى الرجل الآلى جيهت يوجهونى بمش وانا ساكتة وم جايبة خبر💔💔وم عارفة انوو حياتى حتنتهى واحلامى البينتهاا بمحمد ح تروح😭💔💔
المساا ناس كمال جوو ومعاهم خالتهم وبناتها اتنين متزوجات وكلهم ظريفين شديييد...ناس فداا لبسونى فستان اسود وسرحو لى شعرى وعملو لي ميكب وطلعونى...بقو كلهم يقولو م شاء الله تبارك الله..اما كريم كان م قادر يشيل عيونو منى..جا قعد جمبى ومسك يدى وانا كأنو ماف ناس معااي ولا زول ماسك يدى..كريم لبسنى الدبلة وفداا مسكتنى الدبلة ف يدى وحدة واليد التانية اشرت بيها ع اصبع كريم ..طوالى انا لبستو الدبلة م قلتا ليكم اي تجاه بقولو لي بمش عليهو😢😢💔💔..
الناس بقو يزغردو ويباركوو وانا سارحة وم حاسة بشى💔💔وحددو العرس بعد اسبوعين
بعد يومين جابو الشيلة وبدو يجهزوو وانا فداا وامتنان وميثاق شغالين فينى عروكات ومسحوحات وانا ف وادى وهم ف وادى😢💔💔..قبل العرس بتلات يوم ساقونى ودونى طلعوو الجواز لانو كريم قال بعد العرس حيسافر بي يعالجنى برة البلد..
وناس اب لحية م منهم اي خبر💔💔...جا اليوم الموعود يوم العرس ..من الصباح انا قاعدة ف الغرفة لبسونى توب ومكياج خفيف..لحدى زمن الفطور جاا وعقدوو والناس تزغرد وانا برضو م حاسة بشي ولا جايبة خبر انو انا خلاص بقيت ف عصمت راجل😢💔💔...جاتنى فداا حضنتى وبكت معاي وقالت لي العريس ح يدخل يبارك ليك وطلعت وانا اصلا م سامعاها ولا عارفاها بتقول ف شنوو..طلعت وجا داخل العريس وانا كالعادة سارحة ومسهية😢💔💔
يتبع
