مراا السمستر التانى وجات الاجازة..وجا يوم تخريج فداا..وكالعادة انا وفداا قاصين فساتين سواا ..لمن كانو عايزين يسلموها الشهادة طلعنا انا وميثاق انتظرناها ف المسرح واب لحية وامى وخالتو وعموو وباقى الاهل زفوها لحدى المسرح..
بعد سلموها الشهادة وعايزين ننزل من المسرح..فجأة نسمع صوت بقول زول مسك المايك وقال فداا...التفتنا لقيناهو كمال😱😱....اشر لفداا تجى..ونحنا وقفنا بعيد منهم شوية ...فدا خواافة خلاص😂😂ماشة عليهو براحة زى بت الطهور😂😂...لمن وصلتوو قعد قدامها على الارض وطلع الدبلة😱😱😱فدا العويرة دموعها جروو وانا متأكدة ف اللحظة دى كانت بتقول الليلة اب لحية بسلخها سلخ😂😂لانو م حكت ليهو عندها صاحب وهو محذرها تكلمو باي شي😂😂
فداا دموعها جاريات وبتعاين لاب لحية كانو بتقول ليهو انا والله م بعرفو 😂😂😂😂اب لحية هزاا راسو لفدية يعنى وافقى❤❤فداا نططت عيونها كيف اب لحية يوافق بالسهولة دى الا كان بس م عايز يحرجها لمن يمش البيت يعلقهاا😂😂قمت انا قلتا ليها فداا عشان انبهها...طوالى فداا عاينت لكمال المسكين المادى ليها الدبلة لمن يدوو وجعتو😂😂
غطت عيونها بيدها وحدة ومدت ليهو التانية🙈🙈
كمال قام لبسها الدبلة وسجد ف المسرح والدموع ف عيونو😭😭...والناس تصفر وتكورك وتزغرد والفنان م قصر طوالى غنا ليهم اغنية كملتا بيك انا نص دينى❤❤...
المسرح اتملاا وجات ام كمال واخوهو كريم واختو كارمن..وودعم كمال صاحب اب لحية ودفعتوو وبدل التخريج اتقلبت خطوبة وديك ي التبريكات والزغاريد والدكاترة اصلا بعرفو كمال وفداا م قصرو جو وقعدو معانا وفداا لسسة متوترة والخوف ف عيونها..مشيت قعدتا جمبها قلتا ليها متوترة لييه
قالت لي انا خايفة ي فطومة😢😢..قلتا ليها من كمال يعنى عشان م اداك فرصة ولا استشارك يعنى..
قالت لي لا لا..دا حسابو بعدين..انا خايفة من محمد😢😢اكيد ح يخش معاي ف سين وجيم😭😭وبكتلنى الليلة دا قبل بكرة..وح يقول لي لييه م كلمتينى ولا ناس البيت م وريتيهم لييه😢😢وانا والله ي فطومة كمال م ورانى عشان اكلمكم😢😢
قلتا ليها بلاش توتر ونحنا اصلا عارفين م عدا انتى قالت لي شنووو😱😱قلتا ليها كمال ورانى انا اول زول واديتو رقم امى ومشى ليها ف الشركة وكلمها وبقى فردتها وامى زاتاا ارتاحت ليهو وبقى دايما بمش ليها ف الشركة لحدى م اب لحية جاا من السفر وامى كلمت كمال يمش يكلم اب لحية...وفعلاا كلمو وطلع ودعم كمال صاحب اب لحية عشان كداا وافق..
اما فكرة انو يخطبك الليلة قدام الجمهور دى والله ي فداا نحنا م عارفنها كنا متفقين معاهو الخطوبة بعد تخريجك بس هو فاجئنا....قالت لي وشنو يعنى لو وريتونى😒😒قلتا ليها كمال قال نووووهائى م يكلموك😉😉قالت لي اصبرى ليهو الحيوان لمن امش البيت😒😒
التخريج خلص وقعدنا حبة مع اهل كمال وقالو ح يجونا ف البيت تانى وطبعا كمال م قادر يصل لفداا😂😂بعد مشينا البيت اي زول استلم سريرو جينا منتهيين رسمى..الا الناس الاتخطبت ح تساهر😂😂😂فداا غيرت واستلمت تلفونهاا وخلتنى ف الغرفة وطلعت البرندة...غايتو انا صحيت ماشة اصلى الصبح لاقيتها داخلة ع الغرفة يدووب عايزة تنوم😂😂😂
اهل كمال جونا تانى وجابو حاجات الخطوبة والحبس وفداا اتحبست وبقينا جاريين معاها من الشيلة للجلسات الفى الكوفير..وانا ف الفترة دى اهملتا اب لحية اقصد بقيت م بشوفو😂😂..
مراا شهر ونص وانا زاتى اتحبستا مع اختى😂😂م خليت كريم م مسحتو معاها😂😂والمريحنى انو اب لحية م حيجى بيتنا بجاي لانو ف ضيوف..حتى شعرى عملتا ليهو ميج بالبنى❤❤
جا يوم الحنة وانا وميثاق أجرنا فساتين لانو قصينا للزفاف..طبعا بدون طرح لانو حنة عروس ونظام نحنا اخوات العروس😂😂فداا طلعت م شاء الله قمر سبعطاشر❤❤وجاا ساقنا اب لحية من الكوفير ومعاهو عربيتين تانى..انا قلتا بسس الليلة ح يقفلنا ف غرفة وم يخلينا نطلع😢😢..
وصلنا والناس طبعا تكابس ف مكان العروس..ربينا الحفلة ربة تمااام...وجا فاصل كدا احس بيد زول هبشتنى ف كتفى نظام زول بيلفت فيك ....التفتا وكانت المفاجأة
يتبع
