نزلنا والبيت كان مضلم فتحنا الباب دخلنا ...والبيت كان صااانى زول ماف..خالتى قالت لي الجماعة ديل قالو مشو الساحة من المغرب وشكلها الكهربة منتهية💔💔
قلتا ليها ي حليييل اب لحية لمن كان في م حصل كهربتنا انتهت😢😢💔💔
فجأة الانوار ولعت وكان الحوش كلووووو مزين بالبوالين واربعة سراير ومعاها كراسي حتى الزوايا بتاعت السراير والكراسي مزينة بالبوالين وورود😱😱😱😱
كانت ف تربيزة ف نص السراير فيها ورود وتورتة مشيت عليها لقيت التورتة مكتوب فيها ( فطومتى)
حيلى مات وقعدتاا ف الارض..اصلا ماف زول بقول لي فطومتى الا اب لحية❤❤
قعدتا ف الارض وبقيت اكورك..ي محمد اظهررررر انا حاسة انك جييت😭😭اطلع ياااخ من كلمة فطومتى دى انا عرفتا انك جيت😭😭م تعمل حركات الشفع دى وتتدساا اطلع عليييك الله..
قطعو كواريكى دى ميثاق وفداا وسمر وامى قالو لي هوى قومى بلا محمد معاك غلطانين نحنا العملنا ليك كدا😏😏😏
قمتا وانفصمتا فيهم قلتا ليهم لييييه تلعبو بي عارفين انا بتعب قدر شنوو لمن تذكرونى بحاجة بقولا او بعملا محمد😭😭😭لييه عملتو فينى كدا..بتنبسطوو لمن تشوفو دموعى مش😭💔💔يلا اتهنو..وقمتا ماشة😭😭
فجأة احس بيد جرتنى من طرحتى❤❤..قبل التفت حسيت نفسي كأنو كنتا شايلة حاجة تقييييييلة وانزاحت منى...حسيت برااحة كدا مبالغة❤❤التفتا لقيتو اب لحية❤❤❤
بقيت كدا😱😱😱نفسى اخش ف حضنو وافضى الشوق الجواي😭💔نفسي ابكى بين ايديهو واحكى ليهو قدر شنو انا اتعذبتا ف غيابوو وقدر شنوو مرضتاا وقدر شنو كنتا فاقداهو💔😭😭نفسى اشتكى ليهو من الشوق الحرق قلبى ..نفسى احكى ليهو حاجاااات كتييييرة وانا ف حضنو😭💔💔
بس للاسف انا م بقدر وم مسموح لي بالحضن لانو كبرتا خلاص وبقيت مسئولة امام ربنا من كل شي😢😢😢😢
قطع اندهاشى ومسك يدى بيدو وحدة وسلم لي بالتانية ...حسيت انو ف حاجة جرت ف شرايينى لمن يدو لامست يدى❤❤حسيت بالامان الكنتا بحسو زمان❤❤حسيت بنفسى بقى طبيعى وقبل اليوم كنتا مخنوقة ونفسى مضايق..حسيت بضربات قلبى رجعت طبيعية بعد م كانت مرة ف زيادة ومرة ف نقصان ❤❤
سلم لي وقال لي اول شي كل سنة وانتى طيبة ومعافية وموفقة وكل سنة وانتى احلى وعقبال الشمعة الالف❤❤وتانيا مشتااقين شوق كدا خليه بالنية بس❤❤واخيرا م شاءالله اختى كبرت وكمان امتحنت وح تخش الجامعة❤❤م شاء الله بقيتى عاقلة وواعية😊❤❤
انا بس كنتا متنحة فيهوو بسم الله م شاء الله❤❤اعاين لشنو واخلى شنو😘😘اللون الفتح زيادة ولا اللحية البقت كثيييفة..ولا العضلات البرزت ولا القوام البقى متناسق❤❤واندهشتا اكتر لمن انتبهتا ليهو كان لابس اللبسة الجبتها ليهو هدية زمن تخريجو😱😱بقيت اعاين ف اللبسة😱😱قال لي م تستغربى من يوم سافرتا بيها م طلعتها الا الليلة😊😊..قال لي ح تفتحى خشمك دا متين😒😒
قلتا ليهو اممم حمدلله ع السلامة نورتا البيت😊❤❤قال لي الله يسلمك واخيراا يااخ اختى اتكلمت بعد ساعة اندهاش😂😂حرفيا كدا كلمة اختى بقت م بتأثر فينى اصلا اتعودت عليها😂😂
وساقنى من يدى وجينا للتورتة..قال لي عمرو احساسك م بخيب..لمن شفتى التورتة والمكتوب فيها كنتى متأكدة دا انا مش...قلتا ليهو ايوووة كنت متاكدة بس ديل قفلوها معاي😒😒
خالتو تغريد قالت لاب لحية شنو يعنى😒😒نسيتنى😒طوالى جرى عليها وحضنها وبقى يبكى وهى زاتها بكت..اتمنيت اكون انا مكان خالتو😢😢
قلتا ليهو دقيقة دقيقة انتو الذكركم بعيد ميلادى شنو والسنة الفاتت والقبلها ماف زول عبرنى😒😒
ميثاق قالت لي أسالى اب لحية
عاينتا ليهو قبل افتح خشمى قال لي اصلا انا المفروض انزل السودان قبل اسبوع بس إتأخرتا مخصوص عشان اصادف يوم عيد ميلادك❤❤
وانا من الساعة 8 صباحا وصلتا مطار الخرطوم وخالتو تفاؤل وميثاق وفداا وسمر كلهم جونى واستقبلونى...
عاينت ليهم قلتا ليهم طلعتو غتيتات وحسودات يعنى شنو لو وريتونى😒😒😒فدا قالت لي لو وريناك كان ح تكون مفاجئة كيف ي هبلة😏😏اب لحية قال لي بعد ديل جونى ف المطار بقينا نفتش ف طريقة نطلعك بيها من البيت وف النهاية الشفتة امى طلعتك😂😂وبعد داك نحنا جينا البيت وشفنا شغلنا❤😂😂
نطت سمر قالت لينا كفاية يلا وشغلت التلفون كان موصل مع مسجل وديك ي الاغانى والرقيص😂😂😂عزينا نفسنا وقطعتا التورتة ...امى وخالتو تغريد جمبى فاتحين خشومهم منتظرنى اأكلهم بس ويييين يااه😂😂طوالى اكلتا اب لحية😂❤خالتو تغريد قالت لي الجديد شديد نسافر نحنا ولا شنو😂وانتهى عيد ميلادى ع كدا..
باقى الليل داك البيت كلو صابيها ف غرفة اب لحية😂😂مقعدنو ف نصنا زى الصينية بتاعت الاكل😂😂وديك ي الحكاوى والقصص وبرضو قال لينا انو م قرا ماستر لانو لقى عندو فرصة تخصص وطوالى قرا تخصص جراحة قلب❤❤
مرا اسبوع واب لحية من البيت م بنخليهو يطلع😂😂يااخ تلاتة سنين م شفناهو..
لحدى يوم كدا البيت كان فاضى الا انا اب لحية قال لي عندى اصحابى اتنين جايينى اعملى لينا كيك وشاي لبن❤قلتا ليهو حاضر..
شوية كدا الباب فتح بغادى ع اتجاه الصالون وجا شال الموية وداها ليهم وم جا للشاي قمتا انا قلتا اوديهو ليهو قريب الصالون واناديهو وبالمرة اشمشر ديل منم😂😂😂😂
مشيت لمن قربتا الشباك بتاع الصالون كان فاتح وكانت المفاجئة
يتبع
ماذا رأت فطومة..وهل لها سابق معرفة بالشخص الذي رأته ام اول مرة ترى هذا الشخص..وماذا كانت ردت فعل اب لحية عندما رأي فطومة..
هذا ماسنعرفه ف الحلقة القادمة✋😂😂😂😂
