الباب فتح بغادى ع اتجاه الصالون..واب لحية جا شال الموية وداها ليهم...بعد شوية م جا للشاي قمتا شلتو وقلتا لمن اجي جمب الصالون انادى اب لحية يشيلو وبالمرة اشمشر اشوف ديل منم😂😂😂
مشيت والشباك بتاع الصالون كان فاتح..فجأة اشوف بت متكية ف السرير ..لا وكمان مطلعة طرحتها والشعر مفكوك ومديانى ضهرها😱😱😱 الشمار حرقنى وقلتا لازم ادخل..
وقفتا ف باب الصالون واتفاجئتا تانى ف بت قاعدة ف الكرسي😱😱..الاتنين لابسات بناطلين واصلى م ارتحتا ليهن نهائى😒😒بس للثماحة النصيحة ثمحات😂😂😂..
قمتا قلتا ليهو ي محمد هاك😊😊طوالى البت المتكية قامت وعاينت لي 😒😒قالت لمحمد ع اساس بيتكم فاضى😒😒قال ليها عايز اقيس ثقتك فينى بس طلعت صفر بعد م جبتى صحبتك معاك😎😎..
وجا شال منى الشاي ..البت جات قالت لاحقاهو لباب الصالون..قالت ليهو م عرفتنا ع المزة وختت يدها ف كتفو..قال ليها بت خالتى 😊😊واختى الصغيرة😊😊..نطت هي قالت ليهو وعرفنى بيها انا..محمد قال لي دى اية دفعتى😊😊قالت ليهو دفعتك بس😒😒سكت..طوالى هى قالت لي دفعتو وحبيبتو ومرتو المستقبلية😉😉وساقتو من يدو ورجعو جوة وانا جررى ع بيتنا..وطبعا م عندى غير البكا😭😭
ماف حاجة وجعتنى غير كلمة مرتو😭😭💔💔بكييييت قدرتى لحدى م نمتا..
صحيت بصوت اب لحية بكورك لي باعلى صوت..فتحتا لقيتو واقف ف وشي وصارى زى التقول انا كاتلة ليهو زول😱😱
قال لي الجابك الصالون قبيل شنو😠😠😠انا طلبتا منك تجى😠😠ناديتك..عزمتك..ورينى السبب البخليك تجى..ولا عايزة تسنطى علي بقول ف شنوو..فلنفترض كانو اولاد ح اقول ليهم شنو😠😠
خشممممى م فتحتو...اصلا براها قافلة معاي ولو جاوبتو حأدقاا لانو اخلاق بتعريفة م عندو وبالذات لمن يكون زهجان..الاحسن الزم الصمت😷😷
ملا يدو وضرب بيها الحيطة وطلع...م عارفة زهجان مالو شكلو البت شاكلتو..رجعتا تانى للبكاا😭😭
اخخخخ ي قلبى اب لحية دا ح يقلتنى قبل يومى💔 يكون ماف بتعذب بفراقو ..يجى بتعذب بتصرفاتو💔
دى مصيبة شنو دى😭😭💔💔
اليوم التانى من الصباح خشيت لي ف عباية وقلتا لامى ماشة معاك الشركة اصلى م بقعد ف البيت✋✋..امى بتفهمنى من كلامى..قالت لي اووك..بعد مشيت معاها قالت لسكرتيرتها جيبى لينا شاي جابتو وامى قفلت باب مكتبها علينا...شربنا الشاي وامى مسكت يدى قالت لي احكى لي حصل معاك شنو امس لحدى الليلة ابيتى تقعدى ف البيت مع محمد مع انك بتموتى ف فكرة انك تشوفيهو النهار كلو وتتونسي معاهو..
بقيت ابكى امى حضنتنى لحدى م خلصتا بكاا..اتنهدتاا وحكيت ليها الحصل كلووو وقلتا ليها م تكلمى خالتو تغريد لانو احتمال تشاكل محمد😢😢
امى باستنى وقالت لي عمرى م شفتا حب نقى زى حبك لمحمد❤❤بعد الكلام السمعك ليهو برضو خايفة عليهو امو تشاكلو..بالجد ي بتى قلبك طيب بس محمد م منتبه..وصدقينى لو عندك فيهو نصيب حتلقيهو..ولو م عندك ربنا بعوضك بالاحسن منو❤❤..ف النهاية كل شي بإرادت ربنا ❤❤
كلامها ريحنى شدييييد قلتا ليها بس انتى ادعى لي امى وبتهون ان شاء الله❤❤
قضيت اليوم داك مع امى وحايمة معاها ف الشركة اي موظف يلاقيها بتقول ليهم دى اختى الصغيرة😂😂😂وبتقرصنى عشان م افتح خشمى😂😂
العصر فداا جاتنا حكيت ليها بامى بتقول لناس الشركة انا اختها الصغيرة😂😂فدا قالت ليها اجييي ي نبعوو عاد بالغتى معناها انا لو طلعتا معاكى بتقولى اختك الاكبر منك😂😂امى قالت ليها هووى م اصلا انا صغيرة بسألونى عمرك كم بقول ليهم 27 مع انو 35😂😂😂..
فرفشنا مع امى وارتحتا شديد من اب لحية وجوطتوو..امى طلعتنا السوق وقالت لينا تخريج ميثاق قررب فلازم تقصو فساتينكم من اسي..اخترنا قماش كبدى ووديناهو للترزى وطبعا القصة واحدة ❤❤وامى اشترت توب سادة كبدى فيهو لمعة وشبط كعب ونحنا برضو❤❤
بعد خلصنا من السوق دخلتنا مطعم ظريف كداا اكلتنا بيتزاا وشربنا عصير...قمتا انا قلتا لامى عايزة لي كريمات مع انو لونى نضيف بس البحر م بابى الذيادة✋😌😌امى قالت لي من متين بتحبى الكريمات😒😒قلتا ليها من امس البنات الجو ف البيت خلونى احب الكريمات😌😌فداا قالت لينا بنات شنوو😱😱امى حكت ليها وحزرتها تكلم زول..
تانى رجعنا السوق امى اشترت لي كريمات واكياس جلخ..فدا اشترت مرطبات بس قالت م عايزة..
رجعنا البيت قريب العشاا واب لحية يشيل ويحمر لينا نظام اتأخرتو بس م قادر يفتح خشمو لانو امى معانا✋😌😌
بقيت اتمسح يومى والبس اكياسي ومن بيتنا بجاي م بطلع..ف يوم البيت كان فاضى نضفتا وبقيت كل م اتذكر البنات ديلك بتمسح😒😒بعد نضفتا اتمسحتا لبستا اكياسي وشرباتى وخليت الكريم ف السرير وطلعتا بغنى ومبسووطة..لقيت اب لحية ف وشي..
كنت ناوية م اشوفو الا يوم التخريج عشان افاجئو باللون الجديد بس هو فاجئنى
