شلتا التلفون ودخلتا غرفتى وقفلتهاا واب لحية اتصل واخر حبكانياات ومنداحين للاخر🙈🙈...باب الغرفة ضرب قفلتا الخط ودسيت التلفون وفتحتا الباب وكانت المفاجئة...
لقيتها رباا بت كنداا😱😱...رباا الجابك شنوو..فداا قالت لي كدا سلمى اول وفضليهاا الضيوف بعاملوهم كدا😒😒..وفعلا سلمتا ليهاا وباركت لي وفضلتهاا وضيفوهاا ..
واثناء م بتتونس معاي قالت لي انا اسفة ي فطومة اعفى لي💔💔..انا كنت مفتكرة نفسي بحب محمد بس حبى ليهو طلع ولا شي قدام حبك وخوفك ع محمد والدليل الحالة الوصلتى ليها قبل كم يوم...فطومة اعفى لي وخلينا نبدا صفحة جديدة...وحالياا انا م عندى اي مشاعر تجاه محمد واتقدم لي واحد سودانى مقيم هناك ف كنداا والعرس بعد شهر...حضنتها وقلتا ليها اصلاا م زعلانة عليك حبيبة والف مبروك وربنا يتم ليك ع خير❤❤
ويلاا كدا وريناا صور العريس شوقتينااا..طلعت تلفونهاا ورتنى صورتوو وفعلاا كان وسيييم شديد حكت لي عنوو وتانى جابت لي صور ملابس بناطلين كلها واقمصة فظيييعة..قالت لي ديل مشينا امبارح مع محمد وعزلتهم ليك انا لشهر العثل ومحمد عاملها ليك مفاجئة بس انا حبيت اوريك ليهم لو ف وحدة م عاجباك عشان ارجعهاا واغيرهاا ليك😊😊..قلتا ليهاا لااا كلهم رهيبين حد الرهابة زوقك رفيييع شديد❤😘😘..قالت لي طيب لمن محمد يوريك ليهم اعملى فيها متفاجئة كويس😂😂..قلتا ليها تمام..وطلعت قالت مستعجلة..
جاا يوم حنتى ومن الصباح ف الكوفير..لبستاا فستان عناابى اكمامو شفافة وطبعاا حنة كريم عركوهاا عرك حتى طلعت😂😂..ولونى فتح زيادة نفسياتى فل عشان كداا لونى فتح وسمنتاا😂😂..عملو لي تسريحة بتااج كدا رهييييب❤❤..واب لحية كان مطالب بالتصوير وفعلاا اتصورتاا ف حديقة❤❤
هجهجناا جنس هجيج وربينا الحفلة ربة تماااام وخلصت ع كداا..
اليوم التانى حنة اب لحية وانا كنت مصرة امش✋😎😎..فداا الله يخليهاا للكضب قالت لامى بتاعت الكوفير اتصلت قالت فطومة عندها جلست شعر ضرورية ماشين ليهاا وفعلاا طلعنا وانا كنتا لابسة نقاب..طبعا بعربية كمال..وصلنا ووقفنا وراا..وشوية كداا اشوف اب لحية هوو واصحابو وكريم لابسين على الله❤❤..والحنة دى تسوى كدى👋👋👋احييي انا معقول الثماحة دى كلها حقتى😋😋..
اب لحية كان مبسوط شديد ويرقص ويجبجب..شوية كدا واختفى..وانا بقيت افتش فيهو بعيونى ف الحفلة..فداا وكمال كانوو بتونسوو وانا فجأة احس بيد مسكت يدى انا لمن نطيت التفتا لقيتو حبيب الروح اب لحية❤❤...قال لي حبيبى اناا الجابك شنوو..فداا سمعتو قالت ليهوو هوى ي ولدنا اسي شفتنا بوين😒😒..قال ليهاا نحنا الاتنين عايشين بقلب واحد بينبض فينا الاتنين..ولمن ضربات القلب دى تزيد فجأة كداا معناها نحنا قريبين من بعض❤❤ودا الحصل لي قبل شوية حسيت انو مرتى هناا ...قالت ليهو يلاا ارجع مكان جيت نحنا زاتنا ماشين😒😒..قال ليها خلاص اتكلم مع مرتى عشرة دقايق😒😒قالت ليهو دقيقتين بسس واقيف معاها هناك جمب العربية قدام عيونى ديل م بخليك تمش بيها مكان تانى😒😒..قال ليها حسستينى كانو انا ح اخطفهاا😒😒..نسيتى دى حلااالى..بس كلها ساعات وتانى سلام ساي م بخليكم تسلموو ليها😎😎..
اب لحية ساقنى من يدى ووقفنا مسافة من ناس فداا..مسك يدينى الاتنين وقال لي واخيراا ي روحى حنتلم ف مكان واحد..انا من يوم العقد بحسب ف الساعات يااخ...انا خلاااص بقيت م قادر استحمل بعدك منى..صح اتحملتا 17 سنة بس كونو انتى مرتى ويحرمونى منك حااارة والله..هو بتكلم وماسك يدينى وانا منزلة راسي🙈🙈..من غير م احس ضمانى عليهوو وقال لي الخجل دا حدوو قريب استعدى ي قلبووشتى ليوم بكرة..قلتا ليهو محمد فكنى ع فكرة الناس ح تنتبه...قال لي ويعنى لو انتبهت مرتى وحر فيهااا وبعدين المكان مضلم..بقيت اتحلحل منوو وهو محتوينى بيدينوو قال لي عايزة تهربى بس بكرة حتعملى شنوو ي بيبى..قلتا ليهو هو منو الماشي معاك اصلاا قاعدة مع امى😂😂..قال لي امى ي شافعة كدا لمن بكرة يوم الانجاز يجى ..انا غايتو فهمتا انجاز دى بمعنى تانى🙈😂😂😂...فداا جات وكالعادة قاطعة اللحظات الحلوة قالت لاب لحية اصحابك بفتشوو فيك يلاا اقطع وشك..قال ليها لو خليتيهاا باتت معاي تكونى م قصرتى..كمال قال ليهو الشفقة تطير يااخ😂😂😂😂..
رجعنا البيت وجا اليوم الموعود❤❤...ومن الصباح انا ف الكوفير..الحفلة كانت نهارية من الساعة12 لحدى 4 ...لبستاا زفاف شبه عارى اكمامو نص شفافة م مغطية حاجة...طلعتااا نجفة لانو المكياج غير ملامحى كلهاا..جا حبيب القلب اب لحية وانصرفو البنات وهو دخل انا كنت واقفة ومتجهة ع الحيطة اب لحية خاشي وضمانى من وراا انا خلااص هبطتاا🙈🙈..لفانى عليهوو وقال لي بسم الله م شاء الله حبيبى انا وقراا لي بداية ياسين قال لي م يسحروك لي وانا لسة م اتهنيت بيكى❤❤...احححححح ي قلبى منوو البدلة يحردوها ليهوو والعجب اللحية حالقاها حلاااقة كدا فظيييييعة والحنة دى تقول ي ليك مع لونو الاسمر الفاتح داك❤❤❤❤باسنى ف جبهتى اقصد جبينى وتانى ضمانى عليهو فاقد حنان م قلتا ليكم😂😂😂...قلتا ليهو محمد ح تخرب لي فستانى يااخ فكنى...انت م بتفتر كل م تشوفنى تحضنى😒😒...قال لي انتى شفتى شنوو لازم نخلص حق الصبعطاشر سنة دى....وانا لو علي اصلا كل الزمن تكونى بين ايدي وكدا بكون مطمن ماف حاجة حتحصل ليك❤❤❤...احيييي انا من الحب دا🙈🙈..
مسكنى من يدى وطلعناا واصحابو كانو لابسين نفس البدلة مطقمين معاهو ..وبقو يصفروو ويصفقوو..انا بقيت اتخجل🙈🙈...ركبنا مع صحبوو الا انا واب لحية وراا وصحبو قدام..كان ماسك يدينى الاتنين وقاعد شبه ملتفت علي وكان بقول لي كنت متاكد انك ح تطلعى حلووة بس م اتوقعتاا الحلاوة الزايدة دى❤❤..والفستااان فظييييع وبعدين انتى سمنتى كدا لييه انا مش قلتا ليك خليك ف حالك الزمان...انا بس كنتاا منزلة راسي وصحبو كان مركز معانا قال ليهو ي محمد كفاية يااخ وترتها زيادة اسي ح تدخل الصالة كيف خليها تاخد نفس وترتاح عشان التوتر دا يروح..الحيوان حتى زحاا منى حبة وانا اتنفستاا الصعدااء😂😂😂...
وصلنا الصالةوكنا خلف الكواليس😂😂...الاضاءة عملوهاا خافتة شديد..وشغلو فديوو فيهو ولد ممثل لمحمد وشايل شافعة اللهى اناا والولد بكلم الشافعة هى بتكون بتبكى وفجأة بتسكت وتضحك للولد..بعدو كبرو شوية وجابو لقطات لمن كان محمد بوصلنى الروضة والمدرسة والثانوى ولقطات من تصرفاتنا ف البيت ولقطات من غيرتى عليهوو وبرضو م قصر وجاب لقطة العلقة الاخدتها بسبب عادل الناس بقت تضحك ف اللقطة دى😂😂..تانى بعد دا دمج معاهم حفلة عيد ميلادى الاخير طلع مصورو..يعنى باختصار محمد صمم فديوو معبر لكل تفاصيل حياتناا المضت..بعد حفلة عيد الميلاد قطعو الفديوو ودخلنا باغنية تامر عاشور(انتا يللى خدتاا قلبى من الزمان ومن اللي فيه...خدتا قلبى لدنيا تانية احلى من اللي حلمت بيه..احلى عمر انا عشتا قبلك والحنان عندك كتييير هو فى كدة زى قلبك لسسة ف الدنيا خييير عمرى م انسي انا قبلك كنت فيين ومعاك بقيت انا إيه
انا باقى ليك ولحدى م عمرى الدقيقة ح افضل ي حبيبى معاك وحعيش واموت بهواك انا ليا مين غيرك حبيب عمرررى❤❤)
بعدها رقصنا اسلول وانا م عارفة رقصتا كيف كل شوية انزل راسي واب لحية ينبهنى يااخ م قدرتاا ارفع راسي لانو اب لحية مركز ف عيونى وكل م اعاين ليهو بقول لي بحبك..وبلخبط ام مشااعرى زاتاا😂😂😂..خلصت الحفلة والجرتق..ودعنا اهلنا بالدمووع وانا حلفتا كان اسكت اول مرة اسافر بدون امى😂😂😂وطوالى ع المطار..قلتا لاب لحية صحى نحنا ماشين وين...قال لي كسلااا..قلتا ليهو رجعنى سووورعة😎😎امش براك..قال لي لو بتحبينى جد لو قلتا ليك شهر العثل تحت شجرة ترضي بيهو وتشوفيهو كانو ف باريس😒😒...قلتا ليهو اااااسفة ي قلبى اناا والله م قصدى بهظر معاك..وبعدين انت عارف لو انا بحبك ولا لاا😢😢..مسك يدى وقال لي برضو انا بهظر ي طفلتى❤❤حبك لي انا حافظوو حفظ ي عمرى قطعت لحظتناا دى صوت تنبيه الرحلة وكانت المفاجئة
يتبع
يااخ كرفسوو ام مشاعرنا😢😢💔💔
