معذبي الملتحي

٢٣

انا جيت ماشة ع المطبخ وهى كانت بتتكلم بالتلفون...وقفتا عشان اسمعهاا بتقول ف شنوو وكانت المفاجئة😱😱
كانت بتتكلم مع صحبتهاا قالت ليها ليييه م يظبط ي زولة م شفتيهوو اتغير بشكل كااامل ف اسبوع واحد يااخ والله الشيخ دا يستاهل تانى اديهو5 الف...اسبوع بس بقى يكرهم كلهم بأمو زاتهاا وحتى فطومة بقى يشوف الموت وم يشوفهاا..سكتت م عارفة ديك قالت ليها شنوو قامت اميرة قالت ليهاا م فضل لي شي بقى ينوم معاي ف الغرفة وف خلال اليومين ديل لازم اخليهو يقرب منى لانو الحمل الفينى دا ليهو شهرين وضرورى محمد يلمسنى عشان اقدر الصق فيهو الولد دا ولمن اولد ح اقول ولدتاا ع سبعة شهور..

انا اتجمدتاا ف مكانى وبقيت م قادرة امشى قعدتا ف الارض وزحفتا زحف لمن وصلت الحمام..جانى اسهال ووجع بطن..وانا لسسة م قادرة استوعب😱😱...دا شنو البتقول فيهو اميرة داا😱😱..حاامل..ليها شهرين...ومن زول تانى..وكمان عايزة تلصقواا ف محمد😱😱...لا لا انا شكلى بحلم..دا كلو وانا ف الحمام وبهمهم برااي وماسكة راسي ...شكلو راسي حيضرب من التفكير😭😭😭....

استجمعتا شجعاتى وطلعتا من الحمام..شلتا تلفونى واتصلتاا لامى ردت لي وقالت لي فعلا طلع محمد عاملة ليهو اميرة عمل وف حاجات منتظرين الشيخ يدينا ليهاا حتى نجى..قلتا ليها تمام وقفلتا منهاا..
بقيت افكر انا لازم اتصرف قبل اب لحية يقرب من الحيوانة دى😠😠...والا ح يتورط وهو م جايب خبر..حتى لو لمسها ولقاها م بت م حيقدر يسالها لانو العمل عاميهوو..

فكرتا ف خطة بس لازم اب لحية يتفكاا من العمل اول ويفتح عيونو لانو لو اسي فتحتا معاهو الموضوع داا حيهيج فينى ويطلعنى كذاابة وحيكرهنى اكتر فعشان كدا لازم انتظر..

ناس امى وخالتو جو الضهر كداا وجابوو موية ف قارورة قالو يعملوها ليهو ف عصير وبخور كدا قالو يفكوهو ف البيت لمن محمد يكون قاعد..

العصر اب لحية جاا وخالتو بقت تتظارف مع اميرة..نادت اميرة قالت ليها تعالى ي بتى ونسينى خلينى اتم باقى الغداا دا اصلا بت اختى فطومة دى م منها فايدة لا بتساعدنى ولا شي وزمن الاكل بتقعد اول وحدة...اميرة قالت لخالتو هى فاكرة نفسها شنوو لمن تتعبك انتى وهى نايمة..بت م عندها ضمير اصلو😠😠😠...خالتو قالت ليها بركة الولدى م وقع فيها كانت مطارداهوو وميتة فيهو بس بركة الختاها وعرسك انتى ي ست البنات❤❤اميرة راسها كبر وخلاص صدقت..
خالتو كانت مجهزة العصير ف التلاجة عاملاهو بالموية الاداها ليها الشيخ..طلعت العصير وكبتو ف الكباية وقالت لاميرة امشى وديهو لراجلك ي بتى بكون تعبان واتونسي معاهو لمن اناديكم للغدا...اميرة تقول تطير من الفرح وتضحك للضرس الاخير افتكرت انها خلاص كسبت قلب خالتو وبقت ف صفهاا..

شالت العصير وودتو لاب لحية واخر رومنسيات وشرب العصير وطوالى نام...صحوهو للغدا قال م عايز نعسان..صحى بعد المغرب وجاا قال عايز جبنة لانو مصدع انا كنت مراقبة الاحداث والشيخ قال لناس امى انو بجيهو صداع قووى وبعدها العمل ح يفك..
اميرة تتراشق قالت عايزة تعمل الجبنة خالتو قالت ليها عروسنا م بنشغلها خليك قاعدة وخالتو جابت الفحم وحاجات الجبنة وولعت المبخر وختت فيهو البخور..اب لحية بقى يعطسس لمن يدمع..مسافة الجبنة تطلع اب لحية اتضايق والصداع زاد لمن عيونو حمروو بس امى كانت منوماهو ف رجليهاا وبتدلك ليهو ف راسوو دا كلو عشان م يقوم والبخور يخش فيهوو..
شرب الجبنة وقال تعبان نام ف الحوش ..يلا انا فرحتاا بانو ماشين كويس..وصحيت بالليل صليت ودعيت ربنا يخلصنا من المصيبة النحنا وقعنا فيهاا..

الصباح جيت اشرب الشاي لقيت اب لحية قال لي صباح الخير وابتسم لي انا قلبى عمل شحححح واخيييرا يااخ ح ترجع...بعد الشاي خالتو تانى ادتو عصير وقالت ليهو عشان يخفف ليك شوية بس ويين يااه عاملين فيهو الموية بتاعت الشيخ😂😂😂

اب لحية طلع الشغل وخالتو مشت السوق تجيب حاجات وميثاق بايتة عند ناس صحبتها فضلنا الا انا واميرة..ودى فرصتى...فتحتا التسجيل ف تلفونى ومشيت ليهاا...قلتا ليها اسمعى هناا انا امس سمعتك لمن كنتى بتتكلمى والشي البتفكرى فيهو دا مستحيل يحصل..والفى بطنك دا نحنا م بلزمناا التافه العمل فيك كدا هو المجبور عليك م محمد...دا كلو عشان عايزة اهيجهاا..
قالت لي يلزمكم ولا على كيفكم كلها يومين والليلة داا ح اخلى محمد يلمسنى عشان الاسبوع الجااي ادلع فيكم واعملكم لي خدامات عشان انا ح اجيب الحفيد م زييك ي بايرة...والبتقولى عليهو تافه دا ودعمى وحتى لو غلط معااي ح يدفع التمن محمد لانو اتحدى ودعمى ودمروو وجاا دورنا عشان ننتقم منكم ويلا طيرى من وشي الوحم قافلها معااي ...طلعت وعملتا حفظ للتسجيل ورسلتو لامى بالواتس ولميثااق..

الشلاقة م خلتنى رجعتا تانى لاميرة ووريتها انى سجلتا كلامها وح افضحهاا وجيت خليتهاا بعد شوية سامعة الباب فتح وشوية كدا جات اميرة ومعاها ولدين داخلين علي انا لمن اتفاجأت

يتبع