معذبي الملتحي

١٧

ناس البيت كانو بتونسوو بعد العشاا واب لحية ف غرفتوو...فقلتا دى فرصتى لازم امش اعتذر ليهو ع الحصل ❤❤
مشيت وي ريت لو م مشيت ..كان قاعد ف السرير متكل ع الحيطة وبتكلم مكالمة فديوو انا من شفتو طوالى رجعتا لوراا وبقيت اسمع فيهو..قال ليها انتى هبلة كيف م يوافقو بيكى مالك الناقص فيك شنوو..سكت تانى قال ليها عاينى ي بيبى انا اميرة دى م عندى ليها حاجة براها لاصقة فينى والنهار كلو معسكرة ف عيادتى وانتى عارفة بكرها قدر شنوو..تانى سكت م عارفة هى قالت ليهو شنو طوالى قال ليها اوووك اعتبريها وصلتك ويوم السبت من الصباح تعالينى ف العيادة تلقيها جاهزة..

انا حيلى مات وم كان عندى نفس اسمع شي تانى وطوالى جريت ع بيتنا..فداا كانت مراقبانى طوالى لحقتنى😢😢..حضنتنى وكالعادة بكيت قدرتى بعد خلصتا قالت لي احكى لي عشان ترتاحى ...حكيت ليها قالت لي م تاخدى ف بالك بكذب عليهم كلهم ..اصلا دا حال الاولاد بقضى زمنو وبملا فراغو بسس..فشنو ريحى بالك واعصاابك❤❤

امى جات عاينت لعيونى عرفتنى كنت ببكى..قعدت جمبى قبل تسألنى حكيت ليها..قالت لفداا قومى جيبى ليها عصير ليمون تروق اعصابها شوية...فداا مشت وامى قالت لي مش قلتا ليكى كل شي قسمة ونصيب ي بتى..هو بتكلم مع غيرك ولو ف قسمتك الكلام م بأثر ❤❤..بعدين عندى ليك خبر حلوو..قلتا ليها بشرررى..قالت لي كمال جانى قبيل ف الشركة وانا قبل اليوم اديتو رقم محمد وقال لي امس اتلاقى معاهو وكلمو انو عايز فداا وهى اصلا م عارفة وطلع محمد صاحب ود عم كمال❤❤يعنى مبدئيا كدا محمد وافق وقال لكمال الخطوبة والعرس بعد التخريج❤❤..

قلتا ليها حمستينى متييين اعيش احساس انى اخت العروس❤❤طوالى فداا جات قالت لينا عرس شنوو امى قالت ليها عرس بت صحبتى وعازمانا وانا اعتذرت لانو مكانهم بعيد..فداا الهبلة صدقت😂😂 جابت لي العصير شربتا وقلتا لامى خلينى انوم معاك ف غرفتك😢😢محتاجة حضنك شديد😢😢وفعلا نمتا ف حضن امى لحدى الصباح صحتنى صليت وكان اليوم جمعة ومن بيتنا م طلعتاا دا كلو عشان م الاقى اب لحية😢😢..

بقيت اقول لنفسى لييه انا م قادرة اكرهوو ..لييه عقلى م قادر يستوعب فكرة انو بحب غيرى وعايز يتزوجاا💔😢😢...ليه انا م مكتوب لي افرح بحبيبى..لييييييه انا م قادرة اتخطى حب محمد واحب غيرو لييييييه😭😭💔كل الاسئلة دى م لقيت ليها اجوبة والجواب العارفاهو انو حبى لمحمد انا اتولدت بيهو ودى حاجة فطرية مستحيل تتبدل💔😢😢

بالليل كدا اتذكرتا انو اب لحية قال للبت يوم السبت تعالى تلقيها جاهزة...قلتا انا بكرة اووف لازم امش مع محمد العيادة واشوف الهانم دى احلى منى ف شنو لمن صاحبنا دا بحبها😒😒

اصبح الصباح وصحيت صليت واستحميت وغيرتا لبستا فستان مخطط اسود بابيض وطرحة لحمية وشبط لحمى وعملت ميكب خفيف زاتو م ظاهر وشنطة صغيرة كدا سودا ومشيت بغادى شربتا الشاي واب لحية جاا للشاي اتفاجأ انا ماشة وين...طبعا جاهز للمشاكل قال لي الليلة م عندك جامعة طايرة وين😒😒..قلتا ليهو ماشة معاك المستشفى لانو امبارح م قدرتا انوم مكان الكلى دا بوجعنى م عارفة من شنو..طوالى نطط عيونو شكلو اتذكر الجلدة بكون قال اثرت ف الكلى😂😂

اب لحية بعد شرب الشاي مشي جاب الشنطة بتاعت لابتوبو وقال لي يلاا نمش..احححح واخيرا خطتى ظبطت😉😉...ركبتا معاهو طبعا قدام قال لي بوجعوك من متين..قلتا ليهو من اول امس..قال لي ح اعمل ليك موجات ان شاء الله تكون الكلى نضيفة❤❤وكان مهموم كداا😂😂وصلنا ودخلنى عيادتو وقال لي الزمن بدرى شوية كدا واوديك لاخصائى خليك هنا انا عندى مرور ع العناية فيها عمليات جديدة قلتا ليهو تمام ..

بعد مشى فتحت الشنطة بتاعت الابتوب لقيت فيها 3 علب نيوتلاا وشكولاتات😋😋😋اكلتا من الشكولاتة وفتحتا النيوتلا اتلفتا لقيت ملعقة مع كبايتو بتاعت القهوة شلتها وداك ي الاكل😋😋الباب فتح جات وحدة كداا عاينت لي قالت لي اووو محمد دا بقى خطير كل يوم بحب وحدة جديدة انا لازم احسم الفوضى دى ف اقرب وقت وقامت طالعة..
قلتا ليها دقيقة...وقفت قلتا ليها انا اختوو عندك اعتراض😒😒قالت لي ايواا..طيب بما انك اختو سمعتا انكم عايزين لمحمد اية بت دفعتو وحبيبتو بس وصلى الكلام دا لامك وقولى ليها اميرة م عندها شي اسمو مستحيل رضيتى ولا ابيتى بتعرس محمد وبتقلعو منك قلع وبعينك تانى م بتشوفيهو وطلعت

انا بقيت كدا😱😱دا شنو دا...اميرة😱😱دى اميرة الكان محمد بقول للبت هى لاصقة فينى 😱😱طيب اية دى معناها اية الكان جات ف الصالون ديك😱😱
معقول محمد عايز يعرس اية😱😱واميرة عايزة تقلعو😱😱وانا ح اتفرج ولا كيف😱😱...قطعت دهشتى دى صوت بت قالت لي الآذن ليك تفتحى الحاجات دى منو 😒😒عاينت ليها لقيتها اية😒😒
قلتا ليها اشتريتيها بقروشك😒😒جابها محمد ومحمد اخوى😒😒قالت لي وانا راجلى😎😎 الحاجات دى مشتريها لي انا بس شكلك م مربية عشان كدا بتفتشي حاجات غيرك وبتسرقيهم..وكمان عندك نفس تاكلى منها ..شكلك جيعانة وف بيتكم م عندك حق الاكل عشان كدا جيتى بتفتشى ف عيادات الناس...وطلعت من شنطتها قروش وجدعتهم لي ف وشي وقالت لي امشى اشبعى بيهم بعيد عن محمد ي عديمة التربية الباب فتح فجأة