ف يوم فداا كانت اووف ومشت المطبخ تجهز الفطور وخلت تلفونها جمبى..التلفون ضرب لقيتو دا كمال صاحبها رديت ليهو بعد سلم لي سألنى من فدا قلتا ليهو ف المطبخ..قال لي دى فرصتى اسمعينى قبل تجى ادينى رقم أمك سريييع وم تناقشينى عايزو لشنوو بوريك ف وقت تانى..
انا طوالى ولا كضبتا اديتو ليهو وقال لي بعد اخلص من امك لو فداا م جات اعملى لي جرس اوريك قلتا ليهو تمام..
ف الاتجاه التانى:
كمال اتصل لامى بعد سلم عليها قال ليها معليش ي خالتى لو فاضية انا عايزة اجيك...امى قالت ليهو معليش م عرفتك انت منوو😱😱قال ليها بعد اجيك بحكى ليك..قالت ليهو تمام تشرف ف اي وقت😊😊
واصلا كمال كان قريب من شركة ناس امى فطوالى ولا كضب مشى لامى وسلم وعرفها بنفسوو وانو هو صاحب فداا اختى ف الكلية وهو خريج وكداا..
امى قالت ليهو دقيقة دقيقة انا محذرة فداا من صداقة الاولاد بس قبل فترة حكت لي انو صاحبت سنيرها وهو زول كويس وبراجع ليها الشي الفايت عليها والمافاهماهو ..قال ليها ايووة ياهو انا زاتى😊❤❤
قالت ليهو م شاء الله تسلم ي ولدى م قصرتا مع بتى❤❤..قال ليها دا الواجب ي خالتى..وانا عايز افاتحك ف موضوع..انا والله ي خالتى حاليا بعامل فداا زى اختى بسس للمستقبل انا عايزها بسنة الله ورسوله..وانا م وريتها ولا لمحتا ليها ..وم عايزها تعرف لانو انا السنة ح اتخرج ان شاء الله وشقتى جاهزة وربما تكون وظيفتى جاهزة..فحبيت اكلمك انتى اول واشوف رايك..
امى قالت ليهو بما انك طلعتا راجل وود رجال وم عملتا شي من وراي مبرووكة عليك انت بس اجهز وتعال بس بشرط بعد تتخرج...قال لامى حاااضر ي خالتى بس عليك الله م تكلميها لحدى م نجى نتقدم ليها..امى قالت ليهو تمام ..وتمو ونستهم وامى ارتاحت ليهو شديييد وصراحة هو زول وااضح وبخش سريع ف الناس😊❤❤
بجاي انا فطور م عرفتا افطر وقاعدة ع اعصابى 😂😂الشمار حار والله😂😂فداا لاحظت لي قالت لي مالك انتى الليلة..قلتا ليها مبسووطة بس..وانا منتظرة منها فرصة عشان تجدع تلفونها واتصل لكمال😂😂بس المعفنة نووهائى م فكتو من يدهاا..
العصر امى جات وشايفاها بتتبسم سااي وانا اعصابى تلفت😂😂اموووت واعرف الحاصل..طوالى امى قالت لفداا امشي اعملى لي جبنة..
بعد فداا مشت امى قالت لي تعالى عندى ليك شمار😂😂قلتا ليها حق كمال مش😂😂قالت لي عرفتى كيف😏😏حكيت ليها انو انا اديتو الرقم وقال ح يورينى بس م لقيت طريقة اتصل ليهو..
قالت لي ماف داعى تتصلى انا جبتا ليكى الزيت😂😂قلتا ليها اها بشررررى ي توتة😂😂طبعا بندلع امى بتوتة😂😂حكت لي الكلام كلووووو..قلتا ليها احلللللفى..قالت لي ع اساس انا بكضب😏😏قلتا ليهو العفووووو ي نبع الحنان بهظر😂😂😂الموهم انبسطنا ليها شديييييد وكنا متلهفين متين تتخرج عشان نشوفا عروس❤❤
امى قالت لي اووووعه خشمك الخفيف دا تمشي تكلميها والا بعدين زمن العرس كمال م ح يعزنا بالهدايا😏😏قلتا ليها نووووهائى اي حاجة ولا الهدايا م بلعب بيها😉😉❤
فداا جات ومن شفنها سكتنا هى طوالى شكت فينا😒😒قالت لينا بقت ف اسرار بينا😒😒امى قالت ليها هوى انتى جنيتى اسرار شنو اختك يوم مشت معاي الشركة كرشت ليها ع واحد واسي بتسأل فينى منو😉😊😊واااي منك ي امى مرقتينا😂😂😂
وعلى كدا قفلنا الموضوع داا..
نزلتا تالت وامتحناا وكانت صعبة علي شديييد واب لحية لحظة م طلع من بالى💔😢😢بالعكس كل يووم حبو زايد فينى وشوقو حرق قلبى حرق💔💔
جات الاجازة وكالعادة مدبرسة وفداا مضغوطة لانو اشتغلت ف صيدلية تابعة لناس كمال صاحبهاا عشان تتعود ع الشغل وكدا...وميثاق جارية مع البحث لانو السنة خريحة..وسمر مرت خالوو مشت لأهلها تقضى معاهم اسبوع اسبوعين كدا يعنى الا انا وخالتو تغريد ف البيت..
ف يوم كداا خالتو تغريد بعد الفطور ساقتنى قالت لي حنمش نغير جو نقيل مع صحبتى قلتى شنوو😊😊
قلتا ليها طبعااا م عندى اعتراااض❤❤ومشينا لصحبتهاا وقيلنا لحدى المغرب كداا قلتا لخالتو اها ح نبيت ولا كيف..نطت صاحبتها قالت لي ولدى جاي ف الطريق قريب ح يوصلكم😊😊
عندها بتين قدرى واكبر منى ظريفااات شديد اسمهم امتنان وامتثال❤❤وولدها مهيد اكبر من البنات..
اتونستا معاهم وشلتا ارقامهم وقالو لي حنعزمك عرس مهيد قريب😊❤❤
شوية كدا مهيد جا وقالو لي اطلعى طلعتا ي يمة مهيد السرور❤❤خدرة وقوام ورواقة وسماحة وعضلات ولحية❤❤😊😊صراحة عجبنى عجبة بس قالو خاطب😂😂😂وانا بموووت ف شي اسمو لحية😂😂😂سلمتا وودعونا ركبنا وصلنا البيت ورفض يدخل قال عندو اصحابو منتظرنوو بس ح يجينا مرة تانية ورجع..
دخلنا والبيت كان ضلاام خالتى قالت لي الجماعة ديل قالو طلعو الساحة وشكلها الكهربا منتهية..قلتا ليها ي حليل اب لحيية لمن كان قاعد م حصل كهربتنا انتهت😢💔💔
فجأة
