فردوس :- ماااااه نصكم حمممميررررر تعاكسو بنتتتت ووقت ترد عليكم تنوضو تهزبو ماه الحمار طول عمره حمار حماااااار
وإياد يشبح ومصدوم وفردوس عاش سكتت فشت فردوس غلها فيه، كانت مضايقة من اماليها من معاملة عمها ليها ومن كل شي ولقت اياد ف فشت غلها كله فيه وطلعت برا لقت عمها قاعد وركبت معاه ومشت ! وفتون روحت مع صحباتها وهي تبكي
________
جهاد :- تي خيرك ليك ساعتين سارح
اياد :- اا لا شي غير نفكر
جهاد :- ليش مضربتهاش البنت!! مدايرة فيها بنت بريطانيا وقايمه خشمها مفروض ضربتها
اياد :-مش لقطة تريس نمد يدي ع بنت وهي اصلا مش فاهمة الموضوع من كلامها
جهاد :- ااااي هكي ولا سرحت في عيونها 😂
اياد شبح لجهاد نظرة استهزاء :- غدوا تو نعلق عليها نفهمها
جهاد :- لاكنً بيني وبينك عندها عيون الصلاة على نبي
اياد :- بالله فكني من بنات
جهاد :- متضيعش فرصتك ي برو
اياد : لا حول الله
سكتو شوية
جهاد : اني مشعارف انتت كيف ممديتش يدك عليها كيف تحملت تقعد ساكت فهمني خير امك انت
اياد : ونبي طير من عليا
جهاد : لاكن متخافش وحق يلي خالقني بناخدلكً حقك
اياد : جهاد فوتها البنت اعقللل
__________
ع الفيس 💜
حلا :- ههههههههه ضحكتيني تي كيف ضربتيه هادا اياد راه ع قد ما هو شخصية ومحلاه
فردوس :- يمشي مرض يعاكس وميبيش حد يكلمه
حلا :- يعاكس قهرتك مفروض يضرب فتون يخي انــتي فاهمة غلط ، توا عرفت القصة من باقي البنات
فردوس :- شنوووو بعد الكف نطلع فاهمة غلط !! احكيلي شنصار
حلا:- اياد من قبل كل بنات جامعة يبوه وهو ميدورش فيهم هلبا مهم هو اعجب ببنت عمك هادي الخامرة بدت تلحق فيه لن ارتبطو مهم ارتبطو مشي الْيَوْمَ وقت عيط عليها عرف انها تضحك عليه وتحب زوز في نفس وقت اياد وإبراهيم ، تعرفي لما بيشهدرو بيها صدقيني
فردوس :- ينهاااري اسود كيف بنوريه خلقتي الولد كويس مركنيش طريحه اعطيني رقمه بنكلمه
حلا :- ومن ويـِْن عندي رقمه غدوا كلميه ديما يقعد حدا الكافي
فردوس : اوكي غدوا معناها نمشيله
حلا : شوية نصورلك باقي شيتات نبعتهملك
فردوس : اوكي
حلا : ممكن نسالك
فردوس : تفضلي
حلا : ع اماليك امبكري ريتك تضايقتي لما سالتك عليهم
فردوس : امممم تبي الحق ، اني متعلقة بااماليا هلبا ي حلا وقت كنت ف بريطانيا مخليني ع راحتي ميهزبونيش وميضغطوش عليا ومعمرهم فرضو عليا حاجة توا جابولي موضوع السفرة ! هكي وخلاص قالولي اسبوع جاي طيارتك حاولت ندير هلبا حاجات تمنع سفرة مقدرتش واهو جيت اهني وقعدت عند اعمامي ! سبب جيتي اهني اعمامي يعبو راس بوي !
حلا : ووين مشكلة انتي متبيش تجي اهني !
فردوس : مش هكي اني متعودة ع غادي ي حلا ! ومتعودة ع اماليا تو حرموني منهم ! تخيلي م اتصلوش بيا ولا دوروني ولا شي
حلا : لا حول الله ليش
فردوس : مشعارفة ! اني مدرشت غلطة
حلا : عمامك كويسين؟
فردوس : عندي عمي صغير نحبه هلبااا وعمي تاني حشاك خرا هو وصغاره منطيقهمش ، هادا بو فتون
حلا : وني نقول بنته لمن طالعه
قعدت فردوس شوية هكي خشتلها بنت كلمتها ع ماسنجر وكتبتلها رسالة💜
" مشااء الله عليك تهبللي عسلل تعرفي يعجب فيا بروفايلك هلبا مستحيل يمر يوم من غير م نخش عليه 💜"
ردت عليها فردوس 💜
فردوس :شكرا حبيبتي هذا من ذوقك
البنت : مش مصدقة انك رديتي 😭
فردوس : حسستيني انجلينا جولي 😂
مر وقت وفردوس تعرفت ع البنتت طلع اسمها افنان 💜
طبعا فردوس عادي كانت تنزل ف صورها ف فيس وانستا 💜
_________
مبروكة : تي نوضي يا بنت خيركك تبكي
فتون : يما خليننني
مبروكة : تي احكيلي شنصار فردوس دارتلك شيء ؟
فتون : ي امي هزبتني قدام جامعةة 💔 وخلتهم كلهم يضحكو عليا اني معاش ماشية الجامعة
مبروكة : شنوو شن دارت هالضايعة
فتون : اني شفتها تتمشى مع ولد قلتلها عيب مشي حرشاته عليا وقعدو هما زوز يهزبو فيا قدام الجامعة ي امي شن ذنبي انني 💔
مبروكة : نوووضي خنمشولها ف دارها
مشو مبروكة وفردوس وخشو عليها
فردوس : شن في ! ناس تطق الباب ي محترماتتت مش تخش هكي وخلاص مداهمة ولا قطيع معيز هو
مبروكة : صار اني بنتي هكي تديرلها
وجت شدت فردوس من شعرهاا
فردوس : ااااي اطلقيننني ي عزوززز النحس نححي منني
مروة سمعت صوت وجت تجري ونحت مبروكة من فردوس
مروة : تي خيركككك شن في علاش هكي درتي
مبروكة : شوفي شن مدايرة لبنتي ف جامعة
فتون كانت تبكي ع اساس
وحكت مبروكة لمروة
مروة شبحت لفردوس : فردوس مستحيل تدير هكي
مبروكة : شن قصدك بنتي كذابة !
مروة : قصدي مش تصرف تديريه ، خلاص دوسه متبكيش
خش احمد
احمد : شن في صوت العياط لبرا راههه
مبروكة : قلة ادب
وطلعت مبروكة ومعاها فتون وقعدت فردوس ومروة واحمد ف دار 💜
احمد : دوسا خيرك معاش تبكي شن في
مروة : فردوس هاك اشربي ميه
فردوس : تي اني شن درتلهااا ، اقسم بالله حرام وامي وبوي لتوا محد اتصل فيا حرام عليهم
مروة : هشش ياسر بكي
احمد : شن صار مروة
مروة : شي شي تو بعدين نقولك خنطلعو توا وخلي دوسا ترتاح شوية ، ومفيش داعي تنزلي لوطا للغدي تو اني نوتيه ونبعتلك💜
قعدت فردوس تكتب وتقرا ف شيتات يلي خدتهم من حلا ويلي بعتتهولها ، ومرة مرة تتفكر اماليها ودموعها ينزلو💜
__________
ع الهاتف ♥️🖇
خالد : ايواا خوي شن جوك وشن اخبارك
بو فردوس : والله كويس شنجوك انت ومروة
خالد : اهو بخير
بو فردوس : شنحال فردوس اكيد زعلانة لاننا مكلمنهاش
خالد : قاعدة مش متعودة ع الوضع
بو فردوس: تو تتعود امس بعتلها فلوس مع جمعة وصلوها؟
خالد قعد ساكت ويفكر لان مشبحش ان جمعة اعطي فردوس شي
بو فردوس :الوووو
خالد : اا اي اي وصلوها
بو فردوس : مش ناقص عليها شي ؟؟؟
هالد : لا لا تخافش اني معاها
بو فدروس : شحنتلها سيارة بعدين مرات توصل امشي استلمها انت ولا جمعة ، وبالك ع فردوس توا بنسكر ف خدمة اني
خالد : تمام سلملي ع العويلة
_____________
ف حوش اياد 💜
رقية مرة بو اياد صغيرةً ف العمر ومسمومة وحاطة عينها ع اياد مع انها اكبر منه بشوية💜
رقية : وينككك ي فرخة تعالي باش تغسلي الماعين
افنان : شنووو مش حنغسل شي ساد حرام عليك اسبوع فات كله نغسل فيهم عندي قراية
رقية : عندك عينكككك نوضي اغسلي ي كلبةةة متخليينيش نمد يدي عليك
وكيف رقية شدت افنان
خش اياد
اياد : هههههههيييي احترمي نفسككككك اقسم باللله تجربي تمدي يدك مازال تي لما نقصهههها غر احتراما ليك اكبر مني واحتراما لكونك مرة بوي منبيش نمد يدي
وسمعو صوت بو اياد خاش
رقية : اااه يددي حرام عليك شن درتلك ي ناااااس ساعدونننني
بو اياد : شن فففي
رقية : الحقننني ي حاججج ولددككك ااه ي قلبي مد يده عليااا وحاول يعتدي عليااا
افنان : ي بووي كذابةة
رقية : كيف عادد ماه انتي معاااه اختههه
بو اياد ضربه كككف
ع نزلة ايمننن من داره
ايمن : تي شن في خخخير ي طير
اياد طلع ركب داره متعفلق
وبو اياد طلع من غرفة
رقية : تعال ي حاج اهدا معاش تتعفلق
ركبت رقية لغرفتها هي وبو اياد قعدت تحاول تهدي فيه ع اساس 💜
وافنان قعدت تحكي لايمن يلي صار
ايمن : افنان ياسر بكككي
افنان : تي شن هادا لا ام زي ناس لا اب زي نااس ولا مرة بو زي ناس
ايمن : تعالي نطلعك شوية سوق 💜
افنان : ونبي خليني
ايمين وافنان سمعو صوت شخص نازل من فوق جو يجرو لقوه اياد
ايمن : اياد وين وين ماشي!
اياد سكت
افنان : اياد يكلم فيك ايمن وين رافع شنطتك !
اياد : اني ماشي بس نوعدكم حنجيكم وندوركم بس حوش هادا معاش قاعد فيه
افنان :اياد خوي شن تقول ع خاطري اهدا
اياد : حنجيك يوميا متخافيش
ايمين : غير صلي ع نبي
افنان مسحت دموعها وحاولت تجمع قوتها ♥️ : اقسم بالله حرام عليكم !!! مش ساد اني من غير ام ! وبوي ي سكران يا مع مرته ! ومرة بوي نهار كله تعذب وتهزب فيا وساكتة ! وتوا خوي ! برو اصلا تعودت ع الوحدة تعودت نشوف ناس كلهم مع امهاتهم! واني بروحي تعودت نبكي ومنلقاش حد يمسحلي ف دموعي كانو خوتي يسندو فيا ! بس توا هع خلاص
وركبت افنان دارها وكانت تبكي
اياد ركبلها طول
اياد : افنان حبيبتي اقسم بالله معاش ماشي الا قاعد تي اني خوك وحبيبك وكل شي
ايمن : فنو افتحي وياسر دلع جبتلك كندر
اياد : اني شن درت
قعدو اياد وايمن يقنعو ف افنان
اياد : امممم خلاص اني ماشي
وافنان فتحت الباب اضبطاته💜
افنان : اني حتى مرتك مش حنخليها تاخدك ولا شي ح ياخدك مني
ايمن : اني حيط ولا😂؟ حسيت روحي مزهرية الحق حتني ايديا طابو من تقربيع ع باب
افنان حضناته : بارد 😂
______________
عند خالد روح حوش متعفلق لقي جمعة ومرته مقعمزين ومعاهم محمد
خالد : وين اافلوس ؟!
جمعة : فلوس شن
خالد : يلي اعطاهملكك بو فردوس باش تعطيهولها
جمعة : اا فلوس اي فلوس شن
خالد : متكذبش انت استلمت الفلوس
جمعة : اي استلمتهم ومنبيش نعطيهولها كل يوم نعطي فيها خمسة جني ياسر تسدها ، ومتدخلش ف مواضيع هادي احسن متشوف شي ميعجبكش
مبروكة : ناقصنا كان انت ي خالد خوك يعرف شن يدير
جت مروة وسمعتهم
مروة : فلوس شن حبيبي
خالد : خمسة صار اسكت ي كذاب هو ربع تطلع ف امه بالسيف
وركب خالد داره متكنطي ووراه مروة
جمعة : وين احمد وفردوس وفيفي
مبروكة : والله فتون تاعبة من العملة يلي دارتهالها فردوس هزبتها قدام البنات قالو
محمد : شنوووو
مبروكة : واحمد طالع، وست هانم هديكا متاكلش ف ماكلتنا
محمد : تو نوريها اصبري شوية ونركبلها
مبروكة : اي ونبي
جمعة : قعمزو اني تو نركبلها ياسرنا مش ناقصين تكلم بوها
....
مروة : خلاص خالد اهدا خوك هكي همه الفلوس
خالد : تي شن ذنب البنت تبعد ع بوها وامها وتحسابهم يكرهوها ومش معدلين عليها! مشكلة بوها ميبيهاش تعرف ان هو يبعتلها ف كل شي ! لا حول الله
مروة : امبكري مبروكة ضربتها
خالد : شنووو ونبي ردي بالك عليها ي مروتي
مروة : حاضر
خالد : اي حقا بوها بعتلها سيارة واستلمتها امبكري بس قالي متقوللهاش اني جبتها
مروة : حقااا 😍 تعال نفرحوها هي اقل شي تضحك شوية
مشو خالد ومروة لفردوس 💜
طق طق طق
مروة : دوسا افتحيلي الباب
فردوس : تفضلي
مروة : شن تدير الحلوووة
فردوس : شي نوتي ف لبسة للجامعة
خالد : حبيبة عمها شن تدير
فردوس : نحلفلك اني كنت نوتي في لبسة للجامعة 😂؟
مروة : بديت نغار راه
خالد : دوسا تعالي شوية ع روشن
فردوس : نعم
خالد : شوفي هديكا سيارة
فدروس : وينها
خالد : تي هديكا العالية البيضااء ، متاعي
فردوس : حححححي ع امهاااا كيا سبورتاججج اكتر شي نحبه ف حياتتتتي 😭💜 مبروك عمي انشاء الله تدير بيها حادث خزي عليك بتركبها وني نتفرج
مروة : بعيد سو ع خويلد😂
خالد : مفروض منعطيهالكش، هادي هدية ليك ي سمحة مش ليا تو من يلي بيدير الحادث 😂؟
مروة : 😂
فردوس : شنوووو تبصرررررررر omg !
ونقزت فردوس واضبطتت مروة وخالد
فردوس : عمممي تعال بنجربها
ونزلو بيجربو سيارةة
جمعة : وين طالعيننن
فردوس خدت مفاتيح سيارة 😂 وقعدت تلود فيه قدامهم تبي تقهرهم
وكانت فتون نازلة من دروج
فردوس : بنممشي نركب سياررتتتي
وطلعت فردوس جربت سيارة وبدت تشرين ونزلت للحوش وكانت فرحانة هلباا💜
محمد : تعرفي شن معناها تحلمي !
فردوس : اي نحلم بشيء حلو زي السيارة ويجيبهالي عمي خلود
محمد : اني مش موافق ع موضوع هادا
فردوس : 😂 قصدي اوكي انت مش موافق اني شن دخلي ! رايك لصقه ف الحيط
محممد : ي بنتتت بتسكريه فمك ولا نحرمك من جامعة
فردوس : الله اكبر ي ليبين وسعو وسعو بيحرمني جامعة ! وكان م بيتش نسكر هالحقارة يلي عندك اما عليك واحد حاسب روحه مراد عالم دار وكان نشوف حقيقتك نلقاك ابو بدر
محمد قرب من فردوس
خالد : ههي محمد مخصكش ف موضوع هادا ! اني جبتها سيارة ودوسا حتسوقها ومليكش ععلاقة
مبروكة : معندناش بنات يسوقو
فتون : شنوو
جمعة : مفيش سواقة
فردوس : تي شن هالعيلللة، شن من طلب رايكم😂 تي شن خصني فيكم اساسا قولو رايكم وعادي ولصقوه ف الحيط وحنسوق حنسوق وشكرن بالنون
خالد : اول شي بوها مخليها تسوق ولا ! الباقين اسكتو ، ولا نقووولكم تو ننتصل ببوك ي فردوس ويقوللهم
جمعة : لا لا شن تتصل خليه اكيد مشغول خدمة ، ديري يلي يريحك دوسا ومحمد مدخلكش هي حرة
جمعة فنص ف مبروكة لان لو بو فردوس عرف بشيء يليي يصير لبنته راه مستحيل يخليها ف حوش عمها
مبروكة : اي اي محمد مخصكككش
فردوس: هي تصبحووو ع خخخير
وجت فردوس باست عمها ومرة عمها
فردوس : نحبكم تصبحو ع خير ي حلوين😍 ، وبما ان اليوم جوي حلو ف تصبحو ع خير يلي مش حلوين
خشت فدروس دارها💜 ولقت افنان متصلة بيها وعاودتلها طبعا تقربو من بعض وبدو ديما يهدرزو هلبا
فردوس : الو فنو
افنان : اهلين
أنت تقرأ
انتقامي
Actionرواية لا لاصحاب القلوب الضعيفة ! قصة بنت عاشت ف الغربة ووقت رجعت لبلادها خسرت كلشيء تملكه ! وقررت تنتقم منن الناس يلي كانو سبب جرحها وسبب يلي خلاها تخسر كلشيء هل حتناا مرادها او لا ؟ حنعرفو ♥️
