انتقامي

12

فاقت فردوس تاني يوم لقت روحها جنب علي قاستله حرارة لقتها كويسة مشت جري دارها بدلت وطلعت جامعة عيله كلها كانو راقدين !
فردوس : صباح خير
حلا : صباح ورد
فردوس : اااه
حلا : خيرك من ع صبح
فردوس : لا لا م في شي
حلا : تي قولي
فردوس : اياد دارلي حظر
حلا : ونبي فوتيه معاش تدوريه
فردوس : اساسا من قالك اني مدوراته 🌝😂! نوضي نوضي نخشو محاضرة
خشت فردوس محاضرة ♥️
كملت محاضرتها بعدين خشت كافي وطلعت برا وقف عليها مصعب ♥️
اياد وجهاد كانو واقفين وراها بعيدين عنها بشوية 🤦🏻‍♀️♥️
شوية هكي جت بنت تجري وخبطت ف فردوس طيحت منها ميتها ونقالها ، وجرت جري لاياد
البنت : اااايااااااادي
وكيف لاد اياد وهي جت حضناته ♥️
فردوس : ي حماررررررهههه
.
اياد : حي مش مصدققق ايلافففففف اني ف حلم ولا ف علم
ايلاف : ولا اني مصدقهههه جودددي ايوودددي استاحشتكم هلباااااا
اياد : اقسم بالله اني اكثررر
اياد عيونه دموعو
ايلاف : قداش م نحبكك استاحشتكككك ع قد م فرحانه اني شفتك توا
جت فردوس تجري ولحقتها حلا
فردوس : شني ي ماما وين عيونكك جايه تجرري !!!
حلا : حي الوفههههه
وحضنت حلا ايلاف
حلا : ليك وحشههه♥️
ايلاف : حتى انتي والله شنجوك
اياد : شن في فردوس فجري الموضوع !
ايلاف : ايودي لا لا اني غالطه لما شفتك نضت نجري خبطت فيها ، سامحيني اختي ولو في اي ضررر اني نعوضك
فردوس شبحتلها من فوق للوطا : واسفك هادا شن بندير بيههه
مشت فردوس
ايلاف : خيرها هادي ، مهم ااياد😂😭
حلا كيف بتمشي شدها جهاد من يدها
حلا : معاش تفكر تديرها
ايلاف : اياد تعال خنتمشو
اياد : اي اي تعالي باش تحكيلي كلشييي
مشو اياد وايلاف يتمشو وشادين ف ايدين بعض وفردوس مشت قعمزت ف مدرج بروحها وجي لحقها مصعب ♥️
كانت فردوس حاطه يديها ع راسها تفكر ف من هادي ! وليش حضنت اياد بهالاسلوب !!
،،
جهاد : غير اسمعيني حلا! تي شن هالتصرف يلي درتي عمه خيرك انتي
حلا : اسمع ! يلي درته اتجاه فردوس غلط ! واني انسان هكي يقول مستحيل نفكر نكلمه! ولا نجي جهته
مشت حلا وقعدت تدور ع فردوس لن لقتها ف مدرج وجنبها مصعب
حلا : فيفي
مصعب : هي فوفا بعدين نهدرزو ماسنجر
فردوس : اوك
طلع مصعب
فردوس : من هاددي !
حلا : مني
فردوس : يلي حضنت اياد بكل وقاحهههه كيف تسمح لروحها
حلا : ااه ايلاف ، شن تغاري عليه🌝😂
فردوس : مش هكي قصدي طيحتلي حاجاتي
حلا : هادي ي حنة ايلاف ، اعز وحدة ع قلب اياد يحبها هلبا وهي تحبه هلبا مدة فاتت سافرت ومعاش حد يندري عليها وتوا رجعت ، بنت مشاء الله عليها
" طبعا ايلاف بنيه مشاء الله جمال اخلاق ادب اسلوب ، مش زي باقي البنات ! محافظة ع حجابها ولبسها مستور ونازك ، جامعة كلها تحبها "
فردوس بصوت واطي : ماه ناقصني هي توا
حلا : شنوو
فردوس : نوضي نوضي اني بنروح
حلا : ومحاضرة تانيه
فردوس : م عندي خلوق لشي ! بنروح وخلاص
حلا : اممم اوكي براحتك فيفي روحي ارتاحي تو نصورلك ونبعتلك
فردوس : اوكي
طلعت فردوس ، ولمحت اياد شاد يد ايلاف ومقعمزين ويضحكو ! قلبها وجعها هلبا ، ركبت سيارة وروحت حوش
....
اياد : اي احكيلي شن في
ايلاف : اول شي سامحني ! اني اختفيت فجاءة ! بس والله ظروف
اياد : معاش عرفت كيف نوصل فيك قلبت ليبيا ي ايلاف! حرام عليك
ايلاف : غر اسمعني
ايلاف : امممم جاني اتصال من ايطاليا اني اماليا توفو معاش عرفت شن ندير خشيت ف صدمه ! مشيت مع خالي لايطاليا ! والله شهرين اني ف كآبة ولا نندري ع نقالي ولا شي ! مجربتش نكلم حد نفسيتي تدمرت!
اياد : كلمتيني اقل شي قويتك ي ايلاف! معاش تواجهي شي بروحك ، الله يرحمهم
ايلاف دموعها نزلو : الحوش انحرق بيهم! ااه وخلاص قلبي انحرق معاهم ي اياد ، بس توا خلاص الحيوان اياد معااي 😍😂
اياد : اي اي معاك😂 معاش تخليني ونبي
اياد شبح فردوس ركبت سيارتها ومشت ، ايلاف ركزت لققاته يشبحلها
ايلاف : اي حقا من هادي
اياد : ايححح موضوع طويل تو نقولك😂💔
ايلاف : هي هي تواا ، وشنصاير ف فنو وايموني وحلا وجهاد
اياد : ايحح كلهم قصص طويلة تو نحكيهملك😂
ايلاف : هي ربعت رجليا نسمعلك ابدالي بهالبنت منن😂
اياد : ي سيدي هادي..
قعدو اياد وايلاف يهدرزو ♥️
....
خشت فردوس حوش وعيونها دموع كانت مغمومة من اياد! ومعاملته ليها!
مروة : فيفي روحتي بكري يوم
فردوس : اممم اي مكملتش محاضراتي تعبانه شوية
مروة : اسم الله شن فيك فيفي
فردوس : لا لا كويسة غير بنركب نتكى شوية♥️
مبروكة : وراس فردوس اركبي شوفي علي وتطمني عليه
فردوس : اوكي
ركبت فردوس دار علي خشتله لقاته فايق ودموع ينزلو من عيونه وخلاص ! كان راقد ف سرير زي مشلول لا يتحرك لا يتكلم! ياخد ف نفس بالسيف
فردوس : شنجوك توا؟
علي مردش عليها
فردوس : عارف شنو مش نهاية دنيا ان شخص يخليك ♥️ صدقني لو هالشخص فيه خير! راه مسيبكش
علي تنهد : تسالي عن حالي !ًً حب سنين را! مش حتفهمي
فردوس حطت يدها ع راسه وابتسمت : اني يلي مش حنفهم! اني اكثر انسانه نفهم فيك! لان زي م انت خلوك يلي تحبهم! اني خلوني يلي نحبهم! اماليا كلهم ، احمد ربك اماليك جنبك ! مهم حرارتك كويسة غير كول وريح روحك
طلعت فردوس وخشت دارها سكرت عليها باب خشت دوشت وهي تبكي !
____
افنان كان توتي ف الغدي جي ايمن روح خش داره وقعدت تراجي ف اياد ، خش اياد
اياد : فنووو عندي ليك مفاجاءهه
افنان : ايودي ، شنو
اياد : شوفي من جاك😍😂 ، خشي خشي
خشت ايلاف ونقزت فيها افنان
افنان : استاحشتكككك هلبااااا
ايلاف : واني اكثر ي عمري حمدلله يلي شفتك شنجوك وشنمدايره
افنان : حي عليا ايلاااف شن جابك ومولية طرف
اياد : شفتيها😂😍 بنخش نبدل حوايجي اني
افنان : اوكك اوك
جي ايمن طالع
ايمن : شن في شن هالعياطات ، حي ع امي ايلااااف
ايلاف : ايمون ي عسل شنجوك😍😂
ايمن : تي ليك وحشهه وين خليتي الاخ اياد
ايلاف : مش حنخليه اهو رجعتله😍😂
افنان : خشي خشي وتيت الغداء خنحطهه
ايلاف : وين تحطيهه بنمشي حوش وقت ، لاكن مرة تانيه وعد نجي نتغدا
افنان : خززي عليك قاعدة مشفتكش زين
ايلاف : تي سيارتي ف طريق
افنان : مبردككك
ايلاف : تو نكلمك ع فيس ي قلبي 😍😂
ايمن : حتني ي حبي متنسينيش عندي هكك كم موضوع نبيك فيهم
ايلاف : شن امالا حصلت عروسه😂♥️
ايمن : ع بركة الله نقدرو نقولو ايههه
ايلاف : ميه ميه ي برو
افنان : 😂 قاعدة زي قبل
ايلاف علت صوتها : ايودددي بنطلع سيارتي ف طريق سلام
اياد فتح داره وطلع كان مش لابس فلينته
اياد : يعنشكلك وين ماشيههه كيف بنخش ندوش خليتيني نطلع خليك بتتغدي
ايلاف : عينك خالو يراجي
اياد : ياي ي خالو انتي😂مهم غدوا بتتغدي عندنا
ايلاف غمضت عيونها : باهي تفضل خش هي استر روحك
اياد فاق ع روحه : ااا ااءسف
خش اياد داره😂♥️
ايلاف : لاكن ايودي درت عضلات اهم شييي ، هي سلام
........
بعد مرور كم ساعهه هك
في حوش عيلة فردوس ♥️ كانو مقعمزين يتعشو وفردوس تلعب بالماكلة متاكلش
خالد : شن في فردوس خيرك متاكليش خاطرك ف شي معين نمشي نجيبهولك؟
فردوس تنهدت : امم لا لا عمي
مروة : خيرك فيفي
فتون : زي جن م فيها شي
جي علي نازل من داره
مبروكة : علىوشي وين خيرك حبيبي شن في
علي : تي شن في طالع شوية
فردوس : قلتولي حب صار🌝💔! اهو نساها ف ليلة
مروة : هشش
مبروكة : عليوة راججي
علي : ي امي ونبي فوتيني بنطلع شوية ونجي
جمعة : خليه كبير ويعرف شن يدير
طلع علي
فردوس : صحتين
مروة : م كليتي شي انتي
فردوس : عندي امتحان بنقرا
مروة : تمام
.....
عند اياد كان يكلم ف ايلاف ع واتس لن اتصل بيه جهاد ♥️
جهاد : شن ندير ي راجل هي
اياد : تي شن في
جهاد : حلا هي قولي اني غدوا صالة متاع اختي واني مش قادر ندير شي مقعمز تقول اني العروسه، مش قادر نتحرك بدون حلا محتاجلها
اياد : ي راجل نوضي تسقد ، كان ع حلا اني تو نقولك كلام رومنسي وناخد مكانها 🌝😂 شنهو حبيبي وحياتي ونحبك ورد بالك ع روحك
جهاد : اي اي تسهوك فاضي نتصل بيك اني
اياد : غر تعال اعترفلها ي راجل غدوا
جهاد : كيفف
اياد : غدوا ......
جهاد : زعماا؟
ااياد : اي
جهاد : تي منور ي راس
اياد : هي سكر بنكلم ايلاف
جهاد : تي تحشم تقولهالي فقش يعني هي اهم مني توا🌝😂
سكر اياد الخط ورجع يكلم ف ايلاف♥️🌝 اما ايلاف كانت شركة😂💔 تكلم ف اياد وافنان وايمن وحلا كلهم ف نفس وقت مستاحشتهم♥️
.......
ايمن : زعما نعترفلها ايلاف
ايلاف : اي اي برا اعترفلها
ايمن : خلاص غدوا باذن الله منورة ي بروتي 😍😂
......
فردوس اتصلت بافنان ♥️
فردوس : شنجوك قلت نتصل نطمن
افنان : فوتتي اني يوم بذات بنطير من فرححح
فردوس : وشن في
افنان : يوم بنت صديقتنا من قبل رجعتت😍😭
فردوس : ايلاف؟!
افنان : من وين تعرفيها
فردوس : لا مشاء الله يلي داراته هي وخوك امبكري ساد
افنان : شن دارو
فردوس : احضان وهكك😂🔥
افنان : عادي عادي
فردوس : م في شي اسمههه عادي
افنان : شنو
فردوس : قصدي قدام ناس عيب
افنان : قداش م نحبوها تعرفي تهبل تو نعرفك عليها ، غدوا ايودي عازمها غداء ف حوشنا شن ندير زعما
فردوس ف خاطرها : حبكم عقرب
افنان : وينكك
فردوس : معاك
قعدو يهدرزو شوية وافنان تشكر لفردوس ف ايلاف ، وفردوس تسحن كان تلقى تقتلها🤦🏻‍♀️💔
.......
الشاب : نبي جرعة اني وهي
؟؟ : حتكلفكم شوية
البنت : مش مشكلة الفلوس
؟؟ : اوكي ، هادا هيروين ، ووسكي تو نجيبلك انت وهي
الشاب : شكرا
خدت بنت وقعدت تشم
البنت : اااه هادا وين ارتحت ، شد جرب حبيبي
خداها حبيبها هادا وقعد يشم
الشاب : غدوا نبو الوسكيً، وتوا زيدني من هادي
......
ثاني يوم ♥️
وقف ولد ع افنان ف سيارةً ونزل روشن
الولد : مش قتلك حنجيك يوميا تي عذبتيني نراجي ف يوم امتى يجي ااه من المشية
افنان معدلتش عليه وكملت طريقها وهي خايفة لو وصلت مدرسة دارو طوابير وركبت فصلها♥️
،،
ف الجامعة ♥️
ايلاف : مش هداكا ايمنن؟
اياد : وين ، حي اي والله ايمن
جي ايمن جهة اياد وجماعة
اياد : خيرك اهني شن في
ايمن : تو بعدين تعرف 🌝😂
جهاد : وطارح شكله موضوع كبيدهه
ايمن : شبهه🌝😂
جهاد مسح لحيته : اياد طلعو من محاضره وينهم
اياد : هديكا فردوس معناها معاها برا برا
جهاد : هي بسم الله
مشي جهاد ووراه اياد
ايمن : خيرهم
ايلاف : قيم معاي كتاباتي خنلحقوهم بعدين تفهم
ايمن : اوكي
،،
فردوس : حلا هيا
حلا : دقيقة نربط سبيدرو
حلا كانت تربط ف سبيدرو متاعها لن جي شخص قدامها ركع وكان قايم وردة حمراء ، حلا قامت راسها لقاته جهاد قعدت تفنص فيه
جهاد : متتكلميش بس بنقولك شي اني نحبك ، اسف ع غلطتي بس كنت مضطر اني ملياش ذنب ، نحبك هلبا حلا تقبلي تكوني حلوشتي وحبيبتي وفيما بعد مرتي 😍😂
حلا ابتسمت بس قعدت شادة روحها ع خاطر فردوس ، فردوس ضحكت وهزتلها براسها بمعنى توافق
جهاد : تي حلا شنووو زفت رجلي وجعتني را بنطيح😂
حلا : شكرا ع وردة حلوة
خدت حلا الوردة منه
جهاد : وخيره اني مش حلو🌝😂
وقف جهاد
حلا : نحبكك
ايمن جاته صدمه! كان مغرم بحلا! يبي يعترفلها بس جاته صدمة ناض جري مشي لمحاته فردوس ولحقاته
فردوس : ايمنن استنى ، ايمنننننننن
ايمن : تي شن فففففففففي
فردوس بصوت عالي : متعيطشششش نعرفك تحب حلا باهي وشي هادا من عيونككك
ايمن : من عيوني خيرهم عيوني ! نقولك شي اي اني نحبها وميت فيها بس هي توا مش ليا خلاص خداها جهاد ، خداها هو ولد كلب
فردوس : اسمعنني ! من قبل جهاد. وحلا يحبو بعض وين مشكلة
ايمن : مشكلة قلبي يلي تقطع!
فرذوس : م في شي اسمه قلبي تقطع ! هي متحبكش في مليون وحدة تتمناك! مش شرط هي بس ! اسمعني ايمن انت عاقل وكبير وفاهم دنيا! متزعلش روحك ، الحب مش بالسيف !
ايمن هدي شوية : علاش مش اني ي فردوس علاش جهاد
فردوس : سؤال حلو ، كل انسان عنده صفات وحاجات معينه يبيها في فارس احلامه ولا؟ حلا ملقتش هالحاجات فيك ، مش لان معندكش صفات ولا شي ، بالعكس انت اي بنت تتمناك ايمن بس هادا نصيب ارضى بيه♥️
ايمن شبح لفردوس وتنهد
فردوس : ارخي روحك شوية مفيش داعي كل شي بعصبيه
جي اياد ومعاه ايلاف
اياد : شن في خيرك ايمن
ايمن : ااه لا لا شي
اياد : عيونك
ايمن : خيرهم عيوني خشت فيهم حاجة
ايلاف : ايموننن تعال احكيلي شنصار ف موضوع منهي البنت قلتلي غدوا نوريهالك مفاجاءة
ايمن : كنت نتسهوك عليك وبس
فردوس مشت لان حست روحها مش مهمة فهالحوار وتجاهل اياد ليها قتلها !
.......
عند افنان ، نزلوها لوطا للادارة خشت وقعمزت
المديرة : افنان انتي طالبة عاقلة ومميزة عندنا ! بس انتي بيلي تديري فيه تشوهي ف سمعة مدرسة!
افنان : شنو ليش اني شن درت!
المديرة : صبح مع حبيبك ف سيارة! متجيش احني مدرسة وليها احترامها
افنان : غر دقيقه دقيقة حبيب شن هادا!
المديرة : والله ابلة مبروكة شبحاتك اكثر من مرة
افنان شبحت للابلة " هادي ابلة قرت افنان سنة اولى وتكرها ومجرد م شبحت هداكا الولد يكلم فيها بالسيارة وهي وراهم طول جت قالت للادارة"
مبروكة : اي شن تشبحيلي شفتك ومش مرة تي ديمااا
افنان دموعها نزلو : قصدي معقولة لهدرجة! اني مستحيل ندير هكي
المديرة : افنان متبكيش مش حنديرلك استدعاء ولا شي بس لو سمحتي اخر انذار! لو ف جديد سمعت شي غير هكي ، حتشوفي تصرف تاني
افنان :..
المديرة : ولا حرف هي فصلك ، وابلة مبروكة صحيتي انتي تحافظي ع الطالبات ♥️
طلعت افنان من ادارة وركبت فصلها قعمزت وتبكي كانت عندهم حصة احتياط جتها اسراء
اسراء : فنو متبكيش
افنان : ونبي فوتيني مش ناقصة
اسراء : اهدي احكيلي خيركك
افنان : م فيا شيي
اسراء : امممم اني اسفه افنان سامحيني والله م نعرف كيف درت هكي ! وحابة نبدا صفحة جديدة معاك ! افنان اعطيني فرصه تانية
افنان حضنتها وهي تبكي وحكتلها يلي صاير معاها♥️
تمو حصص وروحت افنان حوش ، طبعا هي ف طريق واسراء ف طريق تاني
افنان وهي مروحة لقت نفس الولد وقعد يلحق فيها لن وصلها قدام حوشهم♥️
اما اسراء لقت ايمن ،♥️🤦🏻‍♀️
ايمن : شني ي &(&£ ! مدايرة فيها شريفهه توا ، تعرفي يوم خلوقي ضايقات وعندي نيه نضرب حد
خدي ايمن رشاد وبدي يحذف فيهم عليها ، كان يبي يخوفها بس مش قصده يضربها ! لاكن صاحب ايمن حذف رشاده جتها ع راسها ، شافهم راجل
راجل : ي اولاد كلب روحووو
الاوللاد هربو
راجل : شن في ي بنتي تبي حاجه
اسراء : لا لا شكرا
راجل : راسك دم
اسراء : حوشنا قريب خلاص
راجل : تمام
خشت اسراء حوشهم وحاولت تغطي راسها كان حوش زحمة ويوم عرس اختها ! ف حاولت متديرش مشكلة ! كانو اغلبهم ف مزين
.....
مع الظهر هكي♥️
افنان : هي هي قعمزو نحط غداء
ايلاف : اوو اليوم بناكلو من تحت ايدين فنو
اياد : اصبرو يجي ايمننن
ايلاف : وينه الحيوان
وكيف فتح ايمن باب
ايلاف : اذكر الحقير يجيك يطير🌝😂
ايمن : تدوو عليا
اياد : هي اغسل ايديك وتعال تغدا
ايمن راسه كان ف ارض مش قادر يقيمه من جهة يلي صار مع حلا ! ومن جهة يلي داره ف اسراء !
اياد : ههي شن في شن صاير معاك!
ايمن : اه لا لا شي مش جيعان
ايلاف : مصحك اني جيت تقول مخاطريش نتغدا ، مبردكك! غير هيا ع خاطري
ايمن : حاضر ع خاطرك بس 😍😭
اياد : كذاب ايمن يقول لا ع ماكلة غير كان ع سبلة😂
،
فردوس " صار اليوم بتتغدووو والله ماه صايرههه لما نخرب عليكم كل شي "
مشت فردوس حوش قالت لعمها انها حتتغدا عند افنان عزمتها " طبعا هي عازمة روحها بروحها🌝😂"
،
حطت افنان صفرة وقعمزو كلهم كانو زي عيلة مع بعضهم♥️ ايلاف كانت قريبة هلبا ليهم
افنان : بسم..
طق طق طق
ايمن : من هادا ونبي ! يلي حماته تحبهه
ايمن مشي بيفتح باب ولقي فردوس
ايمن : فردوس
فردوس : هلا ايمنن اممم افنان قاعدة
افنان سمعت صوت فردوس جت تجري حضنتها
افنان : خشي خشي ، استاحشتك😍😭 لحقي ع الغداء اني درته
فردوس خشت لقت اياد مقعمز وايلاف
فردوس : اهلين
ايلاف : كيف حال
اياد سكت وشبح للارض
فردوس : مكنتش نحساب اني فسدت هاللمة الجميلة🌝😂
افنان : باللعكس زدتيها حلاوهه تعالي قعمزي كولي هي
اياد : اقسميلي اني وايمن ناكلو ف مربوعه وانتم خودو راحتكم اهني
فردوس : لا لا مفيش داعي منبيش ناكل اني
افنان : مصحكك اني درته ومتبيش تي تعالي
ايمن : فردوس هيا زودي اني جعت راه بناكل🌝😂 مش حتلقي اكل محروق زي متاع افنان تعالي
ايلاف : تعالي تعالي
فردوس قعمزت وحطت نقالها ف طاولة
قعمزو كلهم ياكلو ويهدرزو واياد راسه مقاماش من الارض وفردوس حتى هي
ايلاف : مصحوجهك ايمن توا بتقارن جمال ايودي بيك
ايمن : باهي باهي
افنان : لم سنونكككك
ايلاف شدت اياد من وجهه
ايلاف : شو حلو ايودي شو حلو هالقمر شوفو م اجملو😂♥️
فردوس فنصت فيهاا
افنان : اقل شي ايودي لحية مش زيك لوزة مزلطة🌝😂
ايلاف : عيب عليك حتى ايمن عنده لحيهه
ايمن : مصحوجهك شوفي لحيتي ها
افنان : بتطير بتجنح ايودي احلا المهممم
ايمن : تلمدتو زوز بتطيرو جبهتي واحد يسكت وياكل خير، كولي انتي وهي اداب الاكل عدم الكلام ولا !
افنان : فيفي خيرك ساكتة😍😭
ايلاف : حتى خوك مش عارفه ضاربهم الهدوء
فردوس نقالها شرين كان مصعب اياد لمح الاسم وطول مشي خش داره
ايلاف : تي تعال مكليتش انتت
اياد : عندي م ندير
خش داره وقربع الباب وبدي يخبط وشاد اعصابهه
ايلاف : خيرهه
افنان : شي شي
ايمن : صحتين سديتولي نفسي
افنان : ايمن تعال كولني وخلاص 🌝😂
فردوس : صحة
افنان : م كليتي شي انتي ، ردي ع نقالك
فردوس : فوتتي
قعدو يضمو ف مكان وايلاف تهدرز ع ايمن واياد مطلعش من داره ♥️
فردوس : شن في مش طبيعية اليوم
افنان : اممم لا لا شي
فرذوس : قولي
افنان : اممممم
فردوس : محد يسمع فينا احكي
افنان حكت لفردوس قصة الولد والادارة
فردوس : اممممم تمام غدوا متمشيش ع رجليك اني نجي نوصلك
افنان : اوكي
فردوس : اي اني خلاص بنروح سلامات
افنان : خليك
فردوس : تاعبه بنروح نرقد
افنان : تمام
خدت فردوس حاجات وكيف بتطلع اياد طلع من داره ،وصلت فردوس باب شارع فتحاته وكيف بتطلع تلقى الولد يلي ف شقةً جديدة يلي اعطاها رقمه🌝😂 غمزلها وهي خافت ع طول رجعت حوش وكيف بتخش تلقى اياد قدامها دفاته وسكرت باب وقعدت وراء الباب واياد عتر جي قدامها بالضبط وايده ف الباب كان محاصرها المسافة بيناتهم كانت شعرة بسسس ، اياد كان طويل وهي كانت درية ، كان متامل يشبحلها وخلاص وهي تشبحله ومرة مرة تشبح للارض ، لن جو ايلاف وافنان فسدو اللقطة
افنان : اااياد
وتنصدم افنان
فردوس ع طول دفت اياد منها ووقفت استعداد
ايلاف : اهحمممم حممم
فردوس : اااه اني طلعت هو طحت ، هو طاح قصدي بعدين طلعت ، شفت ااااء
افنان : اسم الله الكريم🌝😂
ايلاف : وين كنت ماشي اياد
اياد : ااه اني اي بنمشي معرفتش اي بنخش دار سيارة داخل ، قصدي مفاتيح
خش اياد داره وكان متوتر وفردوس طول ركبت سيارتها وروحت الحوش ♥️
فردوس : هاااي
جت فردوس باست مروة ع خدهاا
فردوس : كيفحال🌝😂
احمد : ربي يدوم الفرح ي عيلههه
فردوس : اميننن