فردوس : هههي اندرتيكر عضلاتك اعرضهم ع امك واختك مش عليااا جاي يتمرجل عليا ناقصني هالشكالات اني جدري
محمد : سكككري فمك
فردوس : ونبي هيا مروة نطلعو
محمد : ووين مفيش طلعة من الحووش
فردوس : لا بنطلع وغصب عنك 🌚💔 ورجلك فوق رقبتك
وطلعت فردوس هي ومروة
فردوس : مروة ياسر بكي متعدليش عليهم هادي حكمة من ربي ولا اعتراض على حكمه ! اهمي مرضى
مروة : شكرا فردوس ع يلي درتيه بس مكانش مفروض هكي تتكلمي مع محمد راه متهور
فردوس : لا لا لا متخافيش ميقدر يديرلي شي ، حقا خيره متزوجش هالعانس لتوا😂
مروة : وووه قوية عانس 😹😹 كان خاطب بنت وبعد مدة سيباته
فردوس : ونبي من يقدر يتاقلم معاه هالشخص
مروة : مسكينة يلي بتاخده خدمي اغاني ونبي
____________
روح خالد الحوش ولقي محمد ومبروكة وفتون وجمعة مقعمزين ومتكنطين
محمد : واخيرا شرفت يا عممم
خالد : شن في خيركم !
جمعة : من امتى ي خالد عندنا بنات يطلعو سوق بروحهم!
خالد : سوق شن
مبروكة: اليوم مروة وفردوس مشو سوق
خالد : اي شن فيها خلي فردوس ترتاح شوية
جمعة : مرتك هادي ! هي يلي حتضيع كلشي
خالد : مرتي مش حتدير شي اقل شي هي مهتمة بفردوس مش زي ناس ياخدو فلوس غيرهم
مبروكة طول فنصت عيونها😂
خالد : متفنصيش نعرف كل يوم انكم تستلمو في الفلوس وكم تستلمو، كنت نقدر نكلم بو فردوس بس اني احسن منكم انتم متبوش فردوس تفرح بس اني نبيها تفرح 💜 وهادا اقل شي ممكن نديرهولها كعممم
وركب خالد داره
وجمعة وباقي قعدو مصدومين
محمد : بوي !
مبروكة : محمد اسكتتتتت قبل م تدوي اسمع بوك ميبيش يعطي فردوس فلوس باش متديرش بيهم شي غلط يقعدولنا احني خير كل مرة نعطوها شوية وباقي نشرولكم بيه اراضي خير
فتون : اي والله صح كلامكم
جمعة : معاش في حد يضايق فردوس قدام خالد ومروة تعرفو مرات يوصلو كل شي لبوها
مبروكة : اي اي
________
اياد : هي شن شريتي 😹💜
افنان : ايودي هيا اخر محلين نمشولهم وخلااص
اياد : باهي هي خشي انتي للمحل وني شوية ونلحقك
وف جهة تانية فردوس كانت تمشي مع مروة وفجاءة تنضرب باياد وهو طويل وهي قصيرة 😹 قعدت تقيم فراسها ساعة لن شبحاته
فردوس : انتتتت
اياد : فردوس
فردوس : لا حول ولا قوة الا بالله تي شن هادا تلحق فيا حتى اهني ! مبردك زفت لامتى بتتبعني
اياد : اقسم بالله جاي مع اختي
فردوس : اي صدقت 😹 هو في شباب ف ليبيا يرفعو خواتهم سوق
اياد : اي اني
فردوس : شلال ونبي نحي من قدامي ، هيا مروة نروحو الوضع بدي لا يطاق
ومشو مروة وفردوس
مروة : من هادا
فردوس حكت لمروة من يكون اياد وكيف تلاقو وشن صار بينهم
مروة : عيونه يهبلو زي عيون البحر قل هو الله احد 💜
فردوس : يشبه للمربية متاعتنا 😹 ، منحباش بككل مش هاضماته
مروة : حرام عليك باين عليه عسول
فردوس : مبردههه
.
.افنان : ايودي هيا نروحو ملقيتش حاجة حلوة
اياد : واخد اربعة شكاير وملقيتي شي حلو😂
افنان : اي في فلينتين لايمن
اياد : هيا فنو موعد ع خدمتي
طبعا اياد عنده تاكسي يخدم عليه ويخدم ف مطعم نادل وخوه ايمن يخدم ف محل تليفونات 💜 يحاولو بقدر الامكان يطلعو فلوس باش اختهم تعيش مرتاحة
.
.
خنسرعو الاحداث شوية
تاني يوم ف جامعة 💜
حلا : تي اي قوليلي وقت جت عينك ف عينه بشن حسيتي 😂
فردوس : تي نقولك منحباش نكرههه شلال ومينطاقش
حلا : عينك يهبل ، اصلا بعد كل كره حب 😹
شوية هك جي اياد وجهاد
اياد : اهلين
فردوس بصوت واطي : لا حول الله اذكر الشلال تشم صنته
حلا : اووو اياد وجهاد شخباركم 😻💜
اياد : شكلكم كنتو تتكلمو عليا
فردوس : اي كنا نتكلمو عليك ، ونقولهالك ف وجهك اني منتحملكش الحق انسان بارد زيك ربي مخلقش
ومشت فردوس
جهاد : خير امها اهيا
اياد : اااسس خليها
جهاد : تي شن خليها من تحساب روحها
اياد : جهاد فوت حاس بيها اني
حلا : فردوس شخصيتها حلوة لاكن مش عارفة خيرها معاك 😂
اياد : عادي تو تتغير
.
.
مصعب : دوسا تفضلي بيرو تاعك نسيتيه عندي
فردوس : منور
مصعب : ممكن تشرحيلي حاجة
فردوس: اوك عادي
قعمزو مصعب وفروس وبدت تشرحله فدروس لاهيه ف شرح ومصعب يكحل فيها وفي جسمها نظراته غريبة شوية هكي! شبحهم اياد وجي يجري
اياد : ههي انتتت خيرك ! علاش مقعمز معاها
مصعب : خير امك تي من تكون انت اساسا
اياد : ابعد من فردوس احسن !
فردوس : مصح خلقتك من انت اساسا
اياد : فردوس ، فوتيه را مينفعش
فردوس : انت انسان حقير بكل معنى الكلمة تي ابعد مني زححح
مصعب شد اياد وخنقه واياد دار زيه لن جوو باقي شباب وحزوها وفردوس مشت لحلا
اياد : تي كان خليتوني راه كسرت امهههه
جهاد : هي اركككب سيارتك وتوكل اياد
اياد : دمي قاعد محروق
.
.
فردوس : ي حلاا مش قادرة نتحمل دمي محروق ع شي يلي داره والله لما نكسره
حلا : تي قعمزي اهدي خيرك عاد
فردوس لمحت حديدة طايحة مشت جري خدتها ومشت لاياد وهو كيف بيركب سيارته، وبدت فردوس تخبط ع سيارة وكسرتله مرايات والمرش القدامي ، فردوس كانت منفعله هلبا ومتعفلقة من اياد كانت متحباش بكل اما اياد يشبحلها ومن صدمة مقدرش يتكلم
فردوس : ي ريت كل هالخبط فيك مش ف تاكسي متاعكككك تعرف اخر مرة تدخل فيا اقلب وجهك مني تي شن هادا كرهتني ف حياتي زفتتتتت طير من عليااا
ومشت فردوس ركبت سيارتها وتوكلت
________
ايمن : خيرك جاي ع رجليك
اياد : سيارتي ف الورشة
ايمن : علاش شن في ؟
اياد : لا شي تكسرت
ايمن : من شن تكسرت
جهاد : جاوبه جاوبه قوله من شن تكسرت 😂
اياد : مبردك زفت ، شي كان في شباب يتحاذفو برشاد كسروها
ايمن : اها
جهاد : 😹 مش شهر اربعة باش تكذب را
ايمن : بندير روحي صدقت ، بنمشي نرقد شوية
اياد : استعد جامعتك قريب تبدا
طبعا ايمن يقرا برمجة الكترونيات بس صارت شوية مشاكل ووقفو قراية وتو بيرجعو 💜
جهاد : هي ي برو م تبي شي
اباد : راجي نطلعو مع بعض ماشي المطعم اني
جهاد : اوك
_________
ع الفيس 💜
فردوس : بما انك قلتي خوك يقرا معاي ف نفس جامعة شن رايك غدوا تجي معاه ونتلاقو غدوا 😻😭
افنان : اني بنموت ونتلاقووو ، بندور كيف نقنعه
فردوس : تم تم اسمعي ينادو فيا بنتعشى شوية ونجيك
نزلت فردوس لوطا وكانت تضحك وجت باست عمها خالد
خالد : شن دوستنا قداش ليا مريتش ضحكتك😂
فردوس : اي ي عمي بنضحك باش الحساد ينقهرو😂
وشبحت لمبروكة وفتون وهما قريب يموتو ، وبعدين خشت لمروة ف كوجينة تساعد فيها شوية وجتهم فتون
فتون : تعرفي ي حقيرة اياد تبعدي منه احسن م نشوهلك وجهك
فردوس : 😂 ناقص كان نتقرب من هالمريض
فتون : مريض امك
فردوس : لاكن بما انك تحبيه عناد فيك حنتقرب منه😂
وطلعت فتون
مروة : منو هادا
فردوس : يلي عيونه زرق
مروة : عندكم حق تتعاركو عليه😂
فردوس : ريت هالمنظر 😂 نكرهه اننني
مروة : بس عيونه هو يقولو غير
فردوس : شن قصدك
مروة : واضحة مكبد عليك 😂 من الولد يلي يقعد ساكت وقت بنت تهزبه غير هو شكله محترم ومكلمكش
فردوس قعدت ساكتة شوية
فردوس : مدرتله شي كسرتله مرش سيارة بس
مروة : غبر فيككك شن درتتتتتتي !، بس والله شكله ولد ناس ومحترم ويحبك
فردوس : اني حبيبي ف بريطانيا😂 هي نوضي نطلعو ، توًبعدين نحكيلك يلي صار بالتفصيللل
قعمزو ياكلو ومبروكة تفنص ف فردوس
____________
افنان : ايودي واخيرا جيتتتت
اياد : تعرفي متكسر هلباااااا
افنان : باه تعال قعمز نديرلك مساج خوي الغالي 😍
اياد : غير خليني نرقد بس 😂 وقولي شن تبي
افنان : اياد غدوا نبيش نمشي مدرسة
اياد : والللله
افنان : اياد هيا ونبي وراس خوي اممم نبي نمشي معاك جامعة
اياد : شنووو وعلاش من غير سو
افنان : صاحبتي تقرا معاكم ف جامعة ونبي نتلاقى معاها هيا وراس اياد 😻
اياد : ومن تكون صاحبتك هادي
افنان : وحدة متعرفهاش اسمها ...
اياد : بري ارقدي شكلك مكسدة
افنان : هيا ونبي ع خاطري ايودي 😢
اياد : لا حول الله دلع البنات متاعك هادا😂 مشكلة منقدرش نقاومك ، باهي باهي راه بيجينا جهاد بكري
افنان : اوكي من ستة تلقاني واتية 😻😂
مشت افنان وكلمت فردوس جري وطلعت لروحها بدلة سروال واسع بيج وجاكة جينز ووشاح بيج 💜 وكانت فرحانة هلبااااا
___________
عند علي 💜
علي : الو سجى حبيبتي
سجى : نعم ي عيوني وينك امس
علي : اقسم بالله مشغول وضغط ونفكر فيك نهار كلههه وخديتلك هلبا هدايا 💜 اسف
سجى : عادي حبيبي معاش تعب روحك هلبااا باهي
علي : حاضر ي قلبي انتي
سجى: نحبك هلبااااا
___________
ثاني يوم صبح فاقت فردوس 💜
فردوس : مروةةة حولي تاخرتتتتت
مروة : بشوية وانتي قريب تخشي ف الحيط😂 افطري
فردوس :تي فطور شني بالسيف بنلحق ع محاضرتي
مبروكة : خليك زي فتون فاقت من بككري ومشت بنيتي
فردوس : ااه اوكي بنتك دكستر ماه😂 وللاسف اني مش طالبة علم زيها
محمد : بري اركبي بدلي البسي شي غطي جسمك وتعالي
فردوس كانت لابسة سروال لاصق اسود فيه خط ابيض وفلينية نص كم قصيرة ع اسود وفيها خط ابيض ولابسة توب لونة ازرق وطالقة شعرها
فردوس : شن هالمتخلف ، هي مروتي بنطلع اني 😻💜
محمد : قتلكككك ارجعععي
جمعة: محممد خليها ع راحتها
فردوس : ايوا شاطر جمعة😂 هي محمد اسمع كلام بوك لان رضاه يدخلك جنة😂
وطلعت فردوس وكانت سايقة بسرعة
_________
فردوس : ااي وينك انتي اني كيف كملت محاضرتي ومقعمزة قدام كافي معاي بنت
افنان : اي اي شفتككككك
جت افنان تجري واضبطت فردوس
افنان : محلاااك ف واقععع مكنتش متوقعاتك هكي بكل 😂
فردوس: حتى انتي طالعة تهبلي 😍
افنان : دوسا اهوا خوي اياد
فردوس : شنووووو هادا !!!
اياد ضحك ضحكة ع جنب
افنان : تعرفو بعض
اياد : هي افنان اني بنمشي مع جهاد خودي راحتك
حلا : استنى اياد بنمشي معاك نبي جهاد ف موضوع
________
محمد : يماااا
مبروكة : اسم الله خيرك مولي بكري من خدمة
محمد : في موضوع نبي نحكيه معاك روحن من خدمة مقدرتش نتحمل
مبروكة : قول شنو
محمد : نبي نخطب
مبروكة : زي لمرةة يلي فاتتت خليتني نبيع حديدتي ذهب وف نهاية كل شي تم
محمد : لا لا مرة هادي مش حنكلفك شي ، نبي نخطب .... ونبيك تكلميها ف موضوع هادا
مبروكة : اي اي متخافش ي وليدي غصب عنها حتوافق
________
كانو اياد وجهاد وحلا واقفين مع بعض وفردوس وافنان مقعمزين بروحهم يهدرزو فرحانات💜
جي اتصال لاياد
اياد وقف انصدم
اياد : اااا شنوووووو
جهاد : تي شننن في
اياد : ...........
ومشي اياد يجري ولحقه جهاد
فردوس : حي خيرهم شن في علاش ناضو يجرو
افنان : تعالي خنمشو لحلا
مشو لحلا
افنان : حلا شن في وين اياد طلع جري علاش
حلا : ....
افنان : ووووه علياااا
أنت تقرأ
انتقامي
Actionرواية لا لاصحاب القلوب الضعيفة ! قصة بنت عاشت ف الغربة ووقت رجعت لبلادها خسرت كلشيء تملكه ! وقررت تنتقم منن الناس يلي كانو سبب جرحها وسبب يلي خلاها تخسر كلشيء هل حتناا مرادها او لا ؟ حنعرفو ♥️
