كانو ماشين ف سوق لن فردوس خبطت ف ابتسام طيحت منها حاجات ناضت تلمها وشبحتها وحضنتها ع طول ودموعها زي الشلال 🤦🏻♀️♥️
فرح : مني هادي
فردوس : عمتي عمتي ابتسام استاحشتك استاشحتتتك اااه ي عمتي امي وبوي خلونني فراس وامانننني انتي وينن كنتي وينننننن
ابتسام : اهدي بنيتي ربي يرحمهم ويجعل مسواهم الجنة♥️
فردوس : فرح فرح سلمي هادي عمتي ابتسام امي الثانيهه
فرح : اهلين كيف الحال
فردوس : عمتي ابتسام هادي فروحه مرة محممد
ابتسام استغربت وابتسمت : محمد محمد
فردوس : ااي محمد😍😂 وعندهم توا ولدين وثلاثة بناتتت
ابتسام : ي روحي نبي نشوفهمم
سلمت ابتسام ع فرح بالاحضان والبوس ♥️
فردوس : حتني نبي نشوفهمم بس هما حاليا مع قصي خوه ومرته نسيت اسمها ف مصراتههه
فرح : روان😂♥️
فردوس : عمتي ابتسام شوفي هادي مروة مرة عمي وهادي ايلاف وهادي حلا صحباتي هلباا♥️
سلمت عليهم ابتسام
فردوس : اي وهادي فنوشتي اخت خطيبي
ابتسام سلمت ع افنان وقعدو سرحانات ف بعض شويه
ابتسام : خطيبكككك جيتي وانخطبتي مرة وحدهه
فردوس ضحكت : لا لا خطوبتنا اسبوع جاي جاية بنوتي كم حاجة هككك
ابتسام حضنت فردوس : اااه وخلاص واخيرا شفتك قداش ليا ندور فيك
ولد : اااه وخلاص ياريت الحضن فيا سجلي عندكك ي حبي ٠٩٢(:&:(:
فردوس : مريض ، هي هي خنمشو نقعمزو ف كافي وعمتي ابتسام احكيلي كلشي صار بالتفاصيل
مشو كافي والولد يلحق في فردوس
ابتسام : ااه شن بنقولك اني كنت بنجي ف طيارة بعد غدوتين من جيتهم هما بس انصدمت وقت ريت الخبر معاش عرفت شن ندير ولا كيف نجي لطرابلس ولا كيف نسال عليكم تسكرت عليا من جميع الجهاتتتت ! لن صاحبتي ف بنغازي جت اهني اسبوع فات حاولت كيف نوصللكم لقيتكمش
فردوس حضنتها : ااه وخلاص توا انتي جنبيي عاش تقعدي عند صاحبتككك بتمشي معااي واخيرا لقيت من حيعوضني حنان الدنيا كلها
افنان تفكرت امها وعيونها دمعو
فردوس : تعالي فنوشتي حضني
حضنو بعض
الولد : اححي ي ريتني ف الوسط الزح
فردوس قربعت طاولة وناضت : بنمشي نطلبببً ونجي
ومشت فردوس وجت راجعة : شن تبو حقا
مهم طلبو وفردوس مشت بتطلب جي الولد يلي يلحق فيها كيف يبي يحطلها الرقم ف جيبها ويمسها لادت واعطاته كف
فردوس : حقيررررررررررر تحسابني اختككك متعودة ولا شننننننن
وجو الشباب ركوه طريحة مستحيل ينساهااا
" ي بنات نصيحه ! لو صارلك موقف زي هك تخافيش وتسكتي ! اغلب البنات نشوف فيهم يسكتو :/ ! قصدي متخافيش م تفكري ف شي ! ديري رد فعل باش يوقف عند حده! متحسسيشي انك ضعيفه! وخايفه بالعكسسس البنت وقت تبي تقدر تكون ف مكان مية راجل واكثر "
فرح : فردوس ي قاهرة ي قوية😂
ايلاف : ضربتيه
فردوس : باش يعرف حبيبتتتي
افنان : حي ع جو كان اني نسكت
فردوس : لا حبيبتي تسكتيلاااااش ولد امه يقرب ويشوف شن يصيرله اهو كلي طريحة نباش القبور
قعدو يضحكو وفردوس طول وقت شادة ابتسام من يدها
قعدو يضحكو ويهدرزو بعدين ركبو سياارة كلهم😂🤦🏻♀️ كانو واقفين في سيمافرو جت جنبهم سيارة كلها شباب ومعاهم كلب " حشاكم"
الولد : تي هادا شنو سيارة بتتطربق كيف مقعمزين
الولد ٢ : احذفو ارقامكم🌝😂
فردوس : شن جمعية وخييي وجهك رايح زي الكلب يلي شاده حشا الكلب منكم طبعا
فرح سكرت لفردوس الروشن : لا لا انتي خطر محمد يعدمني را ويعدمك🌝😂 تي معاش تردي خليهم ينبحو
فردوس : منقدررش
فرح : اي عمتي ابتسام وين الحوش
ابتسام : خشي من اهني ايوا اني ننزل نجيب حاجات ونجيك
درسو سييارة ونزلت ابتسام وشرين نقال فرح
محمد : شننني ي هانممم وينننن وينن متجيش الحوش باهي ! باتي البرا اليوم
فرح : ماه حميده
محمد : ماه شنووو
فرح : ماه اسمعني
محمد : شوفي قدامك نص ساعه تانيه بتطيري تجنحي نبي سيارة مدرسة قدام باب خير م ننقب القومات ونوريك شي تاني
فرح : حءءاضر هي
سكرت فرح وتحشمت
فردوس : فروح تسكتيلاش راه تريس ميبوش مرا تسكت🌝😂
ايلاف : اس اس فردوس مش مجربه انتي
فرح : اي اي يناري عليها😂
واتصل اياد بفردوس
فردوس : ايوا قلبي
اياد : لا قلبي لا همم تي نقسم بالللههه ربع ساعه متكونيش ف حوش اقسم بالله نطربق عمههه واني قسمت
فردوس : ايودي اهدا حبيبي باهي حاضر شوية هك ونجي
اياد : مفيش حاجة اسمها شوية
فردوس : تي مقتلككش حقا
اياد : م نبي نسمع شيييييي ، خير م اقسم بالله الطريحة يلي كلاها الولد مني حتاكلي احرف منها
فردوس : ولد شن وطريحة شن
اياد : يلي لابسه كبوت احمد ولا تحسابي عاكسك ومس شعرك ويبي يحط الرقم بالساهل تي اقسم بالله اهو يعاني ف مستشفى
فردوس وجها تغير : كءءيف عرفت
اياد : تو يبانلك بعدين سكري سكري
اياد سكر وفردوس شبحت للبنات ودارت الضحكة الصفرة
فرح ابتسمت : شني قرانديزر شني ي جون سينا ي راندي اورتن ي جميع المصارعين ي اسد الغابة🌝😂
فردوس : هههه
ايلاف : توا ههه🌝😂
فردوس : ماه كان متعفلق هلبا وعرف موضوع الولد يلي عاكسني وورقده مستشفى
فرح : نهار ابيضض منين عرف حيعليا كان محمد يعرف يلبسني خمار🌝🤦🏻♀️
فردوس : حيعليااااا
جت ابتسام راكبة وجماعة كلها تضحك وفرحانين♥️♥️
.....
روحو الحوش فردوس عرفتهم ع ابتسام واليوم كله قعدت ف حضنها ! حست كان جزء من عيلتها رجعلها♥️ حمدلله فرحت ♥️
فردوس : عمتي توا نعرفك ع ايودي حتحبيهه هلبااا
ابتسام وريني صورته اسمههه نبي نشوفه نتعرف عليه
فردوس : تو نكلمه غدوا يجي وتتلاقو عمتي
ابتسام : تعالي حجري نلعبلك ب شعرك
جت فردوس رقدت ف حضن ابتسام وفرحه غامرتها♥️
اتصل اياد بفردوس
فردوس : ايوا ايودي
اياد : وين
فردوس : مقعمزة ف حجر عمتي ابتسام
اياد سرح شويه : ااه به كويسس
فردوس : وين انت
اياد : كيف ماشي للحوش
فردوس : به
اياد : تفضي دوريني في موضوع لازم نتفاهمو فيه يالحب
فردوس : تمام حبيبي
سكر اياد وكان زي متعفلق ♥️
فردوس : خنوريك صورتهه
ابتسام : هيي
فردوس : حي حميدة يتصل اكيد يبيك هي ردي
......
عيلة كانو متجمعين لوطا ♥️
خالد : حددنا خطوبة فردوس اني واياد باذن الله الخميس
محمد : شننن
مبروكة : وليش هالاستعجال
محمد ناض كسر شده جمعة : وليدي اهدا اهدا
طلع محمد وقربع باب علي ركب داره وبدي يكسر " تي كيفففففففف كيففف ي ربييي فردوس ليااااا ومش حتكون الا لياااا "
فتون : باهي ربي يهنيها خطافة الرجالههه
مبروكة: بعيدا عن موعد الخطبة ! هالمرا بتقعد عندنا قصدي منعرفوهاش !
مروة : اي بتقعد هي زي ام دوسه شوفيها كيف فرحانه
ع نزلت فردوس
فردوس : سمعت اسممي
خالد : تعالي حبيبة عمها عرسكك ي حلوة قريب خطوبتك خميس
فردوس بدت تنقز : خميسس حيعليا عمي شنيصير شندير نعرفش
مروة ضحكت : اهدي اهدي تو نوتو كلشي ونطلعو نحجزو الحاجات اني وانتي
احمد : وابيسة وابيسة فردوس ولت عريسة🌝😂
فردوس ضحكت : جديدة اهيا
مروة: فيفي كلمي عمتي ابتسام وتيتلها غرفتها باش تخش ترتاح
فرذوس : لا نبيها معاي
خالد : انتي تور ف نوم ترفسي خليها يوم ترتاح ومدة جايه اقتليها
مروة : ربي يستر ع اياد😂
مهم مشت ابتسام دارها مع الليل جي احمد لفردوس كانت كيف بتتصل باياد وقت خش احمد سكرت ♥️
فردوس : خش قعمززز
قعمز احمد وكان مطبس راسههه
فردوس : خيرك
احمد : حظك انتي واياد يهبل
فردوس : ليش
احمد : بتاخدو يلي تحبوهم ! لاكن اني عنديش نصيب الله غالب
فرذوس : ليش انت من تحب
احمد : ااا لا لا حد
فردوس : افنان !
احمد جاته صدمه وشبحله
فردوس : م تنخلعش م في شي يخفى عليا🌝😂 شوف حمادي مش ديما ناخدو يلي نحبوهم مرات الحب يجي بعد الزواججج
احمد : معاك حق والله حنحاول ننساها وربي يهنيها بس مش مرتاح نبي نعترف وخلي يلي يصير يصير
فردوس : اي اعترف حميده♥️ احسنلك
واتصل اياد
احمد : او الحب يتصل نبيش نكون وجه شر🌝😂
طلع احمد وسكر باب
اياد : ها
فردوس : خيرك
اياد : اسمعيني في موضوع نبيك فيه
فردوس : تفضلي
اياد : اسمعيني عمري كلمتك ع لبسك او حجابك!
فردوس : لا
اياد : يوم سامحيني بس حنكلمك ! فردوس انتي حتكوني مرتي وحلالي ومنبيش حد يكشف عليك ! انتي تعرفي الكلام يلي يطلعو فيه ع البنات يلي مش متحجبات والخ ! اني م نبي حد يدوي هك عليك! كلامهم ميهمنيش ! بس دوستي شي هادا حرام اقسم بالله ! راه كل شعره تطلعيها تتحاسبي فيها! فهميني علاش تديري هكي ؟
فردوس : هك مشعارفة
اياد : شن مشعارفه ! اغلب بنات يديرو هك ! ع خاطر يبو يطيحو شباب والخ! بس والله م يشوفولهم الا شبحات وحدة مش متربية ! وحشاك طبعا ! بس دوستي الحجاب سترة للبنت ! جمال البنت ف عفتها وحجابها ولبسها المحتشم ! وشوفي ايلاف كيف ! محلاها وقت تشوف حبيبتك ومرتك هكي اني قتلك وانتي حرة مش حنغصبك ع شي وفكري هي توا بنسكر تاعب غدوا جامعه نهدرزو
سكر اياد ع طول وفردوس نحت نقال قعدت تفكر ف كلامه ! شن فايدة بنت تطلع بدون حجاب ! مجرد تغضب ف ربها ! باش تنال اعجاب كم واحد م يستاهلش ظفرها ! ي بنات ننصحكم يلي مش متحجاب او متحجبة وتطلع ف شعر جربي كم مرة تدخليه وشوفي كيف حتطلعي ♥️
فردوس قعدت تفكر شوية ودارت صورة اياد خلفيه ومشت لمروة وجت رقدت
........
ثاني يوم فاقت فردوس خشت الحمام تدوش وبتبدل للجامعه جت ابتسام خاشه لقت نقالها ف سرير مفتوح وطول جت عينها ع صورة الخلفيه واهني ابتسام بدت تبكي وتعيط ع طلعة فردوس !
.......
اياد كان ف صالة حاط ايديه فوق راسه ويتنهد
ايمن : شن في
اياد : لا شي نفكر
ايمن : ف شن كان ع موضوع خطبة م تدور شي احني جنبك وباذن الله امور كلها طيبه
اياد : لا لا مش هكي امس تفجرت كلمت فردوس ع للبسها وحجابها ي راجل مش معقولة كلهم يعاكسو وهم خايفها تحرج ولا تفهمني غلط لانها لا كلمتني ولا شي بعدها
ايمن : يهديك ربي غير صبرت خديتها بعدين لبسها حتى خمار🌝😂
افنان كان تلعب بالفطور
اياد : هيي انتي شنفي
افنان : امممم لا لا شي
ايمن : قولي
افنان عيونها دموعو : استاحشت بوي وامي ! استاحشت نقول بابا ماما والله بجديات صعب !
اياد ناض باسها ع خدها وقعمز ع ارض شد يدها وباسها : اني بابا وماما وخوك وحبيبك وصاحبتك واي شي تبيههه♥️ متزعليش
.
ايمن جاته رسالة من ولد ووجهه تغير ع طول
اياد : خيرك انت الثالث
ايمن : ااء لا لا شيء
أنت تقرأ
انتقامي
Actionرواية لا لاصحاب القلوب الضعيفة ! قصة بنت عاشت ف الغربة ووقت رجعت لبلادها خسرت كلشيء تملكه ! وقررت تنتقم منن الناس يلي كانو سبب جرحها وسبب يلي خلاها تخسر كلشيء هل حتناا مرادها او لا ؟ حنعرفو ♥️
