مشو للثلاجة ومعاهم دكتور
الدكتور : تفضل معاي
خالد : هي
خالد خاش يرعش وكيف دكتور بيكشف الجثث
خشو علي واحمد خالد من كثر الخوف قعد يسمع في نبضات قلبه
الدكتور : ضروري تتحملو
فتح دكتور الاول وتاني وتالت ورابع واهني خالد طاح وحط ايديه فوق راسههه كانو اربعةة جثث بو فردوس واماني وفراس والجثة تانيه من كثر الحادث مش باين منها شي 🤦🏻♀️🔥
علي : عععءممميً هما
خالد ودمعه ف خده زي جمرر وهز براسه اااي ، احمد ع طول طلع وقعد يخبط ف حيط ويعيط علي وقف خالد وطلعو برا كانو ماشين وميندرو ع شي راسهم ف ارض وحزن معبي قلبهم وعيونهم دموع
خالد : دكتور نقدرو نستلمو الجثث
الدكتور : اي رتبو اموركم وتقدرو تجو تاخدوهم ف اي وقت
طلعو خالد وعلي واحمد
احمد : فءءردوس
خالد : اني تو نقوللها اااااااه وخلاص نار ف قلبي بتاكلنننني خووووي خوووووووي
وصلو الحوش ♥️
.....
اياد : اي اليوم عيلة فردوس حيجو واخيرا
افنان : حمدلله تو اكيد حتطير من فرحهه 😍🔥
ايمن : اتصل باهي اسال جو ولا لا
افنان : اي اتصل بعمها
اياد : زعما
افنان : تي ااااي
اياد : هههي
افنان : اني شاهي ف نار خنصب ونجيكمم شاهي بالكاكاويه م تفهمو شي
اتصل ااياد
،،
خالد كان راكب سيارته ويتنهد ولما شرين نقال قامه لقاه اياد ف البداية تردد مباش يرد بعدين رد
اياد : اهلين كيف الحال
خالد : اهلا اياد
اياد حسن بان صوت خالد مش طبيعي : صوتك مشعارف في شي ؟؟؟
خالد تنهد
ااياد وقف : شنفي شنفي عيلة فردوس ؟
خالد تنهد : اعطوك عمرهم كلهم
اياد : شنوووووو
خالد : هادا يلي صار حادث وفردوس معندهاش علم لتوا
اياد سكر ف وجه خالد وحط ايديه فوق راسه ومعرفش شن يدير
اياد تنهد بصوت عاللللي
ايمن : ي راجل شن في خيركككك
جت افنان جايبة شاهي
اياد : عيلة فردوس وهما جاين دارو حادث ! وكلهم ماتو !!!! كلهمممم تخيل كلهممم
افنان طيحت شاهي وبدت تخبط ف رجليها : شنووووووو اياامممم سوووووود حي عليااااااااا فردوووووووس
افنان خشت دارها وهي تعيط وتبكيييي
ايمن : لا حول الله
اياد : اني اني شن بندير توا ايمنن فهمني فردوس كيف كيف فهمني
ايمن جي حط ايده ع كتف اياد : قوي روحك باش فردوس تقوى الله غالب هادا قدر والموت ضروري منه كلنا ليها ي اياد هدي روحك معاش ترعش تي انت هكي امالا فردوس مرتك شن حتدير
اياد بدل وع طول مشي لحوش فردوس قعد يراجي ف عمها وجماعة يجو معاش عرف شن يديررر
وانتشر الخبر
....
جي خالد للحوش ومعاه احمد علي مشي يوتي حاجات العزي ، لقو اياد ف شارع سلم عليهم
اياد : انشاء الله ربي يصبركم
خالد : ربي يصبرها هييي صععب صععععب
اياد دمعو عيونه : احني جنبها مش حنخلوها بروحها
احمد وقف جنب اياد وخالد خش الحوش
احمد : قداش ليها تراجي تشوفهم ! وتوا الموت صعب ! فعلا بين الانسان والشي يلي يبيها الموت ! مرات الموت يجيك قبل م تدير يلي تبيه
،
خالد خش لقي عيله مقعمزين ومتوترين
خالد : كل شي تم كلهم كلهم مشو فيها
مروة اغمى عليها ، جت فتون ومبروكة شدوها
جمعة ووجهه اسود ! مكانش متوقع ان كلهم يموتو : لا حول الله
محمد طلع برا حوش
ركب خالد لفردوس طق باب وخش جت حضناته
فردوس : عمممي فرحانه هلبا يومم تعال نوريك هدايا يلي جوني 😍😂
خالد : قعمزي ترا وريني
فردوس : ها شوف هادي جاكة من احمد حلوة ولا لا لا شوف هادا بارفان ريحته حلوة هلبااا
خالد شد يدها : فيفي
جت مروة خاشه ودموع ف عيونها
فردوس : شن في خيرككم
خالد : تامني بربي ؟
فردوس : ونعم بالله
خالد : تعرفي ان في موت وفي حياة!
فردوس : عمي بديت تخوف فيا شن في
خالد : اماليك !
خالد طبس راسه
فردوس : ععءمي شن في عءءمي
خالد : جو ليبيا كانو ف بنغازي ع اساس يوم حيجو طرابلس مدايرينلك مفاجاءة بس ! دارو حادث قبل م يوصلو و...
خالد دموعه نزلو
فردوس قعدت تضحك باعلى صوتت
فردوس : عمممي بدون جو نعرفك تبصر😂😂 نعرفها البصارة هادي باردة را تقيس ف غلاهم يعني 😂😂 خلاص نكتة باردة
خالد شبحلها
مروة : فردوس اهدي
فردوس : حووووولي ، عمي شوف اني توا نتصلك بيهم باهي ونعرفها كذبة نعرف نعرف
فردوس ترعش كلها مع بعضها وشدت نقالها خالد جبد. منها نقال وحضنها
فردوس انهارت وبدت تعيط وتخبطططط
فردوس : ليييييششششش ي ررررررررربيييي خديتتتتتتهممممم روححححي معلقة فيهممم ي ربي ليششش ! عمي عمي عمي مش قلتلي مستحيل ترفضلي طلب ومستحيل ترضاني زعلانه هي عمي نبي امي وبوي وخوي ومرته نبي عيلتي نبيهم عمي بالله عليك
خالد : فردوس اهههدي اهددي
خالد قعد عاصرها ف حضنه لن فقدت وعيها من كثر العياط
رقدوها ف سرير وشربوها ميه وهي فتحت عيونها وترمش ودموع ينزلو زي جمر ع خدها
مروة : فردوس ارقدي خليك ارتاحي اني طالعة نوض خالد
بعد مرور خمسة ساعات ، حوش كله متعبي ناس وعياط وبكي وفردوس ف دارها ! جنبها ايلاف وحلا وافنان وفتون ومروة وهي ولا كان راقده تشوف للصقف وتفتح وتغمض ف عيونها متكلمتش ولا تحركت
ايلاف : لا لا مش حل هكي بيصيرلها شييي
مروة : ي رب ي رب صبرننني اني بنمشي لخالد
مشت مروة نادت خالد
خالد : شنو
مروة : خالد فردوس من عرفت بالخبر ع هالوضع ! زي الجثة لا حركة لا كلمة لا شي
جي علي يلي عيونه متنفخات من بكي : شن في
خالد : فردوس خنركبولها ي علي ميجيش هكي ميصيرش
اياد كان واقف بعيد ومنتبه معاهم ومش قادر يدير شي
ركبو علي وخالد لفردوس
خالد : فردوس بنتي اني جنبك وكلنا جنبك
علي : فردوس قضاء الله هادا شن بنديرو
خالد : فردوس نكلم فيككك ردددي
خالد قعذ يضرب فيها كفوف بس ولا كان
ايلاف : حولو ونبي ، فردوس فردوس !! عيلتك ماتو راه ! كلهم ماتو وخلوككك متقعديش ساكتههه فردوووس فردوووس انتي قعدتي بروحككككك
علي : تي زح شن تديري انتتتي
ايلاف : شن امالا نخليها تبدا مهبولة ! مش كويس لو سكتت هكي
فردوس عيونها دموع وناضت حضنت علي وهي تبكي وتعيط
خالد : اطلعو من دار خلوها بروحها ترتاح
فردوس : عمممي نبي نشوفهم !
خالد : شنو تشوفيهم
فردوس : ااي
ايلاف : لا لا
مروة : فوت ي خالد الصورة مش حتننحى من وجها
خالد : فردوس توا وقت تاخر خلي غدوا نجيبو الجثث اهني الحوش وودعوهم
فردوس : قلتتتتتت تواااااااااااااااااااا
خالد : حاضر حاضر
وقفت فردوس كانت لابسة كلها اسود ف اسود عيونها ارهاق حمر منفخات كانت تمشي ومش حاسه بحد حوليها ! متشبح ف حد ! تتفكر عيلتها وبس !
خالد شد يدها وبيركبها سيارة جي اياد
اياد : فردوس
خالد : بنمشو مستشفى تبي تشوف اماليها
احمد : عمي انت خليك اهني استقبل ناس اني واياد نمشو نرفعوها
خالد : اممم تمام ، احمد استنى مروة وايلاف جاين بيمشو معاكم
اياد : تمام بنعدل سيارتي ونجي
خالد : فردوس انزلي حبيبتي واركبي مع اياد واحمد هما بيرفعوك
جي احمد فتح لفردوس باب سيارة بينزلها دفاته ومشت لسيارة اياد ركبت وجو باقين ركبو
ااياد كان شاد يد فردوس وهي تشبحله نظرات غريبة وتنحي يدها منه وصلو مستشفى وخشو للثلاجة ! خشت فردوس ومعاها اياد
احمد : مش حنقدر نخش مرة ثانيه
ايلاف : اني تو نخش
الدكتور : خلاص ممنوع
،،
اول جثة كانت لبو فردوس وقت شبحاته شداته وباست راسه : بوي سندي ! خليتني ليش ليش بابا شن درتلك ! عادي راضية خليني ف ليبيا وانت ف بريطانيا بس متخليش الموت ياخدك مني ! علاش بوي بنتك بروحها قعدت را حرام عليك بنت بروحها ! بابا خليتني
وقعدت تبوس فيههه ، بعدين فتحولها جثة فراس شداته وعيت وهي تبوس فيه " فراس خوي ، علاش فراس مش قلت مش حتخليني ! اني قعدت بروحي اختك بروحها راه اختك تقسم بالله بروحها انت سندي اني بدونكم ولا شي ليششش ليششش خليتوننني كذبتو علياااااااا لمني خليتوننني اممممي بووووي فراااس اماننننني
الدكتور طول سكر ع جثثث : طلعها البرا ياستاذ خلاص طلعهااااا
اياد غمر فردوس ف حضنه وعيونه دموعه وهي تخبط فيه وحاولت تبعد منهه
فردوس : اطلقنننني ي تافهههه اطلقنننننننني معاش نبي نعيششش معاش نبي دنيااا معاش فيها شي الدنيااا اخخخخي خدتهممم كلهمممم! علاش ي دنيااا هكي تديري فيااا علااااش
اياد طلع بفردوس برا ولصق ع حيط وهي ع طول طاحت ف ارض وهو طاح معاها وقعد شاديها
احمد جي قام فردوس ع طول دخلوها الغرفة ركبولها تغذية اما اياد كان مقعمز في ارضه ! حاط ايديه فوق راسه ويبكي جت ايلاف جنبه وهي تبكي
ايلاف : حاسه بيها ! صعب صعععب نار ي اياد نار كلتني توا ونار كلتها ! صعب فراق امها وبوها وخوها اااه ي اياد متضعفش فردوس بحاجتك توا
اياد مسح دموعه وناض : وينها هي توا
ايلاف : ف حجرة مركبينلها تغذية
جت مروة شدت يد اياد : م حد غيرك حيقدر يقويها
اياد : اااه وخلااااص
......
ف مكان تاني ♥️
محمد : مشاااء الله اختتت فرحححح ليش مروحهه توا تندري ساعة كمم
فرح : محمد حبي والله شن ندير عرس وهياجة تاخرت نحبككك اسفه
محمد : شن هو يلي اسفههه اصلا اني نندم نخليك تسوقي لعرس نندمممم باش تجيني نص الليل
فرح : هي هي اسفه خلاص توا تعرف تاعبههه بنرقد
وكيف فرح بتمشي شدها من يدها وردها ليه
محمد : وين وين مفيش نومم بتسهري معااي !!!! فاهمه قبل تتسبلي الصغار م الصغار وتوا عرس وراس امي مفيش نوم
فرح : محممد
محمد عصر يدها : شنووو
فرح : اسفهه اسفهه حنسهر حنسهرر
خشت فرح ف حمام تبدل ومحمد يتصفح فيس وجاته صدمة بدي يعيط
فرح : تي شن فييي
محمد : فررح فراس فراس فرااس وعيلته قالو ماتوو ! ماتو ف حادث شوفي شوفي الخبر ف الفيس
فرح : اشااعات ي عمري اتصل بيه تاكد
محمد اتصل بفراس لقاه مقفل
محمد : خنكلم ادم
كلم محمد ادم وفعلا طلع الخبر صح ! وادم قال لمحمد ع فردوس وانها ف ليبيا مع عمامها ! محمد حط ايديه فوق راسه وقعمز جت فرح جنبه وحضناته
فرح : هادا قضاء
محمد : ضروري ضروري نمشو لفردوس اكيد متدمرة تي فردوس اختي منقدرش ي فرح
فرح : اهدا تو نكلمو ادم يبعتلنا رقم حد من اعمامها ونمشولها
محمد عيونه تعبوً دموع وبدي يخبط ف راسه : تي صاحبي وروحححي معلقهه فيهههه اااه يا انننننني
" طبعا اغلبكم قبل يقولي استاحشنا رواية يوميات زوجية ف حبيت ندير لقطة بسيطة وندخل محمد وفرح اهني باش رواية تبدا اقرب للواقع ♥️ ومحبيتش نكسر ف خاطركم واغلبكم يبيها ، طبعا فراس ومحمد صحاب من قبل هلباا ديما محمد لما يمشي بريطانيا يقعد عندهم مدة فاتت شركة فراس وبوه صارتلها ازمة ويبو مساعدين وناس تشد شركة مشي محمد بعت مساعد ف شركة " ادم " باش يمشي يساعدهم ومن هديكا اللحظة ادم قعد معاهم ف بريطانيا ♥️
.....
ثاني يوم جي وقت الدفن جابو الجثث الحوش باش يودعوهم ♥️🔥
وع جية محمد وفرح ! محمد كان لابس بدلة رسمية لونها اسود ونظارات شمسيه وفرح لابسة عباية لونها اسود ، طبعا محمد يعرف خالد بس من بعيد جي كلمه وعزاه
محمد : نبي نشوف فردوس ضروري
،،
جو رجاله باش يقيمو الجثث من الحوش وخلاص بيدفنوهم وطول هالوقت فردوس منزلتش من دارها لما قاموهم وكيف طلعو حطوهم ف سيارة جت فردوس تعيط وتخبط
فرذوس : لاااااااااااا ي بووووووووووي. ماماااا ليشششششششش
محمد ناض يجري وقعمز ف ارض حضن فردوس وفرح قعمزت جنبه
محمد : فردوس نعرفك اقوا من هكي بوك وخوك كانو قويننن
فردوس : محمممممد ي محمممد بووووي ي محممممد
اياد طارتله
ايمن : اهدا شكله يعرفها وبما ان عمها خالد ساكت معناها يعرفها هلبا اهدااااا
اياد : تي زححححح نقعد نشوف كل حد يحضن فيها ونتبكش
جهاد : اياد مش وقت غيرتك توا بككل فردوس بتتقطع
،،
محمد : نوضي نوضي فردوس خشي صلي ركعتين ادعيلهم ، هادي فرح مرتي
محمد شبح لفرح : دخليها
فرح شدت فردوس ودخلتها ومروة جت معاهم ورتها دارها اما رجاله مشو باش يدفنو 🔥
بعد مرور كم ساعة ♥️
خالد : مروة فضيلنا ممر اني ومحمد بنركبو لفردوس
مروة : اركب اركب م في حد براني
ركبو لفردوس لقوها راقده ف حضن فرح وجنبهم افنان
خالد : فردوس شوفي محمد جي يشوفك
محمد : فردوس اختي صغيرة ! اني جنبك ممتش قاعد صح فراس مشي بس اني اقسم بالله جنبك ومستحيل نخليك اهدي
فردوس كانت تبكي : خلونني ي محمد خلوننني انت تعرف قداش يحبوني وقداش نحبهم نبيهم ي محمد نبيهممم مش قبل انت وفراس كنتم تقولولي مستحيل تخلوني
محمد : اااه وخلاص فراس ياما وعدني توا خلاني !
فرذوس : بوي ي محمد بوي
فرح : احسن شيء اضربولها ابرة مهديء مش كويس ليها هكي تقعد تهستر
خالد : مروة ونبي شوفي الابرة
فرح : اني جاية معاك
مشو كوجينة لقو ابرة ضربوها لفردوس وهي كانت شادة يد محمد وتخرط وتبكي لن رقدت
بعد مرور كم ساعة جت مروة لفردوس قعدت تلعبها بشعرها
مروة : دوسا را في ناس معاك ف جامعة بيعزوك انزليلهم ف المربوعه
فردوس هزت براسها تمام ونزلت
كيف خشت مربوعه لقت حلا واياد وايمن وجهاد وجماعة الجامعة لن خش مصعب وانصدمو
اياد جاي بيمشيله
ايمن شده من يده : اهدا شكله مش حيدير شي
،،
فتون : اوووف امتى تتم هالمهزلة
مبروكة : خلياخدو راحتهم ي حنه افرحي توا كل شي لينا تي حنعيشوكم ف عز ماهو عز
فتون : شن تخرطي يما
مبروكة ابتسمت : تو تعرفي
في مرا لمحت مبروكة ابتسمت ، مبروكة ع طول غيرت ملامح وجهها وبدت تبكي ؏ اساس
....
في الليل ف حوش اياد كان مقعمز وسط حوش ايديه فوق راسه ومعاهم ايلاف وحلا وايمن ، اياد فتح شقتهم باش رجاله يقعمزو فيها وافنان كانت مع فردوس ♥️
اياد : اااخ وخلاص شن بندير فهموني شن بندير بس
افنان : ي روحي ع فردوس متقطعة لتوا مش مصدقة
ايلاف : ترقد ترقد وتفيق تقولي نبي امي اني تقطعت
حلا : صعب خسرت كل عيلتها !
ايمن : فردوس قوية متخافوش حتقوا ♥️
اياد : هي ي بنات باش تمشو حوش فردوس توا الرجاله بيجو اهني
ايلاف : تمام
.....
بعد مرور شهرين ♥️
فردوس قاعدة معزولة ! تتحرك بالسيف تتكلم بالسيف معاش طلعت معاش دورت جامعة معاش كلمت اياد ولا شي ! ناس كلها كانت جنبها ! اياد كان متدمر مش عارف شن يدير
ف حوش فردوس مع عصر
كان محمد " مش ولد جمعة " مقعمز ومعاه شخص تاني يبو فردوس ♥️
محمد : .....
جمعة : كيففففف
محمد : يلي سمعتوههههه
خالد : اي ي محمد كويس وفردوس قدها
جمعة : لا لا مهزلة هكي بجديات
جت فردوس خاشه وانصدمت وقت شبحت ! وف نفس وقت فرحت
أنت تقرأ
انتقامي
Actionرواية لا لاصحاب القلوب الضعيفة ! قصة بنت عاشت ف الغربة ووقت رجعت لبلادها خسرت كلشيء تملكه ! وقررت تنتقم منن الناس يلي كانو سبب جرحها وسبب يلي خلاها تخسر كلشيء هل حتناا مرادها او لا ؟ حنعرفو ♥️
