" نسبة لموت اياد اغلبكم زعل وهلبا ، نعرف هالشيء بس اني عندي فكرة لازم نوصلها ممكن زعلتكم فهالموقف بس باذن الله في حاجات احلى واقوا ، في بعض ناس حكمو وقال ان رواية بايخهه بعد موته ، تي هي ف دنيا مات الرسول والدنيا استمرت ؟ باش تجي تقولي بتبدا بايخه ف رواية ! اقرو رواية لاخر حلقهه بعدين اعطو رايكم مش من اولها هدم ، عموما قراءة ممتعه لحلقات اليوم ♥️"
جابو ابتسام باش تشوف فردوس ♥️
ايمن : عم خالد اهي امي جت
خالد : كويس يلي جيتي اركبيلها ف دارها ومسكرة الباب
ابتسام ركبت طول لفردوس لقتها مسكرة ع روحها قعدت تطق قريب عشرة دقايق
ابتسام وهي تبكي : بنيتي اني خسرت اياد نبيش نخسرك بالله عليك افتحي ، اياد كان يبيك ديما قويه♥️ متضعفيش انتي الراجل من بعده
فردوس ناضت فتحت باب ورجعت قعمزت ف السرير جت ابتسام حضنتها بكل قوتها♥️
ابتسام : متضعفيش اياد كان يبيك قويههه خليك قويه ي جبل م يهزك ريح،
فردوس : نبي نعرف من يلي دارررر هكككي وبسسسس
فردوس شبحت لابتسام وعيونها حمر : من يلي خلانني نخسر حياتتتتي
ابتسام : فردوس هادا قدر مكتوب لو مماتش مقتول كان حيموت ف شيء تاني
فردوس : هادا يلي قهرنننني مات مقتولللل مقتولللللللل
ابتسام : ااااخ وخلاص انتي عارفة ان افنان وايمن بعد اياد انتي يعتمدو عليك ف كل شي ايمن يرعش مع بعضه قالي بري شوفيها خيرها لو صارلها شي نموت♥️
.......
بعد مرور شهرين ♥️
محمد كل مرة يفتح موضوع زواجه من فردوس ! علي واحمد كانو واقفين جنب فردوس يحاولو يطلعوها من يلي هي فيه ! بس هي كانت مجرد جثة متحركة تبتسم للناس وخلاص وداخلها نار
كانت فردوس ف دارها تكلم ف اشرف ♥️
اشرف : فردوس مصعب وتاني ف سجن لتوا ومبوش يعترفو اني نبي نعرف من يلي دار هكي
فردوس : اشرف اطلق صراحهم خلاص اكيد مش هما في شيء اكبر ي اشرف في شيء اكبر ، توا بنسكر معزومة غداء عند حوش ايودي
ابتسمت فردوس : اقل شي قعدتلي منه ذكرى
اشرف : تمام ردي بالك ع روحك
سكرت فردوس وناضت تبدال وقفت قدام المرايا تساوي وشاحها خش علي
علي : تعرفي فردوس كان القمر قعد معانا ف الحوش
فردوس ابتسمت
علي : فتحت جمعيه خيريه سميتها باسم اياد وهي حتكون ليك نبيك تمشي غدوا تشوفيها
فردوس حضنت علي وفرحت هلبا : ربي يحرمنيش منك عليوتتي وووه مش مصدقههه
علي : اني ندير اي شيء باش نشوف الابتسامه ف وجهك♥️
خش احمد
احمد : دوستتتتي هاك جبتلك ميلكا اضربي هي من زيك ندلع فيك كل يوم نجيبلك شيء
فردوس : انت بروحك ميلكا
احمد : اني تحشمت را😂
مروة كانت تنادي من لوطا : ي عيلة انزلو الغدددي
علي : خلاص دوسا زي م اتفقنا غدوا
فردوس : باذن الله انزلو تغدو اني معزومة عند حوش اياد
احمد بدو عيونه قلوب قلوب
فردوس : اي عند حبك😂♥️
احمد : بننزل نتغدا هي طيري
نزل احمد ووراه علي يلي كلي فردوس بشبحاته♥️ فردوس شدت نقالها حاولت تفتحه مباش حطاته ف شحن ولا شيء نزلت لوطا
محمد : اهي جت فردوس كنا نتناقشو ف موضوع عرسنا
فردوس قلبت عيونها : بالله امتى ناوي تبطل هالدراما عرسنا م عرسنا مريض خوي شن فيك
محمد خبط ع طاولة وناض : ههههههههههييي
فردوس : جمعهههههههه احسنلك تشد ولدكككككككك احسن م نرفع عليكم قضية ندخلكم كلمم ف الحيط وانت عارف محمد خوي شن قالك
جمعة شد محمد وبدي يهمسله : اهدا هي حتكون ليك بس بالهدوء
محمد قعمز
خالد : م تبي شي دوسا ؟
فردوس : سلامتك عمي غير بنقولك متتصلش بيا حتلقى نقالي مقفل مشعارفة معاش يبي ينفتح فجاءة
علي : لا لا متطلعيش بدون نقال لاقدر الله صار شي اصبري عندي نقال تاني تو نجيبهولك حطي فيه شفرتك بعدين نرفعك محل
مشي علي جاب نقال لفردوس وحطت فيه شفرتها وطلعت ع طول♥️ ومشت لحوش اياد حطو الغداء وقعمزو كانو جهاد وفردوس وايمن وابتسام وافنان مقعمزين♥️
ايمن : دوسا شن امورك انتي
فردوس : اهو ي ايمن قاعدة
جهاد : قاعدة ع نفس الموضوع
فردوس تنهدت وابتسمت : مش حنهدا لن نعرف ي ايمن مش بالساهل حيروح دمهههه
ايمن : مفيش دليل حيوصلنا للناس يلي قتلوه !
فردوس : ربي معاي اكيد حنعرف
افنان : محمد قاعد ينق ع نفس الموضوع !
فردوس : فوتيه دوته فاضيه مش مدوراته
جهاد : فردوس تبي اليوم نبيتوه ف الحبس حاضر وياكل احلى طريحهه
فردوس ابتسمت : نعرفكم مهابيلل مهم ايمن انت قلتلي في موضوع مهم
افنان : اي حقا نسيتونا فيه بكل😂♥️
ابتسام : اي انت وجهاددد شنفي
جهاد : اخر شي قالهولي اياد قبل م يصير يلي صار ان يبي ايمن لاسراء
ايمن : واني معمري كسرت كلمة خوي وهو حي مستحيل نرفضله اخر طلب ف نبي غدوا نمشو ونخطبوها ي امي
ابتسام ناضت تزغرط وباست ايمن
ايمن : امي اهدي اهدي شن الجو هادا ، منبيش شي كبير اني كله ع السكوتي
جهاد : اي ي عمتي نبو شيء بسيط وخلاص
ابتسام انخلعت : شنو شنو ي حبيب امك انت وهو غدوا خطوبههه تي م في شي واتتتتتتتي وانت جهاد اماليك يعرفو؟
جهاد : اي توا بنروح نقوللهم
ابتسام : تي طيح سعدك انت وهووو غدوا خطوبة تي شن بتوتو وشن بتخلو
ايمن : اني نبو شيء بسيط وتوا نمشي ناخد خاتم وخلاص
ابتسام ضرباته ف راسه : تاخد خاتم صار يحسابها ساهله😂🌝
فردوس شدت يد ايمن وجهاد : ليش تبو بسيط صدقوني لو اياد اهني حيديره كبير هلباااااااا
ابتسام فنصت ف جهاد : تي نوض نهارك ابيض اماليك ميندروووش
ايمن : امي ونبي فكيني من جو هادا كله اني قتلك غدوا ساعة خمسة نجي نرفعك انتي وافنان وفردوس ومروة وحلا وايلاف وتمت منبي حححدددد
افنان بصوت واطي : من خليت
ايمن : فردوس اني كلمت عم خالد ع المووضع وهو يلي شجعني اني وجهاد نديرو الخطوبة غدوا وحيمشي معاي هو وبووي
بو اياد رجعلهم وبدي حنين هلبا عليهم بس ابتسام مبتش تسامحه ، وقاعد ف حوشه الاول مجاش معاهم♥️
فردوس : حيوان ايمن حتبدا عريس خلاص ونفرح بيكك شني مني جهاد ولا ناوي تعنس
جهاد : اني مش حنمشي لن انتي تمشي
فردوس ابتسمت : اني بعد اياد يحرم عليا كل شيء
ابتسام : بنتي انتي صغيرة ودنيا قدامك قداش حد جي طلبك وترفضي لامتى هكي حتقعدي موقفه
فردوس وقفت : منبيش حد يناقشني في هالموضوعععع
طلع جهاد مشي حوشهم
ايمن طلع يوصي ع شوية حاجات وافنان وفردوس وابتسام ومروة طلعو سوق يشرو شوية حاجات بعدين روحو الحوش
......
ام جهاد : شنوووو غدوااااااااا ، غير انشاء الله تعزمونا ع العرس لو جيتونا اليوم وقلتو غدوا الخطوبههه
سجى : شنووووو
جهاد : اي غدوا والله توا البسي انتي وياها نرفعكم السوق خودو يلي تبوه
ام جهاد : تي شن تحسابها نقيزة ولا كيف تي راهو خطوبة تي م حجزنا شيييييء
جهاد : عندكم خمسة دقايق ي حلوات متطلعوش وربي امالا لما تلبسو كل شي قديم ولا دورو تاكسي ييوصلكم
سجى : تي لا لا وخيي وانت مفيش لعب معاك اهو بنمشي نفيق اسراء من نوم نخلعها هكي ونجوك♥️
.......
مع العشرة ف الليل ايمن روح من خدمته
ايمن : تي شن هادا كلهههه
ابتسام : تعال شوف شن شرينا
ايمن : تي هادا شنو قلنا دبلة وقفاطين ليكم جبتولي سوق كله وجيتوني
افنان : هادي دوسه تعرف م خلت شي كله رفعاته😂♥️ مليهاش هلبا مروحه
افنان نقالها شرين خشت دارها وردت
اشرف : وين ي حلو
افنان : وووه شن بنقولك غدوا خطوبة ايمن تعرف
اشرف : تبصررري كيف صار بهالسرعه
افنان : منعرفش جي بكري قال غدوا خطوبتي
اشرف : باهي ربي يتمم ع خير
افنان : خيرك
اشرف : شن في
افنان : مشعارفه اسلوبك مش مرتاحتله اشرف
اشرف : لا لا هي توا عندي دوريه بعدين نهدرزو
سكر اشرف ع طول بدون م افنان تكمل كلامها وهي استغربت بس مشت توتي لايمن كانت فرحانه هلبا♥️
........
ف الليل فردوس متممددة ع سريرها شادة نقال يلي عطاهولها علي بالصدفة خشت ع رسائل واهني وين جتها الصدمههه ! قرت المحادثه يلي كانت بين محمد ويلي خاطفين اياد ! قعمزت ف سرير ودموع ف عيونها خدت ميه شربتها
فردوس : ي رب ي رب قول ان اني ف حلم مستحيل اكثر شخص قريب عليا يغدر بيا مستحيل مستحيلللل ! شن بندير مني نكلم ! نكلم اشرف اني شن بندير ي ربي
قعمزت فردوس ف سرير حاولت تهدي روحها " فردوس اهدي ي فردوس اهدي القرارات يلي ناخدوهم وقت العصبية غلط اهدي واعرفي كيف تتصرفي من تكلمي غدوا خطوبة ايمن ! مفيش داعي نكلمه هو ! واشرف مش حنكلمه حيدير مشكله ! ااااه ي ربي صبرني شن بنديرررر
شبحت فردوس صورة اياد يلي كانت قدامها وقعدت تتامل فيها " وعدتك حننتقملك وصدقني م في شيء حيفوت بالساهل ! يلي صارلك معقولة كان بسببي لان علي يحبني هكي يدير فيا !"
خش علي ع فردوس وهي كانت شادة صورة اياد وتبكي !
علي : دوستي ي عسل وينك
فردوس شدت يدها بالقوية مسحت دموعها ووقفت شبحتله : تفضللللل
علي : تفضلي نقال جديد
علي مده لفردوس هي خداته ورجعت حطاته ف يده وحطت فوقه نقاله يلي اعطاهولها غير خدت منه الشفره !
فردوس ابتسمت : اي وهادا القديم وتوا ممكن تطلع برا الدار نبي نبدل ونرقددد غدوا نطلع ناخد نقال بمزاجججي
علي : فر...
فردوس : البرااااااا
علي طلع وخش داره كان مصدوم من تصرف فردوس بس عادي ! قال ممكن لانها تفكرت اياد وهكي محبش ان يضايقها ويجي يزعجها مرة ثانيه
.......
فردوس طول اللليل تبكي وتشوف لصورة اياد ! ومشعارفة شن بتدير كانت تصلي وتدعي وبس ! اما ايمن كان زعلان هلبااا لانه حياخذ اسراء ! من جههة يكرها ! ومن جهة فرحته بدون خوه ! اما ابتسام وافنان كانو فرحانات يوتو للخطوبة ! اشرف مكلمش افنان ابدا ع غير عادته
ثاني يوم ♥️
نزلت فردوس لقتهم يفطرو
فردوس : صباح الخير
علي : دوسءء
فردوس : عمي اني ومروة توا طالعين
خالد : وين
فردوس : بنمشي ناخد افنان وعمتي ابتسام محل نقالات بناخد نقال وبعدين ع مزين وبنمشو نلبسو ف حوش اياد غادي♥️
علي : فردوس جبتلك نقال امس
فردوس : اني مش مستحقههه حد يجيبلي شيي شكررررااااا
خالد اشر لعلي باش يسكت : ديري يلي يريحك دوسا ♥️
علي : الجمعيه..
فردوس : مروشتي ني ف سيارة لحقي
محمد ابتسم لان كان خايف ان علي ياخد فردوس ! بس بعد معاملتها ليه اليوم تطمن !
طلعو مروة وفردوس وابتسام وافنان مشو محل نقالات بعدين للمزين بيتلاقو بحلا وايلاف غادي♥️ كانو مولعين اغاني وهياجه الا فردوس بالها مش معاهم بكل
فردوس : خلاص كملنا ولا اني بنطلع نجيب سيارتي قدام مزين وهيا ايلاف باش تجيبي سيارتك
كيف بتطلع فردوس
ابتسام : تي البسي وشاحك
فردوس : نسيءءته
خدت وشاح فردوس لبساته ومشت جابت سيارتها
ابتسام : مشعارفة اليوم مش طبيعيه دوسه
ايلاف : حتى اني حاسه هكي
......
ايمن بدل ونزل لقي جهاد وخالد
ايمن : تي ي جهاد النم طيررر انت من عيلة العروسه قاعد لاصق فيا وتقولي شن ناقص تي تحشم😂
جهاد : تي نحاول ندير زي يلي كان حيديره اياد بس لقيت روحي نرعش اهني ونرعش غادي اني ماشي
خالد : شني ايمن كل شي تمام
ايمن : اي توا نراجي وني يجي وبنمشو معرض نجيبو سيارات ونجو نرفعو نساوين
خالد : تمام انشاء الله خير ♥️
.......
البنات كانو يبدلو ويغنو الا فردوس بدلت وخشت دار اياد رقدت فيها♥️ وقعدت تهدرز
فردوس : اياد اعطيني حل بالله عليك معاش عارفه شن ندير من امس مرقدتش ي اياد وريني الصح من الغللللط كيف بنكشفه شن بندير شن نديرررر
ع خشت ابتسام ،
ابتسام : شن هو ي فردوس ! اني من امبكري مش مطمنة ! وحاسه فيك شي احكيلي اني شن فيك تو نساعدك
فردوس : عمتي خشي وسكري باب! بس بالله عليك قوي قلبك
سكرت ابتسام باب وقعمزت ف سرير فردوس حكتلها ، ابتسام جتها صدمه ودموع بدو ينزلو
فردوس : مش مصدقه ! كيف هان عليه يقتل بني ادم ! مستحيل مستحيل
اهني ابتسام طول تفكرت السواق وكلامه ع قتل امه وبوها !
ابتسام : مش مستحيل فردوس اني اني سمعت كل شي ! فردوس مكلمتكش نسيت سهيت وقلت مرات مش وقته ومرات اني متلخبطه بس بعد يلي صار توا تاكدتت!
فردوس : عمتي شن في من شن تاكدتي
ابتسام ودموع ينزلو ف خدها حكتلها ع يلي سمعاته
فردوس عيونها بدو حمر معاش تشبح ف شيء قدامها !!
فردوس : معرفتيش من هو الولد ! علي ولا محمد ولا احممممممددددد معاش عندي ثقهههه في ححححد
ابتسام : مشعارفة مشعارفة ي بنتي
فردوس : عمتي نبيه السواق ضروري ضروري ي عمتي راهم بوي وامي وخوي ومرته وتوا ايااد
ابتسام : منعرفش منعرفش
سكتت ابتسام شويه بعدين : دوسا اني قبل اتصلت بيه كم مرة ترا نشوفه مرات رقمه مسجل قعدت ابتسام تدور لن لقت الرقم
ابتسام : اهوا اهواا
فردوس تنهدت : الحمد لللههه نبيهه الرقم
ابتسام اعطتها الرقم : فردوس ردي بالك ع روحك ي فردوس بالله عليك اعرفي كيف تتصرفي م تديري شي غلط
فردوس ابتسمت وحطت يدها فوق يد ابتسام : اااه وخلاص افرحي ! كل شي حيكون تمام نوعدك حنوريهم الويل ! وعد منننني م حد حيسلم منهم !!! وحيشوفو يلي حيصير ! خذو مني كل شي حنخش معاهم ف اللعبه وم عندي شي نخسرههه
فردوس ارتاحت هلبا ! حست روحها قوية ! حتنتقم منهم كلهم ع يلي داروه فيها !
أنت تقرأ
انتقامي
Actionرواية لا لاصحاب القلوب الضعيفة ! قصة بنت عاشت ف الغربة ووقت رجعت لبلادها خسرت كلشيء تملكه ! وقررت تنتقم منن الناس يلي كانو سبب جرحها وسبب يلي خلاها تخسر كلشيء هل حتناا مرادها او لا ؟ حنعرفو ♥️
