انتقامي

9

عند فردوس ♥️
حلا جت امها روحت بيها ، وجابو احمد من مستشفى تلمدو كلهم قعمزو ف وسط حوش الا فردوس ومروة
مبروكة : كسر ايديهه يلي دار هكي فيككك
احمد : ااه اممي يديا معاش تضغطي ونبي ياسر م صار شي
جمعة : شن م صار شيي بنرفعو بلاغ ع يلي تهجمو عليك
جت فردوس ومروة نازلين
فردوس : ع شن بترفع بلاغ وولدك غالط
احمد : فردوس
خالد : غالط شنو
فردوس : عمي تو مروة تحكيلك بعدين فوق والباقين قولولهم وزء من النص مفقود🌝😂 لا لا حرام بيقعدو متشوقين ع فاضي ، تو احمد يحكيلهم
مبروكة : حمادي حبيبي وليدي شن في احكيلي قولي موضوع تحت راس هادي ؟؟
فتون : اي ي مامي م يطلع الا منها
احمد شبح لفردوس وكان واضح عليه الارهاق من طريحة يلي كلاها
فردوس ف خاطرها " حي ع امي راكينه طريحة لن مش قادر يتكلم ولد ناس " : شني يا حماديها يا حبيبها يا وليدها 🌝😂 احكيلها شن صار ، وانتي ي مامي ي متاع الكرسي 😂😂😂😂 تو حماديكم يحكيلكم
مروة : شنجوك احمد
احمد :حمءءد لله
مشت فردوس دارها ولحقتها مروة وخالد
مروة : فيفي
فردوس : نعمم
مروة : غدوا بتمشي لفنو ولا؟
فردوس : اي بنكلم عمي
خالد خش
خالد : ع شن بتقولي حبيبة عمها
فردوس : عمي تضحك فيا وقت هكي تقولي 😂😂😂 تحسس فيا نتفرج ع طيور جنة
مروة : واقوى شي وقت يشدك من خدك😂😂تكمل بالرسمي
فردوس : خزي
فردوس طبست ووجها بدي احمر
خالد : غير شوفوها تحشمتتت ، ااه نسيت جايبلك شي من اول امس نسيت نعطيهولك ، مروة افتحي دولابي تلقي في باكو احمر جيبيه
مشت مروة جاباته ممداته لفردوس فتحاته لقاته ماي فاي بالعقد متاعه
فردوس : ححححححي قداش عندي عم كويس اننني
وحضناته فردوس
مروة : احمم للعلم اني اقترحت فكرة الهدية كان بيشريلك قيتار🌝😂 يحسابك فنان راب
فردوس : فرحتي متنعطاش لحدد ربي يكتر عليا الناس يلي تجيب الهدايا
خالد : مش ديما عيد
فردوس : خمسة خمسة خمسو ع عمي باش متضربوش عين😂 ومعاش يجيبلي
خالد : ربي يدوم ضحكتك مدام اني جنبك تخافيش مش حنخليك زعلانه ولا تحتاجي لحد ابدا♥️
طلع خالد فلوس من جيبه ومدهم لفردوس
فردوس : لا لا عمي عندي هلبا
خالد : من وين عندكك
فردوس : اممم تبي حق مدة فاتت احتجت مبلغ كبير ! مش قتلك خو افنان ف سجن باش يطلعوه يبو مبلغ كبير ، بعت كل ذهب عندي متاع امي وكل شي وفضل منه
خالد : شنوو بعتيه وين ف اما محل ؟؟؟ وليش مقلتيليش
فردوس : عمي خفت مبلغ كبير يكون عندكش
خالد : حتى لو معنديش ع خاطرك نخلقهههه ، نوضي نوضي توااا تطلعي معاي توريني المحل
فردوس : عمي مفيش داعي اصلا معاش نبي شي يفكرني بحياتي قبل خلاص
خالد : فردوس نوضي
فردوس : بالله عليك ي عمي لا منبيهمش اني كانو مضايقيني
مروة : نوضي فيفي
فردوس : اصلا اكيد باعوهم
خالد : لا حول الله تديري ف حاجات غلط
ناض خالد وكان بيطلع من غرفة فردوس قعدت تبكي
فردوس : حتى انت ي عمي بتخليني ، اني مكلمتكش مكنتش نبي نحطك ف موقف محرج بسسس
جي خالد قعمز ف ارض وشدلها يدها
خالد : نوضي فيفي ياسر بكي اني بالذات مستحيل نخليك ف جديد تبي شي اني موجود اطلبي يلي تبيهه بسسسسس وهي نوضي نوضي نطلعكم نعشيكم برا ، حتى مروة دموعها نزلو
مروة تمسح ف دموعها : تاثرت من الفيلم الهندي بطولة مني ونبي شاروخان وكاجول 🌝😂؟ قولولي وقت ينعرض ف السينيما بنشوفه
خالد : متزوج فريز اني مش بني ادم
مروة : اي صح مش بني ادم ، بني ادمة اني 🌝😂
خالد : مشاء الله وين متعلمة النحو
مروة : علمهولي يلي علمهولك 🌝😂
فردوس : بوممم ف نص جبهتك ي عم
خالد : اسكتي انتي وهي نوضي خنمشو نتعشو برا احسن
فردوس : عمي معاش عرف شن يقول😂
لبسو فردوس ومروة ووتو روحهم وكيف جاين بيطلعو
جمعة : وين
فردوس : بنطلعو عمي عازمنا عشاااء برااااا
فتون : استنوني بنمشي معاكم
فردوس : قصدي لو نبوك تمشي راه كلمناك
مروة قرصت فردوس
فردوس : ااه قصدي قلنا لا ع خاطر حميدة وهككي تو نجيبولك عشاء هي مروشتتتي عمي يراجي برا
طلعو مروة وفردوس وخلو فتون وباقين يسحنو
.............
عند اياد♥️
تعشو ورتبو شوية ف حوش
افنان : باقي خلوه صالون وتفريش غدوا مع بنات خير
اياد : اني بدلت بنمشي نخدم ف مطعم شوية باهي ايمن خليك مع اختك تطلعش
ايمن : مش طالععع بنرتب داري اصلا
اياد : نجيها الفالحة🌝😂😂
افنان : وووووووه متتتت😂😂😂😂😂
ايمن : متتتي صار بنطلعع، افنان نبي نروح نلقى زليز يلمععععع
اياد : وراسك انت ماهي صايرة احسن م تضم دارك ودار فنو🌝😂
افنان : ااااااي
ايمن : لا لا 🌝😂 مفيش لعب معاكم انتم اني ماشي داري هي سلام
افنان : اني نعسانه بنرقد نبي صبح نفيق بكري
اياد : تمام اني طالع
طلع اياد ومشي مطعم بدي خدمة كالعادة ♥️
......
في مكان تاني ♥️
؟؟ : واخيرا حنرجع ليبيا استاحشتها وكل شي وحاسة في شي ناقص تعرف
؟؟ : اي حنرجعو خلاص
؟؟ : طول مدة فاتت كنت بعيدة ع ليبيا وع ناسها وع شخص غالي هلبااا استاحشتهه
؟؟ : علاش مكلمتيش ؟
؟؟ : بصراحة لما جيت اهني كنت متاثرة هلبا بسبب الموضوع يلي صار سيبت نقالي وكل شي ومعاش كلمت حد وتوا رجعت ففتحت نقالي لقيت رسائل هلبا منهم ، مش حنقول لحد اني حنجي ليبيا خليهم يشوفوني بروحهم وينصدمو
؟؟ : مهبولة 😂♥️
.........
مبروكة : غر اهدا ي محمد
احمد : مشعارف ليش تبو البنت بالسيف تي نقوللكم البنت متبيش محمد بالسيف
جمعة : انت متدخلش البنت لولد عمها
محمد : اممي افتحو معاها الموضوع مرة تانيه ، وبوي انت كلم بوها ، لو امها وبوها وافقو هي حتوافق بالسيف عليها زي م جت اهني
فتون : مشعارفة شن عجبك فيها
محمد : انتي سكري فمك بسس مدخلككش
فتون : بههه
.......
ف مطعم خشو مروة وفردوس وخالد وضحكة ع وجهم وقعمزو ف طاولة♥️
خالد : خلاص صبح بكري برو
فردوس : اي عمي بنمشو قبل محل ناخدو حاجات تنظيف ووو وشوية ماعين وهك
مروة : اي خلاص وني نطيبلهم كم حاجة لانهم بروحهم
فردوس : اي حرام، صبولي ميه عطشانه مشعارفة
وكيف فردوس خدت ميه تشوف اياد قدامها وتبزع ميه
خالد : تي هادا شنن فتحتيلنا نافورههه
فردوس انصدمت وقت شبحت اياد ، قعدت تشبحله لن مروة شبحت وركزت فيه
مروة : حي خو افنان اهوا
خالد تلفت شبحله : وهادا كله ع خاطر شبحتوه
فردوس : اذكر شلال تشم صنته اعوذ بالله
اياد كان لاهي ف خدمة مع شباب لن ركز لقي فردوس تشبحله
اياد : هات هات طاولة هديكا اني تو نمشيلهم
الولد : اوكي
..
ف نفس وقت ف بريطانيا ♥️
بوفردوس طلع فم باب شوية
جي فراس خاش لامه وابتسام " مربيتهم"
فراس بغضب : امممي معاش قادر نتحمل بنكلم اختي ويلي مش عاجبه يطق راسه ف حيط
ابتسام : فراس عيب اهدا بوككك
فراس : شن بوي ي عمتي بالله عليكك شن بوي ! تي فردوس محذوفه غادي ! امي اعطيني رقمها نعرفك مرة كلمتيهاا سمعتككك ! بوي سمعك خدي نقال منك!! وهزبك سمعت كل شي وقعدت شاد روحي نبيه توا رقم اخلقيه
ام فردوس : تي سكر فمككك ! بوك برا تعال نعطيهولك يا وجه الفقر غير اسكت
فراس : غير اسكت ولا ! تي انتي بروحك تبي تكلميها ولقيتيني سبله
اماني : اسس خنكلموها😍
ام فردوس ابتسمت : هاك رقم هاكك
فراس : وتضحكي زيادة😂
فراس خدي رقم من نقال امه وشرين ع فردوس
،،
اياد : سلام عليكم
مروة : وعليكم سلام كيف حالك
اياد : نورتونا
فردوس حطت يدها ع وجها زعميتك تدرق فيه ع اياد وقعدت تسحن بروحها
فردوس : استغفر الله ادكر حقير يجيك يطير
مروة ضربت فردوس برجلها 😂🌝
اياد : اي شن حابين تطلبو اهوا المنيو غير سكالوب تم من عندنا
فردوس : الله! خسارهه عمي هي نمشو معجبنيش مطعم هادا ومفيش سكالوب اصلا اهم شي سكالوب
مروة : من حوش قلتي تبي كباب ولا
فردوس : لا والله وني جاية شميت سكالوب جي ف خاطري 😍😭
خالد : بلا دلع ي متاع بريطانيا انتتي 😂 اعطيها كباب
مروة : حتني زيها
خالد : اني اعطيني دجاج مشوي ، مشاريب شنو
ويشرين نقال فردوس قاماته لقت خوها بدت ترعش وشاده نقال ودموع ف خدها يجرو
فردوس : فراس فراااااس عمي هادا خوي فراس ي عمي
مروة : ردي ردددي
فتحت فردوس خط وقلبها ف يدها فتحت مايك وكانت ترعش كلها وتسمع ف نبضات قلبها ومطعم كله هدوء
فراس : الو فردوس
فردوس نزلت دمعة ع خدها كانت زي جمر : فرءءاس
فراس : اختي اقسم بالله استاحشتك موتت
فردوس : خوي فراس استاحشتك بنموت بنموت ونشوفك علاش خليتني نحبك هلبا
ام فردوس : افتححح مايككك ، فيفي
فردوس : مامااا ، امممي نحبك استاحشتك شن حالك وشن صحتك
خش بو فردوس حوش  وسمعهم ولقاهم يبكو
بو فردوس : اننني شن قلتتت بتقتلوني انتممم
فردوس : ببءابا باءبا اني نحبك استاحشتك نبيك ليش حذفتني اهني
بو فردوس جبد نقال من فراس وسكر ف فردوس
فردوس : بااباا فراس باللله عليك لا لا متسكرووش
فردوس بدت تعاود وتتصل
،،
بو فردوس : اني شن قلتتتتتتتت
بو فردوس حذف نقال ع طول يدهه وكسره
بو فردوس : متفهمووووش مصلحة بنتتتي هككي !!! متفهموش انتممم!! بتقتلوني وبتقعدووووو!
فراس : تي شن نقتلوك ي راجل وانت تقتل ف بنتك يوميا وتقتل فينا معاككك
فراس اول مرة يرد ع بوه 🤦🏻‍♀️💔
بو فردوس : وترد ف وجهي زيادة
ام فردوس : فراسس
فراس طلع برا حوش متعفلق وبو فردوس ركب داره توزعو مهم
...
فردوس بدت ترعش ودموع ف عيونها بس ، كانت تتصل بفراس وتحاول
فردوس : عمممي عممي لا بالله عليك عمي ع خاطري قوللهم يردو منقدرش منقدرش نعيش بدونهم عمي بالله عليك
مروة : فيفي اهدي
فردوس : اممي صوت امي خوي ، عمي بالله عليك كلمهم
ناضت فردوس خشت حمام ولحقتها مروة ، اما اياد نحط ف موقف محرج ع طول مشي مطبخ ، كان متاثر من موقف يلي شبحه ، اول مرة يشوف فردوس ضعيفه وتبكي لهدرجة!
مهم طلعت فردوس من حمام ووجها م يتفسرش قعمزو تعشو ! متكلموش ابدا ! اياد مقدرش يقول شي !
.....
ف الليل ♥️ فردوس راقدة شاده نقالها وتتفرج ع صور امها وخوها وبوها ، وهي تفكر! علاش بعدو عليها!
كانت تتفرج ع ماسنجر لقت قريب مليون رسالة من مصعب ! ردت عليه
مصعب : بنكلمك صوت
اتصل مصعب بيها ردت
فردوس : الو
مصعب : هلا
فردوس : اهلين
مصعب : خيره صوتك
فردوس : م في شي
مصعب : لا كيف م في شي اميرتنا حلوة صوتها مش مطمني اليوم
فردوس : لا والله استاحشت اممي وهكي
مصعب : متقلقيش روحك فوفتنا ، تو حيكلموك 😍 متحطيش ف قلبك باهي ، قصدي انتي من دون شي حمراء وتوا تزيدي تبكي ، شن امالا بتغنيلنا انا البندورة الحمراء
فردوس ضحكت ع الخفيف
مصعب : اهو صوت يلي يرفع نفس ، ياسرك بككي ميليقش عليك رااه
.....
عند اياد♥️♥️
خش ووجهه ميتفسرش من فردوس كلمها ماسنجر بس مردتش عليه ♥️ بعتلها " صح الام والاب ياثرو هلبا ع حياة صغارهم ، وكلشي يعتمد عليهم ! بس فردوس ف دنيا هادي ضروري تتعودي تعيشي ضروري تكافحي ! ضروري تكوني شخصيتك بروحك! اني يوم شفت شن صار! ومش حاب نشوفك هكي مكسورة! شدي روحك اني معاك ♥️
......
فردوس بعد كملت مكالمة مصعب قريب ساعتين وهي تضحك ف نقال معاه ، فتحت ماسنجر شبحت رسالة اياد دارتله سين وما اهتمتش ابدا وقعدت تهدرز هي ومصعب شات
مصعب : اعطيني رقمك حقا
فردوس : شن
مصعب : تفهميش غلط غير مرات يكون عندكش نت وهكك خلاص فيفي بنرقد
فردوس : ٠٩٢(&(&& تصبح ع خير🌝😂
مصعب : قشطهههه وانتي من اهلو حبي
حطت فردوس راسها ف مخده كانت مرتاحة شوية ، او هي تعتقد انها ارتاحت ! لان عمها ومرته جنبها! ولا مصعب جنبها! مكانتش حاطة ولا اعتبار لوجود اياد! ولا اهتمامه بيها!
.....
مروة : نووووضي
فردوس : مروشة بالله خليني نتمرقددد
حلا : فيفي ي عسل نوضي هلا وغلا🌝😂
فردوس ابتسمت وهي راقدة ومغمضة عيونها : ياسر حلا خليني نرقد ارجوك خمسة دقايق بسس
مروة : تي نوضي فنو من امبكري تتصل وينك
فردوس : به نوعدكم لو طلعتو نفيق طول
مروة : هيا فيقي
طق طق
مروة : تفضل
خش احمد وكان يمشي معوج
احمد : مروة فيفي فاقت نبيها
مروة : اهي الخميرهه راقده
ناضت فردوس قعمزت وعيونها مغمضات : شن تبي
احمد : نبيك ف موضوع
مروة : حلوش تعالي نمشو برا ووتي معاي دنيا مبين جت فيفي
طلعو حلا ومروة
فردوس : شن تبي بسرعه
احمد : فردوس ، امممم ، انتي زي اختي واكثر والله لما زعلتي مني قريب متت ! فردوس بالله عليك سامحيني ! اني مقصديش اقسم بالله! منحسابهاش افنان!
فردوس : اها يعني كان بنت غير افنان عادي ! شي هادا منتشر وهلبا! قصدي عيب عليك! اي بنت مفروض تعتبرها زي اختك! متديرش فيها يلي درته ي احمد ! اقسم بالله عيب عليك
احمد : وربي ماعاد نعاودها غير انتي ارضي
فردوس : امممم به به
احمد : ايوا ابتسمي هي اضحكي هي هي ع خاطري
فردوس : باهي ي بارد خلاص ها ضحكت🌝😂 شنجوك توا بعد طريحة مهم
احمد : يا شمايتيه تفو بنمشي نطلع خير
فردوس : باههي باه😂♥️
طلع احمد وفردوس خشت بدلت ونزلت لقت حلا ومروة يهدرزو ويوتو ف فطور
فردوس : هي هههي تاخرنا م بين مشينا شرينا يلي ناقص
مروة : هي نجيب نقالي ودنيتي ونجي
فردوس : حلا
حلا : نعم
فردوس : هلا وغلا🌝😂
حلا : حيوانهه
شرين نقال حلا وهي شبحت فردوس
فردوس : جوجو يتصل🌝😂
حلا : هشش كان نحكيلك شن صار فسدت علاقته باياد ع اساس توا بيمشيله خدمه وهك
فردوس : ع خاطر موضوع اخته!
حلا : اها
فردوس : حمار هالاياد
_____
اياد : ايمننن فيق ي راجل البنات بيجو توا ومش حلوة لقطة يلقونا قاعدينننن
ايمن : زفت زفتتت زفتتت ناس تفيق ع ورد واني نفيق ع صوت خوي شكرا ي دنيااااااااا
اياد : اااه ي دنيا
ناض ايمن فوق سرير : ولفي بينا ي دنيااا مرجحينا ي دنيااااا هاتينا يمين شويهه وخودينا شمال شويههه
خشت افنان : حي ع العار ايمن فيك خلقة صورة توا😂😂 صبح وانت تغني هكي عيب
ايمن : ها خودلك هي افنان تنصح فيا ! ونبي اطلع انت وهي من داري
اياد : مش حنطلع لن تتحرك قدامي تخش الحماممم
افنان : ايمنن هيا لبنات بيجو
ايمن : حسستوني هالحاجة الكبيرة قصدي نقعد ف داري مدخلهمش فيا
افنان : شن بيقعمزك بين بنات
ايمن : منهما غير متاع بريطانيا يلي خوك بتاكله نار ع خاطرها
افنان : اللههه بجديات ايودي 😍
بدت افنان تشبح لاياد
اياد : تي شن شن تشبحلي انت وهي بنت م في بيني وبينها شي مجرد صديقة فنو وتقرا معاي بس
ايمن : بندير روحي صدقت وبنقولك باهي ماي خو🌝😂
افنان : ايمنن هيا وتيتلكم فطور تعالو افطرو
.....
جو اياد وايمن نازلين مع بعض ♥️ وف نفس وقت مروة وحلا وفردوس خاشين وف ايديهم شكاير " عدا فردوس " م قايمة شي
اياد : صباح الورد
فردوس كانت مربعة ايديها ولابسة نظارات شمسية ومشبحتلاش بكل
حلا : صبحخير ايودي شنجوك
اياد : هلا حلا
وتنفلق فردوس ضحك😂😂😂
فردوس : وراس امكم معاش تعاودوها ارجوكم بليز خودوها بجميع لغات😂
ايمن : توا زعميتك متعفلقة وكريزمة وشخصية وقرنة حواجب وف نهاية هالضحكة🌝😂
اياد نخص ايمن
ايمن : اني ف سيارة وخيي الغالي الجميل
ايمن اعطى حلا باص عيون وهي طول طبست ومشي سيارة ♥️
فردوس : حلا ومروة ركبو الحاجات شوية ونجي
ركبو هما وفردوس لادت ع اياد
اياد : اااء ااء موضوع امس ، كلمتك مرديتيش
فردوس : اي اني منبيش نرد عليك! مهم هادا مش موضوعنا !