انتقامي

7

مشت فردوس كافي لقت اياد وايمن وجهاد ، قعدت واقفة بعيد ومربعة ايديها وتشبحلهم
حلا تاشرلها تعالللي وهي ولا كان😂
ف نهاية جتهم ومشبحتش لاياد بكل
اياد : نبيك. فموضوع قاعدين م تصافيناش را
فردوس : اي حلا شن قلتي خيرك ناديتيني اهني
حلا : محاضرة فاتت ، تي يبيك اياد
فردوس : مني اياد منعرفش شخص بهالاسم
ايمن وقف
ايمن : شكرا فردوس
فردوس : ولو متشكرنيش اني ندير اي شي باش نشوف افنان فرحانه♥️
اياد : فردوس
فردوس : اي شنجوك ايمن
اياد : ايمن نوض روح ونبي خليني نتفاهم معاها 🌝😂اسمعي فلوس يلي دفعتيهم حنعتبرهم دين بس مش اكتر
جي مصعب
مصعب : هلا فيفي وينك يوم
اياد : استغفر الله
فردوس : اهلين مصعب ، كان عندي موضوع ودرته
مصعب : اها كلمتك امس ع فيس م رديتيش
فردوس : ف الليل كنت مسكرة
اياد : كذب را كانت فاتحة ونتكلم اني وهي لل٢ ف الليل
فردوس تعفلقت هلبا من كلمة اياد وجاية بتتكلم معرفتش شن تديررر
فردوس : تعرف شنوو شنوو اني بنحول من جامعة بسببكك اني نكرهكك ، بنمشي للعميد توا معاش قادرههههه
مشت فردوس جرررري ولحقها مصعب
حلا : اياد متزعلش من فردوس راهي قلبها حنين، عن اذنكم توا بنمشي نلحقهاا
اياد : عاررف ودليل ع هادا شي اممس ، تمام حلا
جهاد : صار امس لل ٢ تبصر ولا لا
اياد : والله لا
ايمن : فوتها ي اياد مش لينا البنت
اياد : اااه وخلاص مشعارف اني تلخبطت ولا كيف
ايمن : نوض نروحو تاعب للشيت اني
اياد : ويننن تروح مفيششش قعمز مع واحد من صحابك اني لقيت شقة بناجروها ، مشكلة انها ف نفس زنقة فردوس 🌝😂 دور عاد
جهاد : البنت هبلاتك
اياد : صدقوني البنت ليا يعني ليا لا مصعب لا غيره
........
عند العميد ♥️ كانت فردوس متعفلقة هلبا وخاشة هجوم
حلا : ففيفي استني
العميد : هلا فوفو المكتب منور تفضلي تفضلي ، والله امس بنعزمك غدي مصارش بس حتى اليوم عادي
فردوس : جيته ع اساس بنسند ظهري فيه لقيته محتاج من يسنده
حلا ضحكت : اسكتي
العميد : شن فيك
فردوس : سلامتك خشيت بالغلطط
العميد : ربي يكتر الغلطات وخلاص
طلعت فردوس لقت مصعب برا وحلا تضحك
حلا : تي دحناس درجة اولى العميد را😂🌝
فردوس : ياسر ضحكككك
حلا : حاضر اسفه
سكتت حلا شوية ورجعت ضحكت
حلا : مش قادرة🌝😂
مصعب : فيفي بنمشي للشباب توا بعدين نهدرزو
.
.
ف كافتيريا ♥️
هناء : اسمعي هي ديما تجي كافتيريا وتقعمز غادي
فتون : اااه وخلاص لو نلقى نديرلها حاجة بس
هناء : زي شنو
فتون : تقهر فيا باياد شفتيها
هناء : اس اس اهي جايه
فتون : اعطيني القهوة
ووقفت فتون وخبطت ف فردوس ع اساس بدون قصد
فتون بابتسامة : اوووبس بنت عمي سامحيني مشفتكش وتبزعت فيك الكوفي
فردوس كانت متعفلقة وزادت طارتلها بس ردتلها نفس الابتسامة🌝: اوووه نو بنت عمي دا قهوة تبزعت فيا ، قصدي الكووووفي عادي عادي حصل خير🌝😂
ومشت فردوس تتطلب هي وحلا
حلا : تعرفي خفت تعيطي ولا يصير شي
فردوس : لا لا تو تشوفي ي حلوشتي م في شي يفوت بالساهل 🌝😂
حلا : خناخدو كابتشينو ونخشو قبل م يخش دكتور
فردوس : هي
مهم طلبو حلا وفردوس بعدين مشو قاعة كانت معبية كلها
فردوس كانت مقعمزة ف كرسي وحاطة رجليها ع كرسي تاني ونص بنات وشباب متلمدين عليها يهدرزو ، صح هي شبه مغرورة وعصبية شوية بس حنونه وشخصيته حلوة وتنحب ♥️ خشت فتون وهناء وكيف بتقعمز فتون ف كرسي يلي قدام فردوس ، فردوس دفت كرسي برجلها وفتون جت طايحة ، وجماعة كلها تنفلق ضحك عليها😂
فردوس : اوبس بنت عمي طحتي ، سامحيني م شفتكش ي ريته ف عدوينككك
فتون ناضت خدت حاجاتها وطلعت متعفلقة ولحقتها هناء
حلا : متتتتت وووه منظرها كيف تشبحلك يعنشكلكك😂😂😂😂😂
نسرعو احداث شوية تمت محاضرة ومشت فردوس روحت حوش مازال وقت ع مرواح افنان ، لقت حوش هدوء تام ركبت دارها دوشت وبدلت لقت نقال افنان يشرين كان رقم مردتش بس شبحت شوية رسائل لن انصدمت ، فتحت فردوس نقال ولقت صور افنان ورسائل من رقم وسبان ليها انصدمت ومعاش عرفت شن تدير
مروة : فيفي هيا كان بتتغدي
اني : لالا بنطلع بنروح ب افنان ونجي
مروة : خيرك متوترة
اني : اممم لا لا شي
مروة : خيرك
اني : استاحشت اماليا بس
مروة حضنتها : ي روحي ،
اني : وين عمي
مروة : تريس كلهم مهناش راحة نفسيه يوم😂♥️
نزلت فردوس لوطا لقت فتون تبكي ع حجر امها
فردوس : شبحتلهم بربع عين وجاية بتطلع
مبروكة : هادا يلي فالحة فيه تنسريف وقلة ادب وتديري لقطات فروخ لبنتي
فردوس : وشن درتلها بنتك
فتون ناضت : هادااااا كله وشن درتيلللللي
فردوس قربت من فتون وكلمتها ف ودنها : عياطك معاش نبيه عليا فاهمه والا صورك يلي تبعتي فيهم للشباب حيكونو عند خوتك اليوم قبل غدوا ي شطورة وحركاتك يلي تديري فيهم لو كيف متعلمتيهم اني متعلمتهم ودرت فيهم امتحان ونجحت🌝♥️
ووخرت منها : هي باي فتون حبي ، اي حقا وباي عزوزتنا ، هي مروشتي م تبي شي
مروة : سلامتك غير بسرعه بنستناك ف غدي
فردوس : مفيش داعي تتعبي روحك خليه لبعدين عشي تو ناخد من قهوة ونجيبهه
مروة : تم
طلعت فردوس ومتوترة ونزلت قعدت تراجي ف افنانن جت افنان سلمت عليها وكانت معاها صاحبتها
افنان : اهيا فردوستي يلي قتلك عليها
؟؟ : اهلينن
فردوس : اهلا ، هي فنو بسرعههه
طلعت فردوس ومعاها افنان ♥️ ف طريق
افنان : دوسا شكلك متوترة
فردوس : اي حق ، سامحيني بس بدون قصدي لقيت اشعارات ف نقالك ولد باعتلك كلام وحاجت قصدي ...
افنان دموعها نزلو : والله م نعرفهه ي فردوس ولا عمري نبعت صوري لشباب
فردوس : واثقهه فيك بس نبي نعرف من وين جاب صورك!
......
عبدو : اهيا اهيا ال£&(£& اني متفق معاها بندرسلها ف زنقة وبتجي تركب معاي
احمد : تمام امالا هي درس خننزل
عبدو : كان صاحبتها معاها احححي عزها ي راجل
احمد : اسس ياسرك وحدة
عبدو : تي عارف تانيه نبيها ليك مش عاجبني وضعك سنقل😂
جت بنت وركبت مع عبدو سيارة ، طبعا سيارة مظلمة
.....
فردوس : صورك لمني تبعتي فيهم؟
افنان : صحباتي بنات بسس
فردوس : اممممم اسمعيني اني منبيش اياد يعرف بالموضوع تو تصير مشكلة فاهمتيني !! توا بنمشي شركة ليبيانا اني وانتي بنعرفو رقم لمني ووين يسكن وسجلات مكالماته باهي ؟
افنان : تمام
فردوس : بطلي بكككي في خبر يوم كان سمعتيه بتطيري من فرححح
افنان : شنو في بالله
فردوس : ايمن طلعععع
افنان : شنوووو
وبدت افنان تنقز بسيارة
فردوس: اهددددددي 😂😂
افنان : وعلاش مجونيش ميحبونيش يعني ! م استاحشونيش
فردوس : اتصلي بيه
خدت افنان نقال واتصلت باياد وكلماته هو وايمن بعد ربع ساعة
اياد : فنو خلاص يومين ونجي نرفعك شقتنا جديدة باهي ؟
افنان : وينن
اياد : جنب حوش فردوستكك
افنان : اللله وووه يوم فرحانههه هلبا
اياد : تو غدوا نجيك اني وايمن نوصلوك مدرسة باش تشوفي ايمونك
افنان : نبي نشوفك انتت
ايمن : ي تافههه ي افنان
افنان : نبصر نحبكم
اياد : هي سكري بنمشي خدمة
سكرت افنان وفردوس كانت مدرسة سيارة وتشرب ف مية
افنان : فيفي ، اياد قالي شقتنا جديدة جنب حوشكمم😍♥️♥️
فردوس شرقت : قصدك بنصبح فيه يوميااااا
افنان : شن تقولي
فردوس : قصدي الله يعني بنقعدو ديما جنب بعض
افنان : اي 😍
فردوس : غير دقيقة نتصل باحمد يوصفلي شركة منعرفهاش بالزبط
كيف بتتصل فردوس ملقتش رصيد
افنان : ديري مربع
فرذوس : نقاله مدار مش حيجي
افنان : خودي نقالي كلميه
فردوس : تم
خدت فردوس نقال افنان وكلمت احمد
احمد لما شرين نقاله شبحه ركز فيه لقاه رقم بنت يلي يجري بيها ! جاته صدمة ثلاثية ورد بدون ولا صوت
فردوس : احمد اني فردوس
احمد اهني وين جاته صدمه اصلية
" ريتو الاحساس يلي حسه احمد !!!! احقر احساس ممكن يحس بيه الشخص ! يعني تخيل تكلم ف بنت وتجري بيها! ف نهاية تطللع اختك او تقربلك ! ديما لما تعاكس بنت اعتبرها اختك او قريبتك ! هل كنت حتعاكسها! احمد انصدم مكانش يحساب انه رقم فردوس !!! زي م انت تحب اختك ومترضاش حد يعاكسها او يقوللها كلام ! متديرش هكي مع بنات ناس ! لان دنيا مش ديما معاك! "
فردوس : الوو وينك
احمد : ااه معاك معءءاك ! رقم مني هادا
فردوس : رقم فنو هادا ، غير اسمعني صايرلي موضوع هكي نبي نعرف شركة ليبيانا وين
احمد سرح شوية وركز ف صدمة وانه طلع رقم افنان البنت البريئة المحترمة يلي قاعدة عندهم ، معاش فهم شي
فردوس : تي وينككك
احمد : شن تبي بيها شركةً
فردوس : صايرلي موضوع بسرعهه هيا تو بعدين نحكيلك
احمد : اوكي انتي وين توا؟
فردوس : اني جنب كوشة )&(& ف زنقة )&
احمد : ااه اوكي
مهم احمد وصف لفردوس طريق وهي سكرت ومشت
اما احمد قعد واقف زي حيط ف مكانه معرفش شن يدير
جي عبدو بسيارته وفتح روشن
عبدو : اركب ي راجل هيا
احمد اول م ركب شد خنق عبدو
احمد : البنتتتت يلي عطيتهاللي تي شن درت انتت واني شن درت بنت عممي البنت
عبدو : غير اهدااا قعمز قصدك افنان بنت عمككك!
احمد حط يديه ع راسههه
عبدو : فهمني زفتتتت
احمد حكي لعبدو
عبدو : قصدك هال)&)& هكي دارت !
احمد : ي راجل افنان محترمة لابعد حدود ! انت قلتلي مش محترمة وتدير ف روحها محترمة وجو
عبدو : تي وين نندير حبيبتي هكي قتلي
احمد : تي يحبك عقرب انشاء الله اني شن درت لا حول اللله ، امسحح صورها توا ورقمها وكل شي قدامممي
عبدو : تي باهههي
احمد : عبدو نحذرك معاش تجي من جنبها
عبدو : تي خلاص زفت فتحتلي فيه جو تتحشم شن ضربتك ع يدك قتلك كلمها ماه طول وافقت
احمد نزل وقربع باب سيارة
......
جهاد : كان هادي سيارة افنان ومعاها فردوس؟
اياد : اي اي
ايمن : وين ماشين طريق حوش مش هكي
اياد : غيرلها ضي بالك تزبطنا ، اكيد راحت
جهاد : لا لا خنشوفوها وين حتمشي قبل
ايمن : اي اي
وصلو افنان وفردوس شركة ليبيانا ونزلت فردوس ع طول وافنان ف سيارة لقت ولد ف ريسبشن
فردوس : سلام عليكم كيف حالك خوي
الولد : تمام شن جوك انتي ي عسل
فردوس بابتسامة مزيفة : اهو ماشية حق جاية ف خدمه
الولد : تفضلي
فردوس : عندي رقم نبي نعرفه ونعرف اخر سجلات مكالماته ووين يسكن وباسم مني شفرة
الولد : والله ممنوع حق
فردوس بصوت واطي : شكله بنستخدم اسلوبي تاني🤦🏻‍♀️💔
الولد : نعم
فردوس : متقدرش بكل اووف ، طلب بسيط هو
حطت فردوس يدها ع كتفه
فردوس : متقدرش تديرهولي😔♥️!
الولد : اممم حاضر تفضلي معاي منقدرش نرفض لناس زيك طلب😍
خشش ولد فردوس غرفة و طلعلها من يكون ولد وسجلات مكالماته
،،
جهاد : اهياا سيارتها فردوس
درسو سيارة ونزلو لافنان
ايمن : فنونتي
افنان حضنت ايمن من روشنن
اياد : خيركم اهني ، وين فردوس
افنان : استاحشتكم تعرفو
اياد : حتى احني وشن تديرو اهني
افنان : ايموني شن جوك
اياد : افناننن وين فردوسسس
افنان : نزلت شركة ليبيانا🤦🏻‍♀️
اياد : شن فففي !
افنان : ااه شي بتطلع شفرة
اياد : افنان نزبطك لما تكذبي شن فففي !
افنان : منعرفش برا خش لفردوس تو تتقولك
اياد : حاضر
خش اياد
ف نفس وقت فردوس بدتتفتح ف سجلات مكالمات وتسمع !واكتشفت انه احمد ولد عمهااا! وشبحت شفرة مسجله باسمهه جتها صدمة متتخيلهاش ان شخص زي احمد يساند فيها وديما واقف جنبها معقولة هكي يدير وجت فردوس طالعة من حجرة وطول تلقى اياد قدامها وتخبط فيه
اياد : فردوس شن في !
فردوس : شنو شن في
اياد : خيركم
فردوس : قعمز اياد بنقولك شي
اياد : شن في
فردوس : اني انسانه منحبش كذب وانت اخ افنان مفروض تعرف بهالشي منبيش نخبي عليك
اياد : قولي متخوفينيش
فردوس : اوعدني متزعلش ! متتصرفش غلط اهدا !
اياد : تي قولي زفتت
فردوس : وتاكد ان افنان مستحيل تدير شي زي هكي !
اياد : تي شنو
فردوس : في ولد مكلم افنان ويتصل بيها باعتلها صورها ف حفلات وكلام كبير واني جيت اهني نبي نعرفه مني
اياد : شنوووووو
ووقف اياد وقعد يعيط ، وفردوس طول وقفت معاه
فردوس : تي غيررر اهدا اسمعنننني اقسم بربي لو متهداش مش حنقولك من ولد وهادا رقم مني ، احني قدام ناس اهدااا
اياد عيونه كانو حمر شرار
اياد : هادددددي اختي غصب عنكككك حتقولي من هاداااا ، تي لماااا (:&:£:&
فردوس : اياددددد اسكتتتتت تو نقولك مننني
اياد : اجعنك ولا قلتي تو نمشي نطربقها ع ام شركة ونعرف من هو
فردوس شدت اياد من يده
فردوس : بالله عليك صلي ع نبي
اياد : عليه افضل صلاة وسلام
فردوس : اسمعني اني الولد نعرفه وحنمشي نكلمه ونحلها ودي معاه باهي ؟ بس انت متقولش لايمن وجهاد باش متكبرش مشكلة
اياد : تي هي حتكبررر حتكبرر اني نربي امههه
فردوس : ع خاطري اياد خليني اني نكلمه قبل بسسس بعدين دير فيه يلي تبيههه
اياد : هي شنو! حاضر مش حنقول! هي قولي من هو!
فردوس : احمد ولد عمي
اياد : شنوووو
فردوس : اسمععننننني اني نبي نعرف قصة منه ومن وين جاب صور!! والرقم ! افنان مستحيل تدير هكي ! وصدقني لو انت ضربته وتعاركتو حتكبر قصة ومش حيقولك ع شي خليني ناخد من الاخبار وانشاء الله تقتله بعدين وني نقتله معاك
طلع اياد من شركة ومتعفلق هلبااا وركب طول سيارة جهاد ، اما اايمن وجهاد كانو يهدرزو ع افنان بمجرد م طلعو فردوس واياد كل حد ركب سيارته
افنان : قلتي لاياد،
فردوس شبحتلها : اي قتله
افنان : عرفتيه مني ،
فردوس : نوصلو حوش ونقولك
افنان : منقدرش نتحمل نبي نعرفه مني
فردوس قعدت ساكتة طول طريق وبعتت رسالة لاحمد تعال الحوش توا ضروري
وصلت حوش وخشت هي وافنان
فردوس : فنو بري اركبي دار بدلي ودوشي ، مروة وين احمد جي ؟
مروة : اي ف داره
ع طول فردوس ركبت وفتحت باب ع احمد
فردوس : تعرف شنو ؟ انت انسان تافه وحقير لابعد حدوددد !! تي تفووو عليككككككك
احمد : فءءردوس
فردوس : معقولة توصل بيك حقارة تكلم افنان وتهددها بصورها ! علاش ي تافههه مش زي م عندك اخت ناس عندهم خوات !!
احمد : غير اسمعيني
خشت مروة
مروة : شن فييي فردوس صوتكم عالي
فردوس : خلي المحترم يقوللكككك
احمد : غير قعمزي نحكيلك القصة
فردوس : مش حنسمع شييي
احمد : فردوس بالله عليك افهميني
احمد بدي يشرح لفردوس قصة قاللها ان صور من صاحبه وبعتهمله بدو وجه واقنعه يكلم بنت ويمعرفش انها افنان !
فردوس : صاحبك من وين جاب صور!
احمد : حبيبته بعتتهمله ، وحبيبته صاحبت افنان هلبااا
فردوس : توا بتتحرك قداممممي وتمشي تبوسلها رجليها باش تسامحككككككك
مروة : معقولة هكي ي احمد !
احمد : حنعتذر منها ي فردوس لاني غلطت منعرفش وين كان عقلي
فردوس شدت احمد من يده ورفعاته دارها
طقت باب ومدت راسها لقت افنان مبدلتش بدلتها مازال مقعمزة تلعب بنقالها
فردوس : خش احمد
افنان : شن في
فردوس : افنان احمد عنده كلام ! يبي يقولهولك
احمد كان مطبس راسه ووجهه احمر مش قادر يتكلم ولا شي
احمد : سامحيني افنان
بدي يعتذر منها وقاللها انه مليشي ذنب صاحبه يلي قاله ع هادا كله ، اما افنان دموعها نزلو
افنان : يعني ع خاطر صاحبك تدير هكي ! شكرا ي احمد !
فردوس : افنان يلي بعتتلهم صور صاحبتك هلبا
افنان : من هي اصدموني
فردوس : من هي
احمد : صاحبتك هلبا اسمها اسراء
افنان معاش قدرت توقف قعمزت ع سرير
افنان : معقولة اسراءء صاحبتي روح هكي تدير فياااا!!
احمد طول طلع من حوش